نقدم لكم الاسطى بلية السباك

[ragab2]

بعد نجاح أغنية حبيبى بياكل رز

المنقطع النظير

للمطرب عبده النص

فى حفلة أضواء المدينة السابق بمارينا

شبع الجمهور من أغانى الأكل

نجهز الآن أغنية  هاتكسر الدنيا واسمها الجرابيع بتحب البواليع

حيث أن البواليع ظلمت بعد أن غنى المطرب محمود عبد العزيز للقفا

وقد مكثت ساعات طويلة بجوار التواليت حتى أنتهى من

تلحين وتأليف هذه الأغنية العاطفية

حتى تغنى فى حفلة أضواء المدينة القادم ان حيانا ربنا

وقد اندهشت لرفض المطرب غنائها فى اسرائيل

بحجة أن اسرائيل تعتبر بلوعة كبيرة ومش ناقصة زيادة

وللعلم المطرب هو الاسطى بلية السباك

بالوعتة .. آسف حنجرتة سالكة ومرخمة

بس بتطفح فى بعض ساعات

اذا غننى من غير فطار

بس أحسن حاجة انه ممكن يغنى سيفون ير ..  يعنى مجانا

وبعد مايغنى نرش ديتول

وبعد الوصلة لازم يكوع

Edited By ragab2 on June 20 2002 11:19pm

[abla]

المطرب الفلتة بلية السباك سيقدم لكم  وصـــــلــــة  

وقد قام  بتــــســــليــــك  اللحن  الموسيقار الجبار  حــــودة الــــدش  :biggrin: :biggrin: :biggrin:

[Mabsoot]

يا نهار مش فايت  ----   هو الوله بليه اتشهر وانا معرفش ------ وقعته زى وشه

انت ياد يا بليه ----  انت يا يالا -----  انت بقيت مطرب ومشهور كمان ----- طيب انت مرفود

ياد يا حوكه م النهارده ياد انت السبى بتاعى -- روح حضر التعميره -- و رص حجر لعمك رجب

ماهو رجع يدخن تانى ---  بسرعه ياد

[ragab2]

الأخت عبلة

معرفش ان موضوع غناء الاسطى بلية السباك

هايكون حافز ليكى ويطلع منك الكلام الجميل اللى ع السجية دة

لدرجة  شعرت انى فتحت عندك حنفية الروح المرحة والافهات الجميلة وكتبتى من أحلى كلام قرأته ليكى ولم أتمالك نفسى من الضحك

أخى مبسوط

أشكرك على تعميرتك وشيشتك الجميلة

ولو أن التدخين ممنوع أثناء وصلة غناء الاسطى بلية

نشرب عندك ان شاء الله فى المسرات

المهم عاوزين نشجع الاسطى بلية

لأنه أول مرة يقف ع المسرح وطول عمره كان بيغنى فى الحمام

[abla]

[b:post_uid0]الحقيقة بقى انا باحب القافية جدا ومش عارفة باين الكلام ده مابيطلعش غير لما بتكتب لنا كلامك الجميل ده هاهاهاهاها :) :) على العموم بمناسبة ان المغني العاطفي بلية السباك كان بيغني في الحمام احب اطمن حضرتك انه بيغني في الحمام لسه ;) ;) ودى احدث صيحة في عالم الغناء الصحي انهم صمموا حمام محمول يلبسه المطرب زي الخوذة كده ويديها غنا وعينك ماتشوف الا النور [/b:post_uid0] :biggrin: :biggrin: :biggrin:

[Tulip]

السلام عليكم

--------------

أعجبنى تعليقك يا أخت عبلة و فطسنى م الضحك .

keep up the good work  

[abla]

[b:post_uid0]ربنا يخليك ياتيوليب ياست الكل ... كلك ذوق والله :) :) القافية تحكم بقى نعمل ايه ;) ;) وممكن نبقى نعمل شوية حاجات شبيهة على كل مهنة ونشوف الاخوة بيحبوا القافية ولا لا ... ايه رايكم ;) ;) [/b:post_uid0]

[ragab2]

.

نلفت نظر الاخوة المشاهدين

أن حفلة الأسطى بلية السباك

ستذاع على الدش .. وممكن مشاهدتها على النبل سات .. محطة الصرف المغطى

وسيقدم بين ..  الوصلتين  ..  حاجة ساءعة ويليها مشروب ساخن

وستوزع على المشاهدين كمامات

وزجاجة ريحة على مشاهدى الحوض الأول بجوار المسرح المغطى

وسيبدأ مطرب النغم  والشباب بلية بأغنية ...

الست سنية .. فاتحة الحنفية .. ده السباكة غية

وفى الوصلة الثانية سيشدو باغنية ...

ناولنى المظربيطة ... دة  المهنة بقت ظيتة

وسنستمع بين الوصلتين الى المطربة البرونزية ذات الحنجرة النيكل جمالات فونية أغنية ..

يا خارجة من باب الحمام

ثم أغنية ..

خلاط وماشى فى البلاد

وينتهى الحفل بعزف نشيد السباكين الوطنى  ..  ثم  السلام الجمهورى

Edited By ragab2 on June 20 2002 11:26pm

[abla]

وسيشدو المطرب الفلتة اغنيته العاطفية اللى بتــــنـــقـــط  

وتشترك معه المطربة فتكات رمش العين في ديالوج من تلحين الملحن ;) ;) ;)

[Kleobatra]

ما شاء الله  - الأخت عبلة والأخ رجب والأخ امنحوتب يتميزون بخفة الدم وروح الفكاهة والمرح  في هذا المنتدى .

فشكرا لكم جميعا اخواتي  على اسعادكم لنا  .

[ragab2]

[b:post_uid0]

أشكرك يا أختى كيلوباترا

لتقديرك للفن الصادق الذى نشترك فيه مع الأسطى بلية السباك

حتى نثرى الساحة الصحية

بالفن الهادف

ونسعد جمهور ليسكو بمارينا المحترمين

وليس سرا أنهم استغنوا عن المطربين الأجانب

بعد أن سمعوا بلية يبجبج مثل الماء العذب الصافى

وهو يشدوا فى عالم النغم والطرب بصوت كالموج الهادر المتدفق

وأحييكى بالنيابة عن أخى بلية المحترم

جزاكى الله كل خير

[/b:post_uid0]

Edited By ragab2 on June 20 2002 11:28pm

[NonSuperior]

لا بجد وصله زى اللوز :) تسلم الايادى و الادمغ العاليه :)

[abla]

وستشدو في هذا الحفل  المطربة ســنـيـة  كـومبـيـنــيـشـن  

[Imhotep]

لما قريت الكلام الحلو ده... مقدرتش امسك نفسى... عنيه قعدت تنقط من كتر الضحك...مسكتتش الا لما لبست الجلبه... يووووه.... قصدى النضاره...المهم انا مجهز نفسى للحفله تمام...اشتريت بدله كيلوباترا انما ايه... حاجه كده استيلو على الاخر.... و جبت قميص ابيض شينى بفظره حمره داير ما يدور... و اشتريت جزمه كراره انما ايه... حاجه خمسه لنيه.... و علشان مرحش الحفله ايدى فاضيه, عزمت يسرا... مهى برده جوهره.... ميه ميه يا عم رجب... ميه ميه يا دكتوره...ربنا ما يكسر لكم سيراميكا و لا ينقط لكم حنفيه يا رب...

[abla]

ربنا يخليك ياامحتب ياخويا ولا يقطعلكش جلدة ابدا ;) ;) حاكم انت عارف الواحد مش مستحمل ... بس تصدق بقى البدلة ح تاكل منك حتة ... مصبوبة عليك صب .... بس وحياتك وانت ماشي تاخد بالك احسن تقع بعد الشر والياقه تتكسر

[Imhotep]

البدله دى متألوظه على المتربيطه تفصيل على مقاسى... امال... هو مرواح حفله الاسطى بليه شويه... و بعدين انا رايح و فى ايدى يسرا... شوفى انتى بقى...ده انا حفرس سيراميكا كيلوباترا......

[abla]

[b:post_uid0] نهارنا شيني  بإذن الله ... إيه الكلام الجوهرة  ده  ... ناعم وزي الفل ... خللى بالك لا تتزحلق  [/b:post_uid0] ;) ;)

[ragab2]

[b:post_uid0]

حتى الواد بلية أبو راسين

بقى مطرب وليه معجبين

والفن بقى عند السباكين

تفتح الحنفية تسمع وصلتين

صوت بلية زى الطبلتين

ومش محتاج طبالين

الواد بلية من المشهورين

صوته يسلك بالوعتين

الواد بلية أبو راسين

ألدغ فى الراء والزين

لدغته محتاجة جلدتين

حنجرته ليها صفين

نيكل أصلى بروحين

نفسه طويل وبنفسين

يفقع موال يملا حوضين

مايخرش ولا نقطتين

Edited By ragab2 on June 20 2002 11:08pm

[mmohamed]

إيه ياجماعه خفه الدم دى والله من كتر الضحك عينى دمعت من عبله وأحتب وتوليب وكيلوبترا راحوا فين دول ممكن يرجعوا تانى .........

إذا كان فيه مواضيع قديمه بخفه الدم دى ياريت توروهلنا

[متسائل]

:)  :D  :D