اطلب اى وصفه على بالك .. تلاقيها قدامك

[bodda]

العزيزه اوشا

طبعا البقدونس يشبع خصوصا لما يكون معاه مبشور جزر

وعصير ليمونتين

جربى وعلى ضمانتى

بس المهم يكون جاهز فى التلاجه الخلطة دى للطوارئ

:blush: :wub: :blush:

مساء الفل

:wub:

[شاعرالرومانسية]

السلالالالالالالالالالالالالالالالام والتحية ....

اية الاخبار ياجماعة ..عاملين اية من غيرى .. :) وياترى حد جرب الكشرى والا الجو حررررررررر :wub:

حمدالله على السلامة يا ايناد ..انتى كنتى غايبة فين ياستى ...الحمدلله وصلتى الى الوطن بسلام :wub:

العزيزة اوشا ... مش حقوللك فينك والا غايبة لية ،،،لانى انا كمان كنت غير متواجد :blush:

بس اية دة ...انتى ناوية ترجعى للرجيم تانى ... قووووووووووووووووووووى حجيبلك كام وصفة ، انما اية على ذوقك ;) وربنا يتولى الولاد بقى والعزيز حسام فى موضوع الرجيم دة :D

شكرا للزميل mb14 على ارشفة الموضوع :wub: طبعا فكرة هايلة واكيد حتفيد الجميع

واخيرا ... ازيك ياعم بودا ...وحشتنا ياراجل .فينك :wub: :blush:

[Osha]

حلوة اوي حكاية الطوارئ دي - فعلا احساس الجوع عندي عامل زي الطوارئ

عملت الكشري بطرقتك - الدقة طلعت جميلة اوي - اصلي كنت باعملها مختلفة - يعني احمر توم واسقيه خل وبعدين الطماطم

لكن البصل في التخديعة كان مختلف

والدقة كمان حلوة بس انا بعد اذن حضرتك حطيت ليمون مع الخل

لو سمحت بكره الصبح اول حاجة الاقيها على مكتبي وصفات الريجيم - مش عاوزة تأخير عشان ماتدفعش غرامة

انت عارف انا ادارة قانونية سابقا !!

[aynad]

ميرسي يا بودا و صدقني حبطل كسل :blush:

طب بأة ممكن تقولي الكاستر بيتعمل ازاي ولا دة بشتري جاهز ؟؟؟

ومساء الفل

[bodda]

العزيزه ايناد

هاقولك على احلى وصفه للكستر

انا نفسى باستعملها

.

.

.

.

تقومى الصبح تشربى الشاى وتفطرى وتشربى القهوه

وتشوفى مصالحك تماما

وتحضرى الغدا للبيت

وبعد الغدا والحلو و الذى منه

.

.

.

تيجى كده بعد العصر .. صفارى شمس

وتنزلى على السوبر ماركت

وتجيبى علبة كستر

.

.

.

وتبصى على ضهر العلبه

هاتلاقينى كاتبلك الوصفه بالتفصيل

وبالف هنا وشفا

صباح الفل

:wub:

[aynad]

يا سلااااااااااااااااااااااااااام يا بودا دي سهلة خالص ههههههه :D حجربها و حاجي اقولك هههههه :lol:

[شاعرالرومانسية]

+

ياهلا بحبايب الاكل الصحى ..والرجيم ( لمؤاخذة يا عم بودا ،،، ;) )

نبتدى منين الحكاية ... :lol:

قصدى نبتدى بوصفة شهية،،،، لصدور الدجاج بالاعشاب اللى هيا ;)

نعمل خلطة بوضع المكونات دى فى الكبة أو الخلاط

2 ملعقة طعام بقدونس مفروم + 2ملعقة صغيرة اكليل الجبل ( وفى رواية اخرى حصى لبان :blush: )طازج مفروم +2 ملعقة صغيرة زعتر أخضر ورق طازج، مفروم +1 ملعقة صغيرة ميرامية ناشفة + أسنان ثوم، مفروم +3/4 كوب زيت زيتون +1/4 كوب خل وملح وفلفل أسود

.نحط 3/4 كيلو صدور الدجاج من غير جلد في صحن زجاج (بايركس مثلا) ويضاف اليه الخليط السابق. يغطى الصحن ويترك لينقع في الثلاجة من ساعتين وحتى 48 ساعة حسب الرغبة.

.نشوى الدجاج تحت الشواية بعد التخلص من السائل الذي نقعنا فيه الدجاج لمدة 10 دقائق لكل جهة أو حتى يستوي، وممكن نلفة بورق فويل ويطهى في الطبقة الوسطى من الفرن لمدة 40 دقيقة حسب الرغبة.

ونطلعة على فرشة من البقدونس ،،،،،وبالهنا والشفا B)

طبعا عزيزتى اوشا مش محتاج اقول فوايد الاعشاب السابقة فى الرجيم انتى طبعا عارفها من الموضوع السابق اللى بيجمع فوائد الاعشاب ووصفات للرجيم وهو فى الرابط دة ..

http://www.egyptiantalks.org/invb/index.ph...t=0#entry173794

يلا ورينا الهمة :D

[bodda]

ايه الحلاوة دى يا ابو على

وصفه هايله وشكلها طعمه كمان

بس ممكن جنبها طبق طحينه وشوية رز ؟؟؟

مجرد سؤال برئ :D

صباح الفل

:lol:

[mb14]

الأخ الفاضل / بودا

يا ريت توضح لنا كيفية عمل البليلة ( القمح والحمص ) ولك منى وافر التحية والتقدير .

انا شايف اليومين دوول ان طلبات الزباين(قصدى الاعضاء :D ) قلت وما فيش حاجات جديدة بنتعلمها فعندى اقتراح يا ريت (لو انت شغال فى المجال ) اى حاجة تعملها فى الشغل تبقى تقلنا عليها ولو انت هاو بس يبقى اى حاجة تعدى قدامك فى التليفزيون او البيت او عزومة تقلنا عليها بس طبعا بطريقة بودا الطعمه على الأقل تقدم لنا كل يوم أكله جديدة .

وشد حيك شوية عايزين نحول الManual الى Textbook او Encyclopedia

:D

[Osha]

ايه الحلاوة دى يا ابو على

وصفه هايله وشكلها طعمه كمان

بس ممكن جنبها طبق طحينه وشوية رز ؟؟؟

مجرد سؤال برئ  :D

صباح الفل

:D

<{POST_SNAPBACK}>

دا سؤال اكتر شوية من برئ

اخي العزيز جداشاعر الرومانسية الجدع

شكراعلى الوصفة الجميلة بس المشكلة اني عاوزة اعرف اسماء الحاجات دي بالعنجليزي عشان اقدر اشتريها هنا في بلاد العم سام

المشكلة التانية

اني ماعنديش شواية في البوتاجاز - شوف لنا سكة تانية غير دي

بودا

الباذنجان ليه بيشرب زيت بالهبل - مع العلم اني باقدح الزيت جيدا حتى يستغيث?

عملت صينيةالبطاطس باللحمةالموزة وطلعت رهيبة ومالهاش حل - كان عندي صديقة امريكية اكلت نصها تقريبا

[bodda]

العزيزه اوشا

بالنسبة لشرب الباذنجان للزيت

فطبعا مهم قدح الزيت أوى

والمهم أقطع الباذنجان ترانشات مش تخينه يعنى 1 سم بالكتير

وبعد التقطيع نحطه فى ميه وملح يشد ميته ربع ساعه

بعد كده يطلع على فوطه نضيفه ونضغط عليه بالراحه بنص الفوطه التانى

وده تنشيف يسرع من زمن التحمير ويقلل شرب الزيت

:blink:

وبالهنا والشفا

ومساء الفل

:D

[bodda]

العزيز mb14

والله العظيم انا هاوى فقط لاغير

:blink:

وان كنت أتمنى طول عمرى تكون دى مهنتى

:D

بس انا اريد وأنت تريد والله يفعل ما يريد

نيجى بقى لطلبك

البليله

نقول ربع كيلو قمح مقشور من اى بقال ونغسله كويس

ونغلى حوالى 6 كوبايات ميه ونسقط القمح فيها

ونسيبه يغلى حوالى 3 دقايق فقط فى حله مغلقه

ونطفى النار ونسيبه مكانه للصبح ( حوالى 12 ساعه )

هاتلاقيه بقى بليله :wub:

شوفت سهله ازاى ؟؟؟

نيجى بقى نسخنه و نحط عليه لبن و سكر ومعلقة سمن بلدى أو زبدة

و عند الغرف فى السلاطين :D نحط عالوش مكسرات مفريه

وبالف هنا وشفا

مساء الفل

:wub:

تم تعديل 6 يوليو 2005 بواسطة bodda

[Fencer]

يابيه احنا وكل الباذنجان بنشكرك على النصيحة

بس انت مختفي على طول ليه - دايما اوف لاين

عل المانع خير

[Osha]

يابيه احنا وكل الباذنجان بنشكرك على النصيحة

بس انت مختفي على طول ليه - دايما اوف لاين

عل المانع خير

<{POST_SNAPBACK}>

كنت انا !!!

بس نسيت اخرج من حسام حساب

نأسف لهذا الخطأ

ونكرر الشكر مرارا وتكرارا بالأصالة عن نفسي وبالنيابة عن كل الباذنجان الحر المستقل في عالم بلا حدود

على فكرة انا باعمل حاليا كيس الخضار المشكل في الفرن وحاقولك النتيجة اول ما تطلع

بكره عازمة صديق حسام على العشا وناوية اعمل كوسة بالبشاميل - عشان زهقت من المكرونة

انا عادة باشوح الكوسة شرائح طولية في ملعقة سمن وملح وفلفل وبعدين اسقيها ميه قليلة جدا لغاية ما تستوي وبعدين ارصها بالتبادل مع اللحم العصاج وبعدين اصب البشاميل

وكنت باقول لو ليك اقتراح تاني عشان بصراحة انا باسمع كلامك بدون تفكير

عشرة عمر بقى

[bodda]

العزيزه اوشا

يظهر مواعيد ظهورى بتكون عكس مواعيدكم

فرق توقيت بقى :D

اما موضوع الكوسه بالياشاميل فى الفرن :blink:

فجربى بعد ما تقطعى الكوسه شرائح طوليه ترشيها ملح وفلفل خفيف وطبقات

وبعد كده تحمريها عادى زى الباذنجان مش هاتاخد وقت خالص

وبعد كده بالعصاج وتكملى عادى

بس راجعى رسالتك اللى قبل الاخيره لانك قولتى فيها :

كنت انا !!!

بس نسيت اخرج من حسام حساب :D :wub: :wub:

وصباح الفل

:D

[Osha]

العزيزه اوشا

يظهر مواعيد ظهورى بتكون عكس مواعيدكم

فرق توقيت بقى  :D

اما موضوع الكوسه بالياشاميل فى الفرن  :blink:

فجربى بعد ما تقطعى الكوسه شرائح طوليه ترشيها ملح وفلفل خفيف وطبقات

وبعد كده تحمريها عادى زى الباذنجان مش هاتاخد وقت خالص

وبعد كده بالعصاج وتكملى عادى

بس راجعى رسالتك اللى قبل الاخيره لانك قولتى فيها :

كنت انا !!!

بس نسيت اخرج من حسام حساب :wub:  :wub:  :D

وصباح الفل

:lol:

<{POST_SNAPBACK}>

والله مخدتش بالي - اصلي متوترة من بدري عشان النهارده كان فيه عاصفة ومطرة واحتمال تورنيدو - وصوت الرعد كان مرعب :)

ولعلمك اني قريت ردك وردي كذا مرة لغاية لما فهمت حسام حساب - حساب حسام :D

قصدك يعني احمرها في زيت غزير زي الباذنجان? وبلاش موضوع المية دي?

طيب ودرجة السواء المطلوبة ايه ? انت عارف اني موسوسة ولازم اعرف التفاصيل المملة

انت مش رايح تصيف انت كمان زي حسن ? احنا عاوزين نروح فلوريدا - بقالنا كذا شهر عاوزين ناخد اجازة - بس انا خايفة من موسم الأعاصير والواحد مش ناقص رعب :)

[bodda]

العزيزه اوشا

طبعا تحمير عادى زى ما بتحمرى شرايح الباذنجان

بس المهم تكون اترشت ملح وفلفل قبل التحمير بنص ساعه

وياستى صيفى واعملى اللى فى نفسك وبلاش وسوسه

وقل لن يصيبنا الا ما كتبه الله لنا

والبقاء لله وحده

وانا لله وانا اليه راجعون

و إييييييييييييييييييييييييييه ...... دنيــــــــــــــــــــا

:blink:

صباح الفل

:D

[شاعرالرومانسية]

انت مش رايح تصيف انت كمان زي حسن ? احنا عاوزين نروح فلوريدا - بقالنا كذا شهر عاوزين ناخد اجازة - بس انا خايفة من موسم الأعاصير والواحد مش ناقص رعب :)

<{POST_SNAPBACK}>

السلام عليكم ورحمة الله،،،

والله يا اوشا ما سافرت والا حاجة... انا كنت ناوى اسافر يوم الاحد وقلت اروح الشغل الصبح اخلص شوية حاجات قبل السفر ..وانا ماشى بالعربية مكروباس ابن .......حلال الظاهر معجبهوش شكل العربية ..! قام داخل فى العربية من ورا لقيت نفسىة فوق الرصيف.. ومن ساعتها وانا فى موال العربية والميكانيكى والسمكرى و......." شفتى المصيف اللى انا فيه

تقريبا بودا كان قلبة حاسس .. قال فى ردة

"وياستى صيفى واعملى اللى فى نفسك وبلاش وسوسه

وقل لن يصيبنا الا ما كتبه الله لنا

والبقاء لله وحده

وانا لله وانا اليه راجعون

و إييييييييييييييييييييييييييه ...... دنيــــــــــــــــــــا

صباح الفل"

ونعم بالله يا عم بودا... وقدر الله وماشاء فعل

[bodda]

الف سلامه يا ابو على

واللى ييجى فى الريش بقشيش

وكلنا ضحايا الميكروباص فى اى لحظة

وانا سبقتك بنفس الشكل السنه اللى فاتت وحاسس بيك

لكن نقول الحمد لله

وروح صيف برضه

ده لو كان فاضل معاك 100 جنيه

:) :blink: :blink:

ممكن تشوف البحر السنه دى فيديو

مساء الفل

:D

[Osha]

الف سلامة عليك يا حسن

والله ماكنتش باحسد ولا حاجة

الف سلامة عليك وعلى رأي بودا

اللي ييجي في الريش بقشيش

كلنا يا بيه في مصر فدا الميكروباصات - حسبي الله فيهم

مفروض يعدموا في ميدان عام رميا بكل أحذية الأرض

اخونا بودا

جبت كوسة عشان اعملها بالبشاميل - طمعت فيها وعملتها محشي!! :excl:

ان شاء الله مرة تانية