صور مبارك .. وترشح السيسي ..

[abaomar]

والذي نفسه بغير جمال * لا يرى في الوجود شيئا جميلا ..

قلتها مسبقا أنني لن أرد على المداخلات المعارضة واحدة بواحدة .. ( مع أنه بإمكاني بسهولة ) .. أنا فقط سأتبع القاعدة العلمية التي يؤمن الرجال الذين وهبوا عقولا تفكر .. وليس قلوبا لا تعرف غير الضغينة والانتقام .. القاعدة العلمية التي تقول أنه لكي تحكم على الأمور .. حولها إلى أرقام .. حينها لن تختلف وجهات النظر .. عندما نرى ضوءا معينا .. يمكن أن يختلف الحكم عليه .. بعضهم يراه أصفر وبعضهم يراه برتقاليا .. وقد يراه بعضهم رماديا .. لكن عندما نحول هذا الضوء إلى رقم متمثل في التردد الخاص به .. لا يمكن حينها أن تختلف وجهات النظر .. فقط سيبقى حكم واحد .. طالما التردد كذا = إذن الضوء كذا .. ولا يمكن أن يخالف هذه النتيجة إلا من يلغون الوظيفة التي من أجلها خلقت عقولهم .. ألا وهي التفكير ..

تعالوا نضيف رقما آخر .. رقم مدعوم من جهة دولية صدر بعد 6 أشهر من حكم الدكتور مرسي

وقد وضعت في بداية المداخلة تقرير مدعم بأرقام من جهات رسمية .. حول الوضع في أواخر عهد مبارك .. والوضع بعد 3 سنوات من مجيدة .. ومن لا يريد أن يقرأ فهو حر ..

-------------------

موضوعي قد اشتمل على شقين .. أحدهما يتعلق بالماضي .. والآخر بالحاضر والمستقبل ..

العجيب أن الجميع بلا استثناء تقريبا انشغل بالتعليق على الماضي ..

ولم أجدا أحدا علق على الشق الخاص بالمستقبل ..

السلام عليكم

اخى الفاضل شرف الدين اهلا بك و احترم الخلاف معك فى الرأى

عجبت كثيرا ان مثقف مثلك تفوت عليه تلك الجمل و العبارات الوارده فى

التقرير الذى تفضلت بوضعه و ترد على ما قلته قبلها

تعالوا نضيف رقما آخر .. رقم مدعوم من جهة دولية صدر بعد 6 أشهر من حكم الدكتور مرسي

وتحدث مرسي عن القضاء على عناصر الفساد في الدولة ومن يتعاملون مع الدولة. لكن الكثير من المؤسسات التجارية هزتها تصريحاته خشية أن يعني هذا أن تكون نخبة قد حلت محل نخبة أخرى أو الطعن في الصفقات التي اتفق عليها المستثمرون مع حكومة مبارك.

غير أن بعض المسؤولين يقولون أن هناك على الأقل مؤشرات محدودةعلى أن الفساد أصبح أقل ظهورا في بعض قطاعات الأعمال ومن أسباب ذلك شعور جيد بالمحاسبة رافق التحول الديمقراطي في مصر الذي لم يكتمل بعد.

وقال فيلكه إن مرسي أدلى بعدد من الخطب قال فيها إن محاربة الفساد هي كبرى أولوياته "لكن حتى الآن لم يتحقق الكثير فعليا لجعل هذا واقعا فيما يتعلق بوضع أنظمة نعلم أنها تعمل على محاربة الفساد... تعزيز استقلال القضاء أحد هذه الأنظمة."

وأضاف فيلكه أن العمل الدؤوب في دول تحارب الفساد يمكن أن يؤدي إلى تراجع مركزها لأن المواطنين يصبحون أكثر وعيا بالفساد.

ومضى يقول "يمكن أن أقول إن مصر قدمت وعودا كبيرة واتخذت بعض الخطوات الصغيرة المبدئية... أي شخص يشهد عملية التحول يوافق على أنها صعبة بشكل غير معتاد. ليس من الممكن تغيير الأوضاع بين عشية وضحاها."

ويخوض مرسي معركة عالية المخاطر مع القضاة في مصر والكثير منهم من خصوم جماعة الإخوان المسلمين التي ينتمي إليها والتي تهدف إلى تطهير قضاء ينظر له على أنه مليء بمن عينهم مبارك.

يا الله.. فيلكه المذكور اعلاه رأى بعينه ان هناك محاولات لمقاومه الفساد الضارب بجذوره فى مصر من عصابه مبارك و مواليها

و ادرك ان تغيير الاوضاع ليس من الممكن بين عشيه و ضحاها بسبب اوضاع منها فساد القضاء يا شرف الدين

الذى رأينا منه العجب العجاب حيث خرج كل رموز نظام مبارك اليوم من السجن و الثابت عليهم بالقضاء نفسه احكام بالفساد

و رأينا كيف ان القضاء الفاسد سمح لمرتشي واطى كمبارك قبل هدايا لا يحق له اخذها و هى فى عرف القضاء رشوه

مثل كرافتات و شرابات ....من مؤسسه الاهرام مثلا

سمح القضاء الفاسد لمبارك بأن يرد قيمه تلك الرشاوى مقابل رفع القضيه ...تخيل

و هو نفس القضاء الذى تجاوز عن قضيه الفيلتين الممنوحتين له من حسين سالم لإنقضاء اجل رفع الدعوى او ما شابه

يعنى هم يعترفون انه مرتشى و حرامى و لكن فات وقت الادعاء عليه ...

هذا هو الماضى اخى الفاضل الذى تريد تجاوزه من شده سواده و تريد النظر الى المستقبل و هذا مستحيل اخى الكريم

لأن مبارك و نظامه و اولاده اللصوص ما زالوا احياء و تحت ايديهم و فى كروشهم ثروات و خيرات مصر المسروقه منى و منك

و يستحيل ..اكرر ..يستحيل ان تستقيم الحياه او المستقبل دون القصاص من هؤلاء اللصوص المجرمين مصاصى الدماء .

تم تعديل 27 يناير 2014 بواسطة abaomar

[Scorpion]

في 27/1/2014 at 06:04, herohero said:

ولا ع الخط ولا حاجه هي بس الحكاية انزلوا انسوا كندا وايطاليا =وامريكا انلزوا للشباب ف مصر وشوفوه محبط ازاي وع فكرة ان شاء الله موجة الهجرة غير الشرعية هتزيد والسفر للخليج هيزيد اكثر لان الشباب ف مصر اتخنق وده اي حد يتعامل مع الشباب ف مصر هيشوف ده لان المطلوب ف مصر حاليا جيل من المنتفعين

حضرتك تعرف ايه عني ؟؟

يعني حياتي ماشية ازاي و تواجدي فين ؟ و اد ايه وقت بعيشه في مصر و اد ايه بعيشه في الغربة ؟

و بما ان ردك حيكون انك ما تعرفش حاجة الا اذا كنت تملك البلورة السحرية بتاعت الساحرة نونا .. يبقي رجاء وفر نصايحك ..

ماهو ما ينفعش نشتغل شوية عاللي قضوا عمرهم شايلين همومهم و هموم بلدهم و الأكتر هموم ولادهم و نشيل الطين و نحط عليهم .. و شوية ننقل عاللي في الغربة طافحين الكوتة علشان نفس السبب .. و نشيلهم الليلة كلها ..

انتم استمرارية لينا .. و اقصي ما يتمناه اي اب ان ابنه يبقي احسن منه .. و اقصي ما يجرحه ان ابنه يسخر منه و يبخس تضحياته حقها ..

لأن اللي بناه هو حتي لو كان تافه في رأيك (الحالي) ... هو اللي انت كملت عليه ..

عالعموم دي آخر مرة حبدي رأيي في النقطة دي .. و كل واحد حر بالطبع في ان يقف لحظة يراجع فيها نفسه او انه يعديها اللحظة دي لأنها غير ذات أهمية ..

[herohero]

في 27/1/2014 at 13:50, Scorpion said:

حضرتك تعرف ايه عني ؟؟

يعني حياتي ماشية ازاي و تواجدي فين ؟ و اد ايه وقت بعيشه في مصر و اد ايه بعيشه في الغربة ؟

و بما ان ردك حيكون انك ما تعرفش حاجة الا اذا كنت تملك البلورة السحرية بتاعت الساحرة نونا .. يبقي رجاء وفر نصايحك ..

ماهو ما ينفعش نشتغل شوية عاللي قضوا عمرهم شايلين همومهم و هموم بلدهم و الأكتر هموم ولادهم و نشيل الطين و نحط عليهم .. و شوية ننقل عاللي في الغربة طافحين الكوتة علشان نفس السبب .. و نشيلهم الليلة كلها ..

انتم استمرارية لينا .. و اقصي ما يتمناه اي اب ان ابنه يبقي احسن منه .. و اقصي ما يجرحه ان ابنه يسخر منه و يبخس تضحياته حقها ..

لأن اللي بناه هو حتي لو كان تافه في رأيك (الحالي) ... هو اللي انت كملت عليه ..

عالعموم دي آخر مرة حبدي رأيي في النقطة دي .. و كل واحد حر بالطبع في ان يقف لحظة يراجع فيها نفسه او انه يعديها اللحظة دي لأنها غير ذات أهمية ..

استاذي الفاضل انا تربية الغربة اللي ورثها ليا والدي وكثر الف خيره هو حاول ولكن هيعمل ايه وانا ورثت المرض الوراثي وحاولت ف مصر 4 سنوات وكان المطلوب تنازلات مش قابلها اتغربت وفيه برده تنازلات لكن اهو أرحم من اللي في بلدي العزيز ع الاقل مش مطلوب مني ابقى مرتشي وحرامي او معر..... !!! اه هي كده بالنص واسال اي مهندس اشتغل ف تعاملات حكومية ف مصر

لا أوجه لشخصك الكريم شئ لكن بتكلم ان غالبية اللي ف المنتدى هنا مغتربين او مهاجرين وانا منهم ويمكن للابد طيب مادام بلدنا حلوة كده ليه سافرنا ليه خلفتونا وعيشتونا برة البلد بقينا اغراب مرة ف الوطن ومرة ف بلد الاغتراب

لا اوجه لوم لوالدي ولا لاي اب اغترب لكن مش معقولة ان اقول اننا اغتربنا وكثير مننا هرب من الظلم اه انا اعرف ناس ادمرت نفسيا سافرت لمجرد الهروب اللي اظلم ف تعيين ف الجامعة واللي اتظلم لشان سياسي ليس له ذنب يا اخي الفاضل لي زميل كان متفوق جدااااااااااااا اتوقف حاله 7 سنوات متخيل ؟؟؟ حتى السفر منعوه منه لولا 25 يناير 2011 النكبة ف نظر الكثيرين انقذته وبدا يعوض اللي فاته ف كندا وهيحصل ع الماجيستير اللي ظلمته بلده بل الادق النظام المبارك اللي زي الفل

استاذي انا احتركم واجل كل من هم اكبر مني ولكن لا يمكن ان يستمر الوضع هكذا ،مرسي سئ لكن مش معنى كده ان النظام المباركي رضي الله عنه لا والف لا الرئيس مبارك عمل نظام يتحمل ارث المصائب اللي احنا فيها لا كان فيه حروب ولا نيلة كان وراه ايه ؟؟؟ فين الدولة اللي بناها شوية كباري واتفضلوا امشوا عليها وشوفوا ،شغل الجيش لاغبار عليه اي شغلانه بيعملها الجيش ممتازة

اما انا بتكلم عن الشغل المدني اللي يتبع المنظومة اياها ،فااااااااااااااااااسد وانزلوا وشوفوا

عموما اللي يرفع صورة مبارك ولا غيره ،ربنا يحشر كل واحد مع من يحب يوم الحساب

[herohero]

http://www.youm7.com/News.asp?NewsID=1476968

التليفزيون المصرى: الأعلى للقوات المسلحة يفوض السيسى بالترشح للرئاسة تم تعديل 27 يناير 2014 بواسطة herohero

[herohero]

بعتذر نسيت ان الفريق السيسي حلف انه مالش طمع ف شئ الا ان بلدنا تبقى اد الدنيا ،بكرر اعتذاري الفريق السيسي مش عاوز يبقى رئيس والفيدي بلسانه بيقول كده ، انا بعتذر لان ظلمته

http://youtu.be/Z_ndnETxVKg

[herohero]

امال كانوا رايحيين يحتفلوا بايه

وحضرتك مدايق عليهم ليه اصلا وعلى ابائهم !!!

http://youtu.be/Dm2Yun9SjEE

[Alshiekh]

حتطرح سيسى طبعا

للدرجة دي السيسى غالي عندك؟

عموما "المانجا بتاعة مرسي" جابت لنا السيسي

شكرا مرسي لأن الشعب بيحب "المانجا" اللي جابت لنا "السيسي"

وان شاء الله "السيسي يبقى رئيسي"

[متعب]

كفاية يا استاذ متعب ... ما تخليش العزة بالأثم تاخدك .. فيه مرحلة من الحوار اذا كنت بتعتبر اللي بتعمله ده حوار لازم يفهم الواحد انه لازم يقف ..

العب بالآيفون زي ما انت عاوز .. بس ما تتريقش علي الجرامفون ( حقوق الطبع محفوظة لزميل تاني معاك عالخط )

بلاش من فضلكم تلعبوا في صالح اللي عايزين يقسمونا بأي طريقة و بأي وسيلة ..

اعتبروها نصيحة من واحد بين الجيلين ... ماينفعش كده

مهو انا برده اربعينى . يعنى بعتبر نفسى جيل الوسط بين الجيلين . بس لازم اكون منصف لجيل رافض هذه التبعيه للفساد ورافض للمسميات من اول الطرف الثالث الى الطابور الخامس وحقيقه هؤلاء هم المنتفعين من نظام دوله رجال الاعمال والمنتفعين وجروا ورائهم جيل من البلطجيه ليكون الدرع الحامى لدوله الساكسونيا ودول عددهم لوحدهم فى مصر اكثر من تلاتين مليون

فلا تتعجب من هذه الشعبيه الذائفه للعسكر

واقسم ان لو السيسى اعلن انه سيقيم دوله قانون ومؤسسات دوله لامؤسسات وراثيه لنفس الفصيل .

اقسم ان من سيحاربه وقطعا سيسقطه هما هؤلاء من المنتفعين من دوله السكسونيا . وسيصبح السيسى خائن وعميل وبقيه التصنيفات التى قاموا بالصاقها فى الثورة

ولذالك هيسعوا جاهدين الى رجوع دوله مبارك ولا بديل غيرها لان وجودها مرتبط بوجودهم فى مصر هم واتباعهم من اللجان الالكترونيه التى تراها الان منتشرة بكثافه لترشيح السيسى رئيسا للبلاد والعباد .

لاعشقا فى السيسى ولكن عشقاً فى دوله مبارك التى صنعت الفساد وصدرته الى باقى الدول

وعند قيام الثورة فروا من البلاد اعمدتهم لانه عارفين كويس هما عملوا ايه فى مصر وعند رجوع العسكر سمعنا اصواتهم تعلوا من جديد ورفعوا اعلام دوله كانت منكسه طوال ستون عاما

مصر مش عدوها اسرائيل زى ما فهمونا . مصر اعدائها هذه الطوابير من الاول للخامس . حامليين رايات القضاء الشامم

[herohero]

http://youtu.be/Ecgu5-KchVI