بنطلون للايجار

[EGYPT LOVER]

يوجد لدينا شرابات ترقيع بسيط برائحة وبدون رائحة

اتصل الآن 0

[freefreer]

عينية يا اخى رجب .. أى طلبات اخرى للأخوه هنا .. ؟ .. قبل ما نشحن ؟؟

;)

[ragab2]

[b:post_uid0]

نظرا لزيادة الجمارك على الملابس والأقمشة

وللتخفيف على الفقراء والغلابة

وفرنا ملايات سرير بلاستك

ومراتب كاوتش داخلى وخارجى وتيوبلس[/b:post_uid0]

[bansia]

مطلوب  شيرز دواخل فابريقه اول يد واستعمال طبيب

الوسطاء يمتنعون ;)

[ragab2]

[b:post_uid0]

الى أصحاب الزوق الرفيع

يوجد لدينا بنطلونات تقليد المستوردة

سعر القطعة الواحدة ألف وخمسمائة جنيه

شامل ضريبة المبيعات

للاستعلام  ... الاتصال ببنك التنمية المصرى[/b:post_uid0]

Edited By ragab2 on Jan. 10 2002 9:06pm

[bansia]

مطلوب فانلة وكلوت باستك استعمال خفيف  ;)

[ragab2]

[b:post_uid0]

ضبطت مباحث الجمرك بالمطار

شراب بصحبة راكب ومخبأ فى فيديو

وطلب الراكب التصالح مقابل دفع الجمرك والغرامة

مقابل التنازل عن الدعوى الجنائية[/b:post_uid0]

[ســيد مرزوق]

انتوا ناس عسل والله 00

مش ممكن خفة الدم دي!!

ضحكتوني وانا متنيل على عيني 00

أصلي قربت أنزل مصر المحروسة !

وطبعا عمال أفكر أعمل إيه 00 أعمل إيه ؟؟!!

فقررت إني ومنعا للمشاكل سوف ألبس مايوه !!!

وشبشب صيفي !!

وأتلف بملاية سرير!!

وأدخل عالبيه مأمور الجمرك المحترم والجواز في إيد 00 والتذكرة في إيد 00

كلمة منه زياده 00 ماتعرفوش ناوي أعمل إيه !!! :sneaky2:

[KWA]

سؤال بسيط القانون ده ينطبق علي المصريين و الأجانب؟

حتي لو زياره.....لكم جزيل الشكر

[freefreer]

و الله دانت اللى عسل .. ياريت تيقى تحكيلنا ايه اللى حصل فى الجمرك  ;)

[freefreer]

لأ متهيألى الأجانب لأ .. حتى علشان السياحة على الأقل

[freefreer]

بالمايوه .. بالتوته .. حنكمل المشوار ..  :colgate:

[ragab2]

[b:post_uid0]

تعلن محلات الحاج ربيع أبو شاش للملابس

عن حاجتها الى بائعين بمرتب ثلاثة آلاف جنيها

على أن يتضاعف المرتب بعد تطبيق المرحلة الثانية من زيادة الجمارك[/b:post_uid0]

[Khaled Ahmed]

لأول مرة فى الشرق الأوسط(واسعة شوية) و لأول مرة فى مصر المحروسة

هدوم مكوية بالبخار للبيع بالنقد والتقسيط

*ملحوظة الهدوم المباعة لاترد ولا تستعمل(أسف) لاتستبدل

هدوم للزينة فقط

يوجد فتارينات خاصة للهدوم بمقاسات مختلفة

[Khaled Ahmed]

بشرى سارة

تم أخيرا إفتتاح محلات المحروسة للتجديد

رفا مصر سابقأ

نقوم تجديد جميع أنواع الهدوم

لتنافس هدوم الدرجة الثانية بلا منازع

[Khaled Ahmed]

تعلن مصلحة الجمارك المصرية - قسم المضبوطات - ملابس

أنه نظرا" للإقبال والتنافس الحاد فى مزادات المصلحة

أولا" -إنشاء مزاد خاص للأفراد وأخر للتجار

ثانيأ - مزاد الأفراد

يسمح بشراء قطعة واحدة لكل عائلة( لابد من وجود البطاقة العائلية)ويتم إثبات القطعة فى البطاقة منعا للتلاعب

يتم سداد ضريبة المبيعات من قبل المشترى لمصلحة مندوب المصلحة قبل الإستلام

المصلحة غير مسئولة عن البضائع حالتها بعد البيع (معاينة البضائع قبل المزاد عن طريق المشاهدة لعينات فى الفتارينة المعدة لذلك)

أى حالة من التدافع والهرج سوف يتم تأجيل المزاد أو إلغائه وغالبا تحويل البضائع لمزاد التجار (بناء على تقدير رئيس المصلحة)

ثالثأ" يتم إلغاء مزاد التجار ويتم البيع بالأمر المباشر بناء على تقدير وصلاحيات رئيس المصلحة الموقر

[Khaled Ahmed]

طازة

واحد صاحبى كلمنى هاتفيا" الأن

وطالبنى بإرسال مقص ألمانى أصلى له

لآنه  ناوى ينزل مصر اليومين الجايين والمدام طالبت بالمقص الألمانى الأصلى

سألته خير ليه

رد وقال المدام ناويه تشتغل قصقصة فى كل الهدوم التى سوف يحسب عليها جمارك بالمطار

طبعا بعد ما نقلعها

[ragab2]

[b:post_uid0]

مطلوب فورا

قطع قماش قصاقيص لزوم استعمال المطبخ

ومستعدون لدفع الجمارك[/b:post_uid0]

[ragab2]

[b:post_uid0]

شكرا للمواطن المصرى الأمين

الذى وجد منديل قماش مستعمل وسلمه على الفور للمسؤولين[/b:post_uid0]

[Khaled Ahmed]

خبر عاجل

تم إصدار منشور من مصلحة الجمارك الى جميع المأمورين العاملين بالمنافذ الجمركية بتفتيش بحثا" عن المقصات قبل تقدير قيمة الجمارك وذلك للحفاظ على المضبوطات