استفسار بخصوص تأشيرة : مبرمج حاسب آلي

[Capotchino]

السلام عليكم ورحمة الله وبركاته

انا كان عندي استفسار بخصوص تأشيرة مبرمج حاسب آلي

انا معايا ليسانس حقوق بس التأشيرة اللي جيالي مبرمج حاسب الي. هل لما الباسبور يروح السفارة بإذن الله هيطلبوا المؤهل ؟ وممكن يحصل رفض بسبب ان المؤهل مش مطابق للمهنة ؟ ولو ده حصل اتصرف ازاي ؟

وجزاكم الله كل خير

[Capotchino]

معقولة 44 مشاهدة ولا واحد عنده رد ؟؟؟

[MAZ]

اكيد هيحدث رفض لازم التاشيرة زى الموهل

حاول فى خطاب استثناء من الكفيل بس مش اكيد هيمشى

بعض الاخوة ممكن يفيد فى اقتراحات اخرى

[محسن محمد سميح]

شوف الاخ احمد رسلان
ان شاء الله هيكون عنده حل

[herohero]

شوف الاستاذ أحمد رسلان

[Capotchino]

جزاكم الله كل خير على الرد ممكن بعد اذنكم بس اكلم الاستاذ احمد رسلان منين ؟

[Monzer Ismael]

انا عندى نفس المشكلة دى ,, كلم الكفيل اطلب منه خطاب موجه للقنصل يطلب منه منحك التاشيرة لانه محتاجك انت بشخصك ولخدماتك وانه على علم بان مهنتك غير مؤهلك ويوثق الخطاب من الغرفة التجارية ويبعتهولك فالبريد وقدمه للمكتب مع اوراقك ,,,,,,,,, بالنسبة لصيغه الخطاب هتلاقيها فالمكتب الى بتتعامل معاه..

فى بردو اضافة ممكن تساعد انك تعمل شهادة خبرة كام سنة بنفس مهنة التاشيرة وتوثقها شهر عقارى وخارجية وتحطها مع اوراقك... اعتقد كده كفاية!!

[mohaworld]

صاحب الموضوع عملت ايه ؟ لأني واقع في نفس مشكلتك تقريبا وعلي فكرة انا قدمت شهادة الخبرة والخطاب ومفيش فايدة

[Capotchino]

اسف لعدم ردي ومتابعتي للموضوع الواحد كان مشغول اليومين اللي فاتو بسبب الموضوع ده ولسه والله موصلتش لحل بس في مكتب قالي ممكن نمشيلك الورق بتاعك مقابل 3000 الاف ريال وده طبعا مبلغ مش قليل عشان يمشيلي اجراءات القنصلية بس !!!!

وتاني حاجة عرفتها ان بما ان المؤهل الدراسي مش مطابق للمهنة مفيش استقدام هيتوافق عليه وطبعا دي مشكلة لأنك هتظطر تشوف واسطه وتدفعلك من 10 ل 14 الف ريال يعني الواحد مش عارف يعمل ايه والله .. الله المستعان

كان في سؤال معلش لو انا عايز مهنة مثلا في السعودية تكون مفيش فيها مشكلة مع ليسانس حقوق ايه هيا المهن المطابقة ليها في السعودية ؟؟

صحيح انا قدرت اطلع شهادة مهارة من مكتب العمل ومكتوب في الشهادة المهنة : اصلاح وصيانة حاسب آلي ( مبرمج حاسب آلي ) هل دي لو وثقتها من الخارجية وقدمتها مع باقي اوراقي ممكن تساعد ولا ملهاش لازمة ؟

تم تعديل 29 يناير 2014 بواسطة Capotchino

[herohero]

اسف لعدم ردي ومتابعتي للموضوع الواحد كان مشغول اليومين اللي فاتو بسبب الموضوع ده ولسه والله موصلتش لحل بس في مكتب قالي ممكن نمشيلك الورق بتاعك مقابل 3000 الاف ريال وده طبعا مبلغ مش قليل عشان يمشيلي اجراءات القنصلية بس !!!!

وتاني حاجة عرفتها ان بما ان المؤهل الدراسي مش مطابق للمهنة مفيش استقدام هيتوافق عليه وطبعا دي مشكلة لأنك هتظطر تشوف واسطه وتدفعلك من 10 ل 14 الف ريال يعني الواحد مش عارف يعمل ايه والله .. الله المستعان

كان في سؤال معلش لو انا عايز مهنة مثلا في السعودية تكون مفيش فيها مشكلة مع ليسانس حقوق ايه هيا المهن المطابقة ليها في السعودية ؟؟

صحيح انا قدرت اطلع شهادة مهارة من مكتب العمل ومكتوب في الشهادة المهنة : اصلاح وصيانة حاسب آلي ( مبرمج حاسب آلي ) هل دي لو وثقتها من الخارجية وقدمتها مع باقي اوراقي ممكن تساعد ولا ملهاش لازمة ؟

زميل ليا (حاصل على ليسانس حقوق ) هو شغال ف السعودية محامي كانت مهنته عامل المهم غيرها وبقت مستشار قانوني وعادي عمل استقدام

للاسف موضوع مطابقة المهنة للمؤهل الحاصل عليه اصبحت شئ اساسي والهدف انهم بينظموا سوق العمل في السعودية وزي ما شوفنا للمهندس بقى من فترة فيه لازم اعتماد من الهيئة السعودية للمهندسين وده توجه هيكون ع كل المهن فبتكون البداية تطابق المؤهل مع المسمى الوظيفي

[Capotchino]

زميل ليا (حاصل على ليسانس حقوق ) هو شغال ف السعودية محامي كانت مهنته عامل المهم غيرها وبقت مستشار قانوني وعادي عمل استقدام

للاسف موضوع مطابقة المهنة للمؤهل الحاصل عليه اصبحت شئ اساسي والهدف انهم بينظموا سوق العمل في السعودية وزي ما شوفنا للمهندس بقى من فترة فيه لازم اعتماد من الهيئة السعودية للمهندسين وده توجه هيكون ع كل المهن فبتكون البداية تطابق المؤهل مع المسمى الوظيفي

بس حضرتك انا سمعت ان مهنة مستشار قاوني تم سعودتها وبعدين انا مش هعرف اغير البطاقة هنا في مصر لمستشار قانوني لأن ليها شروط معينة على ما اعتقد ومهنة المحامي برده اعتقد تم سعودتها

[herohero]

بس حضرتك انا سمعت ان مهنة مستشار قاوني تم سعودتها وبعدين انا مش هعرف اغير البطاقة هنا في مصر لمستشار قانوني لأن ليها شروط معينة على ما اعتقد ومهنة المحامي برده اعتقد تم سعودتها

ده كان خلال الفترة التصحيحية كان جاي السعودية ومهنته عامل ونقل كفالة ع مكتب المحاماة واتغيرت المهنة

لكن ف راي مبدئيا اطلع الاول وبعدين شوف موضوع الاستقدام لان مثلا شوفت حالات كثيرة معرفتش تعمل استقدام لانها مغيره مهنة فالامور كل مدى بتتعقد وبيحاولوا يخلوها نظامية أكثر

وبالتالي خد الامور خطوة خطوة لان الامور بتتعقد فالتاخير مش ف مصلحتك

[Capotchino]

ده كان خلال الفترة التصحيحية كان جاي السعودية ومهنته عامل ونقل كفالة ع مكتب المحاماة واتغيرت المهنة

لكن ف راي مبدئيا اطلع الاول وبعدين شوف موضوع الاستقدام لان مثلا شوفت حالات كثيرة معرفتش تعمل استقدام لانها مغيره مهنة فالامور كل مدى بتتعقد وبيحاولوا يخلوها نظامية أكثر

وبالتالي خد الامور خطوة خطوة لان الامور بتتعقد فالتاخير مش ف مصلحتك

انا متشكر جدا لرد ورأي حضرتك يعني حضرتك تقصد اني اطلع على مبرمج عادي وبعدين ان شاء الله ابقى اغيرها من هناك

[Capotchino]

طمنونا يا رجالة مفيش جديد عندكم ؟؟

تم تعديل 4 مارس 2014 بواسطة Capotchino

[Guest محمد حسن]

هل لو الموهل مطابق للمهن لزم شهادة خبرة 

يعنى المهن مبرمج والكليه حاسبات ومعلومات

[herohero]

21 hours ago, Guest محمد حسن said:

هل لو الموهل مطابق للمهن لزم شهادة خبرة 

يعنى المهن مبرمج والكليه حاسبات ومعلومات

لا لايشترط لكن اذا طلب ف السفارة هتضطر تعمل كدة لكن المفروض لا