اطلب اى وصفه على بالك .. تلاقيها قدامك

[bodda]

العزيزه اوشا

مايوحشكيش غالى

المهم يكون غيابكم لاسباب خير انشاء الله

اما حشو البتنجان العروسى المسلوق

فهو التوم والملح والبقدونس وفلفل اخضر مفروم

وطبعا ممكن التغيير باضافة الكرفس mfb:

لكن بالنعناع انا ماجربتوش ... لكن وماله نجربه :rolleyes:

سلطة اللبن

ممكن باستعمال اللبن الرايب .. وهى الاصل

وممكن باستعمال الزبادى مضروبة بالخلاط .. وهى الأسهل

فى الحالتين بقى عندك لبن كثيف شبه سائل :o

نحضر دقة بالتوم والملح ومفروم حتة فلفل اخضر

ونقلبها مع اللبن الرايب او الزبادى المضروب

وبالخل نضبط الطعم .. وممكن عصير الليمون بدل الخل

ونخرط خياراياية مقشره حتت صغيره تتقلب معاها

ونزوقه بالبقدونس

وبالف هنا وشفا

صباح الفل

:excl:

تم تعديل 12 يونيو 2005 بواسطة bodda

[Osha]

صباح الأنوار على شيفنا العزيز الكبير اوي

امبارح بالليل كنت باشوف برنامج مع اسامة اطيب ولقيته عمل اكله ليها العجب قلت لاااااااااااا يمكن يعدي الموضوع دا كده لازم نسأل عمنا بودا على الحاجات الغريبة دي

طول عمري يا مملكة اعرف ان تتبيلة سلق اللحمة فيها بصل وفلفل اسود وحبهان - ده أساسا أم الاضافات الثانية زي ورق الغار وباقي البهارات فهي تندرج تحت بند الاختيارات والميول الشخصية

لكن اسامة امبارح حط في المية فلف اسود وحبهان - لغاية هناعداه العيب - وشمر ولبن حليب!! هنا بقى برقت عنيا وابتديت انتبه

هو كان جايب ريش ضاني وسلقها في الميه دي

واثناء السلق عمل خلطة زبادي وحط عليها وثوم مفروم وبابريكا وحبة دقيق وبهار هندي اسمه مصالا عبارة عن 7 بهارات( اللي فاكراه منهم قرفه وكمون )

وبعدين حط فيهم الريش المسلوقة وقلاهم في الزيت بعد كده!!!

عاوزين رأي في الأكلة دي - لاني زهقانة من كل الأكل اللي في الدنيا وعاوزة اخترع او اجرب اختراع - بس خايفة بصراحة من عدم وجود البصل في الميه واستبداله بالحليب - وحاسه انه ممكن يزفر الدنيا.

الطلب التاني - معلش طولت وتقلت عليك - كل مرة احاول اعمل فيها فراخ او لحمة في الأكياس بتاعة الفرن أفشل لسبب غير واضح

عاوزة طريقة تفصيلية معتمدة وموثقة ومضمونة ومؤمنة - عليها تأمين يعني - لاستخدام أكياس الشواء في الفرن

ويجعلو عاااااااامر

[Osha]

العزيزه اوشا

مايوحشكيش غالى

المهم يكون غيابكم لاسباب خير انشاء الله

اما حشو البتنجان العروسى المسلوق

فهو التوم والملح والبقدونس وفلفل اخضر مفروم

وطبعا ممكن التغيير باضافة الكرفس mfb:

لكن بالنعناع انا ماجربتوش ... لكن وماله نجربه  :rolleyes:

سلطة اللبن

ممكن باستعمال اللبن الرايب .. وهى الاصل

وممكن باستعمال الزبادى مضروبة بالخلاط .. وهى الأسهل

فى الحالتين بقى عندك لبن كثيف شبه سائل :o

نحضر دقة بالتوم والملح ومفروم حتة فلفل اخضر

ونقلبها مع اللبن الرايب او الزبادى المضروب

وبالخل نضبط الطعم .. وممكن عصير الليمون بدل الخل

ونخرط خياراياية مقشره حتت صغيره تتقلب معاها

ونزوقه بالبقدونس

وبالف هنا وشفا

صباح الفل

  :excl:

<{POST_SNAPBACK}>

شكرا يا هندزة علىالسلطة

بس هي دي اللي باعملها - لكن جرب كده بلاش الخل والليمون وحط ندعة زيت ذرة وبعدين ادعيلي

اللي كان قصدي عليها كانت بتتحط على الطعمية زمااااااان مع الطحينة - وكان طعمها لاذع شوية

وبما اني عاوزة آكل طعمية - حبكت معايا بقى سلطة اللبن

[molmola]

الأستاذ الشيف البارع جدا Bodda

تحياتي و إحتراماتي وبعد

جزيل شكري و تقديري علي الوصفات الهايلة اللي حضرتك أهديتها للمنتدي0 أنا جربت أعمل العيش الفينو طلع طعمه جميل أوي بس أنا

لاحظت أنه مكتوم شوية بمعني أنة وزنه تقيل بالنسبة لحجمه مع أني حطيت الخميرة زي الوصفة بالظبط0 تفتكر حضرتك إيه السبب

كمان أنا جربت نفس المقاديربس مع دقيق أسمر وده بقي مانتفخش خااااالص مع إن طعمه كان حلو بالرغم من كده0 ياتري حضرتك تعرف طريقة عمل العيش الفينو الأسمر أنا باشتريه من كارفور بيبقي جميل جدا و خفيف جدا جدا جدا و نفسي أعمله في البيت بإيدي و يطلع كده بجد حافرح أوي بالذات لو كانت الطريقة مش معقدة

مع جزيل شكري و صادق دعائي لكم و الأسرة الكريمة بوافر الصحة و العافية و السعادة, وفي إنتظار رد سيادتك

[هادي]

في هذا الرابط

سنجد تجميع لكافة مواقع الطبخ العربي

من بلاد مختلفة

http://eyoon.com/478/480/index.html

شهية طيبة

وعقبال مليون عام سعيد

[bodda]

العزيزه اوشا

الوصفة اللى حكيتى عنها جميله وطعمها يختلف طبعا

لان ممكن احلال التوم مكان البصل فى الشوربة

زى ما ممكن عمل التخديعة أو الدمعة بالبصل أو بالتوم

ووضع اللبن والدقيق فى اعداد الشوربة بيدى تخانه مستحبه ليها

جربى الوصفه هاتعجبك ومش شرط البهارات السبعة

لكن الشمر هايدى طعم مختلف ومش شرط للريش ممكن أى لحم

أما موضوع أكياس الفرن

فتعاملى معاها كورقة اللحمه القديمه بتاعتنا

بمعنى :rolleyes:

نجيب لحم بتلو قطع صغيره وندعكه بالملح والفلفل والبهارات

ونجيب خلطة خضار مقطع صغير

من البصل والبطاطس والبسلة والجزر والبقدونس

ونلخبطها مع اللحم ومعاهم معلقة سمن ونحطها فى الكيس

ومعاهم نص كوباية ميه أو أقل حسب كمية الخلطة

والميه وظيفتها بادئ لغليان بعد كده اللحم هاينزل الميه اللى فيه

علشان كده بنحط أقل كمية ميه mfb:

ويتقفل الكيس كويس ويدخل الفرن فى صينية وتاخد حوالى ساعة

وبالهنا والشفا

:excl:

[se_ Elsyed]

في هذا الرابط

سنجد تجميع لكافة مواقع الطبخ العربي

من بلاد مختلفة

http://eyoon.com/478/480/index.html

شهية طيبة

وعقبال مليون عام سعيد

<{POST_SNAPBACK}>

شكراً يا أستاذ هادي على هذا الرابط .

لكن تعرف الإنسان بطبعه كسول .. يعني الواحد عنده سيديهات وكتب طبخ وخلافه .. لكن تلاقيه يكسل يبص بصه حتى عليها ويدور ويفحص .. لكن لما يسمع وصفه هايلة من بودا ومساعده شاعر الرومانسية بتلاقيها تثبت في مخه وما تطلعش إلا بالسمن البلدي .. قصدي بالطبل البلدي ..

[bodda]

العزيزه اوشا

واضح ان سلطة اللبن اللى بتتكلمى عنها

هيه اللبن الرايب لان بيكون طعمه لاذع شوية

وده لا يضاف له اى شئ تانى

اما موضوع سلطة الزبادى بدون خل وتوم ؟؟؟؟

فنجربها .. :rolleyes: مع ان التوم والخل اساسى جدا

صباح الفل

:wub:

[bodda]

العزيزه مولمولا

الف شكر لمرورك وذوقك الجميل

بالنسبة لخفافية العيش الفينو فهو موضوع تخمر

بمعنى تأكدى من صلاحية الخميرة المستعمله

وده نشوفه لما نخلطها بالماء الدافى والسكر

ونسيبها فى حته دافيه ..تلاقيها بعد نص ساعه عامله فقاقيع ورغاوى

معناها انها نشطة

النقطة التانية هو ان عملية التخمر تتم على مرتين

مره للعجين كله ... والتانية بعد تقطيع الارغفة

والتانية دى يلزمها فترة تخمر اطول فى مكان دافى

لا تقل عن نص ساعه قبل الخبيز

ولا تيأسى من التجربه .. هاتوصلى لاحلى عيش

صباح الفل

:rolleyes:

[bodda]

العزيز هادى

شكرا للمعاونة وتوفير مواقع للاصدقاء

وبرضه تحت امرك لاى وصفة سهله مافيهاش عرعر

:lol: :lol: :lol:

الف شكر يا سى السيد يا جميل

لردك الصباحى اللوزعى :wub:

واحنا على قد بعض :wub:

وادينا بنعك سوا ونلعب فى الحلل ونتسلى

:rolleyes:

وصباح الفل

:wub:

[se_ Elsyed]

وادينا بنعك سوا ونلعب فى الحلل ونتسلى

:rolleyes:

<{POST_SNAPBACK}>

بما إنك بقيت شيف ذائع الصيت دلوقت فلازم من هنا ورايح تختار المصطلحات الصح في المكان الصح عشان ما تضحكش عليك الشيفات التانيين اللي متربصين لك خصوصاً أوشا وأعوانها ..

يا حبيب قلبي إسمها " نخبط في الحلل " مش نلعب في الحلل ..

[Osha]

صباحه جميل

شكرا على كيس الفرن بس المشكلة ان محدش هنا بيحب اللحمة البتلو - هل ممكن نعملها باللحمة الكندوز وألا سواها حيبقى صعب

أو مثلا ممكن نخلي اللحمة مسلوقة سلق خفيف?

بالنسبة لسلطة الزبادي فأنا لا يمكن أتخلى عن الثوم أبداااااا ولكن قلت بلاش الخل وحط ندعة زيت

انما التوم أساسي في التشكيل

[bodda]

العزيزه أوشا

طبعا ممكن اللحم يتسلق الاول بس يستوى

مش نص سوى :rolleyes:

مساء الفل

:wub:

[bodda]

العزيز سى السيد

نلعب نخبط .... المهم الناس تاكل

:lol:

ويا عمنا احنا لا بنافس حد ولا حاجه :rolleyes:

ده احنا غلابه فى الطبخ وبنحاول نعمل حاجه مع بعض

:wub: :lol: :lol:

مساء الفل

:wub:

[bentmasria]

:rolleyes: :wub: :lol:

العزيز بودا تسلم ايديك كل وصفاتك سهلة وحلوة ودلوقتى عاوزين وصفة اسبيسيال عشان انا عندى نونو محترم ما بيحبش الاكل بصفة عامة وممنوع من الملح والدهون

كان قبل كده بيقبل السوتيه بس كرهه وعاوز ياكل معانا بما انه بقى له اسنان

انا طبيعى بطبخ بزيت الذره بس موش عاوزة اوكله حاجات تقيلة انا فى ورطة

ممكن ياكل بطاطس مقليه طول النهار وبس

او بسكويت برتقال والحلو برضه كتير عليه دبرنى

ودى موش كويسه على بطنه زى ما حضرتك عارف

عاوزة اطبخ له اطباق خاصة طعمة وخفيفة عندك ايه لحماده يا سى بودا

انا مستنيه والواد جعان بقى له سنة ونص

ام محمد

[bodda]

العزيزه البنت المصرية

طبعا العيال دى مشكله فى اكلها

بس نصيحه سيبيه براحته خالص وماتغصبيش عليه باى اكل

ثانيا اوعى تحكى الموضوع ده لاى حد قدامه

لان الطفل بيحس ان الموضوع ده عاطيله اهميه وبيتمادى فيه

زى ما نقول تصدقوا حماده ما بياكلش غير بطاطس ؟؟؟

دى نقطة مهمه معلش خللى بالك منها

اما الاكلات الخفيفة المفيدة فكتير ...

:rolleyes:

ممكن طبعا السمك لو بيحبه يكون غذاء مثالى

وممكن تعمليه شرائح مقلية زى البطاطس ( من الفيليه )

fish fingers :wub:

وممكن نشوى الفيليه بنقطتين زيت فى الطاسه ( جريل )

ونقلبها مرتين تلاته ثم عصير الليمون هاتعجبه

وممكن البطاطس البيوريه باللبن ( قليل جدا ) وسنة ملح خفيف

وبعدين تعمليها اشكال بقمع الحلويات وتدخليها الفرن يتحمر وشها

او تحطى على وش الاشكال مسحة صلصة للتلوين أو كاتشب بعد الفرن

شوفى كده وقوليلى

مساء الفل

:lol:

[Osha]

الأخت البنت المصرية

حاقولك على غلطة صغيرة معظم الأمهات بعملوها من غير قصد - انهم بيعملوا احتفال للعيل لما ياكل وساعات كمان لو حد اتصل بالتليفون يقولوا له ويدوا الموضوع أكبر من حجمه

علم نفس النمو بيقول

الأكل سلوك طبيعي لا يجب اثابة الطفل عليه

وده اللي بيخلي العيال يرفضوا الأكل - لانهم لا شعوريا بيحسوا ان الأكل ده زي الهبه أو الهدية بيقدموها لأهلم - وساعات لأي سبب من الأسباب بيبقوا شايفين أنهم لازم يبطلوا يدوا الهبه دي

وخاصة في المرحلة العمرية من سنة ونصف لحد 4 سنين

ودي ساعات بيعمل عادة اسمها ان العيل بيحوش الأكل في بقه ودي من الحاجات اللي بتجنن الأمهات في الفترة دي

حطي الأكل أدامه وسيبيه ياكل بايده/ أكل كان بها - ما أكلش سيبيه وماتخافيش عليه

[bodda]

100 % يا اوشا

وربنا معاكى ايتها الام المصرية

صباح الفل

:blush:

[شاعرالرومانسية]

كلام 100% طبعا ولا غبار علية :o ...ولازم نعرف ان الطفل ذكى جدا فى السن دة ( خصوص الطفل المصرى ... بس لحد سن 5 سنوات فقط ..بعد كدة بيتحول الى .... :D بفضل نظام التعليم طبعا :D )

المهم .. خدى بقى ياست يامصرية طبق حلو ومغذى بعد الفيش فينجر وصوابع البيورية المقرمشة بتاعة عزيزنا بودا :D

موزة حلوة كدة مغربى مع كوب زبادى وملعقة عسل ابيض كبيرة

نقطع الموزة ونضيف العسل الابيض ونهرسها (على فكرة حتلاحظى بعد اضافة العسل هرس الموزة بقى سهل جدا :D ) ونضيف الزبادى بعد كدة ... وصدقينى ابنك حيحبة جدا ، بالاضافة الى انه غنى بالبوتاسيوم والموز معروف بانة مجدد للخلايا وبيساعد على النمو..

دة طبق مغذى جدا للصغار خصوصا قبل النوم ....وللكبار كمان :D وبالذات مع رشة قرفة صغيرة ;)

وبالف هنا على كل اللى يجربه :D

تم تعديل 14 يونيو 2005 بواسطة شاعرالرومانسية

[Osha]

النجدة ....

:D

الغوث.....

:D

باظت الكرنبة اللي عملتها في الفرن مع الخلطة بتاعة المحشي :D

وبااااظ الغداء النهارده كمان :D

مش عارفة انا عملت ايه غلط

الرز طلع مجرمز وماستواش ووش الصينية اتحرق