اذهب إلى المحتوى
محاورات المصريين

اطلب اى وصفه على بالك .. تلاقيها قدامك

bodda

بواسطة bodda
في المطبخ

 مشاركة

Recommended Posts

Fencer عضو جديد

Fencer

بتاريخ:
بتاريخ:

العزيز بودا

أحب اشكرك جدا على وصفة الديك الرومي الخارقة للعادة والتي نفذناها بالحرف و طلع ديك ماحصلش السكينة كانت بتعدي فيه زي الزبدة ، اما المعازيم فقد كانت المحامية و عيليتها اللي ماسكة الحالة بتاعتنا في الهجرة و كسبتها لنا بجدارة و كانت تستاهل الديك و الملحقات و انبسطت جدا و خدت من الديك كمان و هي ماشية

شرفتنا يا عم الشيفات كلهم

صباحك زي العسل

The Egyptian Fencer
رابط هذا التعليق
شارك
  • الردود 1.3k
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

bodda عضو جديد

bodda

بتاريخ:
  • كاتب الموضوع
بتاريخ:

صباحك فل وياسمين يا مبارزنا الجميل ...فى بلاد مافيهاش نيل

اصل اوشا خوفتنا على المأسوف على شبابه ديك البرابر

وقالت مش عايز يستوى وهيه اصلا من أعداءه

:lol: :sad: :sad:

لكن الحمد لله ان كله تمام

بس تلاقى اوشا هيه اللى مش قادره تقوم من آثار الموقعة

دايما بيتكم مفتوح بالخير

و رمضان كريم

:sad:

عاشق البحر والسما

رابط هذا التعليق
شارك
bodda عضو جديد

bodda

بتاريخ:
  • كاتب الموضوع
بتاريخ:

أم عـــــــــــــــــــــــــــــــــــلى

الوليه دى اشتهرت بأكله أكتر ما جوزها اشتهر فى التاريخ

لكن ما علينا وبلاش نق .... :lol:

أولا لازم نستعمل الخبز الخاص بام على وهو يشبه الميل فى الخام

يعنى عديد الطبقات ومقرمش وهش

ولو مافيش يبقى خامة الميل فى تنفع

لكن استعمال الرقاق او اى شئ تانى هايعجن ويبوظ وتطلق ام على

:sad: :sad: :sad:

نجيب بقى الخامة دى وتتكسر برقة ودلع فى طاجن كبير او طواجن صغيرة

ونقلب معاها اى مكسرات مجروشه نحبها

لوز - عين جمل - فستق - بندق - زبيب

ونجهز لبن كامل الدسم ومحلى بالسكر زيادة حبتين ومش سخن

ونصبه على الخلطى دى فى الطاجن للتغطية

ونحط على وش الطاجن معلقة سمن بلدى او زبده

ويدخل الفرن حوالى نص ساعه حارة

ونطلع الطاجن نحط على وشه معلقتين محترمتين قشطه ويدخل الفرن تانى

لغايه وش الطاجن ما يحمر ويفقفق وشكله يجنن

يطلع ويقدم ساخنا وبالهنا والشفا

رمضان كريم

:D

عاشق البحر والسما

رابط هذا التعليق
شارك
ahmedbd عضو جديد

ahmedbd

بتاريخ:
بتاريخ:

يا مصبتى يا مصبتى لو كل الرجالة عملت زيك كدة

هـ.........برجاء تكملة الباقى يلاهوى و يامرى :lol: :sad: :sad: :sad: :D :D :D :D :D

علمت ان رزقى لن ياخذه غيرى فاطمئن قلبى
رابط هذا التعليق
شارك
Fencer عضو جديد

Fencer

بتاريخ:
بتاريخ:
يا مصبتى يا مصبتى لو كل الرجالة عملت زيك كدة

هـ.........برجاء تكملة الباقى يلاهوى و يامرى :lol:  :sad:  :sad:  :sad:  :D  :D  :D  :D :D

مش فاهم!!!!!

The Egyptian Fencer
رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله .......

والله ياجماعة ياريت السنة كلها تكون رمضان علشان نستمتع باكلات العزيزة سلوى ...واللى مش عارفة كانت مخبياها علينا ليه ...تسلم ايديك ..وصفاتك فعلا جميلة وانا باتابع وجربت منها اكتر من صنف ..بس مش عارف اشارك نظرا للحالة الصحية بتاعة المغفور له الكمبيوتر بتاعى ..

وسعيدة جدا ان لقيت كل الناس الحلوة مشاركة معانا ...وفعلا رمضان بيجى والخير معاه ..دايما يارب متجمعين فى الخير ...

بودا...متشكرة جدا على وصفة السيدة الفاضلة مامت الاخ العزيز على ...انقزت(بالزال) سمعتى المهنية ....انا اصلى عملتها بالرقاق فعلا وفضلت اضيف لبن كتير وهى مصرة على موقفها ولعكبت منى اخر لعبكة ..لدرجة ان جوزى فكر جديا يجيب لى ام على بحق وحقيق من دم ولحم ..علشان اخد فكرة يعنى ممكن امهات على تبقى عاملة ازاى ...

اوشا ..قائمة الطعام بتاعتك جميلة تسلم ايديك ..يارب يتمر بس فى المحامية ...

لنا عودة انشاء الله ...

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Folana عضو جديد

Folana

بتاريخ:
بتاريخ:
يا مصبتى يا مصبتى لو كل الرجالة عملت زيك كدة

هـ.........برجاء تكملة الباقى يلاهوى و يامرى : :sad:

[ايوه فعلا تقصد ايه ؟؟؟!!!!!!..انا عن نفسى اول حاجة استشفيتها من كلامك انك بتتفرج على برنامج اقلب الصفحة على الام بى سى بتاع محمود سعد ...صح؟.....

تانى حاجة....اقدر اكمل لك الجملة واقولك ...يامصيبتك يامصيبتك ..لو كل الرجالة عملت زيك كده يبقى حنقفل المنتدى ..يامرارى فعلا ... :D :sad:

انما لو اللى تقصده يبقى حاقولك ...يافرحتى يافرحتى لو كل الرجالة عملت زيك كده ...الستات حترتاح وتدعيلك ... :lol:

مرحبا بك ..ضيف جديد على المطبخ وعضو جديد بالمنتدى نتمنى منك مشاركة فعالة فى جميع المجالات ..وكل سنة وانت طيب رمضان كريم ............ :sad: ]

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
bodda

قراصيا  :sad:

ايه ده بقى ده !!!!  :sad:

ده يتجاب من فين ؟؟!! .. من سوق الخضار والا من البقال والا من الترزي ...والا من فين بالضبط ...!!

وريني شكله الله يخليك ..

:lol:  :sad:

القراصيا مرميه في بنده والعثيم يا جيجي وعلى قفا مين يشيل .. وإسمها قراصيا برضوا .. هاتلاقيها حاجه سودا كده وفي كيس .

أما التمر فما أكثره هنا على بجميع الأنواع ... بس إوعي تروحي تجيبي التمر البرحي الأصفر ده وتقولي أعمل به خشاف أحسن الأجانب يضحكوا عليكي ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
bodda عضو جديد

bodda

بتاريخ:
  • كاتب الموضوع
بتاريخ:

والله مانا فاهم ايه معنى اللى قاله السيد / ahmedbd

وعلى رأى محمد سعد .....

الرجوله أدب مش هز اكتاف

:lol:

وبرضه رمضان كريم

:sad:

عاشق البحر والسما

رابط هذا التعليق
شارك
bodda عضو جديد

bodda

بتاريخ:
  • كاتب الموضوع
بتاريخ:

العزيز أو العزيزه Pinky

الف شكر لمرورك الجميل وياريت نشوفك كتير

و تشاركنا / تشاركينا مطبخنا اللذيذ

رمضان كريم

:angry2:

عاشق البحر والسما

رابط هذا التعليق
شارك
شاعرالرومانسية عضو جديد

شاعرالرومانسية

بتاريخ:
بتاريخ:

اهلا وسهلا بالعضو الجديد،،pinky

منور مطبخنا ومشرفنا... ورمضان كريم

يلا ورينا الهمة وشارك معانا بوصفة حلوة لو طبيخ .. :P

او بطلب لوصفة عاوز تعرفها .. واحنا فى الخدمة :D

الحمد لله يااخوانا العزومة عدت على خير...

انا عملت كوكتيل من نصائح الاخوة الاعزاء فى اضافات عصاج الجلاش :angry2:

بودا ... الزيتون الاخضر المفروم على الجلاش كان تحفة :angry:

وكذلك طريقة اختنا الغالية اوشا مبشور الفلفل الرومى :angry:

اما عزيزتنا مدام سلوى فمفروم البقدونس اللى قالت عليه عمل شغل عالى :P

كان كوكتيل غريب بس طلع طعمة جميل جدا

يلا عقبال كل عزومة .. وكل رمضان واحنا متجمعين كدة وبنشجع بعض :ninja:

ها مين علية الدور ومحتاج مشتورات مطبخية ... :ninja:

والا العزومات خلصثت خلالالالالالالاص :D

http://www.postpoems.com/members/sha3r_elromansya/romance.jpg

حتى وأنت بعيد..حبيبى *** حتى وأنت مش معايا

قولى مين غيرك داريبى *** حتى لو فى هواك أسايا

مع خالص شكرى وتقديرى

رابط هذا التعليق
شارك
bodda عضو جديد

bodda

بتاريخ:
  • كاتب الموضوع
بتاريخ:

أنا عارف ان الناس بتيجى بعد نص رمضان وتكون زهقت من الاكل وأصنافه

ونفسها تاكل حاجه مختلفه ومش عارفه ايه ؟؟؟

طب ما تيجوا نخرف شويه وكل واحد يقول أكله ما أكلهاش من زمان

أو نفسه يا كلها

طاجن فول بالبيض

نخرط ناعم اوى حزمتين بقدونس على حزمة شبت

ونبشر طماطمايتين كبار

تلات كوبايات فول مدمس عادى يضرب فى الخلاط مع تلات بيضات نيه

بس الفول يكون بارد .. ونضيف الملح والفلفل والكمون والشطة

وندلق كله على بعضه فى طاجن مسطح شويه ونحدفه عالفرن ربع ساعه

ونطلعه ونكسر على وشه 6-9 بيضات حسب عدد اللى هاياكل

ونسيح معلقتين تلاته زبده محترمين ونصبهم على وش البيض والطاجن

ونحدفه تانى عالفرن ربع ساعه او لغاية ما البيض يستوى

ومع عيش بلدى سخن وسلطة طحينة وبطاطس محمره صوابع وطماطم مخلله بالتوم

الف هنا وشفا

رمضان كريم

:P

عاشق البحر والسما

رابط هذا التعليق
شارك
Osha عضو جديد

Osha

بتاريخ:
بتاريخ:

طاجن الفول دا ما يطلق عليه طاجن انتحاري

بس دا محتاج له يوم السبت عشان مافيش مذاكرة للعيال بدل ما اقلب الحساب جغرافيا

فين ياعم الوصفات الانجليزي اللي طلبتها منك والا ورقةعرضحال التمغة ماوصلتش لسه

الف الحمد لله على السلامة ياحسن بعد العزومة الشديدة وان شاء الله تكون رفعت راية مطبخنا محلقة عاليا

الآن ليا شوية اسئلة غريبة

الأول : سلطة الحمص بتاعةاخوانا الشوام بتتعمل ازاي

الثاني: حاموت على جبنه اسطمبولي ومش عارفة اسمها ممكن يكون ايه في السوبرماركت لان عندهم مليون نوع جبنه والمحل العربي ماعندوش غير المعلبه وساعات مش بالاقيها

الثالث: ايه الجبنا الزرقاء دي - بلو تشيز - اصل لقيت شكلها مغري - هل طعمها برضه مغري والا اكبر دماغي

----------------------------------------

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله ...................

خير ياجماعة الخير ؟....فين النشاط بتاع اول رمضان ؟..ولا خلاص الميزانية فينيتو لحدج كده ..وحتكملوها فول مع بودا واللى يظهر انه حاسس بنا جميعنا فقالك مشوها فول .......

حسن ابو على ابو الرومانسية ...حمد لله على السلامة وربنا مايقطعلك عزومة ...انا بقى جت لى مناعة من فيروس العزومات من ساعة العزومة اياها وعايشة رمضان ده عالة على البشر -اخبار البفتيك ايه طمنى انا ماسمعتش منك من ساعتها ربنا يجعله خير ...... :P

اوشا....معلش وانا باكلمك جالى تليفون مهم من الوزارة وماعرفتش ارجع تانى اكمل معاك حوار لان الوزارة رغاية جدا ماتزعليش ده من سوء حظى انى مش عارفة اكمل معاك موضوع على بعضه

سلطة الحمص...

تغسلى حمص الشام -طبعا عارفاه- وتنقعيه فى الميه بتاع يوم كده ...وبعد كده تسلقيه على النار فى ميه لحد مايستوى مع مراعاة نزع الريم من على الوش ....بعد مايستوى بقى عندك طريقتين ..

اما تسيبه صحيح زى ماهو وتضيفى عليه فصين توم مطحونين وملح وكمون وليمون وشويه خل ..وممكن تخرطى شبت رفيع معاه او عيدان كرفس (الكبير ده )وترشى على الوش بقدونس مخرط رفيع

أو

تطحنى الحمص فى الخلاط ,ويتبل برضه بالتوم والملح والليمون والخل ..وممكن تضيفى عليه طحينة وتتبليه ...بقوا تلات طرق كده ................

الجبنة الزرقا دى ..انا جربتها كصوص بس ..زى الدرسينج كده يعنى ماعرفش بقى التانية زيها ولا مختلفة هى طعمها لذيذ بس كان فيها مزازة شوية ..وبعدين مافيش حاجة اسمها تكبرى دماغك جربيها طبعا انشالله تجيبى تمن ولا تشحتى حتة نونو سبيل يعنى :D..وقولى لنا ايه الاخبار

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
bodda عضو جديد

bodda

بتاريخ:
  • كاتب الموضوع
بتاريخ:

الأعزاء البعداء الهوانم اوشا وفلانه

بقى انا مش لاقى طلبات هنا خالص وعمال اخترع فى فول ومسائل

وانتم مش عاجبكم حاجه ؟؟؟ :P

طبعا اخر رمضان والدنيا بتبقى محتاجه تغيير للارخص

لكن انا فعلا مش فاكر طلبات ايه الانجليزى دى يا اوشا

او يمكن مش عارفها فطنشت من ساعتها ... والله ما فاكر والزهايمر عالاخر

اما سلطة الحمص عند حبايبنا فى سوريا

فزى ما قالت فلانه انه يتسلق بمية وملح

بعد كده ينضرب بالخلاط مع شوية من مية السليق

بحيث الناتج بيكون فى تخانة الطحينة كده :D

وبعد كده باستعمال طحينة وتوم وملح نكمل السلطة عادى

بس همه بيحبوا يحطوا معاها حب الرمان للزواق وللطعم المزز

اما الجبنه الزرقا فطبعا حلوه

وانا مؤيد فلانه تماما ... انا ادوق اى اكل فى الدنيا عدا الحشرات فى الصين

وبعد ما ادوق احدد يعجبنى ولا لا

بس الجبنه الزرقا طبعا حلوه

اما الجبن الابيض الاستامبولى فمش هاتلاقيه فى امريكا الا صدفة

وعند محلات اللبنانيين ... وممكن تحاولى تعمليه فى البيت لو عايزه الوصفه

رمضان كريم

:D

عاشق البحر والسما

رابط هذا التعليق
شارك
Salwa عضو جديد

Salwa

بتاريخ:
بتاريخ:

صباح الخير ..

بجد ياجماعة عاوزة اقولكم حاجات كتيررررررررر.

بس اهم شئ .

يااوشا الجبنة الزرقاء هى الجبنة اللى بالبقدونس اللى عندنا فى مصر ...مش هى اسمها برضه فى مصر جبنة روكفور زى هنا ؟؟

وفيها عبوات بيكون مش باين فيها البقدونس قوى وساعات بيضعوا فيها حاجات تانية بتدى لها اللون الاخضر والازرق ده وتقريبا كدة فيه ناس كتير مش بترغب فى اكلها لانهم بيقولوا ان ده عفن ..

وبرضه كصلصة بتبقى جميلة ...

..انا فى مرات كتير استسهل واعمل فيليه بصلصة الجبنة الزرقاء والفلفل الاسود الصحيح ...مع مكرونة جنبها ..

طبعا الفلفل بس علشان يديها طعم خاص ورائحة جميلة ...عموما هى بتكون رائحتها نفاذة شوية ..

على فكرة الجبنة دى ظهرت اول مرة من حوالى الفين سنة فى منطقة جبلية فى فرنسا تسمى aveyron.

http://www.tourisme-aveyron.com/

ونكمل كلامنا بعدين ...

صباح الخير ..

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
bodda عضو جديد

bodda

بتاريخ:
  • كاتب الموضوع
بتاريخ:

العزيزه سلوى

يمكن كلمة عفن بتضايق الناس

لكن الحقيقة الجبنه الروكفور اللى فيها نوع منهم زى عفن البنسلين فى العيش

ومش بقدونس :unsure:

والفطريات والخمائر والأعفان منها حاجات مفيده جدا وبنستعملها كتير

زى الزبادى والجبن والفسيخ وغيرها

وعايزين وصفاتك الجميله الجديده

و رمضان كريم

mfb:

عاشق البحر والسما

رابط هذا التعليق
شارك
زائر
هذا الموضوع مغلق.
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...