اطلب اى وصفه على بالك .. تلاقيها قدامك

[محمد شلبى]

الاخ الفاضل بودا

يا ريت بعد اذنك طريقة عمل اللازانيا لو سمحت :blink:

[bodda]

العزيزه أوشا

طبعا طريقتك صح ونص :blink:

وانا عادة اطبخ رز الكشرى فى مية سلق العدس بجبة

اما كشرى العدس الاصفر

فهو عبارة عن تلت عدس اصفر وتلتين رز

ويتلخبطوا سوا ويتغسلوا وتطبخيهم زى مايكون الرز لوحده

مافيش اسهل من كده :blink:

صباح الفل

:blink:

[bodda]

العزيز محمد شلبى

انا كتبت اللازانيا هنا من صفحتين تلاته فاتوا تقريبا

لكن علشان خاطرك ننزلها تانى

:blink: لازانيـــــــــــــا

مقادير العجينة

نص كيلو دقيق و أربع بيضات ومعلقة زيت و نص معلقة شاى ملح

نغربل الدقيق ونحطه في صحن غويط وعليه البيض والملح والزيت

نعجن كويس أوى لغاية العجينة المتماسكة

ونلف العجينه فى فوطه معصوره اوى ونسيبها نص ساعه

بعد كده نفرد العجينة لغاية ماتبقى رقيقة ( حوالى 3 مم ) مع رش الدقيق للتسهيل

نقطع العجينة بالسكين مربعات حسب الرغبه ( غالبا 7×7 سم )

نكون محضرين ماء يغلى ونسقط وحدات اللازانيا فيها واحده ورا التانية

غالبا تاخد 2-3 دقايق غليان للواحده

وطبعا ممكن تجيب عجينة لازانيا جاهزه لو مكسل :blink:

نجهز بقى الحشو

نص ك لحم مفروم و معلقتين أكل زبده وبصلايه كبيره مخرطه ناعم

وجزرايه مبشوره و بقدونس مفرى وطماطم مبشوره

وفلفل اخضر مقطع صغير اوى وتلات معالق جبن رومى قديم مبشور وملح وفلفل

نشوح البصله ووراها الجزر والفلفل والبقدونس واللحم المفروم والملح و الفلفل

وبعد عشر دقايق عالنار والتقليب نضيف الطماطم كمان عشر دقايق

ندهن الصينية ونبدأ نرص وحدات اللازانيا ونحط عليها الحشو ونغطيها بواحده تانيه

أو ممكن نحط حشو قليل ونطبق الأطراف عليها

نحط الصينية في الفرن بدرجة حرارة 225 لغاية ما يلون بنى

ولا نستعجل في قص وتوزيع اللازانيا على الأطباق

وهي ساخنة فذلك لايساعد على تماسكها

ثم تقدم وبالهنا والشفا

مساء الفل

:blink:

[/align]

تم تعديل 23 يونيو 2005 بواسطة bodda

[محمد شلبى]

الف شكر يا باشا :blink: وانا آسف لانى ماخدتش بالى ان حضرتك قلتها قبل كده , وعاوز دعواتك عشان ناوى اجربها بكره :blink:

[bodda]

العزيز محمد شلبى

أولا لا شكر على وصفة

:blink:

ثانيا جربها وانت مطمن خالص

لانها وصفات متجربه وتمام التمام

:blink:

والف هنا وشفا مقدما

صباح الفل

:blink:

[شاعرالرومانسية]

انا كييف محلات وعربيات و حلل كشرى 

وطبعا جو المحلات الاصيله يختلف عن البيت

ولاثبات العكس كنت ندهتلى يوم العزومه اياها  :D

وانا جاهز لاى كشرى بس يكون فى الطراوه بالليل

:lol:

صباح الفل

:wub:

<{POST_SNAPBACK}>

طبعا موافق ... مدام حيبقى على حسابك يا باشا B) ;)

[bodda]

ايه رأيكم دام فضلكم فى أكله لذيذة ؟؟؟

الرقاق باللحم المفروم

يمكن استعمال الرقاق الناشف أو المجمد الطرى

والاسهل طبعا الطرى ( مثل ماركة الزهار )

نحضر سلطانيه بها سمن سايح ودافى

ندهن صينية الفرن بالسمن

نفرش رقاقة لنهاية اطراف الصينية وندهنها بالسمن

ونكرر برقاقه تانيه

وكل رقاقتين نرش لحم مفروم ومعصج ومتبل ثم رقاقة ... وهكذا

لغاية سمك 3 سم تقريبا

(ودى هيه التكه الاولى بدل من وضع الحشو فى وسط الصينيه فتفصل بعد السوا )

:D

لما نخلص الرقاق للسمك المطلوب مع الدهان بين الطبقات زى ما قلنا

نقطع الصينية بسكين حاد للقطع المطلوبه ويفضل المربعات لسهولة التقديم

نصب كوبايه ونص شوربه بهريز

نصب على الوش ملعقتين سمن تانى

تدخل الفرن نص ساعه

ونيجى للتكه التانيه وهى ضرب خليط من كوب لبن كبير ومعاه بيضتين وملح وفلفل

:lol:

ونطلع الصينية ونصب الخليط ده عليها فتشربه بسرعه لسخونتها

وندخلها الفرن تانى للسوا والتحمير النهائى

وبالف هنا وشفا

مساء الفل

:wub:

[aynad]

السلام عليكم جميعا يا شباب

انا جييييييييييييت وحشتوني مووووووت مووووووووووت و الله

ازيك يا بودا عامل ايه ايه الوصفات الرائعة دي بقالي مدة مدخلتش فأطريت اقرأ صفحة صفحة تسلم ايدك يا رب

كنت عايزة اعرف حاجة انا بعمل البشاميل ب 2 ليتر لبن احط عليها دقيق اد ايه؟؟؟ لاني علي طووول بعاير بالمغرفة بتاعة الشوربة دقيق بس بتطلع البشاميل خفيف اوي هل دة لان اللبن كتييير و الدقيق شوية عليه ولا ايه بالظبط ؟؟؟؟

** وكنت عايزة اعرف طريقة الميل في

وميرسي كتييييير يا بودا

[bodda]

العزيزه أيناد

مش عارف ليه 2 لتر لبن ؟؟؟

متهيالى ده يطلع باشاميل كتير جدا :rolleyes:

لكن الأصح انى باستعمل كمية دقيق معينه مع السمن

وبعدين أضيف اللبن تدريجيا مع التقليب المستمر لغاية درجة التماسك المطلوبة

ولا تنسى صفار بيضتين تلاته لانه يدى لون جميل للباشاميل

ويساعد على التماسك طبعا :blush:

وبالف هنا وشفا

صباح الفل

:wub:

[bodda]

العزيزه أيناد

ايه الغيبه الطويله دى ؟؟؟ وحشتينا طبعا جدا اوى

:blush:

مش عارف ليه 2 لتر لبن ؟؟؟

متهيالى ده يطلع باشاميل كتير جدا :rolleyes:

لكن الأصح انى باستعمل كمية دقيق معينه مع السمن

وبعدين أضيف اللبن تدريجيا مع التقليب المستمر لغاية درجة التماسك المطلوبة

ولا تنسى صفار بيضتين تلاته لانه يدى لون جميل للباشاميل

ويساعد على التماسك طبعا :wub:

وبالف هنا وشفا

صباح الفل

:wub:

[aynad]

ازيك يا بودا ميرسي علي الرد

طب ممكن تقولي بالنسبة للبشاميل احط اد ايه لبن و اد ايه دقيق بحيث البشاميل يبقي كتير

انا كنت بحط 2 لتر لان انا و ايمن جوزي بنحبوا البشاميل كتير في الكرونة

بس كان بقعد مدة طويلة اوي لحد ما يتقل البشاميل علي الناريعني ممكن تلت ساعة بفضل اقلب فيه و بيطلع عيني فأنا شكيت ان ممكن يكون الدقيق شوية صغيرة (( انا بحط مغرفة دقيق )) علي ال 2 لتر لبن

وميرسي يا بودا

ومقلتليش علي الميل فيه بيتعمل ازاي

ميرسي يا بودا

[bodda]

العزيزه ايناد

طبعا عدم تماسك الباشاميل الا بعد مده طويله عالنار بسبب زيادة السوائل

اللى هيه اللبن ولو بداتى بمغرفه ونص دقيق هايكون افضل

بس برضه لازم البيض لانه بيسرع بالتماسك

:blush:

والميلفى أفضل حاجه تشتريه جاهز لصعوبة وطول مدة إعداده

بياخد تلات أيام بين المطبخ والتلاجه :rolleyes:

بس برضه هاكتبهالك أول ما افضى شويه

تحياتى للعزيز ايمن ...وبالهنا

مساء الفل

:wub:

[mb14]

السيد الأستاذ الفاضل /bodda

احترمك بشدة لأنك قمت بزيادة ثقافتى المطبخية بدرجة كبيرة جدا منذ ان فتحت هذا الموضوع لذلك قمت بجمع الطرق التى قمت سيادتك بشرحها فى هذا الموضوع ووضعتها فى ملف word لكى اقوم بطباعتها ووضعها فى المطبخ لمن اراد الاسترشاد بها فى عمل احلى الأكلات وقمت بتسمية هذا الملف بــ

Bodda's Cooking Manual

ولكى تعم الفائدة جميع الأخوة الأعضاء واللى غاويين طبخ أردت ان اعمل Upload للملف ولكنى لم اعرف كيف يتم ذلك او اين الأيكون للUPload

ولكن بعد عدة محاولات وجدت الآتى

هذه الخاصية وهى اضافة مرفقات لاتوجد فى باب الأسرة او المطبخ ولكن توجد فى الأبواب الاخرى (حاجة غريبة ) لذلك سوف اقوم بوضع الموضوع فى باب موضوعات جادة واطلب من الأخوة المشرفون بنقل الموضوع لباب المطبخ

[bodda]

العزيز mb14

سعدت جدا بكلامك الجميل :blush:

وتأتى سعادتى كلما وجدت من يستفيد مما نكتبه كلنا هنا

فزى ما انت شايف العمل جماعى وجو اسرى رائع :wub:

وطالما تمنيت عمل أرشيف لسهولة البحث للاصدقاء عما يريدونه

ولكنى فى موضوع البرامج ده !!! حدث ولا حرج

فانا مستخدم للكمبيوتر فقط :rolleyes:

والف شكر لمجهودك الرائع ولازم نشوفه طبعا

وبرضه مساء الفل

:wub:

[Osha]

الف مبروك الأرشيف

والله واتكتب لك اخيرا ....

عامة انا حاعمل النهارده صينية البطاطس ...انت عارف ان حبالي طوييييييييييييييلة

لكن الحقيقة على ما لقيت لحمة موزة تنفع لها

وشكلي اصلا حاعملها بكره عشان الساعة سبعة دلوقت ولسه ماطلعتش اللحمة تسيح

بمناسبة البشاميل انا عمري ما عايرت المقادير بتاعته - لكن ماما زمان قالت لي مرة ملعقتين سمن قدهم دقيق وكوبايتين لبن

او بمعنى آخر

قد السمن قد الدقيق - اما اللبن فده مسألة ذوق - ناس بتحب البشاميل تخانته كثيفة وناس بتحبه خفيف شوية

اتمنى اكون افدتك بشئ يا نودا

عاوزة وصفة اكل منخفضة السعرات لزوم الريجيم - انا اخدت وصفات شاعرنا بس البحر يحب الزيادة - عاوزة اشتري هدوم وبصراحة مقاسي بقى مذهل والبركة في وصفات اخونا بودا العزيز

[bodda]

العزيزه اوشا

اخيرا ظهرتى ؟؟؟ اكيد كنتى فى جزر الباهامس :blush:

الف حمدا لله عالسلامة

ومادام نويتى عالرجيم فكلمة السر هى :

البقدونس ... البقدونس ...البقدونس

سره باتع ... ويمتص الدهون اثناء الهضم

وتاخديه بأى صوره ...لوحده أو مع خيار وطماطم

بس هاتدعيلى

صباح الفل

:rolleyes:

[aynad]

[ALIGN=center]

والميلفى أفضل حاجه تشتريه جاهز لصعوبة وطول مدة إعداده

بياخد تلات أيام بين المطبخ والتلاجه 

بس برضه هاكتبهالك أول ما افضى شويه

تحياتى للعزيز ايمن ...وبالهنا

مساء الفل

ميرسي خالص يا بودا

انا كنت اول مرة اعرف ان البيض هو اللي بيمسك البشاميل انا كنت فاكرة انه بيديله لون بس وكنت بحطه اخر حاجة لما البشاميل يبرد بس معلومة 100 100 ربنا يخليك يا رب :wub: :angry:

اما الميلفي فمش مهم بأة انت بتقول 3 ايام لالالالا انا مليش خلق ههههه :rolleyes: :blush: :wub: الحلويات اللي تقعد تتصنع اكتر من ربع ساعة معملهاش ابدا هههههههه شوفت الكسل اللي انا فيه اد ايه ..

بمناسبة البشاميل انا عمري ما عايرت المقادير بتاعته - لكن ماما زمان قالت لي مرة ملعقتين سمن قدهم دقيق وكوبايتين لبن

او بمعنى آخر

قد السمن قد الدقيق - اما اللبن فده مسألة ذوق - ناس بتحب البشاميل تخانته كثيفة وناس بتحبه خفيف شوية

اتمنى اكون افدتك بشئ يا نودا

وميرسي يا اوشتي يا حبيبتي

اصلي فاشلة في كل حاجة بالاخص المطبخ خربانة في خالص ههههه

متحرمش منك ابدا لا انتي و لا بودا

[Osha]

العزيزه اوشا

اخيرا ظهرتى ؟؟؟ اكيد كنتى فى جزر الباهامس  :blush:

الف حمدا لله عالسلامة

ومادام نويتى عالرجيم فكلمة السر هى :

البقدونس ... البقدونس ...البقدونس

سره باتع ... ويمتص الدهون اثناء الهضم

وتاخديه بأى صوره ...لوحده أو مع خيار وطماطم

بس هاتدعيلى

صباح الفل

:rolleyes:

<{POST_SNAPBACK}>

لأ يا سيدي كنت في جزر المالديف باتفقد احوال املاكي هناك بعد تسونامي!!!

شكرا على نصيحة البقدونس - بس هو بيشبع?

اصلي عندي مشكلتين

لما اجوع ولما ابقى نعسانة باتحول لكائن آخر شرير

زي دكتور جيكل ومستر هايد بالضبط

[Osha]

[ALIGN=center]

وميرسي يا اوشتي يا حبيبتي

اصلي فاشلة في كل حاجة بالاخص المطبخ خربانة في خالص ههههه

متحرمش منك ابدا لا انتي و لا بودا</div>

<{POST_SNAPBACK}>

العفو يا نوده

انا لما اتجوزت كان آخري حلةمكرونة بالصلصة وجوزي استحمل كتير اوي على ما بقيت شطورة كده

المهم انك تعافري وتجربي وكمان خليكي ورا احساسك بالمقادير احسن من العيار في كثير من الأمور

[bodda]

العزيزه ايناد

بلاش كسل وحاولى مره واتنين ومن غير خوف

وده اللى يطلع اكل حلو

بس طول مانتى خايفه الاكل يبوظ تلاقيه باظ فعلا

:blush:

واسمعى كلام اوشا فى الاعتماد على الاحساس فى الطبخ

ومستنى احلى نتائج

مساء الفل

:wub: