اطلب اى وصفه على بالك .. تلاقيها قدامك

[Folana]

best regards my dear friends from tokyo

sorry for typing in english bcz its KABOKY system

MASSAA EL FOL

B)

<{POST_SNAPBACK}>

السلام عليكم ورحمة الله .........

حمدلله على سلامة الوصول يا بودا ..نتمنى ان الرحلة كانت مريحة والامور على مايرام ...وترجع لنا بالسلامة ..

النسر المصرى ......تسلم ايديك طبعا على وصفاتك وماتقلقش انا بأتصرف بعنى لو فيه حاجة مش متوفرة هنا باجد البديل فورا ...انا جربت المنسف وعملته باللبن ..بس المشكلة ان الرقاق كان يعنى بايش طبعا شويتين وباين فيه طعم الدقيق ...غير كده كانت اكلة جميلة ...بس السؤال بقى ياترى ممكن نحط حاجة بدل الرقاق؟ او ممكن نحمصه شوية فى الفرن مثلا ؟....

وفى انتظار قنبلة الموسم ووصفتك الجديدة ....الجدرة ................

[wagdi]

صباح الفل أهل المطبخ الكرام...

الأخ بودا: ربنا يرجعك بالسلامة ويوفقك لما ذهبت إليه... ومافيش مانع برضه من حتتين سوشي معاك...وأهو العيد داخل وكل سنة وأنت طيب....

الأخ نسر: ياعم أنا كل ما أقرا وصفة من وصفاتك ريقي بيجري... ودايماً تيجي عالجرح...فأنا عاشق سمان وعاشق أي حاجة طالعة من البحر...بس الي أنت بتقوله ده حاجات واسعة أوي...عايز دماغ رايقة وعيلة تأكل الكميات دي...

بس يعني هو العزاب عندكوا بياكلوا إيه...أكيد برضه في وصفات سمك كده هليهلي... ماتفتكرلنا حاجة منهم...

الأخت أوشا هانم: شكراً على الوصفة.... أنا عملت زي ماقلتي بالظبط وطلعت معايا الحمد لله... هو بس أنا بعد ما أبتديت وعملت اللحمة وكله تمام إكتشفت إني ماعنديش غير مكرونة سباجيتي فتوكلت على الله وقلت ياما دقت عالراس طبول وعملتها بيها...والمنظر النهائي كان مفزع حبتين بس الطعم كان معقول...وياريت ماتحرميناش من الوصفات السهلة دى...

الأخت فولانة هانم: سيادتك أنا كنت سايب نص البرطمان فاضي...قلت مافيش داعى أكربسه علشان ياخد راحته... :rolleyes: هو لونه قلب أخضر وريحته قلبت على طحالب... :D ياللا قدر الله وما شاء فعل...

طب أنا عندي سؤال لحضرتك... أنا لقيت سمك سردين من المجمد ده...هو شكله محترم...طبعاً أنا عارف إن مافيش زي الصاحي بس أهو الموجود بقه...المهم أنا عايز أملحه...بس مايبقاش مملح أوي يعني... فلو تعرفي طريقة ياريت تلحقيني بيها ولا أراكم الله مكروهاً في سرديناً لديكم... :D

[Osha]

بودا

ياسهيرو ناكاسوني

دا اسم رئيس وزراء اليابان حوالي 10 سنين - يمكن ينفعك بحاجة

خد اللينك دا واكتب عربي من الكيبورد وبلاش دلع

http://agcc.md.huji.ac.il/arabicKeyBoard.asp

ايدك معانا - عاوزين سوشي ياريت وكمان خلطة اسمها كيمتشي بتتحط على الرز

العزيزة فولانة

مش عارفة ايه قصة المنسف دا - لا طعم والا منظر انما براحتكم

علىفكرة انا حابتدي خلاص كرتنة ابتداءا من يوم الثلاثاء - اهئ اهئ واستنينك ومحدش جه

وجدي

عنيا ليا يا باشا وأي خدمات سريعة انا اموت في الحاجات اللي ما قل ودل

وبعدين انا ليا صاحبة بتعملها بالاسباجيتي - يعني مافيش مشكلة

على فكرة انا مش عارفة انت في اي بلد ولكن منتج السمك المجمد افتكر حيكون واحد

احنا بنجيب سمك سلمون مجمد من بتاع الميكرويف

وبعدين بعد ما بييسيح تماما باكون محضرة خلطة توم وليمون وملح وفلفل وكزبرة ناشفة واسقي السمك بالخلطة دي بيبقى ميه ميه

كانت معكم من امام شاشة الكومبيوتر

رشا

[Reham]

انا جااااااااااااااااااااااااااي فرافيروووووووووو

انا جايالك يارشا اساعدك بدل ماحدش سائل فيكي

وانتي من امتي بتعزلي من غيري

دي اول مره

ده حتي لما جيتي تنزحي لامريكا انا اللي حضرتلك الشنط....... :rolleyes: فاكره

اعذروني ياجماعه للتاخير كان عندي ظروف قهريه والله,,,,,,,

كل سنه وانتم طيبين :D

وحشتوني كلكم

بس انا جيت والله

سلام مربع لكل اعضاء المنتدي

والي مشاركه اخري قريبا

جدااااااااااااااااااا

[wagdi]

الفاضلة رشا هانم...

سعادتك انا في مونتريال الشاتيي تبعد عن مونتريال المحطة نص ساعة بالماكروباص...

والسلمون المجمد بقالي شهر باكل فيه لما لوني قلب زهري... الأخوة الأفاضل دلوني على صينية السمك بالبرارس... عملتها كذا مرة بس ابتديت أزهق... هو لو فيه وصفة كدة مفتكسة لطاجن سبيط أسكندراني يبقى تغيير...

أه ولو فيه حد عنده وصفة تبولة محكمة...أنا أخدت الوصفة من واحد لبناني هنا بس هو أداني المكونات بس من غير مقادير مظبوطة فطلعت طعمها أقرب إلى النجيلة... فلو حد عند وصفة بمقادير ياريت يلحقني بيها...

ودمتم ودامت حللكم عمرانة...

[شاعرالرومانسية]

اخوانى الاعزاء ...السلام عليكم ورحمة الله وبركاتة

وحشتونى كتير والله .. ووحشتنى ريحة المطبخ :D

عزيزى بودا .... اية دة يا ريس .. بقى اغيب شوية اجى الاقيك طفشت على اليابان .. :D

عموما ماشية معاك ياعم ... حتشوف ماتشات الاهلى ..على الهوا ، والا انت حتبقى عندك ماتشات تانية خااااااااااااالص :rolleyes:

هات ودنك بقى:

(بس ماتنساش اخوك فى حته سوزوكى كدة على ذوقك ;) )

فولانة .. اية الجمال دة ياست الكل ... والله المطبخ مايتخافش علية وانتى فية

صحيح كان فى ايد أمينة ... قصدى فولانة :D :D

الاخ .. النسر المصرى .. اهلا بيك معانا فى مطبخنا وفى لمتنا

منورنا يا باشا ... ومغذينا بوصفاتك الولائيمية ..العرايشية.. المصرية

ويارب دايما كدة ندوق من ايدك احلى الوصفات :D

العزيزة ..اوشا

خلاص .. مسافر

فايتنى لمين..

خليك هنا..

شنطة سفر

دى كانت مقدمات اغانى لزوم النكد .. انتى عارفة اخوكى ما يتوصاش

كان بودى اجى اساعد والله .. بس انتى عارفة .. عقبال ما احجز واطلع تأشيرة واسافر واوصللك ..حتكونوا انتوا عزلتوا ووصلتوا وفرشتوا ... ونزلتوا اشغالكوا كمان :D

ربنا معاكى ويقويكى .. وبالتوفيق ان شاء الله ... وسلامى لحسام باشا

ريهام ... حمدالله على السلامة ياهانم .. ما لسة بدرى

والا انت مابتظهريش الا فى المواسم ..

وابقى طمنينا على اخبارك يا فندم

اخونا العازب فى بلاد العم سام .. وجدى

طلباتك اوامر ياعمنا .

وعندك واحد طاجن كليمارى بالجمبرى اسكندرانىىىىىى وصلحههههههههههه..

طاجن السبيط والجمبرى

تجيب الكليمارى (السبيط) وتقطعة شرائح طولية مع الجمبرى المقشر مع خمس ست فصوص ثوم مقطعين شرائه وقرن فلفل احمر حامى مقطع حتت وفلفل اسمر وتشوحهم فى معلقتين زيت زيتون لحد ما ينزلو ميتهم كدة وتشم ريحة التوم ...( بس من غير ما تحرق التوم طبعا ).. وتحطها على جنب

تجيب طاسة تانية وتحط زيت زيتون برضة وتشوح كام فص توم مفرى مع كرفس افرنجى مكعبات وفلفل اخضر رومى شرائح وبصلة مفرية ثم مكعبات الطماطم وبشر ليمونة وفى الاخر معلقتين صلصة وبعد التقليب والذى منه تحط مفروم بتاع ثلاث حزم كسبرة خضرا ودى اساس الطعم هنا مع التوم والفلفل الحامى وزيت الزيتون طبعا وتراعى الترتيب السابق فى اضافة المكونات

تجيب بقى الطاجن وتفرش نصف الخليط السابق فية .. وتقوم حاطط الجمبرى بالسبيط بالسائل بتاعهم وتحط بعد كدة نصف الخليط اللى باقى وتحطها فى الفرن لمدة بسيطة ..بتاع ربع ساعة او 20 دقيقى تتشرب بس لان معظم المحتويات استوت فى المرحلة الاولى

تطلع الطاجن ياريس .. وتعزم اصحابك يتفرجوا.....

ويكلوا كمان :wub:

وعلى فكرة .. الطاجن دة متجرب كتير وعلى ضمانتى

واى وصفة سمك انا تحت امرك يا باشا B)

تم تعديل 28 نوفمبر 2005 بواسطة شاعرالرومانسية

[Osha]

مييييييييييييييين

ريهام وحسن موجودين هنا

ايه الاختفاءات المريبة دي يا حضرات

ريهام ايديك معايا فاضل لي 20 يوم على النقل وانت عارفة اني شملولة في الحاجات دي

خلاص مافيش عزال من غيرك يا روحي

هو انا أجرؤ برضه

العزيز وجدي

هو كان اقتراح يا باشا - نؤسف حقك علينا

بالنسبة للطاجن بلاش تسمع كلام حسن الشرير - اسمع كلامي انا بس

مع ان حسن والله اكله زي العسل خاصة طواجن البامية بتاعته مالهاش حل بصراحة لكن تقول ايه على كيف الرخامة اللي عندي

عامة خد طريقتي وطريقته والاسهل جربها

يالا

اول حاجة نشمر ايدينا ونقول بسم الله وبالصلاة على النبي

عدد 3 شرائح سمك فيلية متوسطة الحجم ومقطعة الى مكعبات متوسطة

2/1 كيلو كالاماري منظف ومقطع الى مربعات حوالي 2سم*2سم

4/1 كيلو جمبري متوسط مقشر

1 بصلة كبيرة مفرومة

10 فصوص ثوم من الكبير

2 حبة فلفل رومي مبشورة

حزمة بقدونس مع كزبرة خضراء مفرومة

كوب عصير طماطم

كوب صلصة

الطريقة:

فقط السمك يشوح في ملعقة زيت ثم يوضح مع الكالاماري والجمبري في الطاجن

يقدح الزيت جيدا ثم يوضع البصل ويقلب حتى يصير بنى ثم يضاف الفلفل الرومي والثوم المفري معا الى البصل ويقلب الى ان يجف ماء الفلفل

يضاف البقدونس والكزبرة الى الخليط السابق ويقلب حتى يختفي ماؤهم

يضاف عصير الطماطم والصلصة معا ويبهر الخليط ببهارات السمك والملح والكمون والفلفل والكزبرة الناشفة

يغلي قليلا ثم يصب فوق السمك والكالاماري والجمبري ويدخل الفرن وبالهنا والشفا

على فكرة ممكن تشيل السمك والجمبري وتمشي سبيط بس

انما دا طاجن اسكندراني مية مية وصفة دكتور سنان اسكندراني كان السبب اني اكلت الكالاماري لأول مرة في حياتي

وطبعا الطاجن دا المفروض فيه شطة بس حسام محرج عليا انطق الكلمة دي اصلا هنا

حســــــــــن

ما تتلككش - لسه قدامي حوالي 20 يوم على العزال

يعني اشوفك تدي تمام بعد اسبوع - خلي بالك عاوزين ايدي عاملة كتير - يعني تجيب في ايدك فولانة وتقابل ريهام في المطار وتيجوا جماعة

واخونا اللي في مونتريال مالوش حجة

يالا ياحلوين مش صحوبية ورق بس

[wagdi]

..كمان عندهم صوص كده غريب ياخى وطعمه اغرب ولونه اخضر ...لا لا لا مش العجل فى بطن امه ..ده حاجة تانية ...

بجد ..مرة اكلت فى مطعم يابانى ..وجابوا لنا سمك نىء ومعاه الصوص ده مش عارفة اسمه ايه تارتار يمكن او ايه مش عارفه ...هو سميك القوام جدا ولونه اخضر وحامى جدا ومر جدا ..

<{POST_SNAPBACK}>

إسمه وسابي...wasabi...

وهو بيبقى حامي جداً بس مابيكونش مر...بالعكس بيكون حلو...وحرارته بتدوب في البق على طول ومابتفضلش... بس ده الواسابي الأصلي وهو نادر جداً جداً ان تجديه في أي مطعم لأنه ببساطة غاليييييي جداً لأنه بيتعمل من جدور نبات إسمه الواسابيا جابونيكا وده نبات شبه نادر ما بيتزرعش إلا على الجبال في المناطق الباردة...ولازم يطحن ويتعمل فريش و يتاكل في ظرف نص ساعة وإلا يفقد مذاقه...وطحنه بيكون بجلد سمكة القرش... وممكن في العالم كله تلاقي المطاعم إلي بتقدمه كده يتعدوا على الصوابع...

أما إلى حضرتك اكلتيه في المطعم ده..وإلى موجود في 99% من المطاعم الياباني فهو عجينة ورق شوعة (horseradish) ومعاه مسطرده صيني وشوية ملونات صناعية علشان يديله اللون الأخضر...وهو ده إلى بيبقى طعمه مر أوي وبيحتاج يتحط معاه صويا صوص كتير علشان يكسره...

ودي نهايه حلقتنا من العلم والإيمان والسلام عليكم...

[Guest النسر المصري]

السيدة فولانة هانم العزيزة

سعدت جداً انك جربت المنسف اخيراً ... واتمنى تكون عجبتك

اما بالنسبة للرقاق فممكن طبعا تحمريه ..وماتنسيش انه بديل للخبز الأردني اللي اسمه شراك

وجايلك بالجدرة ياست الستات

الاستاذ وجدي العزيز

ياسعادة الباشا انا تحت امرك ياابو البشوات كلهم وهاقولك الوصفات العزوبية

فعلا انا نوهت(حلوة نوهت دي ) نوهت من الأول اني هاكتب وصفات تاريخية للولائم العربية الأصل وعموما طلبك تحت التنفيذ

الست اوشا العزيزة

الله يسامحك ياوشا هو انت حتى جربت المنسف عشان تقولي انه لامنظر ولا طعم

الاكلات دي اساسا بتاخد وقت طويل للتحضير وعشان كدة هي تاريخية

وعموما انا محضرلك مفجأة بعدين عن الاأكلات الايطالية العربية المنشأ

شاعر الرومانسية الحبيب

ماتعرفش قد اية الرومانسية تعني لية

احدى امنياتي الرئيسية في شريكة حياتي انها تكون رومانسية

ماتخبطنا او ترزعنا واحدة رومانسية من عندك ياباشا

انا جيلك بالوصفات الجديدة ياملك الرومانسية

السيدة ريهام

عندي اخت اسمها رهام واستاذة في الطبخ ...اتمنى تعجبك وصفاتي

الامبراطور بودا الرهيب

انت فين ياكنج

[Guest النسر المصري]

الجدرة

وترجمتها (القدرة) بكسر القاف..سميت بهذا الأسم لأنها تطبخ في قدرة من الفخار لمرة واحدة

الأكلة دي تاريخية ومابتتعملش حاليا الا قليل جدا بسبب طلباتها اليدوية الكثيرة

ولكني انا عايز اشرحها لكم بس عشان تعرفوا اكلات زمان كان فيها خير

اكلة الجدرة تشبه اكلة الأرز بالخلطة المعروفة

الطلبات

القدرة مصنعة خصيصا لاكلة واحدة

قدرة فخار كبيرة كروية الشكل بشكل كامل ولها فتحة كبيرة من فوق ولها غطاء فخار

القدرة هذه يجب في منتصف الكرويه ان تكون رقيقة اي ان لها حد غائر في منتصف الكرة بحيث اننا لو طقيناها بضربة جادة شوية تقوم منقسمة نصفين

المقادير

لحم خروف بلدي خالي من العظم(يفضل رقائق الريش)

ارز بسمتي طويل الحبة

بهاراتي المفضلة(كاري وكركم وزعفران وورق لورا وحبهان وجوزة طيب مطحون)

مقادير الخلطة

كبد وكلاوي مقطعة قطع صغيرة -مكسسرات مشكلة(فستق لوز زبيب)-جوز هند-صنوبر -شبت وبقدونس

طريقة العمل

حلة كبيرة على نار متوسطة ونضيف زيت زيتون اخضر طبيعي ثم نضيف مستكة وبصل مفروم باليد وفلفل اسود وملح ونحمرها لدرجة الصفار الغامق

نضع البهارات كاملة ثم نضيف اللحمة ونشوحها مع البصل خمس دقائق

نضيف الماء ونتركة للسلق حوالي نصف ساعة

في هذة الأثناء نحضر الخلطة

طاسة كبيرة ونشوح نصف كوب زيت زيتون اخضر

نحمر بصلتان كبيرتان

نضع الزبيب والمكسرات والصنوبر ونحمرهم الى ان يصبح لونهم ذهبي

نضع الكبد والكلاوي ونحمرهم معهم

نضع معلقتان كبيران جوز هند ونحمرهم معهم

واخيرا البقدونس ونتركها على جنب ويجب الاعتبار بان تكون كمية الخلطة كبيرة

نطفيء النار عاللحم ونخرجة من الشوربة ونحمر اللم شوية في زيت الزيتون

المرحلة الثالثة

نجهز القدرة بدهن زيت زيتون من داخلها جيدا

نضع طبقة من اللحم

ثم نضع طبقة الأرز

ثم طبقة الخلطة

ثم طبقة أرز

ثم لحم ثم ارز ثم خلطة ثم ارز و.......وهكذا الى ان تقفلي القدرة

ثم نسقي القدرة بشوربة اللحم الى ان يغطيها

ثم نغطي القدرة بغطائها ولكن يجب زنقها جيداً بعجين طري وممكن لفها بسلوفان زيادة في الحرص

نكون مجهزين حفرة كبيرة في الأرض فيها فحم كثير مولع نار

او فرن بلدي بردو مولع بالفحم

ونرمي القدرة في الفحم ونقلبها داخل الفحم جيدا...تقريبا من نص الى ساعة الا ربع

نخرج القدرة من الفحم ونتركها عشر دقائق على صينية التقديم في وضع نائم (اي ان تكون فتحة القدرة نائمة وخط المنتصف الرقيق للقدرة امامك مباشرة

نطق القدرة من المنتصف طقة واحدة وسريعة لتجد القدرة قد انقسمت نصفين متماثلين

وكرة الاأرز مع اللحم والخلطة كما هي

نسحب نصفين القدرة ببطىء شديد لكي لانهدم كرة الوليمة

ونضع حول الصينية قطع من الطماطم محفورة من الداخل وبها قطع خيار بازبادي

طبعا انتوا اكيد مش ناوين تعملوها ...لكن صدقوني مرة واحدة في العمر ...وابقوا تحلفوا بيها بعد كدة في عالم المطابخ

الأكلة دي هي أغلى وأفخم أكلة عربية في تاريخ سيناء

ولكن للتسهيل ممكن تعملوها هي هي بس تحطوا الطبقات بتاعة اللحمة والأرز والخلطة في حلة تيفال ضغط وبعدين تقلبوا الحلة (شبه المقلوبة)

وبالهنا والشفا

ويجعله عامر

[Salwa]

اول شئ ..

حمدلله على سلامة اخونا بودا فى اى مكان فى العالم يكون متواجد فيه ..

ثانى شئ ...

عام سعيد وعقبال سنوات كثيرة قادمة كلها سعادة لأختنا ريهام ...

ثالث شئ ..

سلام كبير قوى للأخوة فولانة واوشا وفنسر وشاعر الرومانسية والنسر المصرى ووجدى وسى السيد وشهد وشاوشانك ..وكل زائرى مطبخنا العامر ...

رابع شئ ....

يانسرنا المصرى ...

بيتهيألى كدة ( والله اعلم ) ...سوف اجرب طريقة الجدرة ...لكن ؟؟

ارى ان موضوع جوز الهند ( صعب شوية ) ...ممكن الاستغناء عنه ؟؟

بيفكرنى بالأكل الهندى ...

يعنى احنا بنعمل الرز بالكبد والكلاوى كدة تقريبا بس بدون لحم ...يعنى يا نعمل ارز باللحم او ارز بالكبد والكلاوى .......لكن اضافة الاثنين ؟؟

على فكرة الطريقة بتفكرنى بطريقة البرام المغربى ...خصوصا اللى بيتعمل فى القرى .برضه نفس طريقة قفل الاناء بالعجين ..برضه عندنا فى الريف عند وضع برام فى الفرن يتم قفله بالعجين حتى يكون محكم القفل ..

سؤال تانى ....( العلمو نورن )...استحمل كثرة الاسئلة ..

هل نوع القدرة بيكون موجود فقط فى سيناء ...اقصد هذا النوع ؟؟

وهل بالتأكيد فى حالة الكسر مفيش اى قشور من القدرة تدخل فى الأرز ؟؟

برضه الطريقة دى بتفكرنى بطريقة السمكه فى الفرن المدفونه فى الملح...

يعنى بنشيل السمك بمنتهى الحذر ...لأن لو اختلط بالملح مش حايتاكل طبعا ..

هى عموما شكلها مغرى جدا خصوصا فى الشتاء ...

هل ممكن اجربها فى البرام المغربى ...اقصد اللى له غطاء مخروطى الشكل ؟؟؟

وساعة التقديم تتقدم فى نفس البرام ؟؟ وساعة غرف الطعام يكون كأنك بتقطع تورتا مثلا ؟؟

والله العظيم انا بسأل بجد ويهمنى اعرف لأن اكلة زى دى حرام اعملها فى حلة تيفال لن تعطى نفس الطعم ....يعنى المذاق فى الفرن افضل...

فى انتظار الرد..

صباح سعيد عليكم جميعا ...

على فكرة ححكى لكم حاجة حصلت دلوقت حالا ....

انتم عارفين ان فيه اجتماع فى برشلونة لرؤساء وملوك دول البحر المتوسط ..

محدش جه (( فى الناحية الجنوبية ) ...( اقصد فى الناحية التانية من البحر )

بيقولوا ازاى عاوزين اننا نهتم بمشاكلهم وهم حتى محدش فيهم جه ...ولا ملك ..ولا رئيس عربى .حضر المؤتمر ......اللى بعت مندوب ...واللى مسألش خالص ..

دلوقت حالا .ثاباتيرو كان فاكر ان الميكروفون مقفول ...فكان بيكلم احد مساعديه بيقول له .

مفيش فايدة ...شكل البريطانيين يائسين .و.( رموا الفوطة ) ..( تعبير يقال كأن الملاكم اقتنع انه سيخسر المباراة ) .

واما الاسرائيليين فصعب التعامل معهم ...

مفروض ننتهى من المؤتمر ده بسرعة ...

دى بقى لسا مجتش فى الجرايد ...دى لسا طازة حالا ...

من موقع االاحداث ...كانت معكم سلوى ...

[Guest النسر المصري]

السيدة الفاضلة العزيزة الغالية جدا جدا سلوى هانم

تصقييييف حااااار ....هيهيهيهيههيي

طبعا سيادتك ممكن تستغني عن جوز الهند ولو انه هيبقى مع الخلطة رهيب

بالنسبة لللكبد والكلاوي لايمكن تستغني عنهم لنهم سر الخلطة

ثم ان شرايخ لحم الريش اللي بدون عظم هي اساس الأكلة

طبعا القدرة دي ممكن تصنعيها عند اي حد بتاع فخار بس اشرحيلوا انها تكون كروية بشكل كامل وتكون فتحتها واسعه وتكون لها حد رقيق في منتصف القدرة وتكون غطاءها محكم..تانيا العريش انقرض فيها النوع دة من الأعمال على الرغم ان اكبر عائلة في العريش اسمهم الفواخرية نظراً لنسب عملهم الاساسي في الفخار

اما القشور فهي من الصعب ان توجد قشور ساعة الكسر دة لان علم الفيزياء شرحلنا ذلك مسبقا..لاننا حددنا مسار اتجاه القوه في خط مستقيم ..حسب نظرية ام عبدو الخياطة الفلكية

طبعا فكرة البرام المغربي وبداخل الفرن هتبقى افضل من حلة الضغط واجمل واحلى واطعم .. ولكن...هنا السؤال يطرح نفسه...هل..وخلوا بالكوا من السؤال اللي جاي ده ههههللللللل...ايوه معايا هاه ....هللللللللللللل؟؟؟؟؟؟؟

هل البرام او حلة الضغط هي افضل في داخل فرن الغاز افضل من الفخار داخل فرن الفحم....؟؟؟!!!

أشك وأؤكد ياقوم المطابخ ان لايعلى على الأكل الريفي الفحمي السواء!!!

أخيرا ...ممكن اعرف اية اكلة السمك المدفون في الملح دي...شكلها لذيذ اوي...انا الصراحة اول مرة اسمع بيها؟؟؟

ارجوك قوليها يامدام سلوى

اخر حاجة ...على فكرة انا اقتنعت برأيك مدام سلوى فيما يخص موضوع الجواز

اما عن اخبار المؤتمر

فاسمحولي...ليذهب حكام العرب الى الجحيم جميعا...وليأتي من يريد النصر ورفع رايه الإسل

،ويجعلوووووو عاااااامر

[Guest النسر المصري]

صباااح الخير ياجماعة

انتو نمتوا ولا اية

ولا تعبتوا من كتر الاكل

حبيت بس اسلم عليكم

[bodda]

Dear friends

hayl ya nesr , enta 3amel shoghl momtaz

teslam edak

:angry2:

t7yaty l kol el asdkaa

osha / folana / salwa / sha3er romansya

fencer \ sy elsayed

saba7 el fol

:angry2:

[wagdi]

الأخوة الأفاضل...

أولاً أحب أشكر الفاضلة أوشا والفاضل شاعر الرومانسية على وصفة الطاجن الجميلة...أنا عملتها بالطريقتين والتنين أحلى من بعض...

ثانياً وده الأهم

أنتتوووو رحتوووووو فييييييييييييييييييييين؟؟؟؟

طب إعملوا حساب للجعانين المحرومين الي زيي...تفوتونا لمين...

:angry2:

يعني شيكيمن الواحد بيطلب وصفات ابتدائي...يعني لازم أصحي جواكم غريزة النمر المطبخي بوصفة عقر؟

طب حد يعرف طريقة الشكشوكة بالجمبري؟ :angry2:

طب زي بعضه...

:D

[Folana]

التبولـــــــــــــــــــــــــــة...

حنجيب نصف كوب برغل ناعم ..نغسله كويس ونصفيه من اى مية زيادة عن طريق الضغط عليه فى مصفاة

حنجيب حزمة بقدونس بس من غير السيقان بتاعتها ..يعنى الاوراق بس وممكن حزميتين لان الاساس طبعا ان البقدونس يبقى كتير ..حنغسل ورق البقدونس بشوية خل ونشطفه كويس ونسيبة يصفى ميته ...وبعدين نفرمه رفيع جدا..

حنجيب كمان بصل اخضر حناخد الروس بس او بصل عادى لو مافيش بصل اخضر وحنخرطه برضه رفيع جدا

كمان حنجيب حبة او اتنين طماطم جامده ونقطعها رفيع ...(كل حاجة متقطعة رفيع جدا زى ماانتم عارفين )

حنضيف اللى فات ده على بعضه ونعصر عليه ليمونين او تلاتة ونضيف شوية ملح (نظبط الطعم يعنى )....وربع ملعقة قرفة مطحونة ..وشوية كمون وشوية فلفل اسود او ابيض مطحون ...ممكن نضيف شوية شطة مطحونة حسب الرغبة ونقلب المحتويات دى كلها كويس ونضيف شوية زيت زيتون ...طبعا كلمة شوية هنا متروكة تبعا للكمية ......

ونشيلها فى التلاجة يجى ساعة علشان الطعم يتشرب من بعضه ..وبعد كده نكون مخرطين ورق نعناع رفيع برضه ونضيفه عليها ..واذا كان الطعم محتاج ليمون او توابل زيادة نزود .....بس كده ....

تم تعديل 1 ديسمبر 2005 بواسطة folana

[Folana]

السلام عليكم ورحمة الله .........

ازيكم ياجماعة كلاتكم .....كان عندى امتحانات شهر بس وانا طبعا اللى شايلة الليلة كلها ..من مذاكرة لشرح لضرب لكله ....

بقى الجدرة هى القدرة !!!! ياسبحان الله ....تسلم ايدك يانسرنا الطيار ...

ريهام ..حمدلله على السلامة بس انت يظهر اختفيتى تانى ..

الاخ وجدى ....بالنسبة للواسابى هو واضح من وصفك انه كان هو ده ....بس انت تقصد حلو يعنى فى طعمه ولا مسكر...؟...انا متهيالى انه هو كده ...لان ماكانش فيه طعم الصويا صوص خالص ...على العموم الكلام ده كان من كذا سنة والمطعم كان غالى فعلا جدا ...وغالبا انه قفل ...مش عارفة قفل ولا احنا اللى بطلنا نروح ناحيته خالص ...

بالنسبة للسردين المملح ...يعز على جدا ارد لك طلب بس الحقيقة ..اننا مش بناكل اى اسماك مملحة يعنى لا سردين ولالا فسيخ ولا حاجات من دى خالص ...لان جوزى الباشديمقراطى ادرجهم فى قائمة الممنوعات لكن ممكن اجيب لك الطريقة ....

اما بالنسبة للشكشوكة بالجمبرى ...فخد عندك ....

انت حتجيب بصلة تقطعها حلقات وتحمرها فى السمن لحد ماتصفر بس وتضيف عليها تلات اربع فصوص توم حتقطعه حلقات برضه وتقلب لحد مايصفر وخد باللك علشان مايتحمرش منك ويمرر ...

ضيف عليهم بقى الجمبرى المقشر ...والمغسول ..وقلب لحد ماميته تنشف

ضيف عليهم كمان اربع حبات طماطم مقشرة ومقطعة مكعبات ...حتقشرها ازاى اقولك ....سخن شويه ميه واسقط فيها الطماطم حبة صغننة وبعدين طلعا اشطفها بمية ساقعة وقشرها ..وممكن تكبر دماغك وتقطعها مكعبات صغيرة بقشرها ولا يهمك ...

وكمان ضيف عليهم حبتين فلفل رومى متقطع حتت صغيرة برضه ومافيش مانع من فلفلة رومى حمرا ...

وتبل بقى بالملح والفلفل والكارى (اختيارى)وشوية بهارات ...وممكن مبشور زنجبيل (اختيارى برضه )....حتسيبها على النار وتوطى عليها لحد مالطماطم تتسبك وتضيف علها نص كوباية مية وتسيبها تاخد غلوتين كمان .....ممكن تقطع حبة فلفل اخضر حامى لو حبيت

بعد كده حتصب الحاجات دى فى حلة تيفال وتوسع بالملعقة فتحات للبيض ..يعنى مثلا حنقول ست بيضات ..وتكسر كل بيضة فى عين من دول وارمى على ....الفرن ..لحد البيض مايستوى تقريبا بعد ربع ساعة وتخرج من الفرن تزينها بالبقدونس المخرط رفيع وبالهنا والشفا ...

بس ليه شكشوكة بالجمبرى يعنى ...ده الواحد بيعمل الشكشوكة لما يكون مفلس ومش لاقى زفر يطبخه ؟؟ :angry2:

[Osha]

السلام عليكم جميعا

معلش يا جماعة اختفاءاتي حتكتر اليومين الجايين دول عشان العزال والذي منه

لكن انا طبعا متابعة الكل

بس بصراحة اول مرة اسمع عن شكشوكة الجمبري دي - غريبة اوي اصلها بس كويس انك لقيت حد يعرفها اساسا

فولانة العزيزة

تسلم ايديك على الوصفات الحلوة دي

العزيز النسر المصري

انت طلعت حدوتة ومحدش واخد باله

بودا

ترجع بالسلامة وكويس انك متابع الشغل برضه

وجدي

طلباتك الصغنونة كترت اوي - بس والا يهمك الفراودة كتير هنا

[Folana]

السلام عليكم جميعا

معلش يا جماعة اختفاءاتي حتكتر اليومين الجايين دول عشان العزال والذي منه

لكن انا طبعا متابعة الكل

بس بصراحة اول مرة اسمع عن شكشوكة الجمبري دي - غريبة اوي اصلها بس كويس انك لقيت حد يعرفها اساسا

فولانة العزيزة

تسلم ايديك على الوصفات الحلوة دي

<{POST_SNAPBACK}>

أوشا ....انا عمرى ماسمعت عن شكشوكة الجمبرى دى ...بس الجيش بيقولك اتصرف .....انا اديته وصفة الشكشوكة وحطيت جمبرى ...عادى يعنى ....اصل لو مش عملت كده حيدور على مطعم تانى ....وبودا يرجع يلاقينا طفشنا الزباين تبقى مشكلة ......

بخصوص المساعدة فى العزال ...تصدقى بايه ...حتصدقى انشاء الله ...انا نطيت فى الميكروباس بتاع اتلانتا ...وكنت جايلك ..بس عطل مننا فى المطرية ...ونزلنا نزق ..ونزق ...وقربنا نوصلك انشاء الله سيبى بس كل حاجة زى ماهى واحنا حنيجى نشيل ....:angry2:)

على فكرة انت كنت سألت مرة على السخينة مش كده ...وانا كتبت لك طريقة السخينة بالعسل الاسود ...بس بعد الفحص والتدقيق اكتشفت انها اكلة حادقة ..بالرز والكراوية والبيض ...هى دى اللى تقصديها؟..لو هى انا جبت طريقتها بس ماانصحكيش ....

[wagdi]

الفاضلة فولانة هانم

أولاً أشكرك سعادتك على الوصفة بس هو فيه حاجة صغيرة.... أنا أتلخبط...أنا قصدي كشك بالجمبري.. :ph34r:

والعتب على الجهل المطبخي... وعلى حسب رواية زوجتنا المصون الكشك ده مش حاعرف ألاقيه هنا... فهل هذا صحيح... وبيتعمل إزاي ده؟؟

أما بالنوسبة للتبولة....هيا مش المفروض بيتحط فيها برغل؟؟؟ أنا باشوف اللبنانية كلهم بيعملوها فيها برغل...هي بس المشكلة في النسب...