أوتوبيس بالإنترنت والبلازما .. يا حلاوة يا اولاد

[أبو محمد]

حلم ده ولاحقيقة اللى بيقوله محافظ القاهرة ؟

يعنى حندخل القرن "العشرين" خلاص ؟

يا حلاوة يا ولاد

محافظ القاهرة: أتوبيسات مكيفة مجهزة بشبكة انترنت وشاشات بلازما في القاهرة

الدكتور جلال السعيد محافظ القاهرة

12/29/2013 10:21:00 AM

كتبت - سحر عزام:

قال الدكتور جلال السعيد محافظ القاهرة أن المحافظة ستحتفل اليوم الأحد بدخول 25 أتوبيس مكيف للخدمة مجهزة بشبكة انترنت وشاشات بلازما وسعر التذكرة 2 جنيه، تابعة لعدد من الشركات الحاصلة على ترخيص من هيئة النقل العام.

وأضاف السعيد في تصريحاته لبرنامج "صح النوم" المذاع على قناة "التحرير" مساء أمس السبت: "خلال أيام سنعلن عن مسابقة عالمية ومحلية وفقا لكراسة شروط أخذت بعين الاعتبار ما حدث في ثورة 30 يونيو ودور الجيش والشرطة، وهذه المسابقة ستكون لإعادة تخطيط ميدان التحرير وشكل ومكان النصب التذكاري، فهناك لبس حول النصب التذكاري فما تم وضعه في ميدان التحرير وأتلفه البعض وأعيد بنائه مرة أخرى ليس النصب التذكاري للشهداء وإنما حجر الأساس له".

وأشار محافظ القاهرة إلى قرب افتتاح جراح التحرير واستيعابه لـ 1800 سيارة لحل مشكلة الازدحام في وسط المدينة، لافتا إلى أن هذا الجراج مكون من 3 مستويات تحت الأرض.

[herohero]

ممممممم يعني كنت أتمنى ان المسافة بين الكراسي تكون كويسة عشان الواحد رجلة بتكسر ويكون ممنوع الوقوف فيه

لا أرى ان هذه الخدمه مطلوبة فيعني عامة الشعب لا تحتاج هذه الاشياء ، اللي بيستخدم الانترنت ومحتاجها اصلا معاه اشتراك ف 3G Hاو 4G

مش عارف يعني ارى ان هناك اولويات واللي ركب الميني باص ف مصر يعرف ان هناك احتياجات أهم

هي التذكرة سعرها زاد بقى واصبحت 2 جنيه ؟ انا كنت فاكرها ب1.5

تم تعديل 29 ديسمبر 2013 بواسطة herohero

[شعبان متولي]

انا شايفها خطوة صح جدا لحل المشكله المرورية .. بس لازم السعر يزيد عن كده شوية .. يعني يبقى 3 أو 4 جنيه على الاقل .. لان ده حيجذب شريحة كبيرة من الناس اللي عندها عربيات انها تروح الشغل بالباص .. لانه حتى لو دفع فيه 3 أو4 جنيه مثلا حيكون برضه اوفر من البنرين اللي حيدفعه في العربية الملاكي .. و بالتالي عربيات كتير مش حتبقى في الشارع وقت الذروة لأن اصحابها في الباص المرفه الغالي .. و طبعا اتوبيس الشعب الرخيص حيفضل موجود و حيستقيد الجميع من حل مشكلة الزحام المروري ..

[أبو محمد]

ممممممم يعني كنت أتمنى ان المسافة بين الكراسي تكون كويسة عشان الواحد رجلة بتكسر ويكون ممنوع الوقوف فيه

لا أرى ان هذه الخدمه مطلوبة فيعني عامة الشعب لا تحتاج هذه الاشياء ، اللي بيستخدم الانترنت ومحتاجها اصلا معاه اشتراك ف 3G Hاو 4G

مش عارف يعني ارى ان هناك اولويات واللي ركب الميني باص ف مصر يعرف ان هناك احتياجات أهم

هي التذكرة سعرها زاد بقى واصبحت 2 جنيه ؟ انا كنت فاكرها ب1.5

:Exclam:

n2&(

انا عايز اقولك

بلاش احسن

[محسن محمد سميح]

أنا متخيل حوار الناس وهما قاعدين فى الاتوبيس أو (واقفين علي باب الاتوبيس ) وهما مشغلين النت في الأوتوبيس..

الأول: امسك الرغيف ده الله يكرمك على ما أفتح أشوف البورصة أخبارها إيه النهاردة..
الثاني: امسكني كويس لغاية ما انزل أغنية عمرو دياب الجديدة..
الثالث: حاسب يا كابتن مش عارف أفتح أشوف سوق العملات..
والأخ الملتحي بيسمع درس الشيخ على الموقع بتاعه بث مباشر: يا جماعة وطوا صوتكم شوية مش عارف أسمع الشيخ.
والحاجة اللي ربنا أنقذها وعرفت تقعد على كرسي بتعمل شات مع صاحبتها في كندا عشان تصيف عندها الشهر الجاي..

ماري أنطوانيت ملكة فرنسا قالوا لها الشعب مش لاقي العيش، فقالت لهم خليهم ياكلوا جاتوه..

والله هم يبكي وهم يضحك.. هي الناس اللي بتركب الأوتوبيس دي بتبقى لاقيه تاكل أساسا لما انت مشغل لهم واي فاي؟! ده بيدفع تمن التذكرة بالعافية

تم تعديل 29 ديسمبر 2013 بواسطة محسن محمد سميح

[Alshiekh]

كان نفسي الاقي اتوبيسات بالشكل ده في مصر

[عبير يونس]

انا شايفها خطوة صح جدا لحل المشكله المرورية .. بس لازم السعر يزيد عن كده شوية .. يعني يبقى 3 أو 4 جنيه على الاقل .. لان ده حيجذب شريحة كبيرة من الناس اللي عندها عربيات انها تروح الشغل بالباص .. لانه حتى لو دفع فيه 3 أو4 جنيه مثلا حيكون برضه اوفر من البنرين اللي حيدفعه في العربية الملاكي .. و بالتالي عربيات كتير مش حتبقى في الشارع وقت الذروة لأن اصحابها في الباص المرفه الغالي .. و طبعا اتوبيس الشعب الرخيص حيفضل موجود و حيستقيد الجميع من حل مشكلة الزحام المروري ..

ياريت

في امريكا عشان يتفادوا زحام السيارات بيعملوا حاجة اسم Carpool يعني مجموعة يتفقوا مع بعض يروحوا في عربية واحدة بدل 5عربيات و كل واحد فيهم يوم في الاسبوع عشان الباركنج صعب و مكلف و كمان توفير للبنزين

الاتوبيس ده حل جميل جدا حاجة نضيفة و حلوة و رخيصة فعلا مقارنة بثمن البنزين و لا تدور على مكان تركن فيه و لا غلبة

[باهى الطائر الحزين]

انترنت

3G H - wi - Fi - 4G

شاشات بﻻزما

وبننين جنيه ياظلمه !

يسقط اﻹنقﻻبيين يسقط حكم العسكر ...

[herohero]

:Exclam:

n2&(

انا عايز اقولك

بلاش احسن

استاذي قول كل اللي نفسك فيه !!! انا بس مش عارف الاخوة الافاضل هنا ركبوا الميني باص ده أصلا ؟؟؟؟؟؟؟ ابقوا اركبوها وشوفوا المشكلة فيه عدم وجود انترنت ولا اصلا ان حضرتك قاعد رجلك هتتكسر انا مش بتكلم ع ناس عمالقة انا بتكلم ع ناس متوسطة الطول ولا تعاني من زوائد "كرش" الاتوبيس ده عشان يكسبوا مزودين عدد الكراسي وبالتالي المسافة قليلة جدا

تقنيا وده مجالي انا كمستخدم للانترنت هحتاج واي فاي ف الباص ليه ؟؟؟؟؟؟؟ موبايلي smart phone already connected through 3G لا اعتقد ان 4G ف مصر شغالة

انا ارى ان هذا مناسب جدااااااااااا لكن لطبقة معينة وبالتالي هخليه يستخدم الباص بدلا من استخدام سيارته الخاصة وده شئ مهم جداااااااااااااااا ولكن قبل كل هذا يجب ان يكون مريح ف الجلوس ومكيف تكييف يعمل بكفاءة

وانا كنت من رواد ركوب CTA كما يقال عليه ف القاهرة وفعلا اول ما نزل الخدمة كان تكييف تمام وممتاز ومع الوقت بقى ............خرااااابة

كنت اتمنى ان تكون خدمة الوي فاي WI-FI ف الميادين العامة بكروت مدفوعه مقدما ف محطات المترو كما ف المطارات اما ف الميني باص التقليدي أراها غير عملية وتقنيا أصلا مش هتنجح لان تكلفة التشغيل لاتتناسب مع السعر

غير اننا ياساده الاتوبيسات ده هتتقلب "تتسرق " access points

تحياتي

[herohero]

كان نفسي الاقي اتوبيسات بالشكل ده في مصر

ههههههههههههه فكرتيني ببصات مطار القاهرة سبحان الله بتاعت مطار جدة مثلا بتنزل هيدروليك اما بتاعت القاهرة لازم تتكسر رجلك وانت بتطلعها وياسلام لو معاك حقيبة :astonished: :astonished: :astonished:

[باهى الطائر الحزين]

شوف .hero

اوﻻ بحييك على شذب ادبك

فى طريقة حديثك

بعدين ان الغريب فى مصر

اﻹهمال بيزيدها حﻻوه

والفوضى فيها نظام !

وحتى الزباله بتزيدها جمال

هى دى مصر

وبنحبها على كده !!

[herohero]

شوف .hero

اوﻻ بحييك على شذب ادبك

فى طريقة حديثك

بعدين ان الغريب فى مصر

اﻹهمال بيزيدها حﻻوه

والفوضى فيها نظام !

وحتى الزباله بتزيدها جمال

هى دى مصر

وبنحبها على كده !!

ممممممممممممم اه طب تمام يعني احنا نظام ليس بالامكان أفضل مما كان اوك ده شئ ثاني احنا هنا بنتكلم ع تغيير ونتمنى يكون مفيد لأكبر قدر من الناس

اما موضوع حب البلد والمزايدة ع ده فموضوع اخر الكلام كان واضح جدااااااا والتوبيك مش بتناقش حبنا لمصر حب مصر مفروض ع كل مصري مش بمزاجه فطر عليه

وانا عندي مبدا دائما اللي بيحب هو اللي بينقد نقد بناء اما الكلام اياه بلدي وبموت ف ترابها فالكلام ببلاش المهم الأفعال

يعني كثير من المغتربين محتفظ بوظيفته ف مصر ويقولك انا بحب البلد وزعلان ع حال بطالة الشباب !!!ولما بيجي يحول فلوس بيحولها بالدولار وبعدين بالمصري وهو عمليا كده بيحب البلد فعلا !!!!!!!

اللي اقصده مزايدات حب الوطن لها أماكن أخرى

عزيزي حب ع راحتك بس اللي بيحب بجد بيكون همه تلافي كل السلبيات غير كده طق حنك

تم تعديل 30 ديسمبر 2013 بواسطة herohero

[باهى الطائر الحزين]

تصدق hero

انى كنت بتكلم بنيه صافيه

وتحسبا لسوء ظنك بحديثى

وضعت اعجاب على مداخلتك

ﻷبو محمد

بجد حرمت احسن النيه فى حد

طق حنك

اصحاب العين الواحده ...

تم تعديل 30 ديسمبر 2013 بواسطة باهى الطائر الحزين

[herohero]

تصدق hero

انى كنت بتكلم بنيه صافيه

وتحسبا لسوء ظنك بحديثى

وضعت اعجاب على مداخلتك

ﻷبو محمد

بجد حرمت احسن النيه فى حد

طق حنك

اصحاب العين الواحده ...

يبدو ان كلمة طق الحنك بتزعل الكلمة كل مافيها انها تعني كلام فض مجالس لم اقصد بيها اي شئ استاذي الفاضل

وانا يا استاذي الفاضل كل اللي ذكرته هو ان حضرتك بتتعامل مع تعليقي ع اني كاره للبلد وان البلد هنحبها زي ماهي وده شئ مش مقبول البلد نحبها ف انها تكون أحسن واحسن

عموما حقك عليا لو انا قولت شئ اسئ فهمه لكن صدقني لم اعني اي شئ يضايق ،بكرر اعتذاري لاي كلمة قد اسئ فهمها

[باهى الطائر الحزين]

شوف .hero

اوﻻ ( بحييك على شذب ادبك )

فى طريقة حديثك

بعدين ان ( الغريب ) فى مصر

اﻹهمال بيزيدها حﻻوه

والفوضى فيها نظام ( ! )

وحتى الزباله بتزيدها جمال

هى دى مصر

وبنحبها على كده ( !! )

انظر الى الكلمات بين القوصين

ﻻ تحتمل التأويل على وجهين

عموما مازلت على رآيى بك ...

تم تعديل 30 ديسمبر 2013 بواسطة باهى الطائر الحزين

[أبو محمد]

بعض المداخلات هنا ذكرتنى بفترة ما بعد حرب اكتوبر

ففى عام 74/75 .. بدأ دخول الارسال التليفزيونى الملون

وبدأت التجارب بإرسال ساعة واحدة تجريبية كل يوم

وقتها ناس طلعت تمصمص شفايفها

وام دجدج الندابة سابت اللى فى إيديها ولبست اسود وهاتك يا تعديد

طب مش بدل ما يصرفوا على الملون يصلحوا مدن القناة اللى اتدمرت ؟

طب مش كانوا يوزعوا الفلوس دى على الغلابة ؟

طب مش .. طب مش .. طب مش

وفى يوم من ذات الأيام كنا قاعدين بنتفرج على التليفزيون

التليفزيون فى بيتنا وقتها كان لسه أبيض واسود .. طبعا

واحنا بنتفرج ظهر المذيع معلنا انتهاء ساعة البث الملون التجريبى

فانطلقت ام دجدج الندابة صائحة بالصوت الحيانى

دول كمان طلعوا كدابين ونصابين

أديكوا قاعدين بتتفرجوا بقالكم ساعة واكتر

شوفتوا ارسال ملون ؟

:cry1:

آه يا بلدى يا غالية .. آه يا بلدى ياغلبانة

[باهى الطائر الحزين]

زمان كان اﻷتوبيس درجتين

ورا درجه تانيه بقرش

وقدام درجه اولى بأتنين

آم السواق ضرب فرامل جامده

الناس بقو فوق بعضهم قاعدين

الكمسري قاله كده لخبط ابو قرش

على ابو قرشين !

ابو محمد ده عليه حجات

بتفكرنى بالذى مر وفات

هههههههههههه

وطبعا انتم عارفين عن مين ...

تم تعديل 30 ديسمبر 2013 بواسطة باهى الطائر الحزين

[herohero]

بعض المداخلات هنا ذكرتنى بفترة ما بعد حرب اكتوبر

ففى عام 74/75 .. بدأ دخول الارسال التليفزيونى الملون

وبدأت التجارب بإرسال ساعة واحدة تجريبية كل يوم

وقتها ناس طلعت تمصمص شفايفها

وام دجدج الندابة سابت اللى فى إيديها ولبست اسود وهاتك يا تعديد

طب مش بدل ما يصرفوا على الملون يصلحوا مدن القناة اللى اتدمرت ؟

طب مش كانوا يوزعوا الفلوس دى على الغلابة ؟

طب مش .. طب مش .. طب مش

وفى يوم من ذات الأيام كنا قاعدين بنتفرج على التليفزيون

التليفزيون فى بيتنا وقتها كان لسه أبيض واسود .. طبعا

واحنا بنتفرج ظهر المذيع معلنا انتهاء ساعة البث الملون التجريبى

فانطلقت ام دجدج الندابة صائحة بالصوت الحيانى

دول كمان طلعوا كدابين ونصابين

أديكوا قاعدين بتتفرجوا بقالكم ساعة واكتر

شوفتوا ارسال ملون ؟

:cry1:

آه يا بلدى يا غالية .. آه يا بلدى ياغلبانة

يا استاذ ابو محمد بجد عاوز حضرتك تركب الميني باص ده وتقولي فعلا هل المشكلة ف تغطيته بال3G وشاشات البلازما

ولا المشكلة ان الناس بتبقي واقفه ع الباب والمسافة بين الكراسي تقطم الرجل

[herohero]

تعليقات تويترية ع هذا الموضوع :

"للبيع شقة في موقع متميز بجوار موقف أتوبيس واي فاي"

"بالنسبة لوا انا نازل محطة العباسية، والداونلود لسه مخلصش اعمل ايه".

"نزلني معاك السيرفر اللى جاي يسطا.. ايوه ايوه جمب الايقونه دي.. الله ينور عليك"

"الأتوبيس الجديد فيه واي فاي هيه هيه هيه من هنا ورايح هانبات في الأتوبيسات". -

"ريستارت الرواتر وحياة ابوك ، الباسورد ايه يا اسطى"

[herohero]

http://youtu.be/pzRJtqKt7N8

لا أنكر مدى سعادتي برؤية تكنولوجيا في مصر وده كان حلم لاي حد يعمل في هذا المجال ،لكن مازلت ارى ان هذا مازال يخدم فئة محدودة ومازلت فعلا أخشى من سرقة المحتويات واساءة الاستخدام

مش عارف هو انا مبسوط لان ده كان الواحد بيحلم بيها بس يارتى هل هنحافظ عليها ؟؟؟؟