اطلب اى وصفه على بالك .. تلاقيها قدامك

[bodda]

العزيز فنسر

طبعا تنفع طاجن ونص مش انا كاتب صينية او برام ؟؟

اما صينية السمك بالبطاطس

فنجيب سمك مايكونش دسم

يعنى ما ينفعش الماكريل مثلا !!!

يفضل القاروص و اللوت و الدنيس وممكن البلطى الكبير

المهم يتقطع جزل كبيرة ويتغسل ونسيبه على جنب

نحضر خلطة من البطاطس المقطعة ترانشات او مكعبات صغيرة

وانا عن نفسى بحب المكعبات الصغيرة لسهولة الخلط والغرف واللهط

:wub:

نقول نص كيلو بطاطس مع كيلو ونص سمك

وحزمتين شبت على حزمتين كسبرة خضرا مفروم

وبصلتين كبار مفتريين متخرطين وعشر فصوص توم صينى جامبو

وملح وفلفل وشطة وكمون

كل ده يتقلب مع بعضه ونحط تلت الخلطة فى الصينية او الطاجن الواسع

و نرص جزل السمك بحنيه عالفرشة الجميلة ديه

ونكمل بباقى الخلطة المسافات البينية بين الجزل

ومافيش مانع من طماطمايتين ترانشات عالوش لزوم الحروقه فى الفرن

ونصب على ده كله نص كوباية ميه مع نص كوباية زيت

ونغطى بالفويل ويدخل فرن حار نص ساعه غليان

وبعدها نشيل الفويل ونسيبه لتحمير الوش كام دقيقه لغاية حروقة الطماطم

ونقابل الصينية وهيه خارجه بالليمون الكتيييييييير

ومع الرز الابيض او الصياديه واوعى وشك

رمضان كريم

:blush:

تم تعديل 7 أكتوبر 2005 بواسطة bodda

[bodda]

للعزيزه اوشا و بدون عياط

صينية البطاطس البيوريه

نقول كيلو بطاطس ونص لحم مفروم ومتعصج عادى

نسلق البطاطس ونقشرها

ونهرسها فى طبق كبير مع كوباية لبن كامل الدسم وملح وفلفل

يبقى عندنا عجينة بطاطس ماسكه نفسها شويه

:wub:

ندهن الصينية بالسمن ونحط نص عجينة البطاطس ونفرها بالراحه بدون كبس

ونفرفط اللحم المعصج على وشها للتغطية الشامله التامه الكامله العامه

طبعا ممكن يتبقى شوية عصاج فبلاش تحطيهم علشان ماتبوظش

:blush:

ونحط باقى عجينة البطاطس ونسويها بالايد مع بل الايد بالمية للسهولة

ونكبس بالراحه لاندماج الطبقات العامله الكادحة mfb:

ونجين نص كوب لبن كامل الدسم او كريمة لبانى

ونضرب معاها صفار بيضتين على معلقة سمن ضربا مبرحا للاستغاثة

ونصب الخلطة دى على وش الصينية ونحدفها على ايه ؟؟؟؟

ايوه اسم الله على مقامك .... عالفرن

تاخدلها حوالى نص ساعه المهم تحمرى وشها وبالف هنا

ورمضان كريم

:wub:

[Fencer]

العزيز بودا

دي وصفة سهلة......دي وصفة هايلة

تشكرات شديدات على وصف طواجن سمكات بالبطاطس و شكلها وصفات هاتسبب حريقات في معدات ،بصلات و تومات و شطات و حبشتكانات ماتنفعش في يوم فيه شغلانات، دي عايزة ويك اندات .

انما ملعوبة يا بودا و شكلها هايل و هاناكل سمك بالبطاطس و ربنا يخلي لنا مدام سلوى فكرتنا بالسمك في رمضان و يخليك لينا بوصفاتك الشديدات

بس انا عيز كام طاجن اهمهم البطاطس و الباميه،و السؤال المهم هو هل الاحسن في الطواجن اللحم الضاني ام البقري?? :wub:

[شاعرالرومانسية]

السلام عليكم اخوان الاعزاااااااااااء،،،

كل عام وجميعكم بخير وصحة

رجعنالكم بعد الزيارات الاسرية الرمضانية المكوكية .. وعدنا الى ارض الوطن سالمين لنبدأ معكم وصفاتنا الرمضانية الشهية...

" بودا ... :happy:

اية رأيك يا معلمى فى المقدمة دى .. مش انفع مساعد شيف :blink: "

بص ياعمنا الغالى فنسر ..

انا معاك فى حكاية الطواجن دة .. بتدى طعم جنان للأكل .. خصوصا طبعا البامية .. واللحوم كمان .. واليك طاجن بامية ملهلب وموحوح يستاهل بوقك الشريف :wub:

طاجن البامية " المشطشط"

نشوح البامية فى شوية زيت صغيرين جدا مع فص مستكة ورشة قرفة ورشتين كسبرة ناشفة ( حيعجبكوا طعمها قوى ) وبعدين نحطها على جنب .

وبعدين نجيب بصلة نخرطها فى معلقة سمنه مع شوية زيت وفصين توم مدقوقين ونشوحهم على النار ومعاهم قرن فلفل او اتنين احمر ( حامى ) بس من غير مانقطعهم عشان لو حبينا نشلهم بعد كدة.. ولما البصل يصفر نقوم ضايفيين الطماطم المبشورة او المضروبة فى الخلاط ونسيبها شوية على النار لحد ما ميتها تنشف شوية ونضيف بعد كدة البامية المتشوحة ونضيف شوية شوربة صغيريين ونجيب كام فص ثوم مدقوقين بشوية كسبرة ناشفة وفلفل اسمر ونضيفهم على البامية قبل السوا بخمس دقائق مع عصر نصف ليمونة ..

ونغرفها بعد كدة فى الطاجن عشان خاطر عزيزنا " فنسر "

طعم الطاجن بيبقى مميز فعلا، فبعد البامية ماتاخد غلوة واحدة على النار نجيبها ونحطها فى طاجن ونضيف التوم واليمون وشرايح طماطم على الوش وندخلها الفرن لمدة عشر دقائق او ربع ساعة وشها يحمر ..كدة يعنى ..

ومع باذنجان مخلل وطماطم مخللة وتبقى اكلة عجب ..انا دايما بعمل جنبها ارز بريانى .. وصفتة موجودة هنا على فكرة لو نحبوا نعيد وصفته .. معنديش مانع :angry: (بتبقى بقطع لحم او بقطع فراخ )

وممكن نعمل الطاجن دة جنب فرخة محشية :

فرخة صغنونة نتبلها بالتوابل والحبهان من جوا وبرة ونحشيها ارز بالحبهان وفى الفرن من غير سليق ..بس طبعا الارز يبقى مستوى نص سوا على النار قبل الحشو .. نحط معلقة سمن وبصلة مبشورة لحد ما تصفر ونضيف الارز المغسول ونقلب تقليبتين ونحط ملح وفلفل وحبهان وورق لورى ونزود مية بعد كدة لحد مايبقى نص سوا ونحشى الفؤخة ونحدفها على الفرن بعد التكتيف والربط وفرش معلقتين سمن عليها كلها من الخارج:D

اما مخلل الباذنجان فممكن نقلى الباذنجان العروس الاسود

فى الزيت ولما نطلعه وهو سخن نشقة ونعصر جواة ليمون بملح وكمون ولما يتشرب نحشية بخلطة من التوم المدقوق والخل والبقدونس والفلفل الاخضر .. و

الله يرحمكوا بعد الاكلة دى .. ( انا عن نفسى ببقى محضر كيس فوار مهضم وسطل عرقسوس متلج )...

وبالهنا والشفا مقدما :wub:

تم تعديل 7 أكتوبر 2005 بواسطة شاعرالرومانسية

[Fencer]

الشاعر الرومانسي الكبير حسن ابو علي

انت قتلتني بالوصفة دي و كما قال الشاعر انها وصفة تشفي من العلل

اقول ايه و الا ايه و الا ايه على المطافي اللي هانعوزها بعد كده فوار ايه يا عم حسن دي عايزة ميه نار تهضمها بس هي وصفة في الجون

اشكرك خاصة على المخلل الباذنجاني المصاحب لاوركسترا البامية المشطشطة اللي هايخلي العئلة تغني اوبرالي )صويت و اصوات و صرخات)

انا احب الاكل ده

مافيش عندك بقى حلو مناسب و الا كفاية لترين بيبسي

[bodda]

يا سلام يا بو على على برام الباميه الجهنمى

تسلم ايدك

ويظهر انك متعاقد مع مستشفى ام المصريين

على توريد ضحايا والحساب يجمع :happy:

:D

نحلى بقى

قطايف بالبـــــــلح

ده صنف سهل اوى ..وخفيف اوى

نجيب بلح حيانى ( اسمه احيانا الرملى )

اللى هوه اسود وطويل ورطب ونفصصه ونشيل النواه

ونحط فى كل قطايفاية بلحه او اتنين حسب حجمها

وتتحمر عادى فى زيت غزير ثم العسل

هاتعجبكم بجد وخفيفه عالمعدة اوى

رمضان كريم

:angry:

تم تعديل 8 أكتوبر 2005 بواسطة bodda

[bodda]

للكنافه وضعها الخاص ويجب احترامها

ومن احلى اشكالها الطريقة دى

كنافة عش البلبل

نجيب كنافه بورمه ( يعنى طازه وسخنه وبطولها )

ونجيب منها حتة ونلفها على صباع واحد باحكام

هاتديك شبه كورة صغننة وجواها فجوه مكان الصباع

نحشيها بالمكسرات المتشوحه بالسمن البلدى

او ممكن احط فى الفجوه دى لوزتين مقشرين او اى حشو تحبه

ونرص الكور دى فى صينية جنب بعض باحكام

ولما نخلص نرش حوالى كوباية سمن عالوش

وتدخل الفرن حتى اللون الذهبى

وتطلع من الفرن نقابلها بدلق العسل عليها ويغطيها

ونسيبها ربع ساعه ونصفيها من باقى العسل

وبالف هنا

رمضان كريم

:D

[Folana]

السلام عليكم ورحمة الله .........

ياسلام سلم هو المطبخ بيتكلم؟؟؟؟؟؟؟؟؟؟؟...ايه الحلاوة دى بس ..الله ينور عليكم كلكم ياشباب البادية والله ....

مش لاقية حاجة اوصفها بصراحة وانتم ماقصرتم والله..........

الكمبيوتر بتاعى بعافية شوية علشان كده اتاخرت عليك يابودا فى الشوربة ...وبعدين قلت اكلمكم من كمبيوتر البقال اللى تحت البيت على مابسلامته يعمل نيو لوك ويرجع لى تانى ..............

الاخ س.س ...انا شايفة انك تشترى الاكلة دى جاهزة وتريح دماغك بدل القيل والقال ..وانت عارف كلام الناس كتير ....بس ممكن تتعمل بعجينة الباف فعلا لانها فى السوا بتبقى رقات فوق بعضها ..او جلاش بقى وخلاص ...او تنسى الموضوع من اصله ....

طبق اليوم........بط بالبرتقال ..وممكن يقدم معاه صوص التفاح ..وبودا وصفه هنا قبل كده ...--- كنافة حادقة باللحمة المفرومة ..وانا وصفتها هنا قبل كده .. :angry: ...صفحة 28.--- شوربة سبانخ .للى بيحب السبانخ بس .ياحسن......كشك ..ولو فاض شوية شوربة ممكن نعمل طبق ملوخية صغنن ...ورز..وشوية سلاطات لزوم القعدة ...مابين سلطة خضرا ..وسلطة بطاطس بالمايونيز واللى تجودوا به ....

العصائر ..بلح باللبن ...كركدية على تمر هندى ...

خشاف مشمشية وموز بس ...والحلو بقى اللى تعملوه لانى مش باحب غير القطايف بس ......:happy:

المطلوب طبعا شوربة السبانخ بس قبل مااقولها يابودا ..لازم اقر واعترف انى مااعرفش الفكرة العلمية التى بنى عليها هذا الطبق ..بقى انا كنت باقضى اسبوع كده فى اوتيل بعد امتحانات اخر العام ..وكانوا بيعملوا على البوفيه كل يوم نوع شوربة يجنن ..اى حاجة تخطر على بال الرجل وهو واقف فى المطبخ يعملها شوربة ...وحسيت ان فيه شىء مشترك بينى وبين الشيف ده الا وهو تأليف الوجبات ...كان منها شوربة السبانخ وشوربة جوز الهند وشوربة البسلة

انا طبعا عملتهم بطريقتى بس مااعرفش اصول الطبخة ايه ..انا حاقول اللى عملته وهى طلعت طبعا جميلة ومغذية

شوربة السبانخ

من غير مقادير يابودا معلش .......حتجيب السبانخ وتخرطها وتغسلها طبعا كويس جدا بتعويمها فى المية علشان الرمل اللى فيها ..وبعدين تاخدها غلوة وتضربها فى الخلاط لحد ماتنعم خالص ...وممكن تضربها فى الخلاط من غير سلق (وانا بافضلها كده علشان فيتاميناتها ولونها يفضل اخضر ).....وبعدين تدلقها على الشوربة اللى عندك ..وتسيبها تغلى طبعا ...وتتبلها بالفلفل الاسود او الابيض...وطبعا تراعى الملح اذا كانت الشوربة اصلا فيها ملح ..او تستخدم ماجى ...بعد كده بتحمر ملعقتين دقيق ..(مش لازم اتنين بالعدد يعنى ) فى شوية سمن ..وتدلق عليهم شوية شوربة وتقلب كويس علشان ماتكلكعش منك..وبعدين باقى الشوربة ...وتقلب شوية على النار علشان تدى سماكة للشوربة ..وممكن تضيف كريمة لبانى لو حبيت ...

اما شوربة جوز الهند.......فانا اكتشتفت فى السوبر ماركت عبوات تايلاندى فيها مسحوق جوز هند ...زىى البودرة كده ..بس مش صناعى يعنى جوز هند بودرة طبيعى ...ده باحطه على الشوربة وعليهم شوية جوز هند مبشور وملعقتين الدقيق اياهم وخلاص برضه بتكون لذيذة .......فاضل ايه ؟...اه الخشاف ...انا باعمله مشمشية بالموز بقى

باغلى المشمشية فى شوية مية على النار ..وبعدين اقطع الموز ..واعصر عليه ليمونة او نص علشان مش يسود ..واقلبه على المشمشية اللى باكون حليتها بالسكر وشوية فانليا..وطبعا فيها المية اللى اتسلق فيها ..بس نص سلقة يعنى ..وارش عليها لوز مقشر ...

الارز طبعا يفضل يكون محمر يعنى رزة ورزة ..ومتهيالى الوصفة هنا برضه ..والباقى معروف ....

وربنا يتقبل منا جميعا انشاء الله ولا تنسونى فى دعائكم وانتم بتفطروا يااخوانى ..... :D

[se_ Elsyed]

أنا مش معتب الباب ده تاني ..

ده تعذيب نفسي اللي بيحصل لنا ده ..

يا ناس حرام عليكوا إحنا صايمين وكلامكم ده بيخلينا أتخيل إن في حلل وصواني بترقص قدامي وتقولي " خدني في حنانك خدني .. عن عيون الجعانين وإبعدني "

[Osha]

بجد يعني الموضوع دا قلب افترا بكل المقاييس

بدءا بوصفات العودة الميمونة لأخينا حسن الرومانسية

مرورا بوصفات عمنا الكبير بودا وكنافته المفترية

واخيرا اختنا فولانة اوغلو بتاعة افتاكسات الشوربة

ومع حبي للجميع

الا اني سامنع حسام من دخول الباب دا حفاظا على مستقبلنا الأسري

عشان حيبتدي يطلب بقى وانتم عارفين الباقي

حلوين

بكره او يوم الأحد القادم عندي عزومة

ممكن منيو رقيقة جريئة متضمنه ما سهل عمله ورخص ثمنه

حفظكم الله ذخرا لنا ولكل الأمم المحبة للسلام وللطبيخ

[شاعرالرومانسية]

طبق اليوم........بط بالبرتقال ..وممكن يقدم معاه صوص التفاح ..وبودا وصفه هنا قبل كده ...--- كنافة حادقة باللحمة المفرومة ..وانا وصفتها هنا قبل كده .. :) ...صفحة 28.--- شوربة سبانخ .للى بيحب السبانخ بس .ياحسن......كشك ..ولو فاض شوية شوربة ممكن نعمل طبق ملوخية صغنن ...ورز..وشوية سلاطات لزوم القعدة ...مابين سلطة خضرا ..وسلطة بطاطس بالمايونيز واللى تجودوا به ....

العصائر ..بلح باللبن ...كركدية على تمر هندى ...

خشاف مشمشية وموز بس ...والحلو بقى اللى تعملوه لانى مش باحب غير القطايف بس ......:wub:

<{POST_SNAPBACK}>

لا حول ولا قوة الا بالله ... هو الصيام يعمل كل دة ..

مالك يافولانة هانم .. انا مش عارف لية مفهمتش اول تلت أسطر ..

وبعدين هو اسمى جه فى وسط الكلام غلط والا انتى كنتى قاصدة حاجة تانية وجت فيا غلط :D

عموما رمضان كريم يا ست الكل وبالهنا والشفا البطة ام برتقااااااااااال

وتسلم ايدك على طقم الشوربة اللذيذ دة :blink:

بودااااااااااااا .. القطايف د حتبقى هايلة... بس ياراجل ..انت واثق انها حتبقى خفيفة على المعدة :happy:

الحاضرة .. الغائبة .." لظروف خااااااااااااااااصة :D ) اووووشا

عودن محمودن يا فندم....

وبعدين انتى خلاص يعنى ... بعد الغيبة دى راجعة تقولى حمنع حسام يدخل الباب دة ....

يعنى دة جزاء الاتقان فى العمل ... :angry:

اخويا العزيز ..فنسر

بالهنا عزيزى فنسر الطاجن وكمان لتريين البيبسى .. بس خد بالك .. كدة يبقى اعلان غير مدفوع الاجر :D

واحنا عاوزين اعلانات مدفوعة عشان نصرف على المطبخ بتعاعنا :P

اما بخصوص قرارات حرمكم المصون ... فـــــــــــ

فليسقط الاستبداد

فليسقط الاستبداد

فليسقط الاستبداد

و...

رمضان كريييييييييييييييييييييييييييييييييييم :wub:

[Osha]

الشاعر الرومانسي

زي مانت شايف كل ما اشم نفسي في حاجة الاقي قرار منع حاجة تزهق يا أخي الواحد مش عارف يروح فين منهم

جمعااااااء جمعاااااء

[bodda]

طبعا الرد السابق ده اكيد من الكابتن حسام

بس على حساب المتمردة اوشا

برافو حسام :angry2: :) :blush:

عم سى السيد !!!

زعلان ليه بس ؟؟؟

يعنى لا يبقى اكل حقيقى ولا تخيل وصفات ؟؟؟

ياعم احنا بنفك نفسنا فى الكلام هنا ... نوع من التنفيس الغذائى

وللعزيزة فلانة

اكيد هاجرب شوربة السبانخ واقولك

بس جربى الكنافه دى وعلى ضمانتى ;)

العزيز حسن باشا

جرب القطايف دى اخف من المكسرات اوى... هاتعجبك

عندك حق وربنا عالمفترى ...قصدى المفترية

:blush:

وللعزيزة اوشا

ارخص حاجه عندك ديك رومى بس تشتريه وسط الاسبوع بيبقى ارخص

ومعاه اى خضار فى صوانى بالفرن ( طواجن )

ومكرونه فرن ...أو رز بالخلطة الكدابه ( يعنى بصل وزبيب بس )

وبطاطس شيبسى جاهزة بالكيلو

والمشروب اعملى كركديه او تمر هندى

ورمضان كريم

:wub:

تم تعديل 9 أكتوبر 2005 بواسطة bodda

[Folana]

السلام عليكم ورحمة الله .............

حسن ...مش فاهم ايه وانا اشرح لك؟....مش عارف البط بالبرتقال ؟معقولة؟....يعنى تحط البطة وجنبها فصين برتقال سهلة خالص.......بالنسبة لاسمك انا اولا باتبارك به فى مقالاتى المطبخية ....بس كانت وصلتنى اوشاعة زى الاوشاعة الاولانية ..انك مش بتحب السبانخ ....بس كده.. ماغلطناش يعنى فتقدر تعتبره لفت نظر انك ماتجربش الشوربة ...وعلى فكرة رمضان بيعمل معايا اكتر من كده ..ده بالاضافة الى ان جوزى بيشجعنى على الاختراعات ...وبعدين هو اللى بيمول الموضوع فانا مش خسرانة حاجة :angry2:

اوشا....خفى عن الجدع شوية ..مش كده انا ملاحظة ان الموضوع فيه اضطهاد جامد جدا ...هو علشان بعيد عن اهله يعنى بتستفردى به ؟.....ده مش عارف يتبحبح بكلمتين على بعض :)...فكرتنى بايام صلاح نصر واللى منه ...

(جدعة ياأوشتى ابعت لى الوصفة اللى بتستخدميها معاه ربنا يسترك)

بودا ...جربها والله بتطلع جميلة ومغذية ..بس انا مش باحبها ..:blush:)..حاجرب الكنافة علشان الناس اللى ورايا بس انا مش بحبيهى ..مش بحبيهى ....

وبالمناسبة ..كنت معزومة عند ناس يوم الجمعة وقدموا لنا كنافة على شكل تورتة كده ...يعنى محشية من جوه قشطة او مهلبية او جبنة ريكوتا ..ومن فوق عليها كريم شانتية على شكل وردات واناناس وخوخ كمبوت ...انا مش دقتها الحقيقة بس الناس الللى معايا مسحوها فجربوها انتم بقى وقولوا لى ....

تم تعديل 9 أكتوبر 2005 بواسطة folana

[Folana]

ريهـــــــــــــــــــــــام

اين انت ياريكو.....عودى الينا ولا تخافى ....نحن فى انتظارك...................

والله ياجماعة كنت عايزة اعرف سر نجاح ام على ....لانى عملتها امبارح بس طلعت ام كشارية جدا وعاقدة حواجبها .....لدرجة ان بنتى قالت لى بقى دى ام على يامامى !...قلت لا ياروحى دى غالبا مرات ابوه .....

فارجو كل من يعرف سر خلطة ام على علشان تتطلع زى الصور يدلنى عليها وله الاجر والثواب .......

صباحكم جميل جميعا ......... :angry2:

تم تعديل 9 أكتوبر 2005 بواسطة folana

[محمد شلبى]

صباح الفل يا جماعة وكل سنة وانتم طيبين :)

يا اخ بودا لو سمحت طلب صغير

فى نوع من البطاطس أكلتها فى مطعم اسمها بطاطس فرسكس ومعاها صوص مش فاكر اسمه ، هى عليها حاجة كده زى الفيجيتار ، مش متأكد

يا ريت توصفهالى اصل نفسى فيها النهارده :angry2:

تم تعديل 9 أكتوبر 2005 بواسطة محمد شلبى

[se_ Elsyed]

صباح الفل يا جماعة وكل سنة وانتم طيبين :)

يا اخ بودا لو سمحت طلب صغير

فى نوع من البطاطس أكلتها فى مطعم اسمها بطاطس فرسكس ومعاها صوص مش فاكر اسمه ، هى عليها حاجة كده زى الفيجيتار ، مش متأكد

يا ريت توصفهالى اصل نفسى فيها النهارده :angry2:

<{POST_SNAPBACK}>

البطاطس دي مفترية فعلاً ..

هي عامله زي ما تكون مسلوقه بقشرها وبعدين متحمره ...

[bodda]

الاخ الفاضل محمد شلبى

يمكن الاسم بتاع البطاطس فيه لخبطه

فياريت توصفلى شكل البطاطس كان ايه ؟؟؟

:angry2:

[محمد شلبى]

صباح الفل يا جماعة وكل سنة وانتم طيبين :)

يا اخ بودا لو سمحت طلب صغير

فى نوع من البطاطس أكلتها فى مطعم اسمها بطاطس فرسكس ومعاها صوص مش فاكر اسمه ، هى عليها حاجة كده زى الفيجيتار ، مش متأكد

يا ريت توصفهالى اصل نفسى فيها النهارده :angry2:

<{POST_SNAPBACK}>

البطاطس دي مفترية فعلاً ..

هي عامله زي ما تكون مسلوقه بقشرها وبعدين متحمره ...

<{POST_SNAPBACK}>

فعلا الجوع كافر:blush:

انت مش قلت انا مش معتب هنا تانى؟

[se_ Elsyed]

الاخ س.س ...انا شايفة انك تشترى الاكلة دى جاهزة وتريح دماغك بدل القيل والقال ..وانت عارف كلام الناس كتير ....بس ممكن تتعمل بعجينة الباف فعلا لانها فى السوا بتبقى رقات فوق بعضها ..او جلاش بقى وخلاص ...او تنسى الموضوع من اصله ....

<{POST_SNAPBACK}>

ماشي يا فُلانه هانم أوغلو أغا .. ما هما كده الأتراك .. الواحد ما ياخدش منهم غير تريقه ونقوره وخلاص :angry2:

على العموم ليه عندك حضرتك مبلغ 80 ريال سعودي فقط لا غير قيمة شراء إتنين كيلو من البتاع العجيب ده إمبارح ..

بس بصراحه إجرام ... إشتريت جزء بالجبنة وأتسحرت به إمبارح مع سطل شاي دسادة دوبل .. وعشان زوجتنا المصون بتحب الحلويات فأشتريت لها جزء تاني هي هي نفس العجينة والحركات بس محشية مكسرات ... بس تحفه ..

بيني وبينكم لم أرغب في خوض التجربة الأولى ..

على فكرة يا ولاد البتاعة دي بتتعمل في الزيت زي القطايف مش في الفرن ... وأثناء تشريحي لواحده منها وجدت إنها بتتكون من كذا راق ... أعتقد إنها بتتلف بنفس فكرة السمبوسة ... مش السجاير يا أوشا أفندم ياللي عايزة تبوظي أخلاقي وتخلينا أتعاطى سبارس على أخر الزمن :)