اطلب اى وصفه على بالك .. تلاقيها قدامك

[حنين]

ياه الواحد عرف يدخل اظاهر الواحد لازم يغير مفاتيح المطبخ دى الاقفال معصلجه

حمدلله على السلامه لشاعرنا الكبير وربنا يجعلها اخر الاحزان باءذن الله

كنا محتجينك معانا ومحتاجين شعرك الجميل يمكن يفتح نفسنا الحقنا بكام بيت حلو كده على كام طاجن وخلى بالك من مفاتيحك احسن هنا الابواب بتتقفل مش بنعرف نفتحها بالساهل

ياترى يابودا انت فين الحال نايم ويزهق مش كده معلش املنا فيك انت انك مش تزهق بسرعه وخلى بالك طويل

وانت يا اوشا برضه خرجت ومعرفتيش تدخلى معلش متيأسيش حاولى وربنا معاكى وسلمى لنا على فولانه كتير ويارب تكون معانا عن قريب

تم تعديل 19 مارس 2006 بواسطة حنين

[se_ Elsyed]

إزيكو كلكوا يا ولاد

يــــــــاه بقى لي ييجي شهر ما عتبتش باب المطبخ وأكلي كله نواشف

مش عارف ليه بأفكر أقسم الموضوع ده ..

أو نخلي كل وصفه في باب

ده مجرد إقترح

يعني مثلاً

" دقية الكوسة بالدندرمة " نخليها في باب إنتخابات الرئاسة .

محشي ورق العنب بالمايونيز .... في باب السياسة

البصارة .. وبما إنها قُرديحي .. يبقى نخليها في باب الإقتصاد ..

الفوكاتشا .. ودي من أكلاتي المُفضلة ويا سلام عليها بقى لما تكون التقلية زيادة شويه فيها .. فهانقلها باب الإبتسام .. لإني مش عارف يعني فوكاتشا أساساً وإسمها يهلك من الضحك

عايز أسمع رأيكو .. وخصوصاً رأي أوشا وفينسر <_<

أما ألحق أهرب من الحلل الطايرة

[حنين]

اهلا بيك يا سى السيد والله منورنا مش كنت تقول انك هنا كنا عمالنا شاى فوكاتشا اى حاجه بس نرحب بيك بس قولى عرفت تدخل المطبخ ازاى ده احنا مش عارفين

على فكرة معظم المطبخيه خرجوا من المطبخ والباب اتقفل ومحدش عارف يدخل وحياة المصريين تشوف لنا الحكايه دى وانت معدى

يالنسبه للفوكاتشا ده عيش زى الفينو بس مبطط ومدور وعلى الوش زعتر ويتفتح نصين والحشو اى حاجه وكل حاجه زى ماتحب يعنى ساندوتش جبار

ويجعله عامر <_<

[bodda]

والله يا حنين الموقع بقى حاله مايسرش عدو ولا حبيب

كل يومين يفتح مره

وده بالاضافة للتعديلات الجديده جواه كمان اخر لخبطه

وياعم سى السيد وبما انك من اولى الامر هنا

عايزين مساعدتك تحل لوغاريتمات الموقع ده

وبالنسبة للفوكاتشا

فهى عباره عن فو + كا + تشا

فول + كابوتشا ( خس ) + تشا تشا ( رقصه )

يعنى خلطة فول بالخس المتخرط ناعم وتاكلها على أنغام التشاتشا

:huh:

صباح الفل

:wub:

[se_ Elsyed]

معليش يا جماعة

الموقع كان تحت التطوير الأيام اللي فاتت .. وده كله كان عشان مصر

لكن دلوقت شغال 100 % وبيطلع قماش كمان

[حنين]

بنشوفك دلوقتى بالعافيه يابودا فعلا حال الموقع ميسرش والمطبخيه قدموا استقالتهم والزباين طفشت باين علينا هنبيع المطبخ فى المزاد العلنى تيجى نحطه على ebay يمكن نكسب قرشين حلوين نجيب واحد اجدد ومودرن :huh:

سى السيد بيقول الموقع اتصلح وبيجيب جاز اقصد قماش (قماش يافوزيه)هناكل قماش

يارب يكون بجد عشان نشوف باقى الناس تانى معانا :wub:

تم تعديل 22 مارس 2006 بواسطة حنين

[Osha]

ازيكم يا حلوين

انااهويا سي السيد عاوز رأيي في ايه ?

ياعم قسم المطبخ واعمل مابدالك هو حد بقى ييجي يقول حاجة :huh:

وبعدين هوالتطوير ماله ومال دخول الناس الموقع وليه ناس بتعرف وناس لأ

هل هناك حجب لآي بي بعض شركات النت مثلا?

ياحنين انا والله مش متابعة كويس الفترة اللي فاتت

الموقع مرة يدخل ومرة يعمل حاجات غريبة مريبة

بودا

أجمل وصفة لأجمل أكلة بتاعة الفوكاشا دي - أظن آن الأوان ياعمنا :wub:

فولانة ترسل اليكم جميعا السلام وهي مازالت غير قادرة على الدخول برغم تطوير الموقع والقماش اللي طلع الحمد لله وكاسينا كلنا

سلام الى حين ما الموقع يبطل يطلع قماش ويديها بدل وفساتين على طول :P

[se_ Elsyed]

طب الصعوبات دي في مصر ولا بره مصر ؟

لإن المواضيع شغاله معانا حلاوه ما شاء الله وسريع كمان

[bodda]

هنا فى مصر فيه اصدقاء كتير مش عافين يدخلوا خاصة باستعمال T Data ADSL

وبالنسبه لى فشلت فى تنسيق الخط بالشكل الجديد للموقع

صباح الفل ياسى السيد

:o

[حنين]

ازيكم يا احلى ناس

يابودا بقولك ايه انا جبت كنافه وكريم يعنى ممكن تقول قشطه زى بتاعة مصر بس اخف شويه وعندى مكسرات يعنى اوصف براحتك عاوزة منك احلى واجمل كنافه من اجدع شيف وربنا يخليك لينا

[Falasteen]

ازيكم يا احلى ناس

يابودا بقولك ايه انا جبت كنافه وكريم يعنى ممكن تقول قشطه زى بتاعة مصر بس اخف شويه وعندى مكسرات يعنى اوصف براحتك عاوزة منك احلى واجمل كنافه من اجدع شيف وربنا يخليك لينا

[Falasteen]

السلام على الجميع في هذا الموقع الرائع،وخاصة هذا المنتدى الجميل.

هذه اول مشاركه تنجح لي في اءي موقع على الاطلاق،فلكم ان تخيلوا مدى سعادتي الان،والله انا ياما حاولت وياما فشلت.

لي كل الفخر والشرف لاءن اكون عضوة او صديقه معكم.

انا اشكر كل المتعاونين في كل موقعو كل منتدى،لاءخذهم بعض الوقت في زمن قل الوقت فيه فقط لمجرد اعطاء معلومات ونصائح لناس هم حتى لم يروهم.

انا انحني فخرا امام جميع المتعاونين هنا واءمثالهم في كل مكان وزمان. :D

يا جماعه:

محدش يزعل لو مفيش ردود من الناس،والله ياما في ناس بتقراء وتستفيد من كل اللي بتكتبوه وبيدعولكم،وخاصة اذا كانوا في غربه زيي وزي الاءخت حنين وامثالنا كتيييييييير.

وانا حبيتك يا حنين لاءن اسمك على اسم اختي. :sad:

شكرااااااااااااااااا يا بووووووووووودا.

[Falasteen]

I'm still waiting for the reply :wub:

Thank you.

[Falasteen]

السلام عليكم ورحمة الله وبركاته

هيك يعني بس انا اشتركت معاكم بطلتوا تكتبوا.

خلاص،يمكن مابدكم اياني معاكم،وكل لبيب بلاشارة يفهم.

[abofasad]

الى الأخ العزيز الشيف بودا

هل أطمع في وصفة لمرضى ضغط الدم

وهو كيفية تخليل بعض الخضروات بدون ملح

يعني استخدام الخل فقط

وهل كل الخضروات تتخل مع بعض أي تحتاج نفس المدة أم يجب فصلها

مثل الجزر واللفت والكرنب والقرنبيط والخيار

انت تعلم ان اكلنا (مرضى الضغط) يكون دائما من غير ملح .. فعلى الأقل يكون جنبه حاجة تفتح النفس

في انتظار ردك

ولك كل تحياتي وشكري مقدما

[اسود وتعالب وارنب]

ليه مش كتير بيدخلوا علي المنتدي مع انه ظرف جدا ولطيف

[wagdi]

يا عم بودا... يا شاعر يا رومانسية... يا أخت فولانة... أوشا...ريهام...حنين... طب يا نسر يا مصري مع إن أكلاتك صعبة أوي...

رحتوا فييييييييييييييييييييييييييييييييييييييييييييين؟؟؟؟؟؟

بطلتوا تاكلوا ولا بتطبخوا في السر ولا مقضينها كنتاكي ولا إيه ظروفكم...

الموضوع ده في رأيي من أجمل مواضيع المنتدى على الإطلاق... من حيث الطعم والرائحة والأكيلة والصحبة الحلوة....

خسارة تسيبوه كدة....

ياللا ربنا يهديكوا....

ياللا العالم جعانة...

[se_ Elsyed]

الله يمسيك بالخير با بودا إنت وحسن أبو علي شاعر الرومانسية

والله دعيت لك يا عم إمبارح وأنا صايم

فعقبال عندك كنت عازم ناس على الإفطار إمبارح.. و لما تكون في عزومه يبقى حرمنا المصون لازم تدبسني في صينية الجلاش باللحمه المفرومة اللي بعون الله بقيت أعملها بصابعي الصُغير

وما أقولكش على النتائج المبهرة على وجوه المفطرين ..

وكله بفضل توجيهات سعادتكم يا باشا وكل سنة وإنتم طيبين

ما تقولي حاجه يا تيته فولانه ؟

[MZohairy]

الأخ بودا والأخت فولانه :blush:

ممكن وصفة المغات؟

عشان عندي مناسبه سريه كده و محتاج مغات :wub:

[Folana]

السلام عليكم ورحمة الله...........

ابن بنت بنت بنتى (يعنى ابن جى جى ) سى السيد ...انت عارف غلاوة جى جى عندى..مابالك انت بقى ابن الغالية....هو انت فتحت بوابة جهنم دى تانى ؟.....

انا خايفة ارد عليك تقفل الموضوع على صباعى زى المرة اللى فاتت ....وبعدين انا ورايا ناس صايمة ..ربنا مقدرنى كده الحمد لله وباعمل مائدة الرحمن واهو كله بثوابه...اكتب هنا ولا هناك والله ماعارفة....

زوهيرى...حالا روح على مائدة الرحمن حتلاقى وصفة المغات ...(يييييييييعععععععععععع)...عمرى مادقته بس علشان خاطرك حاكتبها لك ...الى المائدة...