اطلب اى وصفه على بالك .. تلاقيها قدامك

[Folana]

ايه الحكاية ياجماعة .....هى الاخت بنت مصرية مرت على المطبخ بس ..اصبحتوا كلكم شعراء ولا ايه ......

على العموم زى ما القراءة غذاء العقل ..والشعر غذاء الروح ..فالاكل برضه غذاء البطن ..يعنى مارحتش بعيد برضه يابودا ....

بس تقصد ايه بالستات اياها ...فكرك مين يعنى ..هه ؟؟ :D

[mb14]

العزيز الغالى حسام

العناصر الموجوده فى مياه المجارة اساسا هى عناصر ثقيلة

يعنى زئبق و كادميوم و الرصاص وغيرها ودى كلها تروح على الكبد

يعنى لحم الاسماك لا يضار منها

لكن الصرف الكيميائى زى مخلفات المصانع والمدابغ

فده غير آمن طبعا لأن منه مواد تبقى فى العضلات للاسماك

:wub:

<{POST_SNAPBACK}>

الأخوه الاعزاء بودا وحسام

رأى الشخصى ان اى مياه يتم بها صرف عناصر ثقيله او مخلفات كيميائيه لا يجب ان يتناول الانسان منها شئ لانه سوف يتم تراكم هذه العناصر فى جسم الاسماك والقشريات التى تزحف فى قاع المياه .

واشهر حادثة تلوث بالزئبق كانت فى اليابان فى خليج منماتا فى الخمسينيات ولم يكتشف سبب المرض الا بعد فتره واكتشف وجود صرف من مصنع للزئبق فى نهر كان مصبه فى خليج منماتا لذلك سمى المرض باسم Minamata Disease

والسبب هو تراكم عنصر الزئبق فى جسم الاسماك بعد اصبح على صورة methylmercury وعند استهلاك هذه الاسماك بواسطة الانسان تحدث اعراض اصابة الجهاز العصبى المركزى

لمعرفةا لمزيد عن هذا المرض فى هذا الرابط

Minamata Disease

حفظنا الله واياكم من كل مكروه

[bodda]

العزيز mb14

الأول لازم اشكرك بشده وعنف على أرشيفك الجميل للوصفات

:angry:

طبعا كلامك صح مليون %

بس ده كان مصنع زئبق

وليس نسبة الزئبق الموجوده طبيعيا فى مخلفات المجارى اياها

:wub:

ولو اتبعنا القاعده اللى بتقولها دى يبقى لا هانشرب ولا ناكل

انت عارف نيلنا العظيم بيترمى فيه ايه وأد ايه ؟؟؟

ربنا ستار

مساء الفل

:unsure:

تم تعديل 19 سبتمبر 2005 بواسطة bodda

[Osha]

خلاص نسيت الفيتوتشيني والذي منه

وتفرغت للزئبق والكلام عنه

ماكانش العشم يا بودا الكبير

تهجر المطبخ ويهون عليك فنه

وعجبي

اما بعد

انا متفقة مع الجميع في قصة التلوث ومخاطره لكن بصراحة شايفة ان لو مشينا على الكتاب بشكل نهائي حتكون الحياة صعبة وقاسية جدا

ربنا يستر ونقول بسم الله في أول الأكل وربنا حيكرمنا جميعا

وخاصة سمك حبيبي سمك قلبي وسمك روحي

وصباحه جميل اوي

وعاوزين شوية وصفات سااندويتشات من اللي وصى عليها الحكيم لقمان يستخدم فيها شرائح الرومي المدخن

ودمتم جميعا ودام مطبخكم عامر

[bodda]

العزيزه رشا

ولا نسيت ولا اقدر ولا أجرؤ

الفيتوتشينى

نص كيلو مكرونه سباجيتى وتسلق عادى

نص كيلو جمبرى .. او صدور فراخ مقطعة مكعبات صغيرة

3 كوبايات لبن كبار.. ومعلقتين كبار نشا

زيت زيتون

بصلتين مقطعين نصين وشرائح رقيقة وتوم مفروم

ملح وفلفل

نيجى بقى للشغل

نحط شوية زيت زيتون فى طاسه ونشوح البصل والتوم للون الاصفر

ونحط عليهم الجمبرى مع التقليب 3-4 دقايق

أو مكعبات لحم الفراخ ونقلب لغاية السوى

ونحط عليهم كوبايتين لبن كبار ( يفضل معانا كوبايه )

نسيبه على نار وسط للغليان وساعتها نحط الملح والفلفل

ونحط على كوباية اللبن البارده معلقتين النشا ونقلب كويس اوى

ونيجى دالقين اللبن بالنشا شويه شويه على الخلطة اللى عالنار

مع التقليب المستمر بس بالراحة لعدم تكسير الجمبرى او الفراخ

لغاية التخانه المطلوبه

طبعا لو خفيفة نزود نشا بنفس الطريقة

ولو تخينه نخفها باللبن الساده

هنا بأه ندلق ده كله على المكرونه المسلوقه ونقلب كويس بالراحه

وتقدم ساخنه مع خبز محمص بالتوم

وبالف هنا

صباح الفل

:sad:

تم تعديل 20 سبتمبر 2005 بواسطة bodda

[Fencer]

العزيز بودا

ماكنتش اعرف ان الازمات تخلي الواحد يتفنن و يقول الكلام ده انما لنا الله يا صاحبي ، عايز اسألك قبل الزحمة عن احسن طريقة لطهي الديك الرومي كاملا بالفرن مسبوقة بطريقة التنظيف و التتبيل و اختيار الديك من حيث الحجم و الافضل فرخة

و الا ديك ، كل حاجة يا بودا

و احسن الاطباق الجانبية المصاحبة لهذه الوليمة و ياسلام لو تكمل جميلك و تتحفنا برز بالخلطة و كمان تقولي ازاي الديك يتحشي و بايه و الحاجات دي اساميها ايه بالانجليزي

انا عايز لو سمحت موسوعة الديك الرومي ان شاء الله تقولي كل يوم حاجة انا مش مستعجل

صباحه جميل :sad:

[Fencer]

الأخوه الاعزاء بودا وحسام

رأى الشخصى ان اى مياه يتم بها صرف عناصر ثقيله او مخلفات كيميائيه لا يجب ان يتناول الانسان منها شئ لانه سوف يتم تراكم هذه العناصر فى جسم الاسماك والقشريات التى تزحف فى قاع المياه .

واشهر حادثة تلوث بالزئبق كانت فى اليابان فى خليج منماتا فى الخمسينيات ولم يكتشف سبب المرض الا بعد فتره واكتشف وجود صرف من مصنع للزئبق فى نهر كان مصبه فى خليج منماتا لذلك سمى المرض باسم Minamata Disease

والسبب هو تراكم عنصر الزئبق فى جسم الاسماك بعد اصبح على صورة methylmercury وعند استهلاك هذه الاسماك بواسطة الانسان تحدث اعراض اصابة الجهاز العصبى المركزى

لمعرفةا لمزيد عن هذا المرض فى هذا الرابط

Minamata Disease

حفظنا الله واياكم من كل مكروه

<{POST_SNAPBACK}>

الاخ العزيز mb14

تحياتي و شكري لك على اهتمامك بالامر ، طبعا لو التلوث جاي بكمية كبيرة من مصنع اكيد انه هايكون قاتل و اعتقد اي مواد كيماوية تلقى في المياه هاتقضي على السمك و لو ماماتش سيصبح ضار بالطبع

انما مياه المجاري المعالجة ا المعاملة على رأي العزيز بودا فنسبة المواد فيها بسيطة ز

اشكرك

[bodda]

العزيز فنسر باشا

الديك الرومى فى الفرن

اولا يختار الديك الوسط يعنى من 8-12 كيلو

ده لو عندك عزومه .. لكن لو للبيت ممكن اصغر طبعا

وعنك بالباوند يبقى 1 كيلو = 2 باوند ونص تقريبا

الشئ الاهم عندك هو وجود انبوبه هاتلاقيها مغروسه فى صدر الديك

ودى هاتقولك امتى انه استوى فى الفرن

لانها هاتطول ويبان منها اللون الاحمر يبقى استوى

نيجى بقى للتنضيف والتتبيل

طبعا غسيل عادى من بره وبزياده من جوه والتأكد من عدم وجود الرئة

ثم يدعك بالملح كويس ويغسل مره اخرى

ونحضر تتبيله عباره عن مبشور بصل وملح وفلفل ويدهن بيها من جوه

وبعدين بسلك رفيع نربط الرجلتين لتقريبهم من بعض

وطبعا هايزال بعد السوى بس بيخلى شكل الديك احلى

ونحضر خلطه من بصل وبطاطس مكعبات صغيرة وجزر وفلفل اخضر

وملح وفلفل ونحط الخلطة فى صينية كبيره تساع الديك وعاها كوباية مية

ونغطيه بالمونيوم فويل غير محكم يعنى غطاء ... ويدخل الفرن

ونسيبه حوالى ساعه على درجة 450 وبعدها نشيل الغطاء

وناخد من الصوص فى الصينية ونصب عالديك

وكل ربع ساعه نعيد الحكايه دى حتى لا يجف الجلد ولغاية سوى الديك

ونيجى بقى رافعينه على رف علوى لتحمير الوش مع تكرار صب الصوص

كده يبقى الديك تمام.... وبالهنا والشفا

مساء الفل

:angry:

[bodda]

الاطباق الجانبيه مع الديك

طبعا الرز بالخلطه هاتلاقيه موجود فى اوائل الموضوع هنا

ووصفه منى ومن حسن الشاعر :angry:

طبعا جنب الديك ممكن مكرونه بأى شكل تحبه

او رز بالخلطه ...أو رز بالخضروات ( بسله مثلا ..)

او صينية بطاطس محشية ..أو ورق عنب مع زبادى

وسلطة الزبادى بتكون هايله معاه ...وكمان سلطة البنجر المسلوق

او محشى كوسه ... او فلفل ...

وممكن كشك بقطع الفراخ

بالف هنا و شفا

:excl:

[Folana]

السلام عليكم ورحمة الله وبركاته ..........

الاخوة الاعزاء نزلاء مطبخ الخطيرين .........الاخ الغالى بودا باشا ..

نظرا لانى راجعة شبعانة جدا من السفرية اياها عند خالتى ام ابراهيم باشا برضه .....فكنت مقررة انى اخد هدنة لغاية مااهضم وبعدين اشارك معاكم ...بس لفت نظرى شىء هام وخطير فى وصفة عمنا بودا ...

بودا العزيز ......

انبوبة ايه اللى موجودة فى صدر الديك الرومى ؟؟؟؟؟؟؟!!!!!!!!!!! mfb: :D

وحياتك تقولى عليها احسن يظهر احنا بيضحك علينا (وانت عارف اننا متخصصين فى الضحك علينا من ايام الزامية واللى طلعت باربعة على فكرة)........وتلاقى الوله ريشة الفرارجى بينشل الانبوبة بتاعتنا من صدر الديك المسكين .........

تانى هام ..انا لما باعمل الديك فى الفرن ..بالفه كله بالفويل ..واسيبه تلات اربع ساعات ...ياترى كده غلط ولا ايه ..نرجو الافادة السريعة............

أوشا حبيبتى .....

انا بعت لك رسالة ومش رديتى اوعى تكون ماوصلتش ...تانى حاجة يالا كملى حكايتك علشان اعرف اقراها قبل نوة المذاكرة اللى حتصيبنى مع ولادى ......

ريهام الغالية ....

انا رجعت المطبخ اهو وبعدت عن الشارع السياسى لمى صبيانك بقى من تحت البيت علشان مش عارفة انزل ...تعرفى ..فيه مواقف كده بتخليك تتكلمى حتى لو مالكيش فى السياسة اصلا .....بقالى كتير ماقرتش منك ..ارجو انك تكونى بخير ..وانا شايفة ان بودا طنش موضوع الساندويشات خالص ...معلش انا جاية اهدى النفوس .....لو ماكتبش لك على كام ساندويتش ..انا حاكتب لك ولا يهمك ........

صباحكم جميل جميعا................ :wub:

[bodda]

يعنى بعد كل الساندوتشات اللى كتبتها وبرضه مش عاجب؟؟

وبنهدى النفوس !!!

:wub:

على العموم كعب باشا قال مافيش فايده ... ونجاة برقبتها

:D

العزيزه فلانه هانم

الانبوبه دى فى ديوك امريكا شئ تكنولوجى بسيط من المجزر

عبارة عن انبوبة فى نهايتها جزء حساس بيغرس فى صدر الديك

باعتباره اكثر الاجزاء سمكا .. ويصل لعضم الصدر

وعند سوى اللحم بيعطى صوص .. يوصل الدايره .. يرتفع طرف الانبوب

ويدى علامات صفراء وخضراء وحمراء

الاصفر بداية سوى والاخضر ميديوم والاحمر ويل دون او سوى كامل

وطبعا لم يصل هذا الاختراع الجيزه حتى الان !!!

ومساء الفل

mfb:

[Folana]

نعم. :D ..نعـــــــــــــم.. :wub: .......انت بتكلمنى ؟ mfb: mfb: ...وانت عامل ايه ؟!!!excl:l

(مع الاعتذار للمبى)

انبوبة ايه واختبار ايه ....معلش اصل انا فهمى تقيل زى ماسيادتك عارف..ده انجليزى ده ولا تركى ولا ايه بالظبط....ايه ياأوشا ..ايه يا أخ فنسر ..ايه الحكاية الكبيرة دى ماحد يقول حاجة ياجماعة ....

طب قلت انبوبة وقلنا وماله ...وقلت دايرة وميديم امنا بالله ..بس احيات النبى ايه موضوع الصوص ده ...يعنى الواحد بيجيب الانبوبة بالصوص بتاعها ولا الديك هو الللى بيتبرع بها ؟؟ وانا اللى كنت ناوية انزل للواد ريشة الفرارجى امسك فى خناقه واقوله قب بالانبوبة ياله...

\على اى حال شكرا للافادة ..انا اول مرة الحقيقة اسمع الموضوع ده........امانة عليك بقى لو رجلك راحت هناك تانى تبقى تفتكرنى فى انبوبتين كده على الماشى........

تم تعديل 22 سبتمبر 2005 بواسطة folana

[Fencer]

العزيز جدا بودا

انا اشكرك على الوصفة اللي انت قلتها دي و منتظر المزيد من طرق الديك الرومي حيث ان اليوم الاسري المسمى thanks givin قرب يجي و ده موسم الديوك الرومي ، الا الفرخة احسن و الاالديك???? :unsure:

فلانة هانم طبوزادة

الحقيقة انا جبت مرة ديك رومي احتفالا بوصول العائلة الى امريكا و كانت وصفته بتقول انه بعد التتبيل ( و طبعا تتبيل بودا اشد بكتير) يتحط الديك في كيس نايلون مخصوص للديوك الرومي و مكتوب عليه حسب الوزن الديك يقعد اد ايه في الفرن و بداخل الديك مغروز انبوب و تعليمات الاستخدام تقول عند تحول اللون الى الاحمر و ذلك بخروج رأس هذا الانبوب حيث ان الرأس مضغوط ده يعني ان الديك استوى و لازم يطلع من الفرن

و نجحت في عمل ديك رومي بس المشكلة ان في طعم للديك الرومي اللي بنعمله في مصر و لم استطع الحصول عليه عشان كده سألت بودا عن التتبيل و الطهي

انما الديوك الرومي هنا نضيفة و مافيهاش زفارة و حلوة ، بصراحة اللحوم و الدواجن هنا حلوة جدا يعني بأقل التتبيلات بتطلع حلوة

ايفات? فهمتي?

تشكرات تشكرات :D

[Osha]

اخيرا الويك اند

يا سلااااااااااااام

وحشتوني كتير اعضاء مطبخ كرام افنظم

فولانة هانم

قرأت رسالات حظرتكم واتمنى اراكي قريبا على مسنجر حظرتنا

حيث ان الويك اندات سيمتد الى يوم ثلاثاء كريم شريف عشان اسعار بنزين ضرب في العالي افنظم

وان شاء الله سوف تروني كثيرا وحتى يوم ثلاثاء ان شاء الله حظرة افنظم فولانات هانم شريفات كريمات

ايفات ايفات

يا بودا بيه

بالنسبة لوصفة الديك الرومي والتكنولوجيا بتاعة الأنبوبة فأنا ماليش دعوة بقصة التتبيل دي من اصله لاني مش باحبه اصلا يا سيدي الفاضل وجل ما استطيع اكله هو جزء من الدبوسة ليس اكثر

ولكن الأخ حسام مغرم بيه وطبعا زي ما انتم عارفين ومتأكدين اني زوجة ديموقراطية جدا جدا فأنا حاسمح له بقلبي الكبير انه يعمله وكمان ياكله

اظن محدش يقدر يتكلم على سعة صدري وعلى تفهمي

نيجي بقى للأصناف الجانبية اللي انت حطيتها

وهو دا اللي انا مهتمة بيه سيادتك

برجاء شرح الآتي بالتفصيل لو سمحت

رز بالخلطه

كنت سمعت اوشاعة ان الرز دا بيتحط عليه كراميل وهو دا اللي بيدي له الطعم المميز

سلطة البنجر المسلوق

كشك بقطع الفراخ

[wagdi]

السلام عليكم أهل المطبخ الكرام...

انا باكتب لسببين...أولا دي حتبقى المداخلة رقم 500 في الموضوع ده...قلت يمكن يبقى فيه جايزة ساندوتش ولا حاجة...

السبب التاني هو...

والله مكسوف منكم...

المهم...حكومتنا الكريمة عادت من جولتها التسوقية المكوكية الشبه يومية ومعاها لامؤخزة طاسة كدة شكلها غريب...

"إيه ده يا روحي..."

" ده WOK يا حبيبي"...

"يطلع إيه ده ياروحي..."

"واحدة صاحبتي قالتلي عليه...ده إلى بيعملوا بيه الأكل الصيني والتايلاندي"...

طبعاً انا عشمت نفسي وقولت بس يا واد فرجت من وسع وحتاكل زي ما الكتاب بيقول...

المهم ال wok ده طلع له نظام مخصوص لازم الأول يدهن زيت وبعدين يتساب على النار لحد ما يبقى لونه أسود...وقال كدة يبقى تماما أوي..

وطبعاً ممنوع تغسله بالفرشة أو السلك علشان طبقة الباتين الأسود دي ماترحش...ولازم طول ما هو مش مستخدم يبقى مدهون بطبقة زيت...وحاجة غلب...

المهم طلعنا وصفة من الانترنت..لحمة بالخضار بالحركات...والمفاجأة أن طعم الأكل طلع هايل...حاجة جامدة أوي...

مش بقة نحمد ربنا...لأ...نزل فرمان إنه من هنا ولمدة شهر حناكل أكل صيني أو تايلاندي حيث إن وزارة المعارف عندنا جاتلها معلومات مؤكدة بأن الأكل في المدعوق الwok صحي جداً ومفيد خالص...وكلام من الي بالكو منه ده...

إلاهي يارب ما تتحوجوا ولا يغلبش عليكو wok ....محدش يعرف أي وصفات صيني أو تايلاندي أو أي حاجة شبههم؟؟. :unsure:

[se_ Elsyed]

نداء إلى الخلايا النائمة في أرضية المطبخ

عايزكوا تتفرغوا الأيام الجايه بقى دي لوصفات أكلات رمضانية شديدة .....

وسمعني يا عم طقطوقة " ياخواتي صايم وراجل شقيان ومراتي عايزة تجوعني ..حتى في رمضان "

[bodda]

حاضر يا اوشا

مع انها نزلت قبل كده

الأرز بالخلطة

الأساس طبخ الارز عادى مفلفل بس نضيف قليل من القرفة والقرنفل

ونوضب الخلطة

من لوز وبندق وعين جمل و صنوبر

( مجروشين أو أنصاف أو سليم ) + زبيب

ويتم تحميرهم للصفار فى سمن ثم ينشلوا ويتركوا جانبا

وهنا فيه بقى طريقتين

ممكن أدخل الخلطة دى فى أثناء تسوية الارز

أو أضيفها بعد ما يستوى

وانا افضل الاضافة بعد السوى لعدم هرى الخلطه

فممكن تقلب مع الارز فى وعاء خارجى ثم تقدم

أو توزع الخلطة فى قاع اناء نصف كروى ثم يضغط عليها الارز وتقلب

يعنى موضوع التقديم له أشكال كتير

وبالف هنا وشفا

:unsure:

[bodda]

حاضر يا اوشا

مع انها نزلت قبل كده

الأرز بالخلطة

الأساس طبخ الارز عادى مفلفل بس نضيف قليل من القرفة والقرنفل

ونوضب الخلطة

من لوز وبندق وعين جمل و صنوبر

( مجروشين أو أنصاف أو سليم ) + زبيب

ويتم تحميرهم للصفار فى سمن ثم ينشلوا ويتركوا جانبا

وهنا فيه بقى طريقتين

ممكن أدخل الخلطة دى فى أثناء تسوية الارز

أو أضيفها بعد ما يستوى

وانا افضل الاضافة بعد السوى لعدم هرى الخلطه

فممكن تقلب مع الارز فى وعاء خارجى ثم تقدم

أو توزع الخلطة فى قاع اناء نصف كروى ثم يضغط عليها الارز وتقلب

يعنى موضوع التقديم له أشكال كتير

وبالف هنا وشفا

:unsure:

[bodda]

العزيز وجدى

اللهم صبرنا على ما حدانا

:unsure:

انا نزلت قبل كده قواعد الاكل الصينى

وتنزل تانى علشان خاطرك

قواعد الاكل الصينى

أهم مكونات الاكل الصينى هو صويا صوص والجنزبيل الطازج

وتانى حاجه يكون عندك طاسة تحمير نصف كروية عميقة

وتالت حاجه غليان الزيت لدرجة التدخين قبل الاستعمال

وبس ....

نيجى لمثال اللحم

لازم نقطع اللحم شرائح رقيقة 2-3 مم ... المجمد بيكون اسهل جدا

ونغلى قليل من الزيت ( حوالى 3 ملاعق) لدرجة التدخين .. ودى مهمه

نحط شرائح اللحم ونقلبها بسرعه لمدة 5 دقايق هاتستوى

نشيلها من الزيت ونرجع كميته كما كانت ونسخنه تانى للتدخين

نبدأ فى وضع الخضروات .. بسله - جزر شرائح - فاصوليا خضرا .. الخ

بس كل صنف لوحده فى المره الواحده مع التقليب السريع برضه

هاتلاقيه استوى من جوه ومقرمش من بره خلال 4-5 دقايق بالكتير

ونشيل كل صنف على حدى لغاية ما تخلصى الاصناف المطلوبة

نرجع للمتبقى فى الطاسه ونحط له نص كوب صويا صوص

مع مبشور جذور الجنزبيل( 20 جرام) ونحطه عالنار + ملح

يغلى شويه وهنا ممكن نحط معلقة كورن فلور علشان تخانة الصوص

نحط عليهم بعد كده اللحم السابق ويغلى مع الصوص دقيقتين للتشرب

ويغرف مع الخضروات

أو نضيف الخضروات للحم و الصوص علشان يغلوا مع بعض دقيقتين

ثم الغرف

وبالف هنا وشفا

:blush:

[bodda]

العزيز سى السيد

طبعا رمضان عالابواب وربنا يعيده عالجميع بالخير والبركه

وحضر نفسك لموجه عارمه من الاكلات والحلويات والمشروبات

بس انتوا ساعدونا بالطلبات والتعليقات والمطلوبات والشربات

:wub:

وكل سنه وانتم بخير وسعادة

صباح الفل

:)