اطلب اى وصفه على بالك .. تلاقيها قدامك

[bodda]

والله يا جماعه منتظرين

و من غير مساس برضه

مساء الفل

:blush:

[مسلمة لله]

السلام عليكم اهالي المطبخ الكرام

معلشي انا عارفة اني جاية في ظروف مش مناسبة

بس بصراحة ظروف المطبخ دي هي اللي خلتني بدل ما انا واقفة ورا باب المطبخ اشم الاكل واستمتع اكتر بالعلاقة الجميلة بين كل شيفات المطبخ

انا بس يعني لو سمحت يا مشرفنا الكبير(س س) ممكن اقول حاجة :blush:

بجد الا المطبخ

اختكم مغتربة والمطبخ دا اهم من الاكل اللي فيه الروح المصرية الجميلة اللي بتشبعني بصراحة

وبقولك يا فولانة مش انتم بس اللي ارتبطم ببعض هنا في المطبخ انا متأكدة ان في زي كتير ارتبط بيكم عن بعد ومتابع معاكم مداخلة بمداخلة بغض النظر ان فيها وصفة اكل او لا

ودا مش بيقلل ابدا من اهمية الوصفات الهيلة بتاعتكم

بس انا طول عمرى بقول ان الاكل نفس

وطول ما الواحد بيبقى واقف في المطبح مبسوط وبنفس راضية يبقى اكيد الاكل هيطلع حلو حتى لو كان طبق جبنة بقوطة

ودا اللي بادعى ربنا يديمه عليكم وعلى مطبخكم العامر (ربنا يديم عليكم المحبة فيه والروح النقية الصافية اللي بتتعاملوا فيها مع بعض)

والي اخوتنا المشرفين الافاضل عليكم العبء الكبير في وضع الحل الذي ترونه مناسب للمنتدي بشكل عام

بس خلو بالكم من نحن القراء الصامتين اللي مش بس مستمتعين باكلات المطبخ

لا ومستمتعين بمصريات المطبخ

اسفة جدا للاطالة ومن غير ما ارجع المداخلة ان حاسة ان كل كلامي متلخبط

ولكنه ما بداخلي

[ام البنات]

السلام عليكم ورحمة الله وبركاته

ليه كده يا جماعه البواجير مطفيه وكمان الكانون

مين رمى تراب على النار وطفاها

الصوره الآن

مطبخ كل الحلل مرميه على الارض

والبوتجازات والبواجير ومطفييين

وواحده ماسكه مقشه داخله تنظف وتمسح بالموبه وفيها جاز علشان

الطبيخ وقف

ده كلام ياناس

الاستاذ بودا من فضلك افتح موضوع تانى واكتب فى العنوان الجزء التانى

وبالنسبه للموضوع الاول نقوم احنا بفهرسته على راحتنا

والاداره مش هتعمل حاجه

لاننا خفف الحمل على الموضوع الاولانى

فولانه

ورشا وريهام

موضوع بسيط وحصل معى وكان موضوعى مش 68 لاء فوق 120 صفحه

وفتحت واحد جديد وحطيت رابط القديم فى الصفحه الأولى ااقصد المشاركه الاولى

اصبح من يدخل الموضوع الجديد يستطيع الدخول على الموضوع القديم من خلال المشاركه الأولى

استاذ بودا احسم الموضوع وافتح موضوع جديد ونكمل ما بداناه

صحيح انا مسستجده على رأى فيروز اختنا العضوه الجديدعه بس اعتقد ان بينا عيش ووصفات

فانهاء لهذا الموضوع

ومن باب غلق ابواب الجدال التى تعطى الشيطان مدخلا" ومن حيث اننا امطبخجيه مش هنسيب مطبخنا

الامر الآن على استاذنا بودا

والإ حركة عصيان داخلى

وافتح موضوع اطلب وصفه وام البنات هتسرقها من مطبخ الاستاذ بودا

فولانه انت جميله قوى وحنونه

انتظرى منى قصيده حب فى الخاص

رشا وريهام يلا بقى سيدوا حيلكم

مش عاوزين كسل

ابو البنات متابع معانا الموقف ومش

عاوزين يقولى شوفى مطبخ تانى احنا جعانين

ومن غير وصفات المحاورات ضيعين يلا بقى

[bodda]

الاخت الفاضله المسلمة بالله

طبعا مش قادر اشكرك على كلامك الجميل

لانى حاسس انه من القلب فعلا

وكلنا كنا بنحس ان فيه اصدقاء كتير معانا بس زى ما قلتى من ورا الباب

وده بنحسه من الكم الكبير من القراءات بدون مشاركه

شاكرين لذوقك ومرورك الكريم و رايك الهام

وهاتفرج قريبا باذن الله

تحياتى

:ninja:

[bodda]

العزيزه ام البنات

لو شايفه ان ده الحل :ninja:

مع انى مش فاهمه ....برضه مافيش مانع

تحياتى

[bodda]

بناء على طلب ام البنات

بعمل الجزء التانى من الموضوع

مع رجاء خاص للادارة بعدم قص اى وصفه من القديم

ورجاء ارجاع ما تم قصه

والاستعانه كما شئتم عن طريق النسخ وليس القص

مع خالص شكرى وتحياتى

:ninja:

[abofasad]

يا شيف بودا يا عظيم

عاوزينك تفتتح المطبخ الجديد بأجمل تورتة عندك، حلاوة الافتتاح يعني

المعترض يرفع ايده

انا مش شايف اي ايد مرفوعة

يعني الكل موافق

الى الامام يا شيف

[bodda]

للعزيز ابو فصاد

SPECIAL REQUIST

تورتة عين الجمل

كوبايتين سكر بودره و كوبايتين دقيق وكوبايتين عين جمل مطحون ناعم جدا

و كوباية لبن و كوباية زبده سايحه و 6 بيضات

و كيس بيكنج باودر ونص معلقة فانيليا و كام حباية عين جمل انصاف

نضرب السكر مع البيض مع الفانيليا كويس اوى

لغاية مايبقى زى الكريمة و نضيف السمن ثم اللبن ونكمل ضرب

اخر حاجه نضيف الدقيق والبيكنج باودر و كوباية دقيق عين الجمل

نصب العجينة فى صينية مدهونة سمن

وتدخل فرن حار 35 دقيقه تقريبا بدون فتح باب الفرن

نطلعها تبرد تماما وبعدين نشقها لـ 3 طبقات ( يعنى شقين )

هانجيب كريمه لبانى ونخلط معاها كوباية عين الجمل البودره التانيه

ونفردها بين الطبقات وبعد كده نساوى الاحرف بسكين حامى

نجيب شيكولاته بيضا ( تلاقوها فى درب البرابره جنب العتبه )

ونسيحها فى حمام ميه مع معلقتين زبده

ونصبها على الكيكه بالراحه بعد ما نكون قلبنا الكيكه وساويناها من الوش

ونرص انصاف عين الجمل للزواق قبل ما الشيكولاته تجمد

وتدخل التلاجه ساعه .... وبس

مساء الفل

:ninja:

[حنين]

ياااااااااه الحمدلله الواحد وصل بالسلامه :ninja: ازيكم ياجماعه انا عضوة جديده انا بقى من اسبوعين وقعت فى حله من حلل المطبخ الجميل بتاعكم ده فجبت الموضوع من اوله وفضلت اقرئه لغاية ماخلصته كله وعقبال مخلص لقيت حاجات غريبه حصلت بس الحمد لله العم بودا فرحنا بفتح ملف تانى المهم مش هطول عليكم بجد برافوا عليكم الاسلوب والاكل وكله جميل فكرتونا بالذى مضى بجد انا بوصل سلامى للكل بودا وفولانه والشاعر واوشا ريهام وام البنات والكل احسن انسى حد وجميله تورتة عين الجمل الله ينور عليك على فكرة انا مش كنت وخداها قراءه بس ده انا عملت الكبده الاسكندرانى والكشرى وكمان البسطرمه بس هفتحها كمان يومين وهقولكم طبعا على النتيجه وكله بافضالكم وان شاء الله تطملوا على خير واهو بنساعد بعض وفى الاكل وفى الغربه للمتغربين

ولنا لقاء :angry:

[ام البنات]

كنكة ..

يعني ايه كنكة  :ninja:

<{POST_SNAPBACK}>

شوفى يا جي جى

هاتى ورقه وقلم وانا هاشرح لك

هى عباره عن كوبايه نحاس ولها ايد وفى منها مقاس صغير

اضغطى هنا

http://images.google.com/images?q=tbn:Uj6n.../dry_coffee.gif

[se_ Elsyed]

كنكة ..

يعني ايه كنكة  :ninja:

<{POST_SNAPBACK}>

أومال مصرية الهوى إيه بس ؟

يا شيخه كسفتينا وسط المصاروة .. دلوقت يضحكوا علينا للصبح ..

الكنكه دي زي دلة الجهوة كده بس المصريين حالقين لها ومخلينها من غير راس :angry:

أو من الأخر إسمعي كلام طنطك أم البنات وشوفي الصورة

تصدقي بالله .. أنا ماعرفش كنكه يعني إيه بالخليجي ؟

[Eng_Willo]

بجد انا مش عارف اشكرك ازاى.....تخيل لما تبقى بتحب حاجة و انت مابتعرفش تعملها....و اخوك ايه مدمن قهوة بس للاسف ما بعرفش اعملها.

انا هاجرب طريقتك و هاقولك على النتيجة بس ربنا يستر.

[abofasad]

الله عليك الله يا شيف بودا

تورتة انما ايه تجنن

نجيب شيكولاته بيضا ( تلاقوها فى درب البرابره جنب العتبه )

انا اجلت عمل التورتة لحين وصول الشيكولاتة البيضا من درب البرابرة، فاذا كان اي حد جاي من مصر يجيبهالي معاه وله نص التورتة

تحياتي

[bodda]

اهلا بالصديقة الجديدة حنين

منوره المطبخ و المنطقه

أو المنتكة زى تامر حسنى ما بيقول :ph34r:

مساء الفل

:wub:

[Reham]

مبروووووووووووووووووووووووووووووووووووووك

الف مبروك فتح المطبخ الجديد

اهلا بك حنين

وياتري انتي مشجعه زيي من بعيد لبعيد ولا مشاركه فعاله زي الاخوة الشيفات الكبار

مبروك ياأستاذ بودا

تم تعديل 21 يناير 2006 بواسطة Reham

[bodda]

العزيزه ريهام

لا انتصار ولا حاجه

لان ماكانش فيه معركه من الاصل زى ما قال الاستاذ طارق :ph34r:

ولكن كان عدم فهم لطبيعة مجموعتنا هنا

بس طبعا فرحان واكيد انتى كمان لاستمرار موضوعنا

اهلا بعودتنا اخوات متحابين فى حله واحده

:wub: :D ;)

مساء الفل

:D

[abofasad]

اهلا بعودتنا اخوات متحابين فى حله واحده

حلوة اوي الجملة دي يا شيف بودا

وطبعا انت تقصد "حلة " (بضم الحاء) يعني بدلة مش كده؟

[bodda]

اكيد ابو فصاد مكار للسؤال ده

:ph34r:

خد دى عالماشى

الرز بالجمبرى

نقول نص كيلو لحم جمبرى

لازم يستعمل لحم جمبرى ابيض او قزاز

ولا ينفع الجمبرى الاحمر لانه هايسيح

نجيب الجمبرى ونرشه ملح خفيف ونقلبه وبعد خمس دقايق نشطفه فى مصفاه

ونسخن فنجان زيت فى حله ونكون محضرين تلات كوبايات ميه

نحط مبشور بصلايه صغيره فى الزيت لغاية ما يبقى لونها بنى غامق

ونضيف الميه والملح وعند الغليان نضيف الجمبرى ووراه الرز (3 كوبايات)

ونقلب تقليبه واحده ونغطيه واول ما يغلى نوطى النار خالص حتى سوى الرز عادى

وبالف هنا

:wub:

[abofasad]

اكلة سهلة وحلوة اوي

انا حعملها بنفسي بكرة مفاجأة لأم فصاد

يعني اخيرا حخش المطبخ

وعلى ضمانتك يا شيف

[bodda]

يا عم ولا يهمك هيه موته ولا اكتر ؟؟؟

والعمر واحد والرب واحد

:happy:

ولا يهمك متجربه ميت مره

بس المهم جمبرى قزاز من اللى لونه رمادى

وصباح الفل

:)