إيه رأيكم ننشر التحية الجديدة "صباح التغيير"

[معتز]

عندي اقتراح

يا ريت نقتنع بيه وننشره كلنا

إيه رأيكم لو ننشر بين كل المصريين تحية جديدة

"صباح التغيير"

يعني لما تقابل واحد أو واحدة

وبعد ما تقوله أو تقولها

سلام عليكم

تقول

"صباح التغيير"

وباليل

"مساء التغيير"

بدل صباح الخير ومساء الخير لأن الخير في "التغيير"

الهدف

نعطي الأمل للناس ونفكرهم بقضيتهم بشكل غير مباشر لغاية ما تكون كلمة دارجة على اللسان

رفع الروح المعنوية للناس من خلال ترديدهم الكلمة في كل حته

بيكون شبه عهد بين الناس على التغيير ولو بالدعم المعنوي

لون جديد من أشكال الاحتجاج إيللي ممكن ينتشر بسرعة

مدخل جيد للحديث مع الناس عن التغيير لأن في ناس هتسأل "تغيير إيه"

الكلمة تنفع تقولها وهيبة لأم حسن وهي بتنشر الغسيل

ينفع يقولها الطالب لزميله

يقولها الأستاذ في المدرج

نقولها في التليفون في المترو على الماسنجر

تنفع لكل اتجاه أو دين لأنها ليست يافطة حزب معين....لكنه مطلب الجميع

في الأول الناس هتخاف... أو هتاخدها بتهريج

لكن لما تنتشر هتبقى حاجة روشة وكله يبقولها

إيه رأيكم في الفكرة؟ حد عنده اقتراح تاني

وقبل ما أمشي أقول لكم

السلام عليكم ورحمة الله وبركاته

و"مساء التغيير"

منقول

http://www.taqhier.net/vb3/showthread.php?t=58