اطلب اى وصفه على بالك .. تلاقيها قدامك

[Folana]

السلام عليكم ورحمة الله وبركاته ...

ياسلام يافنان ياشاعر ...ايه الحلاوة دى ...شوف بقى كل اللى انت كتبته كوم ..والعصيدة دى كوم ....جاية كده على السريع وانت واقف تطبخ وجاية فى الجول ...على فكرة انا عيد ميلادى شهر 7 القادم(اليوبيل الماسى طبعا ) :ninja: ...عايزاك تجهز لى حتة كده من الانتركوت بس على ذوقك .. B)

شيفنا المفتخر...تسلم ايدك ..انا طبعا باكتب ومعتمدة على قسم المراجعة ...جديدة حكاية السمن على الزبدة دى ..ده انا ياما رميت زبدة محروقة ...ربنا يكرمك ...

كفاية كده بقى النهاردة احسن كتبت كتير ومش شايفة خلالالالالاص ...

تصبحوا على خير ... :blush:

[ام البنات]

السلام عليكم ورحمة الله ..........

اختى العزيزة ام البنات .....الوصفة جاية فى الطريق بس عايزة اطبخ انا الاول  B) ..وبعدين ثانوية عامة ايه ؟....انا مااخدتش الثانوية العامة انا وقفت لحد الماجستير ومن منازلهم كمان ...وماحبتش بقى اكمل علامى لحد الثانوية دى ...اما لو تقصدى اولادى ..فدول لسه بدرى عليهم ..ماعنديش ثانوية عامة يعنى ...بس يارب ياخدوا الثانوية علشان اجوزهم حاكم انا حالفة براس ابويا الباشا انى اجوزهم بعد الثانوية ويكملوا دراسة فى بيوتهم ..انا زهقت بقى ... :blush:  :D

صباحكم جميل ........... :ninja:

<{POST_SNAPBACK}>

اختى العزيزه فلانه

بالنسبه لموضوع الثانويه العامه انا شفت موضوع كنت بتقولى عندك حد فى الجى سى إى

علشان كده سالتك

وبالنسبه للماجيستير ربنا معاك بس ياريت نعرف التخصص علشان مش بنفوت فرصه من غير ما نستفيد

زكاه عنك

بالنسبه لحكاية الجواز بعد الثانويه

اه جميله بس انا بنتى لسه بدرى قاعد على قلبى كتيير امتى الايام تعدى

واخلص بقى

آجى بقى لموضوع الفليه المشوى بصوصو الكراميل بالبصل

نجيب منين الزعتر الاخضر ولا الروز مارى الاخضر معنديش غير الناشف ومش عارفه فين الاخضر اقصد نجيبه منين

وبعدين كمان الكلام ده نلاقى فى مصر فى القاهره ولا مش موجود

سؤال كمان اللحمة دى بتلو ولا كندوز ولو كندوز اعرف منين انها هتستوى بسرعه مش هتعمل زى اللحمه الى بيجيبها ابو البنات وتقعد اربع ساعات مع المحايله عليها بالسكر

علشان ترضى تستوى وفى الآخر مش بترضى ؟

وبخصوص عصير العنب بيتهيألى دى مشكله صح

خصوصا الى بيتباع لان العنب بيتخمر بسرعه

والرمان سهل فى أوانه بس العنب مش عارفه فى بيتباع مش مشروبات روحيه وسعديه وماشابه

[ام البنات]

:

وكمان اختنا ام البنات بتقول حتقول وصفة بس بعد الظروف اللى جت ..

انا بقالى يومين بسمع عن وصفاتها .. من غير ما اشوف حاجة .. ( واضح انها فعلا بتروح بورسعيد كتير  B) )

المهم .. بقى كلنا حنطبخ وناكل اكل بعض فى الاخر :ninja: [/ALIGN]

وكل عام وانت فى  وسطنا يا شيفنا العزيز،،، :blush:

<{POST_SNAPBACK}>

ان كنت انت شاعر الرومانسيه ********** احنا مؤلفين الاناشيد الحماسيه

و مفيش داعى تلومنا على الظروف******* الى مخليه حياتنا ملوخيه

وساقوم بطرح الوصفه قريبا فى شريط قصدى المشاركه الجايه

حضر الشربه والمطهرات

تم تعديل 30 ديسمبر 2005 بواسطة ام البنات

[ام البنات]

العزيزه ام البنات

البورسعيدية اجدع ناس وعندهم احلى وصفات سمك كمان

اما من ناحية فنجرة البق فاسمها عندهم ( الهنجراوية )

يعنى حكايات ابو العربى اللى تجنن

:blush:

وكل سنه انتم طيبين والخروف على الابواب

صباح الفل

:ninja:

<{POST_SNAPBACK}>

الريس الكبير كل سنه وحضرتك طيب

بخصوص الهنجراويه وابو العربى الحقيقه بتوع بورسعيد فعلا دمهم خفيف

شكرا لتصحيح المعلومه ودام عزكم

ياريت ياريس تعمل لنا فهرس للصفحات الى فاتت واهو ينوبك فينا ثواب

عيد سعيد

[ام البنات]

نوع من انواع الطواجن خفيف

الكميات

نصف كيلو بذنجان رومى

3 وحدات من البطاطس

3 وحدات فلفل رومى

2فلفل حراق لو عوزينهاا حاميه وممكن الاستغناء عنها

3وحدات طماطم

1 بصل

ملح وفلفل وقليل من الزيت

يقطع الكل حلقات

ويوضع طبقه من البذنجان وفوقها

طبقه من شرائح الفلفل

وطبقه من شرائح الطماطم والبصل وهذا بالتبادل

وايضا البطاطس

ويتم وضعها فى طاجن (برام)

وتضع عليها قليل من الملح والفلفل والزيت

ويدخل الفرن ويطهى على نار متوسطه

وممكن على البوتجاز من فوق

وارجو ان تنال الوصفه اعجابكم

والى لقاء آخر مع وصفه اخرى غير صحيه بس على القلب هنيه

عجبى ام البنات

[شاعرالرومانسية]

ياشيفنا العزيز ... دى حاجة بسيطة والله ... على ماقسم يعنى ... مايجيش من بعد خيرك :D

اخونا ابو فصاد ..

رايق اية بس يا عمنا ... ربنا لايوريك اللى انا فية اليومين دول :D

وبعدين ياباشا عواجيز اية بس ... ربنا يديك الصحة .. وزى مابيقولوا برضة .. الدهن فى العتاقى ;)

وجارى اعداد وصفات صحية ....وعشان خاطرك ،، من غير كوليسترول

فولانة هانم ... بصرة ... انا برضة شهر 7 ( وانا اقول ياربى .. فية نكهات وروائح مطبخية متشابه لية :blush: ) .. ياترى انتى بقى سرطان والا اسد ( اولة والا اخرة يعنى )

اناالحقيقة فى النص .. فى بعض الجرائد تبع الاسد والبعض تبع السرطان :ninja:

عموما نبقى نتشارك فى عصيدة عصماء لينا احنا الاتنين :P

الاخت " ام البنات "

"ان كنت انت شاعر الرومانسيه ********** احنا مؤلفين الاناشيد الحماسيه

و مفيش داعى تلومنا على الظروف******* الى مخليه حياتنا ملوخيه

وساقوم بطرح الوصفه قريبا فى شريط قصدى المشاركه الجايه

حضر الشربه والمطهرات"

لالالالالا كدة بجد احنا مش نلم حللنا بس ... احنا نلم ورقنا كمان B)

طب حتديها وصفات .. مافى مانع وتزيدينا بركة ..

انما حتشعرى كماااااااان ... ومن اولها ملوخية

كدة انا حلم عزالى واروح ;)

عموما اهلا بوصفاتك ... وكمان اشعارك

ومتخفيش ... الشربة والمطهرات عندنا منها كتير

وقطن وشاش ومكركروم كمان..... ;)

لزوم التعبير عن الرأى فى الوصفات والاشعار...

وكل عام والجميع فى اسعد حال :D

[bodda]

العزيزه أم البنات

يمكن الاستغناء عن الزعتر الأخضر والروز مارى الأخضر

باستعمال الجاف منهم بعد نقعه عدة ساعات فى قليل من الماء قبل الاستعمال

وطبعا اللحمه المستخدمة هى الفلتو

وهو الجزء الواقع تحت الاضلاع وأسفل العمود الفقرى للحيوان

وبالنسبة للحم اللى يحتاج ساعات طويله للتسوية

يمكن اضافة عدة شرائح من الباباظ الأخضر مع ماء السلق

ويوجد ايضا فى السوبر ماركت بودرة الباباظ لنفس الغرض

وعصير العنب الموجود فى السوبر ماركت لا يتخمر لانه تم بسترته

ماتخافيش :)

اللى يتخمر هو العصير الطازج لاى فاكهة وكمان عصير القصب أسرعهم

هوه السؤال للطبيخ ولا بمناسبة راس السنة ؟؟ :D

صباح الفل

:D

[ام البنات]

استاذنا بودا

صباح الخير

شكرا جزيلا" على البدائل وهل نقعهم يستخرج النكهه منهم

ما النعناع الاخضر غير النعناع الناشف هى مش غلاسه بس هو ده السؤال

لو سألت عن الباباظ فى السوبر ماركت مش هيضحكوا على ويقولوا لى

عليك بالحلوانى الى فى آخر الشارع :)

اما بالنسبه لموضوع العنب

ده لدواعى دينيه

من باب البعد عن الشبهات

وخلينى فى الرمان الطازه أأمن

وكل سنه وانتم طيبين :D :D

[ام البنات]

الاخت " ام البنات "

"ان كنت انت شاعر الرومانسيه ********** احنا مؤلفين الاناشيد الحماسيه

و مفيش داعى تلومنا على الظروف******* الى مخليه حياتنا ملوخيه

وساقوم بطرح الوصفه قريبا فى شريط قصدى المشاركه الجايه

حضر الشربه والمطهرات"

لالالالالا كدة بجد احنا مش نلم حللنا بس ... احنا نلم ورقنا كمان  :)

طب حتديها وصفات .. مافى مانع وتزيدينا بركة ..

انما حتشعرى كماااااااان ... ومن اولها ملوخية

كدة انا حلم عزالى واروح  :D

عموما اهلا بوصفاتك ... وكمان اشعارك

ومتخفيش ... الشربة والمطهرات عندنا منها كتير

وقطن وشاش ومكركروم كمان..... :D

لزوم التعبير عن الرأى فى الوصفات والاشعار...

وكل عام والجميع فى اسعد حال :D

<{POST_SNAPBACK}>

استاذنا شاعر الرومانسيه

اوعى تلم اوراقكم احنا يادوب بنحاول نقول لما الصغار يتكلم

لازم الكبار يصححوا لهم شكرا لكم على تشجيعكم

ومفيش داعى لكل هذه المستلزمات الطبيه

هتعدى على خير ان شاء الله

[bodda]

العزيزه ام البنات

طبعا الاخضر غير الناشف

ولكن انا قلت الطريقه دى كبديل يدى 70% مثلا

مجرد بديل فى حال تعذر توفير الاخضر

لكن طبعا لا يعلى على الطازه

:)

اما موضوع عصير العنب الجاهز

ففعلا ده مبستر ولا احتمال لتخمره بسهوله

ولا مساس بالدين فكلنا حريصين على كده طبعا

وعصير الرمان الطازه احتمالات تخمره اعلى من الجاهز المبستر

صباح الفل

:D

[Folana]

السلام عليكم ورحمة الله ........

الاخت الحبيبة ام البنات ...فعلا انا بنتى الكبيرة فى اولى اى جى وتبلغ من العمر خمساتشر سنة الا سبع شهور :D ..مش جى سى اى ..هناك فرق ...وماتساليش ايه هو الفرق لانى مش فاهمة حاجة فى اى حاجة ...هى قالت لى ادخل الاى جى ..قلت لها اتفضلى ياحبيبتى ..بس كده ...

انا شهاداتى فى المجال السياحى ...وممكن ابعت لك كل بياناتى فى رسالة خاصة ..بس هنا مش حينفع ..(اصلى متراقبة ) :D

عصير العنب و الزعتر والروز مارى الاخضر بيتباع فى السوبر ماركت ...وموضوع التخمير ده ..هو حيستنى كتير يعنى ؟...ده اول مايخلص حيتاكل على طول وخلاص :) ..كمان الباباز ممكن تلاقيه فى السوبر ماركت الكبير ..مترو - هايبر - كارفور ..هو شبه المانجه كده بس حجمه كبير ...ولك عندى اول البابازة اللى فاضلة عندى ماتطرح ابعت لك من ثمارها ....

عارفة كمان ممكن تلاقيه فيه ...فى الهرم عند المنصورية كده ..حتلاقى الفلاحين قاعدين يبعوه فى الارض ...(ده فى حالة لو انا طنشت يعنى )

شاعر الرومانسية ...انا فى نص شهر سبعة ...يوم بيقولوا عليه نحس (وش اسماعيل ياسين)...يعنى برج السرطان ..لكن تصور بنتى معايا فى شهر سبعة لكن اسد اصلها 23 ..وجوزى اسد برضه بس هو فى شهر اغسطس ...عايزين الهدايا بقى ادينى قلت لك قصة حياتى ...

بودا..ايه الباباز الاخضر ده ..ماتنساش انى باشجناينية وعارفة ان الاخضر هو قشر الباباز بس لكن من جوه لونه مانجاوى ... :huh:

[bodda]

اولا

كل سنه وانتم طيبين

2006

عام جديد سعيد

كله صحه واكلات تقيله من عيار

ضار ولذيذ

صباح الفل

:wub:

تم تعديل 1 يناير 2006 بواسطة bodda

[bodda]

فلانه هانم

المقصود بالباباظ الأخضر انى انقى حباية لسه خضرا

لان اللى لونها من بره بقى منجاوى بيكون تأثيرها فى التسوية ضعيف

ضار ولذيذ

:wub:

صباح الفل

:wub:

[bodda]

نجهز شوية أكلات للعيد

وكلها من عينة ضار ولذيذ

:wub:

طاجن موزه بالبسلة

نجيب كيلو موزه بقرى ونقطعه صغير

نجيب طاجن فخار وممكن بايركس غويط

نحطه عالنار ومعلقتين سمن بلدى معتبرين وفصين تلاته مستكه

واول ما المستكة تسيح نحط اللحم ونقلبه معاهم بسرعه ونغطى على نار هاديه

و كل شويه نفتح ونقلب تانى لغاية كل اجزاء اللحم ما تتحول للون البنى

نضيف كوباية ميه سخنه بتغلى ونغطى تانى حوالى نص ساعه

وننزلها من على النار تهدى شوية ;)

نجهز بصلتين شرايح وكيلو بسله وفصين توم مفريين وجزرتين مبشورين خشن

وملح وفلفل وبهارات لحم ومبشور جوزة الطيب ونقلب ده كله مع بعضه

ونروح دالقين الخلطة دى على اللحم ونقلبهم كلهم مع بعض بخفة ودلع

:blush:

ونحط نص كوباية ميه بتغلى ونغطى وندخل الفرن الحامى نص ساعه

وبعدها نخلى الفرن حرارته وسط ساعه كمان

وبالف هنا وشفا مع رز بالشعريه مفترى :wub:

صباح الفل

:wub:

[Osha]

انا جييييييييييييييييييييييت

من مدينة سانت لويس بولاية ميزوري الامريكية

معكم رشا مرة اخرى

العود أحمد يا جماعة

وياريت بالراحة بقى حد يفهمني انتو اليومين دول شغالين في ايه بالضبط

[Reham]

حمد الله علي سلامتك ياروشا

عود أحمد

احمد ده ابني

والجماعه هنا شغالين في العصيده.... mfb:

[bodda]

الذ حاجه الاتنين الغايبين على طول... بيسلموا على بعض

:)

حمدا لله عالسلامه يا اوشا

حمدا لله عالسلامه يا ريهام

وياري ماتغيبوش تانى كتير

المطبخ شغال نار استعدادا للعيد الكبير

وكل سنه وانتم طيبين

mfb:

صباح الفل

:)

[Folana]

انا جييييييييييييييييييييييت

من مدينة سانت لويس بولاية ميزوري الامريكية

معكم رشا مرة اخرى

العود أحمد يا جماعة

وياريت بالراحة بقى حد يفهمني انتو اليومين دول شغالين في ايه بالضبط

<{POST_SNAPBACK}>

السلام عليكم ورحمة الله ........

يامراحب ..يامراحب ..بالاخت المجاهدة والعائدة ..من كفر عم لويس بمحافظة المرزوقى ...(صح كده ولا ايه ..اصلى مش باعرف اقرا )

حمدلله على السلامة يا اوشا الحبيبة والله لك وحشة ياشيخة ..احنا بنسخن بس كده لحد ماتبداى انت بقى تكتبى لنا كام وصفة اكل امريكانى ..الا صحيح انت مش بتكتبى اكل امريكانى ليه :D كل سنة وانت طيبة

ريهام ...حمد لله على سلامتك ..انا متابعة مواضيعك الدينية ماشاء الله ربنا يفتح عليك ...ومتابعة موضوع اتكلم على قدك ..

ومتشكرين ياستى انك بتوصى الزباين يجييوا المطبخ بس فهميهم اننا عاملين تذاكر دخول دلوقت علشان عايزين نجدد العدة ...انا باخاف اكتب فى الموضوع ده بصراحة واعرف نفسى احسن يطلبوا منى فيش وتشبيه وكدهوت ..وانت عارفة بقى ..انا مستخبية هنا وهربانة من المراقبة...اصلى مسجلة خطر طبخ ..:D

ومبروك عليك الطقم الالماظ ياستى ..ناس لها بخت ....بس انا حاروح لوجدى احمر له عينى برضه واقوله قل ولا تقل ...او كل ولا تاكل ..يقوم يدينى حاجة معتبرة كده ..يالا مبروك عليك ..باقولك ...بالله عليك ياشيخة تكتبى لى القهوة العربى بتتعمل ازاى ..انا عندى البن السعودى ده بس مش عارفة اعملها ..اصلى بحبها وبتفكرنى بالحرم فى رمضان والسنة اللى مااطلعش فيها باقعد اشم القهوة:)

وحمدلله على السلامة يابنات يالا همتكم معانا بقى :D

[Osha]

يعني الواحد مايعرفش يختفي من غير تريقة يا عم بودا

ماشي انا قاعدةعلى قلبكم اهو وعلى فكرة انا مابقاش عندي حجة للغياب

ريهام

حبيبتي الله يسلمك بس بلاش سيرة احمد والنبي وبلاش العود أحمد خليه العود يوسف

فولانة

الله يسلمك وعلى فكرة طبعا اسم الولاية والكفر تمام التمام يا بنتي انت موسوعة جغرافية وكلنا لازم نستفيد من خبراتك في تسمية المدن

ثم اكل امريكاني ايه اللي جايه تقولي عليه

دا اكلهم يجيب المغص يا بنتي وماعندهمش اصلا اكل امريكاني اصيل

اللي اصله طلياني بيعمل اكل ايطالي

واللي اصله يوناني يديها خريستو

الحاجة الوحيدة اللي يمكن تبقى معقولة امريكاني نوع من التارت لقرع العسل وبصراحة جميلة اوي اكلتها في عزومة في عيد الشكر

بس المشكلة ان كل المكونات جاهزة عندهم ومش عارفة تتشرح ازاي

هم اصلا بيجيبوا القرع مهروس في علب

وبيجيبوا التارت جاهز تحطي فيه المكونات

بس انت تحطي كل حاجة على بعض ومعاها شوية قرفة ومحسنات مطبخية وتحطيها في الفرن والناس تقول هييييييييييه جميييييييييييلة

انما اخونا بودا طبعا عارف ان الكلام الفارغ دا مش بيمشي معانا

يبقى ندبسه في التارت بتاع القرع العسلي

حلوة التدبيسة دي يا شباب

يالا اشوفكم على خير

[شاعرالرومانسية]

عزيزتنا اوشا وصلت أخيرررررررررررررررررررررررا

ماشوفناكيش من السنة اللى فاتت ;)

وبعدين ... انتى متأخرة يومين يا استاذة .... :D

قوليلى الطريق والمواصلات بقى ...

وهما يدوبك تلات اربع تلاف كيلو ................................. بس :D

عموما سمااااااااااااح عشان الاعياد والسنة الجديدة :D

وبعدين داخلة بايدك فاضية كدة .. وتدبسى الناس فى عمايل تارتات وقرعات عسلات :)

مش تجيبيلنا وصفة جديدة من الولاية الجديدة اللى روحتيها....

دى مش تدبيسة ولا حاجة لا سمح الله :D

ريهااااااااااااااام....

حمدالله على السلامة .................... ( كلاكيت خامس مرة ... :D )