بوش: الانتخابات في مصر تحت اشراف دولي

[ابو حلاوه]

http://news.yahoo.com/s/ap/egypt_brotherhood

من الأخر و زي ما الحاجة رايس اصدرت اوامرها بتعديل الدستور الحاج بوش اصدر اوامر واجبة التنفيذ بان الانتخابات لابد ان تكون تحت اشراف دولي

President Bush on a visit to Riga, Latvia, spoke of the elections in the Middle East this year, including in Egypt.

"That election should proceed with international monitors and with rules that allow a real campaign," Bush said.

و طبعا بعد كام يوم ستعلن جبهة الريادة الاعلامية اننا نرحب كل الترحيب بالاشراف الدولي لتأكيد خطوات الاصلاح السياسي و ان الموضوع كان في دماغ سيادة الرئيس من ايام امتحانات الاعدادية بس كان بيستمخ بس للوقت المناسب ...

اللي استحوا ...............

[khaled_elghad]

http://news.yahoo.com/s/ap/egypt_brotherhood

من الأخر و زي ما الحاجة رايس اصدرت اوامرها بتعديل الدستور الحاج بوش اصدر اوامر واجبة التنفيذ بان الانتخابات لابد ان تكون تحت اشراف دولي

President Bush on a visit to Riga, Latvia, spoke of the elections in the Middle East this year, including in Egypt.

"That election should proceed with international monitors and with rules that allow a real campaign," Bush said.

و طبعا بعد كام يوم ستعلن جبهة الريادة الاعلامية اننا نرحب كل الترحيب بالاشراف الدولي لتأكيد خطوات الاصلاح السياسي و ان الموضوع كان في دماغ سيادة الرئيس من ايام امتحانات الاعدادية بس كان بيستمخ بس للوقت المناسب ...

اللي استحوا ...............

<{POST_SNAPBACK}>

لا أنا مش معاك فى الموضوع ده لأن جدو حسنى لو وافق حتبقى مصيبة على دماغة لأن الأنتخابات كده مش حينفع تتزور ودى حتبقى نهايته وأنا متأكد أن بابا جدو حيدافع عن الكرسى لأخر قطرة فى دم الشعب والنظام البوليسى. أما بقى لو مانفعتش الحكاية وكان فيها أشراف دولى فحيقول مش لاعب. وأول حاجة حيفكر فيها هى دولة تستضيفه هو وعائلته ولا تسلمه لشعب مصر لكى يحاكم.

[achnaton]

http://news.yahoo.com/s/ap/egypt_brotherhood

من الأخر و زي ما الحاجة رايس اصدرت اوامرها بتعديل الدستور الحاج بوش اصدر اوامر واجبة التنفيذ بان الانتخابات لابد ان تكون تحت اشراف دولي

[

<{POST_SNAPBACK}>

برضه .. ولو ..

إشراف دولى إيه .. اللى ممكن ان يضمن الحياد ؟؟ او النزاهه .. للإنتخابات ؟؟ .. اللهم الا إذا كان " بوووووووووووش " حيجيب عساكر المارينز تدلى بأصواتها فى لجان الإنتخاب ..نيابة عن المصريين عمال وفلاحيين !؟؟؟؟؟

أيام ماكان المستر بوش بيلعب باسكت فى حوش المدرسة الشيطانية الإبتدائية .. كان المستر " سفوت " بيحضر رساله الدكتوراه فى جامعة " أبليس " الوطنية .. وحصل عليها بتفوق مع مرتبة اللا شرف .. بل وفاق أساتذته .. ومعنى إشراف دولى .. هو حماية المواطن فى الإدلاء بصوته دون قيود أو اكراه .. ومجلس الأبالسة منعقد منذ أكثر من اربع سنوات .. بيحضر ويعد لمسيرة الإنتخابات .. واللى جاى معروف .. طبقا لتزوير الكشوف .. مش فاكر امتى كان فيه ندوة فى الفضائية بين عضو فى الحزن الوطنى وآخر معارضه مستأنسه .. الذى طالب بضرورة إعادة فتح باب القيد فى دفاتر الأنتخابات .. اللى باقية من زمان على الأسماء القديمة .. فرد عليه عضو الحزن الوطنى قائلا .. الكلام ده مش صح .. ففى خلال شهر قيد 2 مليون مواطن أسمائهم فى الدفاتر .. فقالوا .. مش ممكن احنا بنتابع مفيش حد جديد !! فرد عليه .. إذا كنا احنا اللى باعتينهم !! دول أعضاء عندنا فى الحزب .. !!

الطبخة اللى اعدها شيخ الأبالسة ومعه زملاء الكفاح .. فى النهب المباح عاملين حسابهم تمام .. لما قد تأتى به الأيام .. ولو جه بوش بنفسه يشرف .. النتيجه ستكون 99% وكمان تسعة من عشرة للرئيس مبارك .. وأعضاء الحزن الوطنى لمجلس اللمه ..

ولسه المشوار طويل !! وخطير .. وبداية الطريق الصحيح ..هو حملة تصحيح تبدأ باقالة الوزارة وتشكيل وزارة وطنية .. وابعاد المجموعة إياها عن العمل السياسى .. وتنظيف السجاجيد للرئيس الحالى والرئيس الجديد .. إذا كان حيبقى فيه واحد جديد

تم تعديل 8 مايو 2005 بواسطة achnaton

[yasser6666]

طبعا كلنا عارفين ان بابا حسني مستني ياخد الضوء الاخضر علشان يرشح نفسه للأنتخابات من امريكا ويظهر ان النور مقطوع في امريكا والضوء الاخضر مش عاوز يظهر لغاية دلوقتي وحسني محتار مش عارف يعمل ايه ووقت الانتخابات علي الابواب ومش عارف يعارض امريكا ويرشح نفسه غلاسة وخلاص والا يستني لما الكهربا تشتغل تاني والضوء الاخضر يوصل...

واعتقد ان موضوع الاشراف الدولي ده اللي بتطالب بيه امريكا ماهو الا لسيناريو سيتم بعد ذلك تعد له امريكا من الأن وهو كالاتي:

-امريكا مش حتوافق علي ترشيح مبارك مرة تانية

-مبارك بكل غلاسة ولأستكمال مسيرة الديموأرطية حيرشح نفسه ويرفض اشراف دولي علي الانتخابات وده ظهر النهاردة من تصريحات سرور

-نتيجة الأنتخابات معروفة وفوز كاسح فظيع شنيع لمبارك

-امريكا ترفض نتيجة الانتخابات وتحرض الدول الاوربية علي رفض نتيجة الانتخابات...

-ونصبح في صراع علي اثبات ان الانتخابات كانت نزيهة ام لأ

[أبو عزب]

يا سادة انا شايف ان الحكومة هتتقل شويه وبعدين يطلعوا يقولوا ان (((( احنا ))) شفنا ان من مصلحة الدولة ان يكون هناك مراقبون - ده طبعا علشان خالتي رايس لما بتقفش وشك والطريق -

واحد هيقول تبقى مصيبه على مبارك لا مصيبه ولا حاجه يا عمي.. حسني مبارك هيفوز بالإنتخابات اللي جايه حتى لو الإنتخابات نزيه لأن مفيش حد بتقله موجود ولأن الناس الغلبانه بتقولك هو في حد زيه في السياسه واصل لو واحد تاني جه هينيلها اكتر واللي نعرفه أحسن من اللي ما نعرفوش

تاني حاجه ان نص اصحاب حق الإنتخاب في مصر من الفلاحين...

يعني بيروحوا لكبير كل عيله ويتفقوا معاه عاوزين الكام نفر اللي عندك ستات ورجاله وهيله بيله سواء بقى بالزوق ( يعني مدفعوله ) او بالعافيه

حسني هيفوز بالإنتخابات ولو بقى فيه مراقبين للأسف هيديله شرعيه في المجتمع الدولي ويقل الضغط عليه

علشان كل ده انا رافض المراقبين مش علشان التدخل في الشؤون المصريه

شؤون ايه وهباب ايه ما الغسيل اللي لا مؤاخده مش كويس متنشر في كل حته

[Alshiekh]

انا ياجماعة مش عارف ايه الحساسية دى لكل ماهو امريكى او غربى، والا الاعلام البسها فى دماغنا ةخلاص لزقت ومش عايزة تطلع؟

كل دول العالم اللى بتحترم نفسها بنقبل بالمراقبين الدوليين الا العرب تيجى عندهم والحساسية تشتغل وشغل دى كرامتنا واحنا اللى علمناهم الديمقراطية وانتوا عارفين باقى القصص.

ياريت يكون فى مراقبين دوليين واشراف قضائى حقيقى وتوعية محايدة للشعب حتى يعى ماهو مقبل عليه.

وبعدين تعالوا نتكلم بصراحة

التزوير مش حزب وطنى بس، الاخوان بيزوروا كمان واللى صادف وكان له دور فى الاشراف او المراقبة يعلم ذلك حيث ان الدوائر النى بها مرشح اخوانى قوى ضد مرشح الحزن الوطنى يتقاسمون تسديد بطاقات الانتخاب نيابة عن الناخبين كل لصالح مرشحه.

وبعدين العملية كلها طبيخ وعذرا فى استخدام هذا التعبير ولكن هذه هى الحقيقة او الحقائق.

الحقيقة انا عندى احباط!!!!