تجربتي في ألمانيا

[شعبان متولي]

اصدقائي الأعزاء المصريات و المصريين المجتمعين في بيت العيلة محاورات المصريين (اجدع من الفيس بوك و الله :) )

أحب أشارككم تجربتي في ألمانيا للدراسة و العمل .. الموضوع حيمشي كما يلي:

ححكيلكم عن كل اللي عملته و في نفس الوقت أرحب بأي استفسار من أي حد يجب انه ييجي ألمانيا ..

أنا من مواليد القاهرة .. درست هندسة مدنية في جامعة عين شمس و اشتعلت بعدها فترة في مصر و الكويت .. بعد فترة من العمل في الكويت و تحويش قدر من المال فكرت أعود لحلم الطقولة و المراهقة القديم .. ألا و هو الدراسة في ألمانيا .. أيوه تحديدا ألمانيا .. ليه؟ لما نتكلم عن العلم أو الهندسة أو الفن أو الفلسفة أو الموسيقى فـأول حاجه بنفكر فيها هي ألمانيا .. فيه احساس غير طبيعي هناك بالعلم و الفن و شتى أنواع المعرفة .. من الطفولة و انا مبهور بالبلد دي تحديدا و ازاي نهضت بعد كبوتها في الحرب العالمية التانية و بقت احد اقوى اقتصادات العالم ..

[عبير يونس]

تسجيل متابعة

في أول صف

:)

[herohero]

بشمهندس ياريت ف الحلقات القادمة شوية تفاصيل تخص اجراء المعادلة يعني الخطوات التنفيذية :smart:

[شعبان متولي]

شكرا يا أستاذه عبير ..

على فكرة ملحوطة جابنية قبل ما ابدأ الحكاية .. انا عمري ما تخيلت انني اقعد اكتب في منتدى .. كان رأيي في المنتديات انها رغي و هرتله و تضييع وقت .. بس المنتدى هنا غير رأيي تماما ... فعلا بيت جميل بيتجمع فيه المصريين يستفيدوا من تجارب بعض .. و انا دخلت المنتدى بالصدفة لأنني كنت بدور على اي معلومات عن الحياة في كندا لأنني كنت مقدم على الهجرة لكندا قبل ما اقرر انني اروح ألمانيا اصلا .. لذلك لما جاتلي هجرة كندا (كيبيك) و عملت لاندينج فعلا كنت محتار اكمل في ألمانيا و لا اروح كيبيك!!! عموما ده موضوع تاني .. خللونا نبدأ حكاية ألمانيا الأول!! :)

[شعبان متولي]

بشمهندس ياريت ف الحلقات القادمة شوية تفاصيل تخص اجراء المعادلة يعني الخطوات التنفيذية :smart:

حاضر يا باشا .. انا ححكي كل حاجه بالتفصيل عشان تعم الفائدة .. انا بس بحاول ارتب افكاري و اشوف ابدأ منين ..

[شعبان متولي]

أول خطوة كانت البحث على الموقع التالي عن برامج لعمل الماستر باللغة الانجليزية لأنني كنت وقنها لسه ما بعرفش ألماني (انا درست انجليزي و فرنساوي في المدرسة)

www.daad.de

على فكرة ألمانيا بتشجع الطلبة الاجانب و عشان كده بيعملوا برامج للحصول على الماستر بالانجليزي .. و مع الوقت بيزيد عدد البرامج دي و بيشمل تخصصات كتير .. ده لأن ألمانيا محتاجة أطباء و مهندسين في كل التخصصات و بتوع اي تي و مهن تانية كتير ..

و غير البرامج الممكن دراسنها .. حتلاقي على الموقع امكانية الحصول على منحة .. بس لازم اللي يقدم على المنحة يكون عايش في مصر .. و ده ما كانش الحال بالنسبالي (ده غير ان التنافس على المنحة عالي جدا في دولة زي مصر) .. لذلك قررت اروح على حسابي ..

تم تعديل 29 ديسمبر 2013 بواسطة شعبان متولي

[شعبان متولي]

بعد البحث في الموقع المذكور اعلاه .. باستخدام كيي وررد مناسبة .. في حالتي أنا مثلا بجثت في الموقع عن برنامج ماستر ل civil engineering أو structural engineering

وجدت فعلا برنامح مناسب لمجالي في مدينة اسمها فايمر Weimar

طبعا الخطوة النانية بعد ما تلاقي البرنامج المناسب هي انك تبعت اوراقك للجامعه اللي بتقدم البرنامج ده (لأنه في حالة قبولك من الجامعه تقدر تقدم على منحة و على الفيز)

المهم .. قدمت الاوراق المطلوبة للجامعه .. ابليكيشن .. درجة امتحان تويفل .. شهادة البكالوريوس و شهادة الثانوية العامة .. طبعا كلهم لازم يترجموا ترجمة معتمدة من السفارة

و جالي حواب القبول من الجامعة بالبريد و بالايميل كمان ..

[حسام الغرباوي]

تسجيل متابعة :)

[egyptawy]

تسجيل متابعة

[عبير يونس]

انا دخلت بالفعل على موقع DAAD

https://www.daad.de/en/

و الموقع بالفعل منظم لأبعد حد ..ألمانيا بقى يا عرب :)

في خريطة تختار دولتك و تشوف كل البرامج المتاحة لك

رهيبة بجد

الموقع فيه لغة انجليزية و ده شيء رائع طبعا

ده غير المركز الألماني للإعلام

http://www.almania.diplo.de/Vertretung/almania/ar/Startseite.html

و باللغة العربية كمان :110:

سعدت بتصفحه جدا لوجود علاقات جيدة بين مصر و ألمانيا

حضرتك فتحت نافذة جديدة فعلا بموضوعك يا باشمهندس

:)

[herohero]

تحياتي موضوع شيق ، مستمر في المتابعة ، خاصة ان فيه فرص في مجال هندسة الاتصالات وتكنولوجيا المعلومات ، كل تقدير وشكر

[عبير يونس]

تحياتي مرة ثانية أستاذ شعبان

دي اول مرة ألاقي موضوع يعجب هيرو :)

:110: :yahoo:

[الحمد لله]

تسجيل متابعة

[herohero]

تحياتي مرة ثانية أستاذ شعبان

دي اول مرة ألاقي موضوع يعجب هيرو :)

:110: :yahoo:

ياسلام !!!! لا طبعا الموضوع ده ع المستوى الشخصي يهمني جدااااااااااا ، ثانيا الموضوع فعلا مفيد ومعلومات زي ما بيقولوا بيدفع فيها فلوس

يا استاذه عبير مش عارف اكيد حضرتك عارفه ان فيه شخصيات مش YES MAN وبرده مش ع طول معترضة لكن مش أمعة

[Yasser_71]

تسجيل متابعة يا باشمهندس شعبان

علي فكرة أنا نفس تخصصك structural Engineering

أنا حصلت علي الدكتوراة من أمريكا في 2005

وزرت ألمانيا لمدة أسبوع من 10 شهور

كانت تدريب مع إحدي شركات تصنيع معدات المعامل الهندسية

بصراحة انبهرت بطريقة غريبة من جدية الناس وحب العمل والدقة والإتقان

بجد تحسها علي طول دولة عظمي

بعد الزيارة رجعت تاني علي السعودية وقعدت مكتئب كده أسبوع وبعدين خفيت :)

تحياتي ليك ومنتظرين المزيد

[شعبان متولي]

انا دخلت بالفعل على موقع DAAD

https://www.daad.de/en/

و الموقع بالفعل منظم لأبعد حد ..ألمانيا بقى يا عرب :)

في خريطة تختار دولتك و تشوف كل البرامج المتاحة لك

رهيبة بجد

الموقع فيه لغة انجليزية و ده شيء رائع طبعا

ده غير المركز الألماني للإعلام

http://www.almania.diplo.de/Vertretung/almania/ar/Startseite.html

و باللغة العربية كمان :110:

سعدت بتصفحه جدا لوجود علاقات جيدة بين مصر و ألمانيا

حضرتك فتحت نافذة جديدة فعلا بموضوعك يا باشمهندس

:)

فعلا الموقع منظم جدا .. انا بعتبره بدون مبالغة افضل موقع نت اعرفه على الاطلاق .. اي حد يقدر بشوية مجهود بسيط انه يلاقي كل المعلومات اللي محتاجها .. الألمان منظمين جدا و بيعملوا حساب كل حاجه .. بس اللي اكتر تنظيما منهم اليابانيين .. انا زرت اليابان 3 أسابيع و رحت كذا مدينة هناك و بجد انبهرت و بتمنى تتاح لي الفرصة انني اعيش هناك فترة .. بس المشكلة اللغة .. بس ده موضوع تاني ممكن نحكي عنه بعدين .. خللينا في التجربة الألمانية دلوقت ..

[شعبان متولي]

تسجيل متابعة يا باشمهندس شعبان

علي فكرة أنا نفس تخصصك structural Engineering

أنا حصلت علي الدكتوراة من أمريكا في 2005

وزرت ألمانيا لمدة أسبوع من 10 شهور

كانت تدريب مع إحدي شركات تصنيع معدات المعامل الهندسية

بصراحة انبهرت بطريقة غريبة من جدية الناس وحب العمل والدقة والإتقان

بجد تحسها علي طول دولة عظمي

بعد الزيارة رجعت تاني علي السعودية وقعدت مكتئب كده أسبوع وبعدين خفيت :)

تحياتي ليك ومنتظرين المزيد

فرصة سعيدة جدا يا دكتور .. طالما انك زميل يبقى لازم ندردش في مرة و نستفيد من تجربة حضرتك في أمريكا .. أنا حبدأ في الدكتوراه الشهر الجاي في جامعة شتوتجارت اللي بشتغل فيها في البحث .. على فكرة في حاجه جامده في ألمانيا مش موجودة في كندا و لا بريطانيا و لا أمريكا .. انك ممكن تحصل على فرصة انك تشتغل في الجامعة في البحث و التجريس ة تاخد مرتب زي المهندس اللي بيشتغل في الindustry و في نفس الوقت تعمل الدكتوراه ... و مفيش tuition fees !!!

تم تعديل 30 ديسمبر 2013 بواسطة شعبان متولي

[شعبان متولي]

نكمل الحكاية ..

بعد الحصول على موافقة الجامعة في خطاب رسمي وصلني منهم بالبريد (و كمان بعتولي قبلها نسخة بي دي اف على الايميل) .. كانت الخطوة التانية هي الحصول على الفيزا لدخول ألمانيا .. (طبعا بتقدم على فيزا لدخول ألمانيا بغرض الدراسة و بعدين لما توصل هناك تقدم على تصريح الاقامة ) ...

للحصول على فيزا لدخول ألمانيا (كمواطن مصري) للدراسة مطلوب الاتي:

1- خطاب القبول في الجامعة (ده اللي حصلت علية في الخطوة السابقة)

2- انك تفتح رصيد في بنك ألماني Deutsche Bank y و تحط فيه حوالي 8000 يورو على الاقل .. يمكن فتح الحساب ده بسهولة عن طريق الانترنت .. و لما بتوصل ألمانيا بعد كده تعمل تفعيل للحساب

وبيكون حساب مخصص للطلبة الاجانب لهذا الغرض و هو حساب مغلق blocked account بمعنى انك ما تقدرش تسحب منه اكتر من مبلغ معين شهريا .. (700 يورو او حاجة زي كده مش فاكر بالظبط)

هنا معلومات عن فتح الحساب المغلق للطلبة http://www.germanymantra.com/education/colleges/deutsche-bank-student-account-opening

طبعا لو معاك منحة مش محتاج تفتح الحساب ده .. انصح اي حد انه يحاول الاول مع المنحة لو عايش في مصر ..

عملت المطلوب و الاجراءات اخدت حوالي شهرين للحصول على الفيزا ..

تم تعديل 30 ديسمبر 2013 بواسطة شعبان متولي

[AbuZeyad]

في انتظار المزيد

تجربة جديدة ومفيدة

[حسام الغرباوي]

بعد أذنك يابشمهندس تزود التفاصيل شوية ف كل مرة عشان منتهش منك لقلة التفاصيل