مغامرات المتولى ( 1 ) .. المتولى فى بيت الأشباح

[الامير العاشق]

اليكم ..

مغامرات المتولى

أغرب القضايا من ملفات الجاسوسية والبوليس لأخطر وأشرف وأنبل وأقوى رجل مهام

( المتولى )

المهمة الاولى

المتولى فى بيت الأشباح

- رايح فين يا متولى

- مشوار كده لبيت الأشباح :wacko:

اعتقد الجميع انه يضحك معهم ولكنه كان يقصد كلامه بالفعل فهو متجه الى مهمة لا يعلم نهايتها الى اين :( .. انها مهمتة الى بيت الاشباح الكائن بكفر البطيخ والمطلوب منه هو التخلص من جيوش الاشباح الكائنة بالبيت وهدم البيت دون اى خسائر .

بمجرد ان وصل المتولى الى كفر البطيخ وقد بدأ يراقب اهلها وتصرفاتهم وهل هناك تأثير للأشباح عليهم .. وهو فى احد الشوارع قابله احد الاشخاص على ما يبدو انه كان صديقه بالماضى .

- متولى .. متولى .. حبيبى .. عشرة عمرى

- اهلا .. ازيك يا واد يا بلاميطة

- تمام .. ( ثم ينظر اليه فى خبث لعين ويقول له فى هدوء ) جاى كفر البطيخ ليه يا متولى .. مهمة جديدة ؟؟

- ايوه ( ويبتسم ابتسامة هادئة )

- طب فين ؟؟

- أسرار عسكرية ( يقولها ويبتسم فتلمع سنته الذهبية )

بمجرد ان وصل المتولى الى بيت الأشباح واقترب منه حتى هاج وصاح الجميع

ابعد يا مجنون

دا باين عليه مجذوب

يا جدعان يا ولى من اولياء الله

مدد يا سيدنا مدددددددددددد

يركل المتولى الباب فيرتطم الباب بالحائط فيسمع المتولى صوت واهن يقول ( ويبدو أنه اصطدم بشبح صغير ) :

- آآآآآآآآآآآآآآآآآآآآى .. مش تحاسب يا اعمى

- معلش ماخدتش بالى يا حاجه

- حاجه ؟

- خلاص يا وليه

- وليه .. بقى واحدة شبوحة زى القمر يتقالها كده

يعرف المتولى ان وقته ضيق للغاية فيطيح بالشبح الصغير جانبا ويقول له

- انا ماعنديش وقت للمهاترات دى

بمجرد ان يصل المتولى الى الصالة الكبرى بالبيت يجد بعض الفتوات الاشباح وقد تراصوا امامه ليقترب منه اكبرهم ويقول له :

- بطاقتك

- ابونيه ( ويخرج بطاقة قام بتزويرها احد الاصدقاء )

فيمر المتولى ويقول لنفسه ( والله وبتعرف تزور يا واد يا سبيط )

ما ان يدخل المتولى الى الكون الشبحى حتى وجد تجمهر كبير عند احد المبانى فيقترب لمعرفه ما يحدث فيجد المبنى وقد كتب عليه ( ساحة شبوح الصغير لرياضات القتال )

وسط الزحام يجد على مقربه منه ( ابو الشِباح ) وهو زعيم الاشباح واول المطلوبين التخلص منهم فورا وقد وقف مع احد المسئولين والذى يتذكر المتولى انه قد رآه من قبل فيعصر ذاكرته عصرا حتى يتذكر انه ( جمجوم ) وزير الشباب والرياضة الشبحية .. فيقترب منهم محاولا سماع الحوار الدائر بينهم :

- عملت ايه يا جمجوم

- كله تمام يا ريس

- الامن مستتب

- وكله تحت السيطرة سعادتك

- عامل حسابك كويس

- كله فى الكلتش حضرتك

- اخر مرة الجمهور ولع فى الملعب ومشى

- ماتخافش حضرتك دا كان ماتش كورة حديد فى الدورى انما المرة دى الدورة الاولمبية وعاملين حسابنا وواخدين حذرنا كويس

- كل مرة تقول كده والنهاية خسائر بالجملة

- ما هو حضرتك احنا بنعرف نمسك الطوب والقزاز انما الكبريت والجاز مش بنعرف

:D

- حاول تعمل اقصى مجهود

يعرف المتولى انه قد حان وقته وقد استلهم من حوارهما فكرة خطيرة للقضاء على الاشباح .. فاتجه بسرعه الى ( محطة مياة الشبابيح ) وراح يغلق محابس المياة وقام بتوصيلها على خط بنزين كان قد قام بحفره احد الجواسيس الاشباح والعملاء الاشباح هناك .

قرر ان يقوم باشعال النار فى مدينة الاشباح كاملة ولكن فى العاشرة مساءا كى يكون فى وقت انشغال الجميع بالمبارة النهائية فى رياضة الكابوتشينو . وجد انه مازال امامه ساعة ونصف فقرر الاتجاه لمشاهدة جزء من المباراة .

اتجه مرة اخرى الى ( قاعة الشبوح الصغير لرياضات القتال ) وقد عُلقت على المبنى لافتات كثيرة تؤيد لاعب الاشباح

يا ملووح يا ملووح .. احنا معاك لاخر روح

يا ملووح .. امسح كل الجروح

وهاتلنا كاس اللوح

ابتسم المتولى ابتسامته الهادئة وجلس فى مدرجات الدرجة ال80 ( على قد فلوسه ) وراح يشاهد مباراة الكابوتشينو

والكابوتشينو رياضة قتالية غريبة تشبة الى حد ما الكاراتية عند البشر :P

أشار الحكم ببدء المباراة فقام اولا المتبارزان بالتحية

المبارز الاول : اعووووووووووووووووووووووعا

المبارز التانى : اعوووووووووووووووووووعا عى

الحكم : اعاعيعووووووووووووووووووووووووو

بدأت المباراة بتبادل اللكمات وراح المبارز الاول يوجه بعض اللكمات الغير قانونية فقام المبارز الثانى بالاتجاه الى الجمهور وقام برمى احد الجماهير واخذ كرسيه فأشعل فيه النار ورماه على المبارز الاخر وهنا قام الحكم باحتساب فاول على المبارز المشتعل .

هاج الجميع وراحت الجماهير تردد

شى حا التحكيم اهو

شى حا التحكيم اهو

وقتها لاحظ المتولى ان ساعته تدق التاسعة فقرر الاتجاه لتنفيذ مهمته .

بعد ربع ساعة ..

المتولى واقفا على باب بيت الاشباح ويدخن سيجاره ( إل إم ) وقبل ان ينتهى من السيجارة رمى بها داخل البيت فاشتعلت النيران داخل البيت وسمع صوت ( ابو الشِباح ) وهو يقول ل(جمجوم )

- عملوها تانى يا جمجوم

- يا ريس ماتخافش الامن مستتب وكل شىء تحت السيطرة :D

بعد يومين ..

- والله ورفعت راسنا يا متولى

- الله يخليك يا فندم

- الشعب كله مدين لك بالفضل

- الله يخليك يا فندم

- اطلب اى حاجه نجيبهالك

- الله يخليك يا فندم

- يا بنى اطلب ماتخافش

- الله يخليك يا فندم

- لا ما هو لازم تطلب

- هو لو ياريت بس شقة فى مساكن العشوائيات الجديدة حضرتك اكون شاكر جدا :D

- بكرة العقد يكون عندك

قام المتولى بتحية رئيس دولته وخرج من مكتبه وهو يحيي الجميع ويرمى ابتسامة هادئة معتاده الى كل شخص ينظر اليه ..

التفتت اليه سيكرتيرة الرئيس وراحت تقول لزميلتها فى دلال

- يا حلاوته

- شوفتى التقاطيع المسمسمة

- ولا ضربه المطوة اللى فى حاجبه

- ياى على حولان عينيه

فينظر كلتاهما ويغمز لهما غمزة ;) ويقول لهما

- 24566665236545 الساعة 8 فى جرين بلازا :D

وهنا ينزل المتولى ليتجول فى الشوارع منتظرا مهمته القادمة .

والى اللقاء فى مغامرة قادمة

تحياتى ,,

تامر B)

[سقراط المصري]

تحياتى ,,

تامر  B)

<{POST_SNAPBACK}>

تحياتي

سقراط :D :D :D

تم تعديل 8 مايو 2005 بواسطة سقراط المصري

[shahd]

الله ينور , مستنين الباقي :blink: