اطلب اى وصفه على بالك .. تلاقيها قدامك

[bodda]

ولا يهمك يا ابو الشعر الجميل

:D :D :D

صباح الفل

:D

[Folana]

ياصباح الخيرات ....ايه ياجماعة اللى بتعملوه فيه ده ...نازلين على ايش جمبرى وكابوريا واستكوزا ..وديوك رومى وسيمون فيميه ..ايه السيمون فيميه ده يابودا ..فوار يعنى بعد الاكل ولا ايه ...ده انا غلباااااانة ...بالنسبة لتوقيت العزومة وبالرجوع للائحة اللى السيد بودا اشار اليها فانا كده بافضل انها تكون من سبعة لتسعة...مع حذف كلمة سيمون ...احسن يعتبروها غلط فى الحكومة ولا حاجة ....ولو فيه حاجة من ستة لتمانية تقتصر على ساندويشات جبنة بالخيار يبقى جميل جدا.....لا بجد انشاء الله حفلة التعارف دى يوم الجمعة الجاية - ولو انى مش عايزة اتعرف - بس هم سلوا بلدهم كده بقى ...وحاقولكم نويت اعمل ايه وراجعونى برضه ...

انا عملت امبارح الشركسية ..طلعت هايلة وجوزى وعدنى انه حيبعت لى ورقه ..بس مش عارفة ورقة ايه ياترى شيك بمبلغ محترم ..ياترى ورقة بمية ..مش عارفة ..ومش عايزة افكر ابعد من كده ....لا بجد تسلم ايدك يابودا كانت حلوة فعلا....

اوشا العزيزة ..قلبك ابيض ..هم خلاص عرفوا غلطتهم ومش حيتعرضوالك تانى خالص خالص ....على فكرة انا كنت باتكلم جد فى حكاية الاكلات دى ...طب تصدقى ..انا عزلت مخصوص من كسوفى من جيرانى ..كنت اول مااتجوزت دايما احرق الاكل ..والاقى الشبابيك اتفتحت بقى وعمالين يشموا ويقواو يافلانة ياعلانة ريحة شياط ..اقولهم ببرود لا ابدا ده انا باطبخ ...يبصوا لبعض ويقولا ياحرام دى فلانة باين عليها بتنجانة ....

والكلام لك برضه ياشاعر الرومانسية ..عايزة اقولك انا ليه فلانة وليه حافضل فلانة ...الصراحة الصراحة ..انا هربانة من الحكومة ومش عايزة حد يعرف طريقى ....بالنسبة للكوردن بلو او الكولدن بلو ...كويس جدا انك بعت الوصفة بتاعته والله لان ولادى بيحبوه جدا ..كتر خيرك ..انا حاقوم اعمله دلوقت ..ويطلع بقى كوردن بلو ولا يطلع كولدن بلو ..مش مشكلة المهم انه مايطلعش نهارى بلو .... :D

[bodda]

هايل يا فلانه هانم

اما من جهة خوفك من السيمون فيميه

فطبعا فيه منه المستورد وفيه المصرى و مش وحش

المستورد بحوالى 200 جنيه للكيلو

المصرى بحوالى 120 جنيه للكيلو برضه

المهم ان الكيس 100 جرام رقائق بحوالى 12 جنيه من باب اللوق

وممكن جنبك من هايبر ماركت

يعنى ممكن كيسين يعملوا منظر ليس الا

:D

وبعدين ماتفضلى فلانه فيها ايه علشان المباحث تتوه عنك

:D :D :D

بس ماقولتيش نويتى تعملى ايه ؟؟؟

واى اوامر وسلامنا للجمل

ويارب ماتكونش الورقه اللى فى بالى

:lol: :D :lol:

مساء الفل

:wub:

[شاعرالرومانسية]

اهلا بيكى يا ست فلانة ... ومدام المسألة فيها هروب من الحكومة ...يبقى تفضلى فلانة ..والا علانة .. مش مهم ... B)

المهم تفضلى بخير .. :)

ومعانا دايما ان شاء الله :D

وبخصوص العزومة ..وبما انك حتجربى الكوردن بلو فحقوللك طريقة تانية كمان لنفس شرائح اللحم دى اللى حتعملى بيها الكوردن بلو

ملفوف اللحمة الباردة ...( دة لزوم الترحيب بالضيوف ...ويابخت من زار وخفف :D )

نفس الشرائح السابقة تفرديها وتقسميها اتنين بحيث يبقى كل نصف مربع الشكل وتبليها بملح وفلفل وتكونى محضرة نوعين من الحشو

اولا ممكن تحشيها لحم مفروم عصاج وعلية اى اضافات من فلفل اخضر مقطع او زيتون مقطع ..الخ

ثانيا ... تجيبى فلفل الوان ( احمر / اخضر / اصفر ) وتقطعية شرائح طولية رقيقة جدا وكذلك بصلاية برضة شرائح رفيعة جدا طولية وكذلك مبشور جزر وتقلبيهم مع معلقتين زيت زيتون حتى الذبول وتتبليهم كويس وتظبطى النكهه ( ممكن طعم الحبهان أو جوزة الطيب أو الزعتر )

وتحطى الحشو على طرف شريحة اللحم وتلفيها اسطوانيا وتثبتى الطرف بخلة اسنان

وبعد ماتخلصى الكمية ( نصها بعصاج ونصها بالخضار ) تحطيها فى صنية وتحطى معلقة زبدة وتقلبيها فيها لحد ما تحمر وبعدين تزودى شوية مية صغيرة ..حبة بحبة ( تشأشأيلها يعنى :D )

لحد ما تستوى ...وممكن تقطعيها ترنشات وحيبقى شكل الخضار الوان وحواليه اللحم جميل

يلا يا ستى،،،

منتظر رأيك فى الكوردن بلو ..

اللى اكيد بعد الولاد ما يكلوه..

ان شاء الله حيحبوه... ( دة سجع ... معلش العادة تحكم بقى B) )

وحيبقى نهارك وايت يا ست الكل مش بلوووووووووووو ابدا

[bodda]

حلوه تشأشأيلها دى

B)

قصدك طبعا تسأسألها

B)

وادى كمان حرف

فاضلك حرفين وتنفع مذيع تليفزيونى باهر

:)

مساء الفل

:D

[Folana]

السلام عليكم ياجماعة..بصوا بقى ..أنا لا حأشأشألها ولا أسأسئلها..انا حاروح اعمل لها محضر فى القسم وخلاص..علشان تقتصر عنى بقى من البداية .....الموضوع برضه ممكن يتلم ومافيش داعى للشأشأة ...

بودا العزيز ..شكلك كده بتتعاطىى السيمون فيميه زى زوجى العزيز بالظبط ..يعنى عارف اصله وفصله وبتعرف تيجيبه من قفاه ..بص بقى ياسيدى مادام طلعت مصلحة ..فانت ممكن تيجيبه من المصنع فى العاشر وفيه واحد كمان فى مدينة بدر...وممكن تيجيب الفتافيت دى اللى بتفيض من التقطيع ..دى بتكون ارخص واكتر وجميلة جدا طبعا فى الساندويشات..طبعا انت عارف الساندويشات ممكن تعمل ازاى ...يعنى ممكن فى فينو عادى او كرواسون...وتدهن زبدة ثم مايونيزوبعدين ترص بقى خس او كابوتشى (اسمه كده صح؟)..مخرط رفيع جدا ..وترص قطع السيمون اياها دى اللى بتقول عليها ..وعليها بقى تحط كابرى ..والكابرى ده اكيد عارفينه كلكم ..عامل زى الحمص الشام كده بس اخضر وبيكون فى برطمان زى المخلل كده وبيتباع فى السوبر ماركت ..ومممكن تدخله الفرن شوية نونو يسخن بس وماتخافش على الخس مش حيلحق يجرى له حاجة ....

شاعر الرومانسية ...معلش ممكن سؤال خارج المنهج؟..هو انت شاعر بجد وجد يعنى ولا لقب كده ؟....جميلة الوصفة جدا بس ممكن استبدل اللحمة بصدور فراخ؟....والسلامى ده ممكن ابدله برومى مدخن؟...اصلى مش باحب اسلم على حد احسن ياخد على بقى .. B) ....عايزة اقولكم بس ان الناس اللى حتشرفنى كتيير كتير كتير ...يعنى الكومباوند كله تقريبا ...يعنى موضوع الديك الرومى ده مش حينفع ...الا اذا كبست على عشة بقى من بابها ....انا فكرت فى رز بالخلطة ...- مطلوب وصفته - فكرت كمان فى فراخ بانيه ولا السكلوب اشيك مش عارفة..كمان محاشى ومن غير كرنب طبعا يابودا لانى مش باعرف الفه اصلا....ممكن اعمل فخدة محشية ..-مطلوب وصفة سهلة-....ممكن كمان رقاق ..وده اعتقد موجود هنا ضمن الوصفات ..ممكن كفتة ...بس مش عارفة اعمل صنف خضار ولا لا ...حاعمل طبعا سوتيه ..بس مش عارفة يابودا ايه الصوص اللى بيتحط عليه ده ..نرجو الايضاح...والسلاطات بقى ...بانواعها...وحاعمل ركن طبعا للحلويات والفاكهة ..وركن تانى للمشروبات والشاى والقهوة العربى والذى منه بقى ....

ممكن اعمل كمان قرع عسلى باللحمة المفرومة ....

يعنى باقشر القرع عادى واقطعه مكعبات واسلقه فى شوية ميه صغيرة ..واكون معصجة اللحمة المفرومة ..وادهن الصينيه شوية سمن وارش عليهم بقسماط وبعدين اخد نص القرع اقلب عليه شوية بشاميل ..وارصه وبعدين احط اللحمة المفرومة المعصجة وبعدين اكمل باقى القرع ..واغطىى الوش بالبشمايل ..وبعدين ارب صفار بيضة او اتنين وادهن الوش وارش برضه شوية بقسماط وعلى الفرن ..يعنى زى المكرونة او الكوسة ..بس طعمها بيكون جميل والله وخفيفة ....والفكرة دى جات لى لان زوجى العزيز من عشاق القرع العسلى ..يعنى يوم يفوت وتانى يوم الاقى القرعة مشرفة عندى..ومن كتر مابافنن فيها ومرة بالمكسرات ومرة بالبشمايل ومرة من غير ومرة ارص على وشها انصاص بلح اللى هو اسود ده وطرى الحقيقة اسمه مش حاضرنى دلوقت ..انا عارفاه بس هو مايفتكرنيش.....تفتق ذهنى عن صينية القرع باللحمة المفرومة ..اقولكم كمان ..انا عملته مرة شوربة زى العدس ..وكمان عملته عصير زى البابايا ..لا مش بابايا انا ...التانى غالبا نوع فاكهة....ياخبر انا شكلى كده بدات اكشف عن شخصيتى وحتعرفونى من الصور اللى ملزوقة قدام السرايا الصفرا ...

اوشا فينك وحشتينا ...طمنينا عليك........... :)

[bodda]

العزيزه فلانه هانم

مادام الكومباوند كله هايبقى عندك فرصه برضه للانتخابات

ربنا معاكى ويعينك عالليله دى

بصى بقى ...

طبعا مصانع السيمون وبقايا التقطيع موجوده يا فندم ولها أشكال

والخس الكابوتشى طبعا احلى من البلدى مليون مره

وشاعر الرومانسيه شاعر بجد ومن العيار التقيل كمان

والرز بالخلطه مش فاكر كتبته ولا لأ ؟؟؟

والفخده المحشيه لو ضانى مش هاتقضى عدد كبير

لكن لو فخدة بتلو تبقى 100%

وعامة يتحضر لها خلطة مبشور بصل وملح وفلفل اسود ومبشور جوزة الطيب

بكمية حوالى كوبايتين تلاته من الخلطة دى حسب حجم الفخدة

ونعمل شقوق عميقة مع اتجاه العضلات وليس عكسها

والشقوق دى بتكون زى طعنات يعنى عمقها اكتر بكتير من فتحتها

ونحشيها بالخلطة من كل اتجاه خاصة عند المفاصل

ونسيبها ساعتين تلاته فى التلاجه تشرب التوابل

وبعدين تتلف فى فويل مع شوية جزر وفلفل اخضر وكوباية ميه كبادئ غليان

المهم اللف يكون محكم ونحدفها عالفرن وننساها عدة ساعات للسوى

وفى الاخر نشيل الفويل ونحمرها مع اعادة صب البهريز اللى نزل منها على وشها

ونكمل بعد الفاصل

مساء الفل

:)

[bodda]

صوص للسلاطات

فيه أشكال كتير لصوص السلاطات هانقول أسهلهم

صوص الأساس :)

وهو عبارة عن زيت وعصير ليمون وينضرب جامد للون الأبيض

ويضاف له اثناء الضرب الملح والفلفل

صوص المايونيز :blink:

وده فى العجانه نحط صفار 3 بيضات

وينضربوا ضرب شديد لدرجة الرغاوى

وحوالى كوباية ونص زيت ذره

بس بشرط تضاف أثناء دوران العجانه نقطه نقطه

أو معلقة صغيرة كل نص دقيقة لغاية ما نخلص الزيت

ونلاقى القوام بقى متماسك

وهنا نضيف بقى حوالى ربع كوباية خل مع الملح

وبكده تكون مايونيز عادى

أو نخففها لدرجة الصوص بزيادة الخل

وكله أثناء دوران العجانه

ملحوظة هامة : كلما زاد تماسك المايونيز أثناء تصنيعه

كلما زودنا سرعة العجانه

صوص مخلوط :blink:

ممكن خلط معلقتين مايونيز مع كوباية صوص أساس

وبألف هنا وشفا

وعلى فكره يا فلانه البلح اسمه الحيانى أو الرملى وممكن الأمهات

صباح الفل

:wub:

[شاعرالرومانسية]

اختنا فولانة ... اهلا بيكى من جديد

انتى بطلباتك دى تبقى عازمة منطقة الشيخ زايد ومعاها 6 أكتوبر كمان :D

ربنا يقويكى يا ستى ويقدرك ... بخصوص الارز بالخلطة فدة سهل قوى ....

بصى يا ستى انتى تحضرى مقدار الارز اللى حتعملية ولكل كوب ارز تحضرى معلقتين سكر وتحطى السكر فى حلة على النار وتقلبيى لحدمايسيح ويغمق ويبقى زى الكراميل ( بس من غير ما يتحرق :blink: ) وتقومى حطا عيار المياه اللى يسوى مقدار الارز بتاعك ومتبله كويس وظبطه ملحة وتحطى شوية زبدة صغيرة وتحطى الارز وتكملى سواه عادى ... (حيبطلع لونة كهرمانى كدة :wub: )

وتجيبى مكسرات لوز وبندق وزبيب تقشرى اللوز والبندق بوضعهم فى ماء مغلى ..وتقطعيهم نصفين ..وتبداى بتحميرهم فى ملعقتين زبدة.. اللوز اولا وبعده بشوية تضيفى البندق وقبل ما تقفلى بثلاث دقائق تحطى الزبيب .. حتلاقية اتنفخ كدة ورجع عنب تانى :P

وتقومى غارفة الارز فى قالب حلو كدة او سرفيس بيضاوى وعلية المكسرات المحمصة .... وبالهنا والشفا بس تبعتيلى طبق ....

عشان اشوفك عملتية حلو بس ليس الا .... :)

اما بخصوص السلطات فممكن تعملى سلطة البطاطس بالمايونيز بتبقى جميلة وطبق لوحدة

تجيبى بطاطس مسلوقة وتقطعيها شرائح او مكعبات وترشى عليها تتبيلة من صلصة الخل ( ربع كوب زيت ذرة وملعقتين خل ابيض و فصين توم مهروسين وملعقة بقدونس مفروم وملح وفلفل) وتيبيها شوية وتجيبى بيض مسلوق وتقطعية صغير او تفرمية وتسبية على جنب ... وتجيبى المايونيز ومعاه زبادى وتربيهم مع بعض ولما البطاطس تاخد وقتها فى التتبيلة تحطيى عليها البيض وخليط المايونيز بالزبادى وممكن كمان تقطعى قطع مخلل ( جزر ولفت وخيار ) مكعبات صغيرة وتضفيها ... وابقى قابلينى لو ضيوفك سابوا الطبق دة و قربوا لباقى الاكل :blink:

طبعا انا مش بقول مقادير ... وانتى سيدى العارفين بقى تحضرى المقادير اللى تكفى الكومباوند كله :D

اما بخصوص الاسم ... فانا بشارك فى باب " أدب وشعر وفنون وقراءات "بحاجات كدة على قدى ..

وممكن تشرفى موقعى وتشوفى كتاباتى فى اللينك اللى انا حاطة تحت توقيعى دة

http://www.postpoems.com/members/sha3r_elromansya/

بس سيبك انتى ...الطبيخ برضة احلى ;)

[abofasad]

عجبني جدا موضوع القرع العسلي بالبشاميل

فالى المتخصص في القرع العسلي

هل عندك طريقة عمل صينينة القرع العسلي بالمكسرات

[Osha]

صباحكم سكر

اولا اضم صوتي لأبو الفصاد عشان طريقة قرع العسل بالمكسرات

ثانيا

بقالنا كام يوم كل يوم نروح نصطاد سمك والحمد لله ربنا بيبعت سمك بالزيادة والحال عال العال

المهم يا اخواني سمك التروت دا انا ماعرفش اوصفه لكن اخونا بودا يقدر طبعا يتكلم عنه باعتباره واخد توكيل من كل أنواع المخلوقات البحرية للحديث عنها بدون تحفظ

المهم اول يوم اديت السمك لصديقتي التايوانية

ثاني يوم اديته لصديقتي من نيبال (بالعند فيك يا حسن - شاعرالرومانسية) :)

ثالث يوم - الحقية ان حسام صعب عليه تعبه وشقاه كل يوم يحضر السنانير ويفضل يوضب ويشيك ويقيف ويدكك الدود في الطعم وانا ادي كل واحد يوميا 9-10 سمكات الواحدة مثلا طولها حوالي 25 سم

المهم قرر اننا نعمله في البيت

وربنا يشهد عليا اول مرة انظف سمك وغالبا حتكون الأخير

ياااااااااااااااااااااااع :blink:

المهم نظفت ال10 سمكات وقطعتهم ترنشات وعملت خلطة صينية البطاطس بالسمك زي اخينا بودا ما وصى عليها في يومياته هنا

وطلعت اكتر من جميلة بمراحل :wub:

المشكلة الوحيدة ان الشوك بتاع السمك دا غتت غتاتة - سفا مش شوك - انما دمه تقيل

وحاليا - اذا كان ولا بد من اكل التروت يا عم بودا - برجاء ذكر طريقة للتخلص من السفا المزعج

ودمتم بخير

فولانة

انا في انتظار كارت الدعوة بتاعي - منه اجي اساعدك ومنه اكل لي شوية حاجات من اللي قاعدة انت واخوانا الأعزاء تخترعوا فيها من صباحية المنتدى

اشوفكم قريبا جدا :blink:

[شاعرالرومانسية]

صباحكم سكر

اولا اضم صوتي لأبو الفصاد عشان طريقة قرع العسل بالمكسرات

ثانيا

بقالنا كام يوم كل يوم نروح نصطاد سمك والحمد لله ربنا بيبعت سمك بالزيادة والحال عال العال

المهم يا اخواني سمك التروت دا انا ماعرفش اوصفه لكن اخونا بودا يقدر طبعا يتكلم عنه باعتباره واخد توكيل من كل أنواع المخلوقات البحرية للحديث عنها بدون تحفظ

المهم اول يوم اديت السمك لصديقتي التايوانية

ثاني يوم اديته لصديقتي من نيبال (بالعند فيك يا حسن - شاعرالرومانسية)  :blink:

ثالث يوم - الحقية ان حسام صعب عليه تعبه وشقاه كل يوم يحضر السنانير ويفضل يوضب ويشيك ويقيف ويدكك الدود في الطعم وانا ادي كل واحد يوميا 9-10 سمكات الواحدة مثلا طولها حوالي 25 سم

المهم قرر اننا نعمله في البيت

وربنا يشهد عليا اول مرة انظف سمك وغالبا حتكون الأخير

ياااااااااااااااااااااااع 

المهم نظفت ال10 سمكات وقطعتهم ترنشات وعملت خلطة صينية البطاطس بالسمك زي اخينا بودا ما وصى عليها في يومياته هنا

وطلعت اكتر من جميلة بمراحل 

المشكلة الوحيدة ان الشوك بتاع السمك دا غتت غتاتة - سفا مش شوك - انما دمه تقيل

وحاليا - اذا كان ولا بد من اكل التروت يا عم بودا - برجاء ذكر طريقة للتخلص من السفا المزعج

ودمتم بخير

فولانة

انا في انتظار كارت الدعوة بتاعي - منه اجي اساعدك ومنه اكل لي شوية حاجات من اللي قاعدة انت واخوانا الأعزاء تخترعوا فيها من صباحية المنتدى

اشوفكم قريبا جدا  :)

<{POST_SNAPBACK}>

اولا ..وانا كمان بضم صوتى لصوتكم فى حكاية القرع دى :blink:

ثانيا : ماشى ماشى ... شغالة انتى والاسرة الكريمة صيد وسيبالنا المطبخ هنا يضرب يقلب .... شاهد يا بودااااااااااااااااااااااااا :angry:

ثالثا : ودة طبعا الاهم :blink:

قوليها مش عايزة تعرفى واحد من مصر يعمللك السمك بوصفات حلوة... :D :wub: :blink:

رابعا : خلصتى تنظيف السمك والا لسسسسسسسسسسسسسسسسسسسسة :P

وبالهنا والشفا للأستاذ حسام وباقى افراد الاسرة :)

[bodda]

اولا انا متغاظ لانى بعيد عن منطقة الصيد الجميله دى

:blink:

وفيه حد برضه يشحت سمك الصيد ؟؟؟

انا لو حد عملها معايا فى سمكه اصطادتها .... ولا بلاش

ربنا يطول بالك ويصبرك يا حسام

:blink:

اما من ناحية الشوك فلا يمكن التخلص منه طبعا

بس هيه طريقة عمله ترانشات تصعب الموضوع جدا

وسمك التروت سمك هايل لاحتوائه على أوميجا 3 بكميه هايله

وده فوايده كتيييييييييير :blink:

واحسن طريقه له المقلى أو الشوى عالفحم

بشرط السمكه على بعضها دون تقطيع أو بالكتير نصين بس

نيجى بقى للــ

القرع العسلى بالمكسرات

اى شغل للقرع العسل يبدأ بعملية التقشير والتقطيع شرائح والسلق

انما تقطيعه مكعبات فدى تصعب الشغل أوى

وندهن الصينية سمن ونرص طبقة شرائح قرع

ثم رشة مكسرات مفرومة جريئة

ووراها رشة سكر برضه

وطبقة تانيه وتالته المهم ماتزيدش سمك الصينية عن 5 سم

وعادى نكمل بالطريقة العادية وممكن بالباشميل أو بدون

وبالهنا والشفا

مساء الفل

:blink:

تم تعديل 27 يوليو 2005 بواسطة bodda

[Folana]

اولا انا متغاظ لانى بعيد عن منطقة الصيد الجميله دى

:wub:

وفيه حد برضه يشحت سمك الصيد ؟؟؟

انا لو حد عملها معايا فى سمكه اصطادتها .... ولا بلاش

ربنا يطول بالك ويصبرك يا حسام

:lol:

اما من ناحية الشوك فلا يمكن التخلص منه طبعا

بس هيه طريقة عمله ترانشات تصعب الموضوع جدا

وسمك التروت سمك هايل لاحتوائه على أوميجا 3 بكميه هايله

وده فوايده كتيييييييييير  :blush:

واحسن طريقه له المقلى أو الشوى عالفحم

بشرط السمكه على بعضها دون تقطيع أو بالكتير نصين بس

نيجى بقى للــ

القرع العسلى بالمكسرات

اى شغل للقرع العسل يبدأ بعملية التقشير والتقطيع شرائح والسلق

انما تقطيعه مكعبات فدى تصعب الشغل أوى

وندهن الصينية سمن ونرص طبقة شرائح قرع

ثم رشة مكسرات  مفرومة جريئة

ووراها رشة سكر برضه

وطبقة تانيه وتالته المهم ماتزيدش سمك الصينية عن 5 سم

وعادى نكمل بالطريقة العادية وممكن بالباشميل أو بدون

وبالهنا والشفا

مساء الفل

:wub:

<{POST_SNAPBACK}>

السلام عليكم ورحمة الله وبركاته ....انا خارجة من المطبخ اخد شوية اكسجين وراجعة اغطس تانى ...انتم عارفين بكره يوم صعب صعب ....اوشا متشكرة جدا على رسالتك الجميلة وحارد عليك انشاء الله ...وطبعا ياحبيبتى انت صاحبة بيت تيجى فى اى وقت ...شاعر الرومانسية وبودا لكم رد فى رقبتى حاسدده يوم السبت اما افوق من الغيبوبة اللى انا فيها ...

بس بالنسبة لصينية القرع ....انا باعملها مكعبات علشان باهرسها نص هرسة كده ...شوفوا ياجماعة اصعب حاجة فى القرع هو تقشيره ..لو اتقشر من غير اصابات فى الايد ولا لحامات للصوابع يبقى اتحلت المشكلة ...بعد كده كله سهل ...

هو يتقشر ويتقطع شرايح او مكعبات على حسب بقى .. ويتسلق بس مش فى ميه كتير ..وممكن تحط عليه سكر وهو بيتسلق...وبعد كده يتصفى ...وانا باقلب عليه جوز هند وزبيب...وارصه فى الصبنيه ..وبعد كده ممكن الباشميل يتعمل باللبن بس اللبن يتحلى طبعا ..ويتحمر الدقيق او يصفر مع السمن عادى وبعدين اللبن ونقلب ..لغاية الخليط مايتماسك زى المهلبية كده يعنى ...وبعدين ارب البيض مع شوية فانيليا وادلقه على الخليط واقلبه ..وبعدين اغطى وش الصينية بالبشمايل ..وبعد كده اغرس صنوبر على الوش او لوز مقشر ومقطوع نصين ...وادخله الفرن

وممكن الباشميل يتعمل من غير لبن ..يعنى ناخد ميه السليق اللى مفروض انها متحليه ..ونستخدمها بدل اللبن ...وممكن نلغى الباشميل خالص ...بس ندهن الوش بشوية سمن صغيره علشان يحمر

ممكن كمان نقسم الكمية نصين ونحط حشو المكسرات فى النص او زى الاخ بودا ماقال بالظبط ..وطبعا هو استاذ كبير ولازم نرجع له الاول

ممكن كمان يقطع شرايح ويسلق ..وبعد كده نرش عليه المكسرات المطلوبة او نقلبها معاها ...ونعمل مهلبية بدل الباشاميل ونغطى الوش وندخلها الفرن

ممكن كمان نظبط القرع كما سبق ونغطيه بقمر الدين مطبوخ وعلى التلاجة ......ممكن نعمل القرع كما سبق ونغطيه بالشمايل ونجيب البلح الرطب - افتكرته اهو - ونقشره ونقسمه انصاص ..ونغرسه على الوش ..وممكن رشة قرفة ...

باختصار ..انا بالنسبة لى مادام القرعة اتقشرت بالسلامة ..يبقى ممكن يتعمل فيها اى حاجة بقى ..............

عايزة اقول لكم على مشروب من اختراعى برضه ..مااعرفش ممكن تكونوا عارفينه ..بس انا فننته من غير مااعرف هو موجود ولا ...بمناسبة الايام الحر دى

لمحبى الزبادى .......انا باضرب الزبادى فى الخلاط مع الايس كريم ...وعليه شوية عسل نحل او سكر او من غير حسب ماتحبوا ...بس بلاش ايس كريم الفانيليا لانه مش حيبان فى الطعم ...جربوا ايس كريم بالكراميل او المستكة او اى نوع تانى ...مشروب جميل ومرطب......

اشوفكم يوم السبت واقولكم عملت ايه .................... mfb:

[Osha]

صباح الفل

الحقيقة انا امي طول عمرها تعهد الى بمهمة تقشير وتقطيع القرع العسلي لي!!! ومش عارفة ليه عمري ما اتعورت الحمد لله لكن هي دايما بتعمله بالبشاميل الحلو - بس حكاية القمر الدين دي جديدة عليا

بالنسبة للسمك يا عمنا - خلااص ولا تقول لي اوميجا والا بيتا ولا الفا !!! انامش حانظف تاني يااااااااااااع

وعشان عيون شاعرنا الرومانسي كل مرة حاعطيه لصديقتي من نيبال واقولها لها ادعي لأبو علي والنبي ياختي

وبعدين عندك حق - حاسألها لو عاوزة تعرف ايميل بودا عشان يقولها وصفات سمك حلوة!!!!! بس بصراحة هي أكلها جميل جدا

أبقى أعزم بودا ييجي ياكل عشان انت تاخد بالك من المطبخ يا أبو على ومن الزباين!!!

حسام راح يصطاد ثاني - ولو تكرم عليا ونظفه او زوج صديقتي نظفه زي ما وعدني قد أفكر في عمله مقلي

بس انت لم تذكر المشوي على الفحم بيتبل ازاي - والا هو كل حاجة عاوزة سؤال بالاسم يا عمنا - بلاش الطناش دا مش حلو والله

فولانة - انا حاليا يوم الجمعة الساعة 11 صباحا ودا معناه الساعة 6 مساءا عندكم!!! يعني عز العزومة

ربنامعاك ان شاء الله وطمنيني على كل طبق وكل صنف نفرنفر ماتنسيش حد

عاوزة وصف تفصيلي لو سمحت

على فكرة - انت لم ترد علي في قصة اللينك اللي ارسلته لك - عملت فيه ايه يا ترى ?

عندي اخبار جديدة وحلوة - اشوفك قريب علىالمسنجر اقولك عليها

تم تعديل 29 يوليو 2005 بواسطة Osha

[bentmasria]

بودا ........... معليش دايما تاعبينك معانا بس من حلاوة الوصفات مفيش كلام لازم نطلب تانى

المرة دى الطلب موش ليا لكنه طلب فعلا مهم

ارجو تفتح موضوع جديد غير ده وياريت تسميه وصفات خفيفه لصحة طفلك ونضارته

نفسى ف اكل حلو لابنى واولاد اخواتى ما يتسببش فى اذيتهم يعنى لا شيبسلى ولا جيلى كولا ولا اى حاجة من اللى بيدمنوها وطبعا الخضار والارز والفراخ او اللحمة مملين جدا بالنسبة لهم هم من عمر سنةونص الى عمر 12 سنة محتاجين طاقة ومحتاجين يكبروا

ارجوك تحاول تعمل الموضوع ده لو اتسع وقتك وانا واثقة ان كتير مننا محتاجه فى بيته ولاهله

اشكرك لاهتمامك وسامحنا بنتعبك ويانا

مادا وماما

[Osha]

مشاركة عن طريق الخطأ

حسام

تم تعديل 29 يوليو 2005 بواسطة Osha

[Fencer]

الحبيب بودا

سلاماتي و اشواقي و احشني بجد و واحشني المحمر و المسبك و المقلي و جميع انواع الروائح

انا من استعجالي رديت من حساب رشا و راجعت نفسي و معلش العتب على النظر

هل فعلا التراوت يتقلي? انا حاسس ان القلي يبقى صعب شوية الا اذا كنت انت جربته

ارجو الافادة كذلك اذا كان القلي على الريحة و الا عميق

صباحه جميل

[bodda]

معلش أرد الأول على العزيز حسام علشان تشوفوا عدم التعصب

:blush:

بالنسبة للسمك التراوت

ممكن يتقلى عادى بس للاحجام الصغيرة 200 - 300 جرام

وفى شوية زيت صغيرين مع التقليب كل ما يستوى جنب

لان السمكه طبيعتها دسمة وهاتنزل زيت ... :sad:

وممكن الشوى على الفحم على شبكه بعد دهان السمك بالزيت

واحلى حاجه له للاحجام الصغيرة برضه هوه صينية بالزيت والليمون

ندهن الصينية زيت ونرص السمك بعد تنضيفه وندهن وشه زيت

ونرش عليه ملح وفلفل ولما يخرج من الفرن نقابله بعصير ليمون كتير

وتتبيلة الشوى بتكون بعد انتهاء الشوى

نكون محضرين كوباية مية مملحه اوى مع الكمون والتوم وليمون كتير

ونرش السمك بالتتبيلة دى اول ما يخرج من الشوى

وبالف هنا وشفا

:wub:

تم تعديل 30 يوليو 2005 بواسطة bodda

[bodda]

العزيزه فلانه

أحسن واسهل طريقة لتقشير القرع العسلى

انك تقسميها نصين من المقطع المستدير

يبقى عندك حتتين زى قبة الجامع

تحطى النص على القورمة البلاستيك وتستعملى سكين كبير اوى

كلما كان السكين كبير وتقيل هايبقى أسهل

وبكده يبقى اتجاه التقشير من فوق لتحت فعمر السكينه ما تلمس ايدك

هايتبقى فى الاخر حته صغيره فى القمة اللى كنتى سانداها بايدك

ارميها وبلاش طفاسه وارحمى ايديكى

:wub: :blush: :sad:

وطبعا انا بكتب الرساله صباح السبت يعنى بعد الموقعه

اللى مستنيين اخبارها منك

بس انا مطمن على شطارة فولانتنا العزيزه

صباح الفل

:wub: