اطلب اى وصفه على بالك .. تلاقيها قدامك

[bodda]

وعملا براى العزيزه حنين

جربوا الدوناتس دى سهله وهاتعجبكم

الدوناتس

معلقتين خميره جافه و كوبايتين لبن ونص كوباية زبده

تلاتربع كوباية زبده و زيهم سكر

و 4 بيضات وكيس فانيليا و دقيق كافى هانضبط بيه العجينه

هانضرب الزبده مع السكر كويس ونضيف البيض والفانيليا ثم اللبن

وندوب الخميره فى ربع كوباية ميه دافيه ونضيفها لكوبايتين دقيق

ونخلط كله ونضيف باقى الدقيق تدريجيا حتى الحصول على عجينه طريه ومتماسكه

نسيبها تخمر فى مكان دافى ساعتين

ونقطعها حتت صغيره او باشكال ونحمرها فى زيت غزير

ولما تطلع نرشها بالسكر البودره وتقدم

وبالهنا

صباح الفل

:)

[Osha]

ماما غالبا بتتكلم على السبكي اللي عند كلية البنات غالبا ومش عارفة ايه الفرق بينه وبين الجزار بتاعي اللي في ميدان الجامع !!

امبارح حصل لي حادث غير سعيد :)

قررت اجرب البسبوسة

جبت المكونات كلها وعملت الخطوات بمنتهى الدقة طلعت غير قابلة للصب زي ما انت قلت رحت فضلت ازيد لبن لغاية لما اصبحت كذلك بس حست انها ممكن تكون نقصت سمن رحت مزودة السمنة - ياحسرة قلبي على السمنة - وصبيتها في صينيتنين متوسطين الحجم

طلعت شئ غريب عجيب ومش عارفة فين الغلطة :lol:

ياريت نصيحة احسن انا صعبت عليا نفسي اوي اني اول مرة اعملها وحتى لم أحظ بحظ المبتدئين!!

[حنين]

اوشا وانا اقدر احسدك برضه على العموم الصيف قرب يجى عندكم وتقولى ياريت يوم من ايام الشتا الجميله انا عن نفسى تعبت من الحر وانت عارفه ان الدول اللى احنا فيها متغيرة الاحوال فيوم حر ويوم ساقع وكل ده بيجب ادوار برد فانا بقول نديها شتا على طول عشان اهو نعرف ندفى انفسنا كويس

بالنسبه للبسبوسه طبعا انا مقدرش ادى تعليقى لازم يدخل خبيرنا الكبير بودا ويقول رايه (الخبرة لاهل الخبرة)

بودا بجد نشت صح انت عرفت منين ان الاولاد عندى بيحبوا الدونات ؟(الاولاد بيسلموا عليك وبيقولوا ابقى اتوصى بينا كده على طول)

احنا فى الويك اند لما بنخرج عندنا محل هنا اكيد اوشا عارفاه لانه موجود كمان فى امريكا (دونات كينج) بنروح هناك اخد انا وزوجى الكوفى والدونات للاولاد فطبعا مدام عندى الطريقه اعمله فى البيت كمان ييقى فى ايام الاسبوع والويك اند وبلاها ريجيم انا ناويه اعمله بجد ومتشكرين اوى

[حنين]

بودا لى سؤال على الدوناتس انت فى المقادير قلت

(معلقتين خميره جافه و كوبايتين لبن ونص كوباية زبده

تلاتربع كوباية زبده و زيهم سكر)

انا مش قادرة اعرف قد ايه الزبده بالظبط نص كوبايه ولا تلاتربع

معلش وضحلى الموضوع ده وشكرا

فينك يااوشا ايه (اكيد مستنيه رد على البسبوسه والجمبرى ) انا مش قصدى حاجه انا مش بشعللها ولا حاجه

[الاسكندرنى]

السلام عليكم

ايه ياعالم هو كل اكل اكل ايه انتوا مابتشبعوش :D

اعملوا رست شويه B) تعرف ياشيف بواد انا بجد بحسدك على موضوعك ده اللهم صلى على النبى فى التعاون والردود

عموما انا فرضت نفسى النهارده وقولت الناس ديه لازم اعملها رست شويه فقولت اقدم شويه نصائح

سبعة أشياء يجب أن لاتمارسها بعد الأكل

***لا تشرب الشاي - لأن أوراق الشاي تحتوي على نسبة عالية من الحمض. وهذه المادة ستأثر على البروتين المتواجد في الأطعمة التي نستهلكها وتجعلها جافة وعسيرة الهضم.

· Don't drink tea - Because tea leaves contain a high content of acid. This substance will cause the Protein content in the food we consume to be hardened thus difficult to digest.

***لا تأكل الفواكه بعد الأكل مباشرة - إن أكل الفواكه مباشرة بعد الأكل يتسبب في إنتـفاخ البطن بالهواء. لذى يجب الحذر أخذ الحيطة في عدم تناول الفواكه قبل مضي ساعة إلى ساعتين من الأكل أو قبل ساعة من الوجبة الغذائية.

· Don't eat fruits immediately - Immediately eating fruits after meals will cause stomach to be bloated with air. Therefore take fruit 1-2 hr after meal or 1hr before meal.

***لا ترخي حزام السروال - لاترخي حزام (مشد) السروال بعد الأكل لأن ذلك يتسبب في إلتواء الأمعاء وتسكيرها.

· Don't loosen your belt - Loosening the belt after a meal will easily cause the intestine to be twisted & blocked.

***لا تسبح بعد الأكل – إن السباحة بعد الأكل يسبب أرتفاع تدفق الدم لليدين, الأرجل وبالتالي سقلل تدفق الدم في مناطق كثيرة من الجسم وبالخص حول منطقة البطن وعليه سيطعف ذلك الجهاز الهضمي.

· Don't bathe - Bathing will cause the increase of blood flow to the hands, legs & body thus the amount of blood around the stomach will therefore decrease. This will weaken the digestive system in our stomach.

***لا تمشي – الكثير من الناس يعتقدون بجدوى المشي بعد الأكل مائة خطوة ستجعلك تعمر تسعة وتسعين عام. في الحقيقة أن هذا غير صحيح. لأن المشي سيعطل الجهاز الهضمي من إستخلاص الغذاء من الأطعمة التي أكلناها في التو.

· Don't walk about - People always say that after a meal walk a hundred steps and you will live till 99. In actual fact this is not true. Walking will cause the digestive system to be unable to absorb the nutrition from the food we intake.

***لا تنم في الحال – إن النوم بعد الأكل مباشرة يتسبب (يعطل) إكمال عملية هضم الطعام بشكل جيد. بالنتيجة سيقيدنا ذلك إلى عدوى معوية أو إلتهاب معوي.

· Don't sleep immediately - The food we intake will not be able to digest properly. Thus will lead to gastric & infection in our intestine.

***لا تدخن – تجربة من خبير تدخين(مدخن) سابق, تدخين سجارة واحدة بعد الأكل تعادل تدخين عشر سجائر في الأوقات الأخرى ( لذلك نسبة الإصابة بالسرطان أكثر في حالة التدخين بعد الأكل مباشرة).

* Don't smoke- Experiment from experts proves that smoking a cigarette after meal is comparable to smoking 10 cigarettes (chances of cancer is higher).

الكلام ده من دكتور فرنسوى كنت عنده الهنارده علشان اعمل رجيم :mellow: والله مش عارف بعد اللى قاله ده المفروض اعمل ايه مش عارف :sad: (اما غريب الراجل ده )

انا مش تخين بس بعمل قوام رياضى نظرا لظروف عملى :D

طبعا الكلام فى الاول هزار و يارب دائما يكون مطبخكم عمران و بصحة والف هنا يارب :sad:

[Osha]

واضح يا حنين انك مش بتشعلليهاوالا حاجة - دي بس تهدية النفوس يا حبيبتي

عامة مش عارفة صحيح بودا اختفى فين

انا كنت مشغولة يا ستي في طلبات البيه والهانم ولادي في الويك اند

النهارده عملت كشري وبعد ما خلصت اكتشفت اني نسيت احط ملح في الرز

رحت مدوبة شويةملح في حبة مية سخنة وكان الله بالسر عليم

صديقي العزيز اسكندراني

والله بعد طول تمحبص في مسائل الريجيم المختلفة اكتشتف الآتي:

أنجح ريجيم على الاطلاق هو ما ورد في القرآن:" كلوا واشربوا ولا تسرفوا"

يعني سيادتك تعمل اللي انت متعود عليه وتاكل اللي متعود عليه بدون قيد او شرط الا في الكميات فقط - الريجيم دا ينفع كمان على المدى الطويل لانه مش بيخلي الواحد يرجع لوزنه الاساسي ابدا

انا بقى النصائح جميلة بصراحة اوي وجزاك الله خيرا على مشاركتنا ليك فيها

المشكلة يا عزيزي ان الواحد بياكل من هنا ويحلى النوم من هنا ودي حاجة صعب التحكم فيها خالص

الباقي بقى سهل خاصة اني مش باكل فواكه اصلا ولا باشرب شاي

ربنامعاك وياريت توالينا بالاخبار كده عشان نشجعك

[الاسكندرنى]

انا بقه مش حقول صديقتى :mellow: انا حقول اختى العزيزة اوششششششششا

يا اختى تعرفى انا طبيعة عملى ايه انا غواص تجارى من الناس ديه اللى بتنزل البحر و تقعد فيه اسبوع او اتنين و تطلع تانى بجد انا بنزل البحر لمده اسبوع كامل مابشوفش سماء

فا بكده مطلوب منى نظام غذائى ربنا مايوريك ياختى :sad:

و طبعا معرف قدر كلام ربنا النتمثل فى قرانا حفظنا و حفظك بيه يارب

[حنين]

برافوا عليكى يااوشا عرفتى انى بهدى النفوس

بس قوليلى انت واضح كده انك زهقانه من الاكل والمطبخ الحاله رجعت تانى وده طبعا واضح من البسبوسه والكشرى اللى من غير ملح انا عن نفسى لو بعمل حاجه فى المطبخ ومليش نفس او بعملها بتادية واجب مش بتطلع حلوة الواحد برضه بيزهق عاوزين تغير بقى

طبعا انا معاكى فى حكاية ان الواحد مش يحرم نفسه من حاجه بس مش ياكل لما مش قادر يتحرك يعنى ندوق من كل حاجه او بمعنى تانى نقلل ودى طريقتى اللى انا ماشيه بيها

ونشكرك اخونا اسكندرانى على النصايح بس لى تعليق على الشاى خصوصا الشاى الاخضر لانه بيساعد على الهضم فى مواد بتساعد على حرق الدهون من الاكل بعد دخولها الجسم والتخلص ايضا من المواد السامه

وبالنسبه للمشى فهو مفيد ده فى ناس بتزل فى الوزن عن طريق المشى كل يوم لمده نص ساعه لساعه بس طبعا مش بعد الاكل مباشرة ولو مضطر للمشى بعد الاكل يبقى مشى هادى يعنى تاتا تاتا

وبالنسبه للتدخين كان المفروض الدكتور يقول مش بعد الاكل بس لاولا قبله ولا بعده لان ربنا يبعد التدخين بيجيب مرض سرطان الرئه باكل او من غير اكل

(نصيحه منى بلاش الدكتور ده ) :mellow: اوعى تزعل

وياريتبقى لوتكتبلنا اكله حلوة من تحت البحر من الغواصه يعنى نحب ندوق برضه ماهو مش معقول وانك تدخل المطبخ ومتعملش حاجه لازم تطبخ

[Osha]

الأخ العزيز بلاش الصديق دي عشان ماتزعلش :D

والله موضوع النظام الغذائي دا مشكلة كبيرة واصعب مافيها جهد النفس والتوقف عن اكل ما تريد بالفعل

واضم صوتي لصوت حنين واقولك ياريت بلاش السجاير خالص وربنا يكفيك شر المرض وينعم عليك بالصحة

واعظم جهاد للنفس انك تدخل المطبخ بتاعنا وتشم ريحة الاكل وبعدين تروح تاكل الاكل الصحي والطبي!! :D

وطبعا باعتبار اسمك اسكندراني فالواحد افترض انك من اسكندرية وياريت نعرف شوية افتكاسات سمكية من بحري لو تعرف

حنين

الحقيقةانا مش زهقانة من الاكل - انا طهقانة من الاكل ولعلمك حتى العيال والله وحسام لدرجة ان فيه حلة بامية في التلاجبة بلحمتها بقالها ييجي 5 ايام مش لاقية حد يبص عليها اصلا

وكلهم فرحوا جدا بالكشري ومحدش اخد باله اصلا من القصة بتاعة الملح والحمد لله

ومش عارفة اصلا بودا اختفى راح فين انا زعلانة اوي على البسبوسة

وياريت كمان لويعرف لقمة القاضي لقيتها طريت اوي وشربت الشربات كله بدون قيد أو شرط

حتى لقمة القاضي مضطهداني :D

[حنين]

الاول هقول طبعا تغير شكل الموقع كويس برضه الواحد بيحب التغير

اوشا صدقينى انا كمان زيك زهقانه من الاكل مش عارفه اطبخ ايه كل يوم السؤال ده اساله لنفسى لان جوزى سايب لى المطبخ لافكارى والعيال صغيرين تحت الخمس سنين يعنى اى حاجه واضحك عليهم بيها بس تكون مغذيه وبس بجد الموضع عاوزحل مش عاوزين اكل تقليدى المشكله الرجاله هما اللى هيجوعوا

يابودا سيبتنا ورحت على فين الحاله وحشه قوى هنا :rolleyes:

[حنين]

بقولك ايه بقى ياجماعه ولضح ان الكل زهقان من الاكل وعشان كده محدش بيطلب طلبات وكمان بودا اختفى فى ظروف غامضه ربنا يرجعه بالسلامه

انا بقول عشان مطبخنا يفضل مفتوح نعملها بطريقه تانيه كل واحد يقول نفسه ياكل ايه او ناويه تطبخى ايه النهاردة ولو حد كتب حاجه واجنا مش عارفين الطريقه هنا نبدء بطلب الطريق حلو كده اهو اى حاجه تساعد على رجوع روح المطبخ والطبخ لحاله تانى

[حنين]

انا هبدء بنفسى امبارح عملت ساندوتش غريب علينا كمصرين بس بيتباع هنا فى المحلات اسمه

( الفوكاتشا)

هو عامل زى العيش القيزر بس مبطط او زى الفطير مش مشكله العيش ممكن يتعمل فى التوست

تكونى عاماه فراخ بانيه او حتت فراخ مشويه

باتنجان مقلى او مشوى (احنا برضه بنريح اللى عاوزين الصحى عشان كده بنشوى)

فلفل اخضر او احمر مشوى او مقلى

جبنه مبشورة او شرائح حسب الموجود مايونيز ولو فى ماسترده

ممكن كمان جرجير او خس طماطم خيار

الكل يتحط فى الساندوتش طبقات والجبنه على الوش ونقفل التوست ونحطه فى ماكينة الساندوتش (جورج فورمان)الشوايه او الساندوتش مايكر اللى موجود عندكم وبعد ما يخلص يتقطع نصين ويتاكل بالهنا والشفا صدقونى طعمه جميل

[bodda]

صباح الفل

واسف على التاخير لسفرية عمل مفاجاه

:D

وايه حالة الزهق اللى انتوا فيها دى ؟؟؟

وايه يا عم الاسكندرانى الحلاوه دى ... خليك معانا وانت تخس

:D

وايه رايكم للتغيير و للذكريات الجميله نعمل....

بصارة

يستعمل الفول المدشوش بعد نقعه فى الماء لمدة يوم

واذا لم يوجد

ممكن ننبت فول عادى 3 ايام ثم يقشر

*بعد كده يتم فرمه بالمفرمه أو بالكبه للفول مع باقى المكونات :

شبت ، بصل ، توم ، كسبره خضراء ، ملح وفلفل وكمون

تطلع عجينه سايله يتم طهيها عالنار + ماء مغلى دائما مغطيها

حتى تستوى وتشمى ريحة البصارة

*أو نغلى كل المكونات مع الفول حتى السوا ثم تضرب فى الخلاط

وتصفى فى مصفاه عيونها واسعه شويه

والطريقه التانيه أسهل بكتير

تغرف فى أطباق مسطحه لسهولة التغميس

ونزوق وشها بمفروم التوم المتحمر فى ملعقة سمن بلدى معتبر

وبالف هنا

:wub:

مش عارف ايه اللى حصل

لا عارف انسق الرد و لا اللون ؟؟؟

خير اللهم اجعله خير

:wub:

undefined

تم تعديل 11 مارس 2006 بواسطة bodda

[Osha]

الحمد لله على السلامة يا بودا

انا برضه مش عارفة في ايه في المنتدى

كثير بيرفض الدخول

المشكلة عند فولانة وحسن زي ما هي برغم تجربة ما جاء في البريد من المنتدى

وهي تبلغكم جميعا السلام

وانا كمان قلت اسلم قبل ما المنتدى يقفل تاني

[حنين]

الف حمدلله على السلامه يابودا بجد انا قلقت عليك قوى اصل مش من عوايدك بس اهم حاجه انك بخير وتشكر على البصارة

ايه بقى الحكايه انا بقالى يومين مش عارفه ادخل المنتدى هى الحركات دى هتتعمل كمان فى استراليا ولا اييييييه :angry2:

انا شكلى هكتب موضوع خاص وقول (هو المنتدى محجوب عن استراليا ) :lol:

انا مش هقفل الكمبيوتر بقى احسن مش هعرف ادخل تانى :o

[bodda]

واضح ان كل الاصدقاء الغايبين عندهم مشكله فى الدخول

ومش عارف التغييرات اللى حصلت ليه مش بتشغل التنسيق زى الاولانى

مطلوب المساعده من اهل الخبره

والف شكر للعزيزتين حنين واوشا

:angry2:

[حنين]

:wub: بقالى نص ساعه بحاول اسجل دخول هو ايه اللى جرى وياترى المشكله دى على الكل ولا على المطبخيه بس :blush:

صدقونى كنت عاوزة ادخل واكتب بعد اللى حصل تعبت وقلت مش كاتبه حاجه بس برضه كتبت الحكايه دى زودت الزهق اكتر من الاول

ياترى الكل عامل ايه ؟

[bodda]

فعلا يا حنين بقت مشكلة الدخول مع مشكلة لخبطة الكتابه

صباح الفل

:lol:

[شاعرالرومانسية]

اخوانى الاعزاء ...

ازيكم كلكم .. وحشتونى جدا جدا جدا

بعتذر عن عدم التواجد الفترة اللى فاتت بس الظروف بقى..

وبعد كدة فغضلت كتير مش عارف ادخل لمشكلة فى الشركة

الموفرة للخدمة والحمد لله حاولنا

وبمساعدة استاذ / عادل تم حل المشكلة بشكل مؤقت ..

فله منى جزيل الشكر والامتنان

انا لسة حالل المشكلة ومش حلحق اقرا الصفحات اللى فاتت

بس اكيد العزيز بودا ..كان قايم بالواجب وزيادة خلال الفترة

السابقة... وكذللك جميع اخوانى المطبخجية

اشفكم على خير الايام الجاية انشاء الله

للجميع حبى وتقديرى :closedeyes:

[bodda]

يا ألف حمدا لله عالسلامه شاعرنا اجميل

نورت المطبخ وضواحيه

تلاقيك بقيت رفع العصايه يا ولداه وانت بعيد عن المطبخ

:closedeyes:

الطواجن والمعمر والمشمر مستنيينك على نار ..... هاديه

:angry2:

صباح الفل :angry2: