دعواتكم للعزيز امير

[yasovinas]

الاخوه الاعزاء لي اكثر من ثلاث ايام ملاحظ عدم تواجد العزيز امير في الهايد بارك وكل يوم احدث نفسي بضرورة اني اتصل بيه للاطمئنان عليه ولكن كما يقولون الدنيا تلاهي

اليوم رن الموبايل ووجدت العزيز امير هو من يتصل بي

وبعد السلام والاعتذار عن التقصير فاجئني امير بقوله انا في غرفة الانعاش من اربع ايام

للاسف لم استطع ان استفسر منه عن التفاصيل لانه فقط بعد السلامات والاعتذار بدء ينهج

وعلمت انه سوف يتحدد وضعه الصحي بدقه اليوم وسوف اتصل به اليوم في المساء

دعواتكم جميعاً للعزيز امير

[White heart]

ألف ألف سلامة الى العزيز جدا "أمير" ....

أدعوا الله أن يتمم شفائه و يعود لأسرته الكريمة و الينا بأتم صحة و عافية...

لقد تفاجائت بهذا الخبر، و أقلقنى كثيرا على رجل أكن له أخلص مشاعر الصداقة و الإحترام.

برجاء طمئتنا عليه كلما سنحت لك الظروف، و اتيح لك الوقت و الفرصة.

و مشكور على إبلاغنا، و موافتنا بأخباره.

[Salwa]

لا بأس على الأخ الفاضل المحنرم امير.

ان شاء الله خير ...هى مجرد كلمة العناية المركزة تخيف بعض الشئ لكن الحقيقة ان هذا فى كثير من الأحيان بيكون افضل للمريض حتى لا ينفعل تحت اى مسبب ..

وبالتأكيد الأخ ياسو غالى عنده جدا ...لأن فى موقف كهذا ممنوع حتى التليفونات

لكن هذا فى حد ذاته بشرة خير .

الف سلامة عليك يا اخ امير ..

فى انتظارك بألف خير .واتم صحة ...

ابتعد عن اى اخبار ...

الله هو الشافى العافى ..تفاءل خير وستجد كل خير .

[se_ Elsyed]

إيه ده .. إنتوا نقلتوه هنا ؟ .. ياخوانا بالراحة على الراجل أنا لسه باعث له سلام في الهايد بارك ...

شد حيلك يا أمور وإن شاء الله تقوم بالسلامه ..

وبرضوا هاعقدك وأقولك بطل السجاير وحاول تشيل حديد ..

[achnaton]

ألف مليون سلامه يا أمير الأمرا .. اربع ايام فى الإنعاش .. يبقى ما يهمناش .. خير بإذن الله .. وحترجع لنا زى اللى انت سايبه كام سنة ماشى .. عفى الله عنك وشفاك .. وامتنعنا بفكرك العاقل الجميل .. وطمأنا على طول الله يخليك ..

مع تمنيات صادقة من القلب ..

( خارج موضوع اطيب الأمانى لأخونا أمير الأمرا .. بنقول لأبوعمر وآهى فرصه نغرمه ) وبعدين إيه الحكاية يا ابو عمر .. الراجل لا بيدخن ولا بيتعاطى .. سوى الشوكلاته والبطاطا .. وانا سمعت ان السعودية تقدمت فى صناعة الشوكلاته .. فشوف لنا عندك كام قنطار .. وبلاش الورد بياكله منه الحصان السايب اللى تايه من زمان .. وكمان ما سمعتش المثل اللى بيقول .. " من المحال !! .. يشرب السجاير خيال "

يا صباح الفل يا ابو عمر .. الله يسعدك كما تسعدنا وبتدخل الفرحة والضحكة لقلوبنا

تم تعديل 17 مايو 2005 بواسطة achnaton

[Scorpion]

الف الف سلامة يا امير الأمرا ....

احنا ممكن نعمل دلوقتي مجموعة غرفة الأنعاش ( و ديه مجموعة لا بأس بيها في المحاورات) ...

ما تقلقناش عليك .. و ارجع بسرعة يا امير ...

تحياتي و ارق امنياتي الشخصية ...

[yasovinas]

العزيز اخناتون (الحفيد) امير مش بيدخن سجاير لا

ده مدخنة سجاير ربنا يتوب عليه

نرجع للمهم

الحمد لله على كل شيء

اتصلت بالعزيز امير الآن وتم نقله الى غرفه عاديه بمستشفى خليفه بابو ظبي وافاد بانه بخير والحمد لله ويتم عمل تحاليل واخذ عينه لتحليلها والنتيجه سوف تعرف غداً باذن الله

دعواتكم

اللهم اشفيه واشفي كل مريض

اللهم يا لطيف اجعل المقدر خفيف

[سقراط المصري]

الف سلامة يا امير

[yasovinas]

الاخوة الاعزاء

الاخ امير تحسنت حالته وتحدثت معه الان واطمئنيت عليه وسوف يخرج من المستشفى اليوم باذن الله

وحسب ما عرفت منه الموضوع بدء بمغص شديد ادى الى الذهاب الى الطوارئ وهناك اتضح ان السبب مشكله في الطحال (هوبيعمل ايه الطحال ده ) وتم ادخاله العناية المركزة ومن ثم عمل تحاليل واخذ عينات والان الموقف تحت السيطرة وسوف ينضم الينا العزيز امير غدا او بعد غد باذن الله

[amir]

اشكركم من كل قلبى على مشاعركم الرقيقه

و دايما هى دى اخلاق المصريين

[سقراط المصري]

مره ثانيه الف سلامه يا امير

وبما انك عندك الطحال (مع اني معرفش الطحال دا جنب الكبد ولا قريب من سوق العبور)، فنصحيه طبيه مصريه تنفع لجميع الامراض:

ماتكلش سمك ولا بيض وحط على صدرك جرنال (يفضل الاهرام وبلاش الوفد النعماني)، والبس شراب طويل عشان صدرك مايخدش برد. :D

ترجع لنا بالسلامه

سقراط

[amir]

مره ثانيه الف سلامه يا امير

وبما انك عندك الطحال (مع اني معرفش الطحال دا جنب الكبد ولا قريب من سوق العبور)، فنصحيه طبيه مصريه تنفع لجميع الامراض:

ماتكلش سمك ولا بيض وحط على صدرك جرنال (يفضل الاهرام وبلاش الوفد النعماني)، والبس شراب طويل عشان صدرك مايخدش برد. :D

ترجع لنا بالسلامه

سقراط

<{POST_SNAPBACK}>

تصدق و تؤمن بالله .... انا مراتى نصحتنى بنفس النصيحه و اضافت عليها سمك و بيض و الكبده على الطريقه الاسكندرانى !!

طبعا الكبده الاسكندرانى دى هى اللى بتتعب مراتى فى عمايلها ... و علشان كده اضافتها لقائمة الممنوعات ! و قالت لى ان دى تعليمات الدكتور بس انا مخدتش بالى و كنت سرحان وقتها !!

شكرا سقراط على نصايحك الطبيه ! :angry:

[ابو خليل]

شفاك الله وعافاك

لا بأس طهور إن شاء الله

وابتعد عن التدخين والعادات غير الصحية ..

[Sherief AbdelWahab]

مرة أخرى ، سلامتك من الآه يا أمير ..

خلص الكلام

[amir]

الف الف سلامة يا امير الأمرا ....

احنا ممكن نعمل دلوقتي مجموعة غرفة الأنعاش ( و ديه مجموعة لا بأس بيها في المحاورات) ...

ما تقلقناش عليك .. و ارجع بسرعة يا امير ...

تحياتي و ارق امنياتي الشخصية ...

<{POST_SNAPBACK}>

فكره رائعه يا سكوب

و يقدر اى واحد الاشتراك بالغرفه اذا أثبت انه امضى على الاقل ليله واحده بالانعاش

و طبعا ممكن اى واحد يرشح نفسه لرئاسة الغرفه اذا أثبت ان لديه اكبر عدد من الامراض المرشحه لتحويل المريض للأنعاش

أو يكون قد امضى اكبر عدد ممكن من الايام فى غرفة الانعاش

بس انا خايف اخونا اخناتون هو اللى يكسب سباق الرئاسه بالاقداميه :angry:

[amir]

شد حيلك يا أمور وإن شاء الله تقوم بالسلامه ..

وبرضوا هاعقدك وأقولك بطل السجاير وحاول تشيل حديد ..

<{POST_SNAPBACK}>

يا عم se_ Elsyed بلاش نش معلومات طبيه غير سليمه تضللوا بيها شعب المدخنين المسالمين

يعنى تقدر تقول لى ايه العلاقه بين السجاير و بين الطحال... يا عمى سيب الناس تنفخ بدل ما تتنفخ

شكرا على سؤالك هنا و فى البارك

.

[mb14]

الأخ الفاضل /امير

الف سلامه عليك وحمد الله على السلامة

[se_ Elsyed]

شد حيلك يا أمور وإن شاء الله تقوم بالسلامه ..

وبرضوا هاعقدك وأقولك بطل السجاير وحاول تشيل حديد ..

<{POST_SNAPBACK}>

يا عم se_ Elsyed بلاش نش معلومات طبيه غير سليمه تضللوا بيها شعب المدخنين المسالمين

يعنى تقدر تقول لى ايه العلاقه بين السجاير و بين الطحال... يا عمى سيب الناس تنفخ بدل ما تتنفخ

شكرا على سؤالك هنا و فى البارك

.

<{POST_SNAPBACK}>

يا سلام ياخوايا ؟

هو مش كلوا موصل على كله ..

يعني مش إنت بتشد النفس من هنا بيلف ويدور في أنحاء الجسم لحد ما تخرجة من نخاشيشك ...

يبقلا إيه المانع إن النكوتين يعدي الطحال ويبوظه ؟

[achnaton]

[

فكره رائعه يا سكوب

و يقدر اى واحد الاشتراك بالغرفه اذا أثبت انه امضى على الاقل ليله واحده بالانعاش

و طبعا ممكن اى واحد يرشح نفسه لرئاسة الغرفه اذا أثبت ان لديه اكبر عدد من الامراض المرشحه لتحويل المريض للأنعاش

أو يكون قد امضى اكبر عدد ممكن من الايام فى غرفة الانعاش

بس انا خايف اخونا اخناتون هو اللى يكسب سباق الرئاسه بالاقداميه :angry:

<{POST_SNAPBACK}>

الف حمد الله بالسلامة يا امير الأمرا ..

انا اول ما الدكتور هنا يقول يالله على الانعاش .. أعرف على طول انى عملت حاجه غلط فى المحاورات .. واجارك الله وجنبك الانعاش هنا .. لأن الغرفة بيبقى فيها ثلاثة مرصوصين فى السراير متكتفين بكل انواع الرباطات .. وتفصل السراير عن بعضها ستاير .. فالواحد بيسمع كل همسه ولمزة من اللى نايم جنبه .. حتى صوت الريح .. وبتبقى فرصه ان الواحد بيتقرب لخالقه اكتر .. وافضل طول الليل احمده واشكر فضله انى مش زى اللى جنبى على طول او اللى فى السرير نمرة تلاته .. ما هو من شاف بلاوى الناس تهون عليه بلوته .. وفى الصباح وقبل الشمس ما تطلع يهل علينا فرقة العضلات .. دول بقى ممرضين رجاله .. بس كل هلف والثانى .. ولا شمشون الجبار .. يقلبوا العيان يمين وشمال ويغسلوه بالماء والكريم .. وكام حقنه على الماشى وبعدهم ييجى الفطار .. وبمجرد ما يحطوا جنبى صنيتى .. تدخل ممرضه وتبص لى كده نظره لها معنى .. وتسأل نمت كويس .. أقول آه .. ( آه دى من التعب ما انا طول الليل .. اسمع اصوات العليل اللى جنبى ).. فتقولى طب يالله بينا وتخلع كل الخراطيم .. وانا عينى على صنية الفطار .. ومن الجوع أكاد أنهار .. تقولى البنت مقصوفة الرقبة .. الوقت حنوديك اودتك .. وابقى افطر هناك .. وتكون الساعة قربت على عشرة .. وعبال ما ينقولنى على سرير تانى ويتحرك الموكب من الطرقة لطرقه .. ثم الى الاسانسير .. يكون الفطار بتاعى فى غرفة الإنعاش أكله الطير !! .. راح فين يا جماعه .. ما نعرفش .. ولأن ربنا عالم بالحال .. ومعدتى الخالية عاملة موال .. بيخبط الباب .. وتدخل صنية الغذاء ..

شوف بقى الفيلم ده لما الواحد يضطر يشوفه غصب عنه كل كام يوم .. الحمد لله مش كل ساعة زى افلام شريف عرفه فى التليفزيون..

وبعد كل ده بتنق يا امير الأمرا .. حتى على الإنعاش لا نخلو من الحسد .. هاتلى شوية بخور من عندك يا ابو عمر ..

تم تعديل 20 مايو 2005 بواسطة achnaton

[amir]

يا سلام ياخوايا ؟

هو مش كلوا موصل على كله ..

يعني مش إنت بتشد النفس من هنا بيلف ويدور في أنحاء الجسم لحد ما تخرجة من نخاشيشك ...

يبقلا إيه المانع إن النكوتين يعدي الطحال ويبوظه  ؟

<{POST_SNAPBACK}>

دى اسمها نظرية الاوانى المستطرقه

يكونش حد قال لك انهم عملونى حله برستو !! :angry: