يا اسكندرية .. ياللى زاينة البحر الابيض

[أبو محمد]

يا اسـكندريـة .. يااللي زاينة البحر الأبيض
يا نور عينيه .. عالشباب و عليكي يعوّض
رأيت مواني .. عن يمين مُلكك وشمالك
ماشفت تاني .. فيه أثر من بعض جمالك

[أبو محمد]

يا اسكندرية يا مصراوية .. على سن باسم على ضحكة هالَّة

البـحـر شـباك ومشـربيـة .. وانـتى الأمـيــرة عـالـدنـيا طـالـَّة

كإنى طوبة من بيت فى حارة

كإنى دمعة فى عيون سهارى

كإنى نجـمـة فــوق الـفــنــارة

تهدى الحيارى

والفجر غـايب

http://www.youtube.com/watch?v=2W1zIGNnFR8

[أبو محمد]

من فيلم "وبعد الطوفان"

إهداء من الصديق محمود يوسف

من تلحينه وأدائه

اسكندرية مش الكورنيش .. ولا هى رشدى ولا زيزينيا

إسـكنـدريـة نـاس بتعيـش .. وكـأنـهــا مـش فى الـدـنــيـا

http://www.youtube.com/watch?v=oIWMXebFqE8

[عبير يونس]

يا اسكندرية قلوبنا فيكِ دابت

و فجمالك الخلاّب ده تاهت

زي شطك العين ما شافت

و لا تهوى غيرك القلوب

يا عروسة البحر الجميلة

فبعدي عنك ما بيدي حيلة

مشتاقة قربك ليالي طويلة

و عن حبك أبدا ما أتوب

لو على الكلام أقول فيكِ ياما

و لا اخاف في حبك الملامة

تعيشي حرة امنة في سلامة

سالمة من كل الكروب

وحشني اوي شطك و رملك

و اموت في هواكِ و نسايمك

مين ده اللي بخُطره سايبك

ده لما تيجي سيرتك بادوب

مهما بعدت عنك قلبي فاكرك

يوم حا يجي و ارجع لبحرك

و ارمي نفسي على صدرك

زي زمان وقت الغروب

[باهى الطائر الحزين]

وعمار ياسكندريه

http://youtu.be/vPhv4qI5ODc

[باهى الطائر الحزين]

اسكندريه تانى

وآه من العشق يانى

http://youtu.be/AKkboNiffrQ

[عبير يونس]

روعة اغاني تترات مسلسل زيزينيا

كلمات العبقري الخالد الذكر أحمد فؤاد نجم

و صياد بحر النغم الغائب الحاضر عمار الشريعي

و شدا بها الصوت الجميل محمد الحلو

تتر البداية

اســـكـــنـــدريـــــــــــة تانى

و اه م العشق يانى

و الرمل الزعفرانى

ع الشط الكهرمانى
و السحر اللى احتويته

و البحر اللى احتوانى

و البحر ابو الف موجه

و الموج بالف حالة
وانا المغرم صبابة

باسكندرية يابا

وفكرة كونى انسى

فحكم الاستحالة
فحكم الاستحالة

عشقت بحرك وغرقت فيكى

وصبحت عندك ف العشق حالة
و سمعت منك و عشقت بيكى

وعجبنى قربك على اى حالة

وعاشرت فيكي الخواجة ينى

اجريجى لكن مصراوى جنى
اسكندرانى عاشق اغانى

جعان يغنى شبعان يغنى
ويبات فحالة يصبح فحالة

وكونه ينسى دى الاستحالة

وسمعت صوت النديم نسايم

ع البحر صابحة و البحر هايم
وسمعت سيد بيقول يا مصرى

الدنيا صاحية ليه انت نايم
ولما عاند و خانى عصرى

لاشد ضهرى ولا خد بنصرى
رميت فحضنك ع الرملة قصرى

وفتحت ع البحر حضن مصرى
ادى القضيه و ادى الرسالة

وكونى انسى دى الاستحالة

تتر النهاية

وعمار يا اسكندرية

يا جميلة يا ماريا

وعد ومكتوب عليا

ومسطر ع الجبين
لاشرب م الحب حبه

وانزل بحر المحبة

واسكن حضن الاحبه

و الناس الطيبين
حكاياتك يا زيزينيا

حواديت وناس ودنيا

فحوارى اسكندرية

وليالى المنشدين
واما التاريخ يواكب

و يزاحم بالمناكب

يتعبى ف المراكب

و غناوى الصيادين

هيلا هيلا وهيلا بيلا

شيال والعمر شيله

وهموم الدنيا ليله

فيها القمر حزين
ويا موج بحر الليالي

عديتك ونت عالي

ودفعت المهر غالي

بالايام والسنين
وعمار يا اسكندريه

يا جميله يا ماريا

[Alshiekh]

ألبتوا المواجع

فينك يااسكندرية

في فجر

والعصرية

نسيم بحرك من غير كاس

كان بيسكرني وينشيني

ويجري الدم في عروقي

ودلوقتي لما باشوفك

حزينة مهمومة مش عارف لمين تشكي

الدمع بيجري في عيوني

لأ

مش بس اسكندرية

فينك ياريفنا

الزراعية

حد جرب يصلي الفجر

ويطبع يمشي عالزراعية

ويشوف لولي على اورق الشجر

وسنابل قمح ذهبية

بتتمايل وتترقص

على صوت نسيم خفيف

لافيه دخان ولا عادم تكتك بيتنطط

كمدي عليك يا وطني

وياحزني

لأ

مش بس دول اللي بكوني

وخلوا القلب موجوع

دي كل مصر

وكل قرية

راح بهاها

وشاخ جمالها

حتى ناسها

في قلوبهم القسوة سكنت

الرحمة هاجرت

طفشت

والذوق انعدم

والفن مات في النفوس

والناس سكنوا العشش

سموها مساكن شعبية

ومن يومها

اتحول فن العمارة لأسوار

حيطان عالية ومايلة

سجون عالية

سكانها أحرار يمكن

لكنهم مساجين مساكن شعبية

لافيها ذوق لا فيها فن ولا عمارة

جشع . انانية وطمع

وقالوا عنها "استايل امريكاني" !

أمريكاني ايه يا اهبل

فين ذوقك وفين فنك

فين عمارتك اللي الكل غار منها

وسرقها وقلدها

وباع لك ترماي "امريكاني"

وقال لك ده "فن حديث"

ألبتوا المواجع

[أبو محمد]

دى اسكندرية بعد الغروب

ودى اسكندرية بعد الشروق

[باهى الطائر الحزين]

ستانلى

تم تعديل 8 فبراير 2014 بواسطة عبير الشرقاوي
تكبير الصور

[أبو محمد]

نضربوا بولطة عالكورنيش

واحدة واحدة .. دنجا دنجا

http://www.youtube.com/watch?v=_FNu-zOBwTY

[Salwa]

اسكندرية زاينة حتى جوة البحر ..

بعض من الآثار الغارقة فى مياه الاسكندرية .

[عبير يونس]

http://www.youtube.com/watch?v=6x8wtVobQ7Y

على الحجار وكليب يا اسكندرانى
من كلمات الشاعر الكبير احمد فؤاد نجم
الحان الموسيقار فاروق الشرنوبى
الكلمات
يااسكندراني يااسكندراني
شطك ندهني والموج رماني
يااسكندراني يااسكندراني
بحرين عيونك الله يصونك
شربت منهم عطشت تاني
يااسكندراني يااسكندراني ..
يااسكندراني
يااسكندرية والحب تاني
عالبحر الابيض المعجباني
مدد يامرسي ..
مدد يامرسي
ومدد يامرسي
الحقلي كرسي
عالشط واقعد سلطان زماني
يااسكندرية يااسكندرية
يااسكندرية يامجنناني
الصيف حبيبي وذكرياته
عاش فيها قلبي اجمل ساعاته
ولما باحبي باسمعها وحدي
واشيلها تاني في القلب ذاته
ايام عزيرة مرت ثواني
لا عشت غيرها ولا عندي تاني
غير اشتياقي وقلبي باقي
ينام ويصحي علي الاماني
ومدد يامرسي .. مدد يامرسي
ومدد يامرسي الحقلي كرسي
عالشط واقعد سلطان زماني
يااسكندرية يااسكندرية يامجنناني
يااسكندرية ياسمهرية
يامالية كل الوجود عليا
مطرح مابمشي
تشبك في رمشي الحلوة
صورتك تحضن عنيا
وكل ساعة لا كل ثانية
مشوفش غيرك سنيوره تانية
لا سحر بحرك ولا عطر سحرك
رفف عليا ولا احتواني
ومدد يامرسي .. مدد يامرسي
ومدد يامرسي الحقلي كرسي
عالشط واقعد سلطان زماني
يااسكندرية يااسكندرية
يامجنناني

[أبو محمد]

فى هذا المعبد

تعلمت مبادئ الهندسة

كان محرابا للعلم .. مصنعا للإنسان

الصورة مأخوذة من أعلى مبنى قسم الميكانيكا

[أبو محمد]

وضع حجر الأساس لهذا المبنى

فى فبراير 1950

[أبو محمد]

الواجهة المطلة على شارع "أبو قير"

[أبو محمد]

أما هذا .. فمحراب آخر

محراب الفن

وعيت عليه واسمه "سينما ومسرح محمد على"

ثم أخذ اسم فنان الشعب "سيد درويش"

والآن هو دار "أوبرا الاسكندرية"

[Alshiekh]

http://www.youtube.com/watch?v=D8vtWW_tFTw

[أبو محمد]

أيوه .. هم قالوا كده بعضمة لسانهم

حد له شوق فى حاجة ؟

[التونسى]

أيوه .. هم قالوا كده بعضمة لسانهم

حد له شوق فى حاجة ؟

أكيد اللى قال الكلام ده يقرب للراجل اللى فى الكليب ده .. ويمكن هو يكون ذات نفسه اللى كاتبه ههههههههههههههههههههههههههههههههه

https://www.youtube.com/watch?v=x1RNk4N14ec