خلينا نحلل مين فعلا صاحب المصلحه في التفجيرات.....الاخوان ولا الداخليه

[MZohairy]

نظرية الاحتمالات (و تشغيل المخ)

لما يكون عندك فريقين متقاتلين لا ثالث لهما (فريق أ و فريق ب)

و حصل هجوم مجهول و اصاب الفريق أ

يبقى عندك احتمالين لا ثالث لهما:

1- ان الفريق ب هو صاحب الهجوم و هو الاحتمال الاول و الاكبر و الأرجح

2- ان الفريق أ عمل هجوم مفبرك على نفسه لإتهام عدوه الفريق ب (و هو احتمال اقل رجوحا بالطبع)

طالما الموضوع مجهول و الكلام كتير و اللخبطه اكتر و ماعندكش ادله (قطعيه) يبقى العقل هنا لازم يشتغل و يحط الاحتمالات و يرجح الاحتمال الاكثر منطقيه

أ- حالة العداء بين الفريقين
ب- التهديدات المستمره و العلنية المسجله من الفريق ب بعمل هجوم على الفريق أ
ج- الوضع النفسي الخاسر الناقم المتحسر للفريق ب

د- التاريخ الدموي للجماعه

...كلها امور تجعل الاحتمال رقم 1 هو الراجح و بشده
ده التفكير العقلاني الهادئ الاكثر ترجيحا
عايز تفكر بطريقه منطقيه يبقى تفكر كده

عايز تفكر بطريقه عاطفيه يبقى الأهلي دايما بيغلب الزمالك بسبب الحكم

الموضوع بسيط جدا ومنطقي :

هتلر قتل كام عسكري "ألماني" في بولندا علشان يبقي زريعه للهجوم عليهم ..... بعد ماهجم وأعلن الحرب مقتلش

ألمان تاني لأنه وصل لهدفه .......... الحرب علي الإخوان أعلنت من شهور ...... بيقي كلام تافه وغير منطقي إن

الداخليه بتدور علي زريعه علشان تعلن الحرب إلي هيه اصلا معلنه خلاص.....

مش عايزين غباوه بقى :)

تم تعديل 25 يناير 2014 بواسطة mzohairy

[عبير يونس]

صباح المواضيع الرايقة و الهادية

حلو التفكير العقلاني الهادي

يعني عقل + هدوء + تفكير

و السؤال من أين لنا بهذه المعطيات أصلا لتتحقق المعادلة

فالعقل قاصر كما تعلم ;)

و الهدوء ضعف و استكانة :angry:

و التفكير بداية الكفر :ph34r:

عندما كنت أصغر عمرا كنت أحاول دوما تعلم قواعد اللعبة و اتقانها بل و شرحها للجميع

و عندما نضجت .. اكتشفت أن أغلب الناس يلعبون بدون قواعد أصلا :D

و المحصلة التي وصلت إليها

لا تتعب نفسك في تعلم و تعليم قواعد لعبة أغلب من تلاعبهم يضربون بها عرض الحائط

أترك لهم اللعب و اكتفي بالمشاهدة حتى تمل ثم تشتاق للتسلية ثم تمل و هكذا... كنوع من " الترفيه " entertainment :rolleyes:

و دع " طالب " العلم " يبحث " بنفسه عما " يريد"

[herohero]

استاذي الفاضل طبعا هم مش فريقين بس

عموما مش عارف أكيد حضرتك قرأت كتاب الدكتور مصطفى محمود ( المؤامرة الكبرى ) ياريت تبقى تشوف الجزء بتاع الحكم العسكري وتقلنا كده حضرتك بالمنطق والعقل اللي كان بيحصل ف 54 !!!

اما عن موضوعنا بما ان حضرتك بتتكلم بالمنطق والعقل

الواحد اتعود انه ما يهتمش بالفعل ف حد ذاته المهم اننا نعرف ايه النتائج المترتبة

يعني الاخوان هي اللي فجرت مديرية أمن الدقهلية والقاهرة تمام ايه الفائدة ؟؟؟ هيتقال انهم نظام ارهابي هيتقال انهم وحشين وناس مخربة هيفقدوا تعاطف الشعب اذا كان فاضل لسه تعاطف !! هيموتوا مجندين غلابة ، الناس هتخاف تنزل في 25 يناير ، مش عارف ع اد امكانيات عقلي المحدودة مش قادر اعرف فائدة ايجابية للامر ده

طيب الطرف الاخر اللي ممكن مايكونش اصلا احنا متوقعينه زي ما عبد الناصر ماعمل جهاز سري لم يكن يعلم به الجيش

ايه النتائج : ف تفجير الدقهلية طلع قرار ان الاخوان جماعة ارهابية "مع انه قرار فشنك لا عائد منه " ، شحن الناس أكثر واضافة المزيد من كره الناس للاخوان ، التأكيد على فكرة ان الرئيس يجب أن يكون حاسما وعسكريا وطبعا ده هيوصلنا لنتيجه معينة هي الرغبة ف جعل الانتخابات الرئاسية قبل البرلمانية بل تقريبا ممكن نوصل لآلية اخرى هي التفويض على الحكم بلا انتخابات بلا وجع دماغ

كل ده هنركنه ع جنب ياترى ايه الفرق بين تفجير مديرية أمن القاهرة ومديرية أمن المنصورة ؟؟؟؟

واحلى حاجه فيه خبر اكيد كثير مننا لم يهتم به " جماعة انصار بيت المقدس تدعوا المواطنين الى عدم النزول في 25 يناير حتى ينعموا بالامان "

ياترى جماعة انصار بيت المقدس " جماعة خزعبلية والكلام ده اكده مقدم / محمد ابراهيم في مداخلته في برنامج 360 القاهرة والناس " هتقول محدش ينزل في 25 يناير وده طبعا رغبة الاخوان ؟؟؟؟؟ مين اللي له مصلحه ان الناس تخاف وماتنزلش في 25 يناير !!!

تم تعديل 25 يناير 2014 بواسطة herohero

[MZohairy]

لو بتحب النظام هتقول ان المصلحه الاولى في التفجير هي للإخوان لهز النظام و ارباكه و اظهاره في صورة الالنظام الفاشل المهتز امام الشعب و العالم اجمع

مما يؤدي الى فقدان الثقه فيه و كراهيته شعبيا و قيام الكل عليه بثوره داخليه مع غضب خارجي عليه و ايقاف اي دعم ممكن من الخارج للداخل

و لو بتحب الاخوان هتقول ان المصلحه الاولى في التفجير للداخليه علشان تجد زريعه للانتقام من الاخوان

يقوم واحد بيحب النظام يرد عليك يقولك : طب و هم لسه مستنيين زريعه؟؟؟؟ ماهم بيضربوا و يمسكوا فيهم بالهبل.....يعني التفجير مش هيفرق ..يبقى يعملوه ليه؟

و هكذا

[herohero]

استاذي حضرتك مش عارف قرأت الجزء بتاع الحكم العسكري ف كتاب المؤامرة الكبري !!! بيرد ع سؤال حضرتك

طب انا مع حضرتك تقدر تقولي تكرار نفس السيناريو بتاع الدقهلية يتكرر !!!طب ده تسميه ايه ؟؟؟ واحلى حاجه مفيش اي لوم لوزير الداخلية ع الرغم ان احداث اقل من كده ايام مرسي نفس الوزير كانوا بيطالبوا باقالته انما دلوقت بيتقال عادي الارهاب ف كل حته بيحصل

الاخوان هيعملوا التفجير ده عشان يقولوا البلد مش مستقرة وبعدين ؟؟؟ الشعب هيقوم ع النظام الحالي ؟؟؟ بأماة ايه هو حضرتك بتتفرج ع الاعلام المصري ولا فرق التوقيت مش مساعد حضرتك اتفرج ع الاعلام وشوف BRAIN WASH اللي حاصل استاذي كنت اتمنى حضرتك تنتقد اسلوب التامين يعني تقول لنا الكلام اللي يتقبله عقل انما عربية تقف ادام مديرية الامن ومفيش عسكري يوحد ربنا يقول لها ممنوع الوقوف

[herohero]

بوابة الاهرام - مصر

هددت جماعة أنصار بيت المقدس جموع الشعب المصرى من النزول والاحتشاد في الميادين غدا السبت.
وهددت الجماعة في بيان لها اليوم الجمعة، دعوات النزول قائلة "إن لزمتم منازلكم ولم تحتشدوا، فلكم في ذلك حق علينا بالأمن والسكينة

، وإن عزمتم على النزول، فإنا قادرون على أن نردكم".

ايه رأي حضرتك يااستاذي الفاضل

[MZohairy]

على فكره

كلامي لا يؤكد ان النظام بريئ

كلامي بيؤكد ان نسبة الاشتباه في الاخوان اكتر من نسبة الاشتباه في النظام

و مش مقتنع بوجود طرف تالت

[الترجمـان]

خلينا نسلم ان الدولة تستفيد من كل الإرهاب والإغتيالات والتفجيرات التي حدثت في مصر وفي خارج مصر ...

..وهي حقيقه.. ودعونا نكمل الأسئلة ونكمل التحليل ..

من الذي اغتال السادات ..؟؟وما هو انتماؤه الفكري وإلى إي تنظيم ينتمي ..؟؟

من الذي استحل دماء المدنيين و ضباط وجنود مديرية أمن أسيوط .. وما هو انتماؤه الفكري وإلى أي تنظيم ينتمي ...؟؟

من الذي حاول اغتيال مبارك في اديس ابابا .. وما هو انتماؤه الفكري والتنظيمي...؟؟

من الذي قام باحداث 11 سبتمبر وتبنى تلك العملية ... ما هو انتماؤه الفكري والتنظيمي ...؟؟

تلك الأحداث معلن من قام بها ومعروف من استفاد منها ومعروف من الذي تضرر منها ...

[سهران]

ياترى جماعة انصار بيت المقدس " جماعة خزعبلية والكلام ده اكده مقدم / محمد ابراهيم في مداخلته في برنامج 360 القاهرة والناس " هتقول محدش ينزل في 25 يناير وده طبعا رغبة الاخوان ؟؟؟؟؟ مين اللي له مصلحه ان الناس تخاف وماتنزلش في 25 يناير !!!

و هو وزير الداخلية و رئيس الجمهورية ما دعوش الناس للنزول للاحتفال يوم 25 يناير !!! الاعلام اللي بتسموه اعلام الفلول مش بقالوا اسبوع بيدعوا الناس للنزول و الاحتفاء و الاحتفال ... لان الهدف طبعا كان اظهار المصريين في الشوارع ( بفصيل واحد ) معترضين و ثائرين و مؤيدين للاخوان المفسدين في القناة الحقيرة قناة الأفاقين اللي ما بتبطلش تدليس ليل نهار و تسوق الصورة دي للعالم كالعادة ان البلد كلها في الشارع ضد ما يسموه انقلاب ... يبقى ازاي تهديد انصار بيت المقدس يضر بالأخوان و يمنع نزولهم .

[herohero]

على فكره

كلامي لا يؤكد ان النظام بريئ

كلامي بيؤكد ان نسبة الاشتباه في الاخوان اكتر من نسبة الاشتباه في النظام

و مش مقتنع بوجود طرف تالت

مع حضرتك لكن ممكن يكون فيه طرف ف الوسط بينتفع من غباء الطرفين يعني انا لو حرامي ولا معتاد الاجرام مثلا اكيد هستفيد من انشغال الامن بكدة وكذا واحد اشتكى من خلو الشوارع من الامن ،مش عارف الامور لا يمكن ان تاخذ ببساطة ع الاقل ارى وزير الداخليه يوجه له اي لوم اما ان يكون بيتكلم بكل اريحيه ويقول عادي كل الدول بيحصل فيها كده !!! ماشي بس احس انك بتغير ف اسلوب عملك اما نفس الاسلوب وتتوقع نتيجه مختلفة

[herohero]

خلينا نسلم ان الدولة تستفيد من كل الإرهاب والإغتيالات والتفجيرات التي حدثت في مصر وفي خارج مصر ...

..وهي حقيقه.. ودعونا نكمل الأسئلة ونكمل التحليل ..

من الذي اغتال السادات ..؟؟وما هو انتماؤه الفكري وإلى إي تنظيم ينتمي ..؟؟

من الذي استحل دماء المدنيين و ضباط وجنود مديرية أمن أسيوط .. وما هو انتماؤه الفكري وإلى أي تنظيم ينتمي ...؟؟

من الذي حاول اغتيال مبارك في اديس ابابا .. وما هو انتماؤه الفكري والتنظيمي...؟؟

من الذي قام باحداث 11 سبتمبر وتبنى تلك العملية ... ما هو انتماؤه الفكري والتنظيمي ...؟؟

تلك الأحداث معلن من قام بها ومعروف من استفاد منها ومعروف من الذي تضرر منها ...

لا لا كده حضرتك خلطت الأوراق ده كلها احداث ارهابية لكن النتائج مختلفه ياعزيزي انا مقتنع ان هناك من يقوم بعمل هذه العلمليات لكن بأجر اللي يدفع وبالتالي فالمستفيد ف كل مرة مختلف

[herohero]

و هو وزير الداخلية و رئيس الجمهورية ما دعوش الناس للنزول للاحتفال يوم 25 يناير !!! الاعلام اللي بتسموه اعلام الفلول مش بقالوا اسبوع بيدعوا الناس للنزول و الاحتفاء و الاحتفال ... لان الهدف طبعا كان اظهار المصريين في الشوارع ( بفصيل واحد ) معترضين و ثائرين و مؤيدين للاخوان المفسدين في القناة الحقيرة قناة الأفاقين اللي ما بتبطلش تدليس ليل نهار و تسوق الصورة دي للعالم كالعادة ان البلد كلها في الشارع ضد ما يسموه انقلاب ... يبقى ازاي تهديد انصار بيت المقدس يضر بالأخوان و يمنع نزولهم .

استاذي كلام واضح انا ماقولتش اعلام فلول ولا غيره انا بقول ان الاعلام موجه لشئ واحد سواء كان اعلام الجزيرة او الاعلام المصري

اما اعلان جماعة بيت المقدس فواضح جدا الناس بتهدد اللي هينزل واللي هينزل الاخوان وغيرهم

عموما القى نظرة من اللي نزل وف صورة كرنفال هو ناس معينة وشايلين صور الفريق عبد الفتاح السيسي وتحس كانه مهرجان لتنشيط السياحه

اما اللي كان المفروض ينزل هو 6 ابريل والاشتراكيين الثوريين وبالتالي انت بتخوف دول من انهم ينزلوا وعموما الايام هتوضح الكثير

كل ماكنت اتمناه ان نصل لحل غير الاقصاء المجرم يتاعقب ويتحاسب اما ان نظل هكذا فاننا سندور ف حلقة مفرغة

عموما الريموت كنترول موجود والتكنولجيا تسمح للجميع مشاهدة الواقع حي اتفرج ع قنوات الاعلام الراقي المحترم هتلاقي حاجه اتفرج ع اعلام الجزيرة الخسيس العميل هتلاقي حاجه

عندك زميليك هينقل لك اللي بيحصل لايف وحضرتك لك امكانياتك العقلية اللي تقدر تعرف ايه اللي بيحصل

تم تعديل 25 يناير 2014 بواسطة herohero

[egyptawy]

عزيزى هيرو انت فعلا منورن فى محاورات المصريين بس انا دايما بسال نفسى ياترى انت نشط كده برضه فى محاورات الاخوان ولا يترخموا علينا وتستنزفوا طاقتنا وخلاص

منورنا

[herohero]

عزيزى هيرو انت فعلا منورن فى محاورات المصريين بس انا دايما بسال نفسى ياترى انت نشط كده برضه فى محاورات الاخوان ولا يترخموا علينا وتستنزفوا طاقتنا وخلاص

منورنا

تصدق ولا اعرف فين محاورات الاخوان

انا ياعزيزي لو المحاورات ده اسمها محاورات مؤيدين محمد مرسي مكنتش هشارك او اسمها محاورات مؤيدين الفريق السيسي مكنتش شاركت لو اسمها محاورات الاخوان مكنتش شاركت اللي بيخليني اشارك هنا ان اسمه محاورات المصريين

[سهران]

اما اللي كان المفروض ينزل هو 6 ابريل والاشتراكيين الثوريين وبالتالي انت بتخوف دول من انهم ينزلوا وعموما الايام هتوضح الكثير

ما فهمته من مداخلة حضرتك ان تهديد انصار بيت المقدس (الارهابية) يصب ضـــــــــــــــــد مصلحة الاخوان اللي اعلنوا النزول مع جماعتين لم يعد لهم حضور قوي في الشارع المصري و هما 6 ابريل و الاشتراكيين الثوريين و تدلل بذلك على ارتباك المشهد رغم وضوحه و الاخوان و التنظيم الارهابي اراهم شيء واحد .

و حاولت ايضاح ان تهديد انصار بيت المقدس (الارهابية) يصب فــــــــــــي مصلحة الاخوان لان رئيس الجمهورية و وزير الداخلية و الاعلام دعوا المصريين للنزول بكثافة للاحتفال على غير ارادة الاخوان و القناة الحقيرة الراغبة في وجود االاخوان فقط بالشارع لتصدّر للعالم المشهد المطلوب اعداده من اللي مشغلينهم .

تحياتي

تم تعديل 25 يناير 2014 بواسطة سهران

[herohero]

ما فهمته من مداخلة حضرتك ان تهديد انصار بيت المقدس (الارهابية) يصب ضـــــــــــــــــد مصلحة الاخوان اللي اعلنوا النزول مع جماعتين لم يعد لهم حضور قوي في الشارع المصري و هما 6 ابريل و الاشتراكيين الثوريين و تدلل بذلك على ارتباك المشهد رغم وضوحه و الاخوان و التنظيم الارهابي اراهم شيء واحد .

و حاولت ايضاح ان تهديد انصار بيت المقدس (الارهابية) يصب فــــــــــــي مصلحة الاخوان لان رئيس الجمهورية و وزير الداخلية و الاعلام دعوا المصريين للنزول بكثافة للاحتفال على غير ارادة الاخوان و القناة الحقيرة الراغبة في وجود االاخوان فقط بالشارع لتصدّر للعالم المشهد المطلوب اعداده من اللي مشغلينهم .

تحياتي

انصار بيت المقدس ليس له وجود كتنظيم لكن افراده ممكن يقومون باي عمل مقابل اللي يدفع

ومازلت بكرر لو فيه وقت لحضرتك شوف كتا المؤامرة الكبرى الجزء بتاع الحكم العسكري للدكتور مصطفى محمود

وانا مش بقول ان الاخوان ابرياء لكن لا استطيع ان اتقبل الاسلوب اللي ف نظري دون المستوى من الداخلية تكرار نفس الحدث ولا اجد تغيير ارى ان الامور تحتاج مزيد من التحليل

[متعب]

herohero, on 25 Jan 2014 - 2:29 PM, said:

انصار بيت المقدس ليس له وجود كتنظيم لكن افراده ممكن يقومون باي عمل مقابل اللي يدفع

ومازلت بكرر لو فيه وقت لحضرتك شوف كتا المؤامرة الكبرى الجزء بتاع الحكم العسكري للدكتور مصطفى محمود

وانا مش بقول ان الاخوان ابرياء لكن لا استطيع ان اتقبل الاسلوب اللي ف نظري دون المستوى من الداخلية تكرار نفس الحدث ولا اجد تغيير ارى ان الامور تحتاج مزيد من التحليل

احنا قلنا خمسين مرة ان جماعه بيت المقدس جماعه وهميه لاوجود لها

ومفيش فايده

وطلبنا فيدوهات ليها باشخاصها المعروفين واذا كانت بتتبناهم القاعدة من عدمه ولا لاء

ومفيش مجيب

اجابنا مسئول اليوم عن هذه الجماعه واعترف ان هذه الجماعه . وهميه

بس جابها المرة دى فى انصار ورجال خيرت الشاطر بطريقه عجيبه

فاذا كانت هذه الجماعه اصلا تتبع للشاطر فكان الاولى لها بدلا من التفجيرات كانت تطالب النظام بالافراج عن رجلها الاول خيرت الشاطر

ولا هى بتفضل التفجيرات الصامته بدون مطالب ؟

يعنى على سبيل المثال الى الان لم تطلب الافراج عن ايا من الجماعات ايا ان كانوا واذا ساوموا النظام على ايا من الافراد سيان الشاطر او حد من مكتب الارشاد .

كانت هتتفاوض الحكومه لامحاله معاهم

ده مش دليل بيعتبر قاطع على سوق الهبل فى الجبل وخلاص

ويبقى السؤال .

ماهى مطالب جماعه بيت المقدس .؟

وإلا متبئاش جماعه من الاصل ولا ده كلام فى الهجايص وخلاص

http://www.3asma.com/6494.html

[herohero]

سؤال لولبي حلزوني ، هو لو الاخوان راحوا واضروا بمطار القاهرة سواء باعتصام او بتفجير مش ده هيضر اكثر بكثير عن اي مديرية امن

العقل بيقول كده لان ده تاثيره خارجيا فظيع

[herohero]

[الترجمـان]

لا لا كده حضرتك خلطت الأوراق ده كلها احداث ارهابية لكن النتائج مختلفه ياعزيزي انا مقتنع ان هناك من يقوم بعمل هذه العلمليات لكن بأجر اللي يدفع وبالتالي فالمستفيد ف كل مرة مختلف

انا مش شايف اي خلط سوى انك غارق في ضلالك ولا تريد ان تضع تنظيم الإخوان في نفس السلة الفكريه للجماعات الإرهابية التي قامت بتلك الأحداث على الرغم من خروجهم من رحم التنظيم بشهادة اهل التنظيم نفسه...وبعد ان رأيناهم مجتمعين على قلب رجل واحد ويد واحده على منصة رابعة العدوية وكلهم اخرجوا ما بداخلهم من تصريحات وافعال فهو امر منتهي بالنسبة للتاريخ المسجل..

وبعدين انا معترف ان الدولة المصرية استفادت من كل تلك الأعمال الإرهابية وان النتيجه النهائية جاءت في صالحها فما هو وجه اعتراضك ..؟؟