حييوا معنا الست المشرفة الجديدة مرحب دكتوره سُهيلة

[se_ Elsyed]

بسم الله الرحمن الرحيم

أيها المحاوراتيون والمحاوراتيات ( يا نهار أبيض إيه الكلام المكلكع ده .. ما حدش يقول عيد عشان ما أزعلوش )

قرار محاوراتي رقم 365 تقسيم ع ( وما حدش برضوا يسأل يعني إيه الأرقام دي عشان اللي في السعودية أو عاشوا فيها هما بس اللي عارفين يعني إيه )

أنه في يوم 7 آيار ( مايو ) سنة خمسة بعد الألفين تم تعيين الدكتور سُهيله مشرفة لباب إستشارات طبية ونفساوية ( تصفيق حاد )

وكتعيين أخر فرعي تم تعيين السيد س س تحت رُتبة باشتمرجي عند الدكتور سُهيله ... كله يقف طابور وكله هايكشف وهايتبسط وهاياخد دوا قددددددددددددد كدهههههههههه .

يا سلام عليه وأنا لابس قميص التمرجية الأبيض بتاع تمرجية زمان واللي بيفكرني بالمجانين . :D

مرحباً دكتور سُهيله ..

إتفضلي يا فندم أوضة العمليات جاهزة أنا وضبت لك أول زبون جوه وبقى متشفي وجاهز على التقطيع .

نقول يا هادي ..

قرب قرب يا جدع كل اللي عيان هايخرج من عندنا زي الحصان .. وكل اللي بات زعلان هايصبح مبسوط .. عندنا قراطيس المحبه .. وحقن السلام .. وشربة السعادة ...

إيه رأيك يا دُك أنفع ؟

[mb14]

س س انتى مش شغال حلاق انتى مش عارف ان الجمع بين وظيفتين ممنوع وضد القانون . :D

لمعلوميتك يا إم بي دبليو إن الترمجي زمان كان إستحالة ياخد الشهادة المعتمدة

MCSE كتمرجي معتمد يعني من الجهات المعنية كميكروسوفت أو سيسكو إلا لما يكون بدأ حياته كحلاق يعني بدأ فروم سكراتش ..

إرجع لفيلم الزوجة الثانية وفيلم قاهر العطش قصدي قاهر الظلام وقنديل أم هاشم وغيره وغيره من الأعمال الهامة .. هاتلاقي إن كل التمرجيه العظام الذين سطروا أسماءهم بحروف من نور في سجلات تلك المهنة كان أصلهم حلاقين .

إبقى تعالى لي الكُشك بتاعي في مولد سيدي الطشطوشي عشان عايزك :D

[Sherief AbdelWahab]

العزيزة سهيلة ، مرحباً بك في فريق الإشراف ، وفي عيادة المحاورات ..

خلص الكلام