أبو خليل رفع راسنا في السعودية يا ردالة

[se_ Elsyed]

إبننا أبو خليل رفع راسنا وخلى رقبتنا توصل لحد السما بحصوله على جائزة المُعلم ( بضم الميم مش بكسرها ) المثالي للعام الدراسي الحالي ..

ألف مبروك يابو خليل وعقبال يارب ما تبقى مفتش ولا ناظر مدرسة حتى ...

( أهو بالصلاتو عالنبي زمانه لهف له في العملية دي مش أقل من 2000 ريال يعني بنتكلم في 500 دولار ..... أرزاق )

أحب بقى بالمُناسبة دي أهدي أخي أبا خليل قصيدة شعرية مُكونة من 300 بيت بس هاقول مطلعها بس دلوقت لإني لسه بأشطب في الأببيت .. محاره ونجارة وكده

صدر البيت بيقول

قف للمُعلم وفيه التبجيلا .... كاد المُعلم أن يكون رسولا

ولحد ما أشطب الأبيات أحب أهديه أغنية الشحرورة " أه يا معلم يا معلم ... هات اللي في جيبك وأتكلم "

على فكرة أنا بأشتغل شغل عفاريت .. يعني بأكتب على الوورد وبعدين أنقل الكلام للمنتدى ... عين وصابتك يا س س

[bentmasria]

:D :D :D

الف الف مبروك للاخ الغالى ابو خليل

المعلم المثالى

اللى رافع راسنا ف العالى

وموت بغيظك ياللى ف بالى

واكتب ع الورد وانسخهالى

س س الراجل داخل على جواز ومحتاج كل مليم

ادعى له كل يوم يكسب جايزتين

وانا حدعى لك تصلح العربى منين

قابلنى ع الماسنجر -_-

بجد تستاهل يابوخليل والف الف مبروك :wub: :wub:

مامى ومحمد

[إبن مصر]

الف مبروك للاخ ابوخليل...

ومن حقنا جميعا ان نفرح بنجاح اى منا...

الف مبروك يا ابوخليل يا كايدهم

نجاح واصل وادب وبالعلم سايدهم

رافع راس عترتك بالشرف زايدهم

لولا الملامه ابنيلك قصور واشيدهم

اوووووي يوووووي يووووي يا عينى

اخوك ابن مصر

دكتواره فى التهنئه من جامعه الاكوادور بالساحل

اديب ومبيض محاره

[ابو خليل]

مشكورين يا جماعة والله ..

:wub:

مش عارف سي السيد عرف ازاي الخبر ده !!

:wub:

مفيش حاجة بتستخبي في العالم ..

وبصراحة انا استعجبت لحصولى علي هذه الجائزة !

فمنذ شهور بعث لي المدير .. وقال لي : أنت مش ابراهيم ! شغلك زي الزفت .. وخلاص انت لا تلزمني ! ستكون في مصر قريبا !!!

من ساعتها .. بطلت انترنت ( إلا يوم الخميس اسبوعيا ) ولذلك ا عتذرت عن الإشراف في هذا المنتدى للأخوة الكرام ..

وكذلك رحت (ضربت ) كام طقم قمصان وبناطيل .

وبطلت سهر .. بطلت تفكير في موضوع الجواز ..

من المدرسة للبيت ومن البيت للمدرسة ..

وكنت في هذه الفترة -وحتى الان _ ابحث عن مدرسة أخرى ... لاني كنت متأكد اني دخلت البلاك ليست ..

والحمد لله ..

بالنسبة للجائزة ..

والله يا سي السيد هي عبارة عن شهادة تقدير صغيرة ..

وكمان سلمت علي رئيس مجلس التعليم بالرياض ..

بس

يعني هاستمر في الكلام عن طريق تبوك برضة !!!

وشكرا لكم

[se_ Elsyed]

بالنسبة للجائزة ..

والله يا سي السيد هي عبارة عن شهادة تقدير صغيرة ..

وكمان سلمت علي رئيس مجلس التعليم بالرياض ..

بس

<{POST_SNAPBACK}>

إمبارح كان بيتذاع فيلم البيه البواب .. وبرضوا فؤاد المهندس عملوا فيه زيك كده وبعد خدمه في وزارة الزراعة أكثر من 25 سنة ( مؤبد ) وهو طالع معاش إدولوه شهادة إستثمار بمبلغ ثلاثون جونايهن :wub: ..... Thirty Sa7toot

[mb14]

الف مبروك يا ابو خليل

وان شاء الله دايما فى التقدم والرقى وشهادات التقدير وتفيد بعلمك وجهدك اخوانك فى الاسلام والعروبه .

ويلا بقى عشان تدخل القفص الذهبى وتجيب لنا خليل الصغير وتجيبه هنا معاك ويلعب مع مادا ويوسف (ابن احمد محسن ) وننشأ قسم للمحاوراتين الأشبال (يكون فيه مراجيح ولعب ) .

[ابو خليل]

mb14مشكور والله

سي السيد :

التقدير عمره ما كان فلوس ..

السنةدي كانت علي ضغوط كثيرة

التفكير في خطيبتي وفي الشقة والعفش والزواج ، وهل احسنت الاختيار أم لا ...

ومشاكل السعودة واستبدال كثير من زملائنا بأخوة سعوديين ..

مشاكل انعدام ضمير ( البعض ) واستهزاءهم بي والكلمة الدارجة ( كبر دماغك ) ( حرام حرام بس نعيش ) !!!

السنة دي كانت صعبة للغاية ..

ولكن الحمد لله !!

وإن شاء الله هاكتب بالتفصيل عن اللي حصل لي السنة دي بس لما نحصل امتحانات ..

لا سيما اني لا زلت علي عهدي .. لا أدخل النت غالبا إلا يوم الخميس ... من كل اسبوع ..

شكرا للمرة العاشرة ولا تنسوني من دعواتكم ..