أنا من الجيل "العرة"

[أبو محمد]

الموضوع - كما هو ظاهر من مكانه وعنوانه - موضوع شخصى وخاص

وربما يخص كل من ينتسب إلى هذا الجيل الذى أنعم عليه الثوار باللقب "العرة"

سأضع فى مداخلاتى كل ما يذكرنى بأننى من هذا الجيل "العرة"

نعم

أنا من الجيل "العرة" الذى خلع دبل الخطوبة وخلعت "حرائره" الشبكة

وتبرعوا بها للمجهود الحربى بعد هزيمة جيشه فى 67

أنا من الجيل "العرة" الذى جابت فيه سيدة عمرها تجاوز السبعين عاما

بلاد المشرق والمغرب هى وفرقتها الموسيقية تحيى حفلات

وتخصص دخلها للمجهود الحربى لجيشها المهزوم

أنا من الجيل "العرة" الذى اشترى سندات قيمة السند الواحد تلاتة جنيه

يعنى تقريبا 20% من المرتب

أنا من الجيل "العرة" الذى كان يلصق بروة الصابونة فى الصابونة الجديدة

حتى لا يهدر منها شيئا .. وكان وقتها الصابون يُصرف مع بطاقة التموين

يتبع .....

[أبو محمد]

أنا من الجيل "العرة" اللى كان زميلى فى التختة مسيحى يشبهنى

وكانوا زمايلنا بيسألونا : "إنتوا اخوات؟"

أنا من الجيل "العرة" اللى التلميذ المسيحى كان بيحفظ فيه القرآن لمدة 12 سنة

أنا من الجيل "العرة" اللى كان فيه عبارة اسمها "بنت الحتة" ياويل اللى يدوس لها على طرف

أنا من الجيل "العرة" اللى كان بيلعب كورة شراب

ويجرى يستخبى لو شاف المدرس بتاعه جاى من بعيد

أنا من الجيل "العرة" اللى باس إيد أستاذه فى ثانوى عندما قابله بعد 20 سنة

أنا من الجيل "العرة" اللى أستاذه جاله فى الامتحان يعزيه لوفاة والده فى ليلة الامتحان

وقال له اكتب اللى تقدر عليه وما يهمكش

[tarek hassan]

مثال لدكتور من جيل العرة

ودا دكتور من جيل الثورة

شتان بين هذا وذاك

كما أنه شتان بين من قدم لبلده كل ما يقدر عليه من ماله وجهده وجهاده وعلمه وبين أولئك الصعاليك الأرجوزات الذين لم يقدموا سوى المسخرة وقلة الأدب والميوعه والخلاعة والخيانة والعمالة

ثم جاءوا ليدعوا أنهم أصحاب الثورة والتغيير

[أبو محمد]

أنا من الجيل "العرة" اللى لما نهزم جيشه فى 67

كتم محاولات "التريقة" عليه وماقالش عليهم عسكر

أنا من الجيل "العرة" اللى صبر 6 سنين متجند لغاية لما مسح عاره بإيده

أنا من الجيل "العرة" اللى كان ما يخلاش فيه بيت من مجند أو شهيد أو جريح

أنا من الجيل اللى شاف ولاد "العرة" بيتريقوا على أبهاتهم

أنا من الجيل "العرة" اللى أول ما بلغ الرشد رفع الهم من على كتف ابوه وشاله هو

أنا من الجيل "العرة" اللى كان بيلبس أى قميص ومش لازم يكون "ماركة"

أنا من الجيل "العرة" اللى اتربى على سماع الراديو وقناتين ابيض واسود فى التليفزيون

أنا من الجيل "العرة" اللى كان لما يشوف لقمة فى الأرض يبوسها ويحطها على جنب

[eslam elmasre]

جيلكم مش جيل عر ة يا ابو محمد

جيلكم هو الجيل اللي قضى زهرة شبابه في ا لخدمة العسكرية وهو لا يعلم هل سيخر ج من الخد مة ا لعسكر ية ام سيخر ج الى القرا فة

جيلكم هو ا لجيل ا للي حا ر ب بجد وجا هد بجد مش جهاد الميا دين وا لاعتصا ما ت

جيلكم هو الجيل ا للي كا ن ر ا ضي بقليله وهو ا لجيل اللي كانت فيه الفر وق الطبقية تكا د تكون معد ومة عشا ن كده كا ن جيل مش معقد او حا قد ا و حا سد

جيلكم كان جيل ا لكل فيه متساو ي ولا فر ق بين ا بن ا لوزير ا و ا بن ا لغفير

جيل اخو الرئيس ا لطيار يستشهد في ا لحر ب وا بن سيد بد ير يستهد ايضا وابن با ئعة الخضار كان يستشهد ايضا

جيلكم كان جيل ا لر جا لة مش جيل السيس وا لبانكي وا لمانكي

[tarek hassan]

لا تغضب يا أبا محمد ....فأنت من جيل الرجال ولا تهتم بأقوال وأفعال العيال ....

ولولا الرجال ما قدموه لما كان هؤلاء العيال الناكرين للجميل ...

ما ينفع الناس مكث وسوف يمكث طويلا في الأرض وسيبقى ذكره

أما هؤلاء فإنهم عما قليل فسيذهب زبدهم جفاء ... أين ماهر ودومة ومحمد عادل وأسماء وإسراء ؟ ...

في مزبلة التاريخ ...

اللي هينطح فيكم سينكسر قرنه أما أنتم بأفعالكم ستبقون كالصخرة الصلبة ويا جبل ما يهزك ريح ....فلست أنت وأمثالك بأحسن حال من الجيش الذي حارب وانتصر ثم أنتصر للأمة في ثورتي يناير ويونيه فكان جزاؤه منهم يسقط حكم العسكر بعد إنقذنا يا جيش إلحقنا يا جيش ...

استمر يا أبا محمد في جهادك واطلب لهم الهداية

[eslam elmasre]

ابن خالتي كان متحاصر في الدفرسوار وقعد متحاصر حوالي ست شهور ورجع لنا وشعره على دهره وحكى لنا وكنا ساعتها ا طفال صغار وحكى لنا عن اصعب ايام مرت عليه في حيا ته وكيف كان يأكل وكيف كان يوا جه مخاطر العدو هو وزملا ئه وكنا نجلس نستمع ا ليه بشغف واعجاب

انا فخور بيك يابن خالتي يا للي من جيل ا لر جا لة اللي على حق

[أبو محمد]

عزيزى الأستاذ طارق

عزيزى الأستاذ إسلام

أنا لست غضبانا .. أنا حزين

أفر من واقع أليم لأعيش نوستالجيا جيلى "العرة"

هذا هو كل ما فى الأمر

تحياتى وتقديرى لكما

[Alshiekh]

إحنا مش جيل "عرة" يا أستاذ أبو محمد

وأولاد مش أولاد الجيل "العرة"

أولاد الجيل العرة هم الذين يطلقون علينا جيل "عرة" لأن آبائهم "العرة" ماعرفوش يربوهم.

أحنا أولادنا بيفتخروا باللي إحنا عملناه واللي إحنا وصلنا له.

إحنا أولادنا علشان أتربوا صح مش بيقلوا أدبهم لو إختلفوا مع آراء غيرهم، بيقعدوا ويناقشوهم.

وعلى فكرة باسم يوسف مش صغير، هو كبير سنا بس أهبل، ومن ضمن هبله انه ساب مهنة الرحمة والانسانية، وراح اشتغل أراجوز أبيح ، أراجوز أبيح باتكسف للأسر اللي بتتفرج عليه

أستاذ أبو محمد،

اللي بيقولوا على جيلنا "عرة" هم نسخة أخرى من البلطجية، بس دول بلطجية بيقروا ويكتبوا وبيشتغلوا "نوشتاء"

[Alshiekh]

ابن خالتي كان متحاصر في الدفرسوار وقعد متحاصر حوالي ست شهور ورجع لنا وشعره على دهره وحكى لنا وكنا ساعتها ا طفال صغار وحكى لنا عن اصعب ايام مرت عليه في حيا ته وكيف كان يأكل وكيف كان يوا جه مخاطر العدو هو وزملا ئه وكنا نجلس نستمع ا ليه بشغف واعجاب

انا فخور بيك يابن خالتي يا للي من جيل ا لر جا لة اللي على حق

أنا بقى من ضمن القوات اللي حررت إبن خالتك، بعد إعادة التشكيل تحركنا لأبو سلطان في قلب المعمعة بتاعت الثغرة والمدخل الرئيسي لها، يعني سيبنا قلب المعركة في الفردان وانتقلنا لقلب الثغرة في الدفرسوار.

والهبل بيقولوا على جيلنا "جيل عرة"

جاتها نيلة اللي عايزة خلف زيهم.

[أبو محمد]

أنا من الجيل "العرة" اللى كانت زميلاته بتلبس مينى جيب وميكروجيب

ومفيش حد يجرؤ انه يعاكسها .. كنا نقطعوووووه

أنا من الجيل "العرة" اللى كان بيختار ألفاظه فى حضرة زميلاتة

أنا من الجيل "العرة" اللى كان يقول حضرتك بصرف النظر عن مستوى اللى بيكلمه أو عمره

أنا من الجيل "العرة" اللى كان بيقوم من مكانة فى التروماى عشان يقعد واحدة ست أو راجل كبير

أنا من الجيل "العرة" اللى كان مجند وكان زمايله الغير مجندين بيشتغلوا ساعة زيادة بدون أجر

علشان يقدر يشترى سلاح لأخوه المجند اللى كان بيتلقى قنابل ألف والفين رطل

أنا من الجيل العرة اللى لما قدرش يستلم سلاح وهو طالب سنة 67 اتطوع فى الدفاع المدنى

أنا من الجيل "العرة" اللى كان عارف حيدخل الجيش امتى ومش عارف حيطلع منه إمتى

[باهى الطائر الحزين]

تحيتى لحضرتك / ابو محمد

كما لكل اﻷفاضل الذين خلفوا ما يدلل عليهم هنا

كواحد من آخر جيل العرر

الذى يدفع اشتراك النت وبنزين السياره والمﻻبس

ونفقة الكافيهات والرحﻻت ويوفر الشقه ويدفع المهر

والمأكل والمشرب حتى بعد الزواج والخلفه ...

[عبير يونس]

الانتماء لجيل لا يكون بتاريخ الميلاد

و أنا أنتمي بكل كياني لجيل " العرة "

لو كان قلبي معي ما اخترتُ غيركم

و لا رضيتُ لكم في الهوى بدلا

عرة و أفتخر

[herohero]

طبعا كلامي هنا سيكون غير مقبول لان طبعا انا كنت هنا ف المنتدى بكرر مقولة جيل الجرامافون لن يحكم جيل الايفون بسهولة
مع احترامي لم يذكر أحد ان الجيل السابق جيل سئ او عرة كما حضرتك ذكرت ولو فيه فأيضا هناك من يذكر من هم 30 فأقل بانهم شباب اي كلام وهيكي ميكي

يا سادتي الافاضل لا احد ينكر ان جيل والدي ومن هو حاليا 60 فما فوق او 55 فما فوق هم جيل ضحوا بالكثير وحضروا اخر الزمن الجميل لكن كما داما احب ان اكون عملي في تحليل للاحداث ، الجيل الحالي سئ وقليل الرباية وتافه طب من اللي رباه

من هم وزراء البلد اليسوا من جيل ال60 ياسادة مدرسين الابتداي والثانوي والجامعة هم من جيل ال60 فمن شكل تفكير الجيل الحالي الي ف نظر الكثيرين تافه هو جيل ال60 ، جيل ال60 اللي تربى ع ادب وثقافة حرمنا منها

هل هي مسئولية من نشا ليرى ثقافة ضائعه وافام مقاولات ؟؟ انا من الجيل اللي حيا نشيد بلد مش بلده ولا ابالغ ان كان نشيد هذا البلد الثاني حافظه اكثر من نشيد بلدي ، نحن جيل الاغتراب اللي غربه جيل ال60 والان يلام هذا الجيل

يا اساتذة نحن تربية هذا الجيل ال60

كل الاختلاف ان الزمن ليس هو الزمن لا يمكن من كان مصدر معلوماتهم ف شبابهم اذاعه صوت العرب وهيئة الاذاعه البريطانية لجيل متصل مع العالم الخارجي 24x7

يا سادة يا افاضل من نجح والديه في تربيته ع القيم الجميلة بتاعت جيل ال60 بيعاني جدااااااااااااااااا وده عن تجربة الزمن غير الزمن ، كنت اتمنى ان ينقل جيل ال60 خبرته لجيل الشباب لكن كما نرى سياسيا هناك اصرار ع اهمال الشباب وتهميشه ، اتهامه الدائم بالتفاهة انهم فوضويين

طيب قبل 25 يناير كان بيتهم الشباب بالتفاهة والتغييب وطبعا من اللي غيبه وعيشه ف التوهان ده ؟؟ مش جيل ال60 من اللي وضع سياسات الدولة مش جيل ال60 وتلوموا جيل الشباب في الاخر

جاءت 25 يناير وهي كانت انقلاب ابيض استغل الجيش الشباب كمخلب يخربش به النظام ويجرحه والجميع يعلم ذلك ا الجيش كان مبسوط بما يحدث يعني جيل ال60 استغل خيبة وحسن نية جيل الشباب وفي الاخر طلع جيل الشباب بره المشهد في الاخر

ورجعت دولة العواجيز ، مصر لن تتقدم الا بشبابها علموهم ياجيل ال60 من خبراتكم انصحهوم ادوهم فرصة

كل النماذج اللي نجحت نجحت بشبابها لكن للاسف جيل ال60 مصرين ان يحبطوا الشباب واطمئنوا الشباب اصبح محبط جداااااااااا والايام ستثبت وستظهر انه سيلجأ مرة اخرى الى التفاهات والهروب من الواقع

الشباب التافه ده هو اللي نجح جمعية رسالة هو اللي نجح مستشفى سرطان الاطفال 57357 ،اتمنى من جيل ال60 ان لا يهمل جيل الشباب وان يعطيهم الفرصة وان يكونوا قدوة لهم فعلا لان للاسف جزء كبير من المشكلة غياب القدوة

وان يعمل جيل ال60 بنصيحه امير الشعراء

قل للبنين مقال صدق، واقتصـد ذرع الشباب يضيق بالنصاح

أنتم بنو اليوم العصيب نشاتـمـو في قصف أنواء وعصف رياح

[باهى الطائر الحزين]

وعلى الذين تقل اعمارهم

عن خمسون جراحا بوجع واحد

مراعاة فارق الحزن ...

[أبو محمد]

أنا من الجيل "العرة" اللى كان عاوز يشرب من دم رئيسه المهزوم

لكن لما طلع يعلن تنحيه استشعر الخطر وكتم غيظه وخرج ليثبته فى مكانه

وهتف "حنحارب .. حنحارب" مش "يسقط يسقط حكم العسكر"

أنا من الجيل "العرة" اللى كان بيعتصم فى الكلية عشان يحتمى بيها

مش عشان يخربها ويحرقها

أنا من الجيل "العرة" اللى كان بيغزل برجل حمار وخاض حرب هجومية

بأسلحة دفاعية

أنا من الجيل "العرة" اللى المجرمين والحرامية اللى فيه توقفوا عن جرائمهم

عشان جيشهم كان بيحارب وما عملوش لجان شعبية تفرض اتاوات

أنا من الجيل "العرة" اللى لما انهزم ماقالش لجيل أباؤه آدى آخرة تربيتكم لينا

[شرف الدين]

بصراحة لست من هواة تصارع الأجيال .. وإنما من هواة تواصل الأجيال ..

الهوة التي حدثت بين الجيلين تعادل الهوة التي حدثت في العلم والتكنولوجيا والتقدم في ال 20 عاما الأخيرة ..

الجيل الجديد نشأ على السهولة .. كل شيء في متناول يده ..

دخل على الانترنت قرأ وشاهد .. فظن أن واقعه أسوأ من المفترض بكثير .. ولم يسأل بالطبع ما هي الأدوات المطلوبة أولا لتحقيق واقع أفضل ..

ابنة أختي من جيل الشباب خريجة حديثة من كلية الصيدلة .. قامت بكل ثقة بانتخاب مرسي ..

في حين أن والدها من جيل أبي محمد .. كان يكره ويحارب جماعة الإخوان ..

منذ فترة كنا نتناقش حول الوضع السياسي بعد 30 يونيو .. وجاء الحوار عن انتخابات الرئاسة الماضية ..

فقام الأب بوصف الابنة بالغبية لأنها لم تسمع الكلام وقامت بانتخاب مرسي ..

فقلت له " اعذرهم يا دكتور العيال دول معذورين .. دول الإعلام دخل في دماغهم إن مصر دي كانت مفروض تبقى زي أمريكا لولا حكم العسكر " ..

هذا بالفعل ما حدث .. هؤلاء الشباب ضحك عليهم .. ربما بسبب ثورة الاتصالات التي لم تقابلها خطوط دفاعية قوية تحمي الشباب من مخاطر الغزو الفكري سواء الديني أو السياسي ..

وربما بسبب فترة السلام الطويلة التي عاشتها مصر في عهد مبارك .. 30 عاما بدون حروب وبدون مخاطر حقيقية تعرضت لها البلاد ..

معظم إن لم يكن كل من يسمونهم بالثوار تفتحت أعينهم على الحياة وبدؤوا يدركون ما حوالهم في السنوات العشرة الأخيرة من حكم مبارك .. وهي السنوات التي شهدت ثورة الاتصالات ..

هذه في رأيي هي أسباب الهوة التي حدثت بين الجيلين

[Salwa]

مساء الخيرات

على فكرة انا لاحظت ان فيه حاجات بنكتبها هنا و( فجأة ) الاقيها ف اماكن تانية .

وبالنسبة لى ( شخصيا ) فيه فيديوهات احضرتها وفوجئت بيها تانى يوم ....على الفيسبوك ..!!!

الفيديو ده بقى ....مش على الفيسبوك (( لحد دلوقت ))..,ولا ف منتدى تانى برضه بينقل كله ..!!!!

اردت وضعه لكم فقط حتى نرى جميعا....الفجوة ...بين جيلنا والجيل التالت ..(( على اساس ان شباب العشرينات والثلاثينات هم الجيل الثانى ))

السبب ف الفجوة دى .....التكنولوجيا .

و...الدلع

..(( الجيل الأول ...اللى هو احنا يعنى ))....دلع الجيل الثانى وكأنه تعويض عن فترة هو عاشها فى حالة حرب دائمة سواء كانت حرب استنزاف أو تطلع للأفضل و, حرب حقيقية وما بعدها ...هو كان مجهود حربى قبل وبعد الحرب ..

والجيل الثانى بقى ....انقسم لكذا فئة ..

- فئة تبحث عن المال داخل أو خارج مصر....ودول مش فاضيين وبيعوضوا ولادهم عن غيابهم بالمال .

- فئة تنقم على الفئة الاولى ...ولا تفعل أى شئ سوى الاعتراض على كل شئ....ومش فايقين لولادهم...,الولاد بيعملوا اللى نفسهم فيه ..( بيربوا نفسهم بنفسهم يعنى ).

- فئة تهرب ( قصدى تلجأ للدين ).....وبرضه بيدلعوا ولادهم علشان ....يحذو حذوهم ...,دول بقى ...,ولا دهم شايفين وجهة نظر احادية فقط ...

- فئة ...تتفرج وتسكت وراضيين ( نظام مجبر اخوك لا بطل )....,دول مش بيحبوا يزعلوا ولادهم نهائياااا...ويعملوا جمعيات ويضحوا والمهم الولاد تبقى راضية .

الجيل التالت بقى ...( اللى هم الأحفاد يعنى ) ..حايضحك ضحك ..

لا هو مع دول ولا مع دول .....هو ده الجيل العبقرى فعلا.

مش حايمسك ف ( المومياوات )....و لاحايعلق على كلام وآراء ( الجيل الثانى )..وربما استمع بشغف للجيل الأول ...على اساس انه شئ يعنى من ( التراث )

وربما ......فعلا.....يكون تأثير الجيل الأول اكثر فعالية على الجيل الثالث ..

معايا؟؟؟

دى وجهة نظر شخصية بحتة ...,اليكم الفيديو الجميل ..

احنا بتوع عصر التليفون اللى علشان تطلب الرقم لابد تلف القرص ..أو تدوس على الأزرار ..

وأجدادنا ...ـ تليفونهم كان السماعة لوحدها والبوق الذى تتحدث منه لوحده ..

ولادنا بقى جيل الآى باد واللاين والفايبر ...والآى فون .

ولادهم بقى يرون أن التاب شئ مش مودرن ومش سريع ....وكل يوم جديد ومفيش وقت للنظر للخلف ..

والحل ..

نفوق ...نفوق ..نفوق ...وعقارب الساعة لاتعود ابداااا للخلف ....

نتطلع ونحاول تربية الجيل الثالث بطريقة اخرى .

البعض منا (( انقذ اولاده من هذه المعمعة وعاش شبه منعزل عن كل التغيرات التى حدثت فى المجتمع ....,ونجا بهم ..,كأنه كان فى سفينة نوح التى انقتهم من اللاغرق ))

سلام عليكم وعلى أجيال مصر المتعاقبة ..

http://digg.com/video/kids-react-to-rotary-phones

[Alshiekh]

مساء الخيرات

على فكرة انا لاحظت ان فيه حاجات بنكتبها هنا و( فجأة ) الاقيها ف اماكن تانية .

وبالنسبة لى ( شخصيا ) فيه فيديوهات احضرتها وفوجئت بيها تانى يوم ....على الفيسبوك ..!!!

الفيديو ده بقى ....مش على الفيسبوك (( لحد دلوقت ))..,ولا ف منتدى تانى برضه بينقل كله ..!!!!

اردت وضعه لكم فقط حتى نرى جميعا....الفجوة ...بين جيلنا والجيل التالت ..(( على اساس ان شباب العشرينات والثلاثينات هم الجيل الثانى ))

السبب ف الفجوة دى .....التكنولوجيا .

و...الدلع

..(( الجيل الأول ...اللى هو احنا يعنى ))....دلع الجيل الثانى وكأنه تعويض عن فترة هو عاشها فى حالة حرب دائمة سواء كانت حرب استنزاف أو تطلع للأفضل و, حرب حقيقية وما بعدها ...هو كان مجهود حربى قبل وبعد الحرب ..

والجيل الثانى بقى ....انقسم لكذا فئة ..

- فئة تبحث عن المال داخل أو خارج مصر....ودول مش فاضيين وبيعوضوا ولادهم عن غيابهم بالمال .

- فئة تنقم على الفئة الاولى ...ولا تفعل أى شئ سوى الاعتراض على كل شئ....ومش فايقين لولادهم...,الولاد بيعملوا اللى نفسهم فيه ..( بيربوا نفسهم بنفسهم يعنى ).

- فئة تهرب ( قصدى تلجأ للدين ).....وبرضه بيدلعوا ولادهم علشان ....يحذو حذوهم ...,دول بقى ...,ولا دهم شايفين وجهة نظر احادية فقط ...

- فئة ...تتفرج وتسكت وراضيين ( نظام مجبر اخوك لا بطل )....,دول مش بيحبوا يزعلوا ولادهم نهائياااا...ويعملوا جمعيات ويضحوا والمهم الولاد تبقى راضية .

الجيل التالت بقى ...( اللى هم الأحفاد يعنى ) ..حايضحك ضحك ..

لا هو مع دول ولا مع دول .....هو ده الجيل العبقرى فعلا.

مش حايمسك ف ( المومياوات )....و لاحايعلق على كلام وآراء ( الجيل الثانى )..وربما استمع بشغف للجيل الأول ...على اساس انه شئ يعنى من ( التراث )

وربما ......فعلا.....يكون تأثير الجيل الأول اكثر فعالية على الجيل الثالث ..

معايا؟؟؟

دى وجهة نظر شخصية بحتة ...,اليكم الفيديو الجميل ..

احنا بتوع عصر التليفون اللى علشان تطلب الرقم لابد تلف القرص ..أو تدوس على الأزرار ..

وأجدادنا ...ـ تليفونهم كان السماعة لوحدها والبوق الذى تتحدث منه لوحده ..

ولادنا بقى جيل الآى باد واللاين والفايبر ...والآى فون .

ولادهم بقى يرون أن التاب شئ مش مودرن ومش سريع ....وكل يوم جديد ومفيش وقت للنظر للخلف ..

والحل ..

نفوق ...نفوق ..نفوق ...وعقارب الساعة لاتعود ابداااا للخلف ....

نتطلع ونحاول تربية الجيل الثالث بطريقة اخرى .

البعض منا (( انقذ اولاده من هذه المعمعة وعاش شبه منعزل عن كل التغيرات التى حدثت فى المجتمع ....,ونجا بهم ..,كأنه كان فى سفينة نوح التى انقتهم من اللاغرق ))

سلام عليكم وعلى أجيال مصر المتعاقبة ..

http://digg.com/video/kids-react-to-rotary-phones

ياستي والله موجود على اليوتيوب منذ الأمس

والموقع عمل له لينك من اليوتيوب مش العكس

http://www.youtube.com/watch?v=XkuirEweZvM

[Salwa]

مساء الرضا يااستاذ محمد.

ياخسارة ...مأخدتش بالى مين أخدها من مين؟؟...الموقع والا اليوتيوب .

عموما...

ايه رأى حضرتك ف الجيل العسل ده؟؟

عندى حق والا لأ؟

جيل يعنى معندهوش وقت يعقد لجان وبعدين ينعقد للبت فى رأى اللجنة الاولى ...,التانية والتالتة ..

صح؟؟

يعنى جيل حاياخد قرارات فورية ..

ويسمع ويتعلم من خبرات السابقين وياخد الحلو بس..

مساء الخيرات... :flr1: