اطلب اى وصفه على بالك .. تلاقيها قدامك

[نانو]

زهيري انا هارد عليك بالنيابه عن الشيوف المتخصصين(طبعا شيوف جمع شيف)

انا اصلي مدمنه مغات من يوم ما ولدت وانا في حاله ولاده دائمه ... :blush:

شوف انا هاقولك المقادير علي الكوبايه الواحده و انت تعيش حياتك بقه زي ما انت عايز علي حسب العدد

شوف حضرتك تجيب ملعقه سمنه كبير و تحطها علي النار في كسروله مثلا و تحط فيها شويه سمسم حوالي ملعقه صغيره و تقلبهم فيها علي نار مش عاليه اوي

علشان ما يتحرقش لمده نصف دقيقه تقريبا و بعدين تحط ملعقه كبيره مغات و تقلب شويه كمان حوالي دقيقه كده و بعدين تحط عليهم كوبايه ميه

و تقلب لغايه ما يدوب و بعدين تحلي بالسكر حوالي ملعقتين صغيرين

و تسيبه شويه صغيرين لغايه ما يغلي

و بعدين تفضيه في الماج او الكوبايه

ممكن يبقي مش تخين ساعتها بس لو سيبته شويه هيتخن لوحده

و علي الوش تحط بقه حضرتك شويه مكسرات علي ذوقك...و بالهنا و الشفا

[rouba]

marhaba 3aliko.

boso .ma hadesh ye2ul ektebi arabi ashan ma3rafsh elhorouf 3ala computer.so..................ya reet neb2a soab wetawelo balko 3alaya.elmohem ya gama3a ya reet akun defa khafifa.w3ala fekra ana lobnaneya fali 3ayez akla lebnaneya ya reet ye2oli.w2ana fil khedma.elmhem kol sana wentum tayebeen.washofko soon inshallah

babo :P . :P

[Folana]

السلام عليكم ورحمة الله....

تم دمج موضوع اطلب اى وصفة ...(1)....واطلب اى وصفة ...(2)...ليصبحوا موضوع واحد..للمحافظة على الدرر المطبخية ...

الاخت رُبا...بارحب بك عضوة جديدة معانا ...بس الحقيقة اصحاب الموضوع ده فى اجازة..وبالتالى ياريت تتبرعى انت وتكتبى لنا وصفات اكل لبنانية فى موضوع مستقل .....وياريت برضه تحلى مشكلة الحروف الانجليزى ..اكون شاكرة لك حسن تعاونك ..........ومرحبا بك مرة اخرى فى المنتدى ..وفى موضوعك المستقل عن الوصفات اللبنانية الشهية........

folana

[abofasad]

المطلوب هو طريقة عمل عيش السرايا

زي اللي كنا بناكله أيام الجامعة (40 سنة فاتت) في محل "معرص الحلويات الشرقية" في الممر

شكرا

[عبده بيه]

العزيزة الطباخة الماهرة من فضلك طريقة البصارة ولكي تحياتي

[nora]

هو مينفعش انا :wub:

عموما البصارة

المكونات نص كيلو فول مدشوش - بصله حلقات - ثوم - ربطة بقدونس - ربطه كسبرة خضراء- كمون - ملح - مكعب ماجي

الطريقه

اغسل الفول واضعه في حله واضع عليه البصله ومعلقت ثوم مفرومه والبقدونس والكسبرة وشويه الملح والكمون حسب الرغبه والماجي واضيف قليل من الماء يدوب يغطي المقادير واتركها حتى تصبح طريه بعدها اضعها في الخلاط وافرمها كويس ثم اصفيها واضعها في اطباق ثم اجهز ثوم وكسبره ناشفه ونعناع ونحمرهم ونبدأ اضيف القليل على الاطباق في الوش وبالهنا والشفا

[Dalgamony]

انا مش عارف اشكركم ازاى على المجهود الرائع دة. :blink:

ممكن اطلب طريقة عمل كبد الفراخ بالتفاصيل الدقيقة لحسن اخوكم ابيض يا ورد :blink: ؟

هل من الممكن عمل الجبن الرومى بالبيت ؟ انا ليا 3 سنين بحلم بحتي لو صورة حتة جبنة رومى بطارخ :P

مشكورين :ninja:

[bodi]

السلام عليكم ازيكوا اصحاب الوصفات المطبخيه الصاروخيه انا مامتة بودى

وده اول مره اشارك معاكوا واشكركم على الوصفات الفظيعه ده

انا عندى مشكله انى مش بعرف اعمل اى حاجه حلوه ولا كيك ولا اى حاجه

غير وصفة الزلابيا وهى لقمى القاضى وارجوا من سيادتكم وصفه حلو لكيكة الشيكولاته

لابنى بودى ولكم جزيل الشكر وممكن لو فيها خلاسه عجينة السمبوسك برضوا

وانا عايزه اقولكم انا اعد فى اليابان ومفهاش حاجات كتيره حلال وكمان انا اصلا

حولت اعرف اللغه اليابانية بس بصراحه اكتئبت المهم انتى الموضوع انى بمشى حالى يعنى

[النسر المصري]

السلام عليكم ازيكوا اصحاب الوصفات المطبخيه الصاروخيه انا مامتة بودى

وده اول مره اشارك معاكوا واشكركم على الوصفات الفظيعه ده

انا عندى مشكله انى مش بعرف اعمل اى حاجه حلوه ولا كيك ولا اى حاجه

غير وصفة الزلابيا وهى لقمى القاضى وارجوا من سيادتكم وصفه حلو لكيكة الشيكولاته

لابنى بودى ولكم جزيل الشكر وممكن لو فيها خلاسه عجينة السمبوسك برضوا

وانا عايزه اقولكم انا اعد فى اليابان ومفهاش حاجات كتيره حلال وكمان انا اصلا

حولت اعرف اللغه اليابانية بس بصراحه اكتئبت المهم انتى الموضوع انى بمشى حالى يعنى

اية ده :sad:

ياجماعة المحاورات ....مش الشيف بودا الرهيب كان بردو في اليابان ومن ساعتها مارجعش!!! :sad:

اومال بودي يبقى مين!!! -_-

انا كده اتهبلت!! mfb:

عموما ياستي طلبك جاهز وعندك واحد كيك بالشيكولاته مع ختم النسر وموثقة من اتنين موظفين

بصي بقى ياست الستات ...انا الكيك ده حياتي....بس بدون الكريمه والحاجات الغريبه اللي انتو بتحبوها دي :rolleyes: ...بس ده مايمنعش اني حقولك وصفه سهله اوي

أولا المقادير

نص كوباية كاكاو بودرة

كوباية حليب كامل الدسم

نص كوباية زيت ذرة (يفضل زيت كريستال)

كوباية سكر (مش مطحون)

كوباية دقيق

ثانيا طريقة التحضير

نرزع الكاكاو والزيت والسكر والحليب على بعض ونضربهم خناقه فى الخلاط يتقلبو خليط كده وش !!

ناخذ شوية من الخليط اللي اتبهدلو دول ونحبسهم فى الثلاجه!!

والباقى نخليهم عشان قسم التراحيل و الإعدام!!

نرمي على أم اللي جابتهم تلات بيضات عنقوديه متفجره!!

شوية فانليا بقى عشان الزوفارة !!

وبعدين نضرب ام اللي جابتهم مره تانيه فى الخلاط ونرش عليها الدقيق شوية شوية لغاية لما العجينه تبقى زى الكريمه.... يعنى مش ثتقيله ولا خفيفه .....وبعدين نختم بشوية بيكنج بودر (اوع تقوي اليابان مافهاش....ابيكنج باودر اختراع ياباني اساسا)

ندهن الصنيه ونحط الخليط فيه ونفرده بشويش عشان ماندخلش فيه هوا...وبعدين تهزي الصينيه هز يمين وشمال خفيف خفيف عشان يتساوى الخليط

نرمي الصينيه في الفرن لاعدامهم وتحويل اوراق المدعي عليه للمقتي -!!!

نخلليهم يتلسوعوا لمدة نص ساعه على درجة حرارة 220 مئوية!!

نطلع الصينيه رأفة بالخليط...ونفرد عليهم الكريمه اللي في التلاجة عشان نبرد عليهم!!

لكن على مين....ابو سيوف ما همدلهوش حال الا لما قطهم حتت حتت

وأكلهم الوحوش الآدميين أكلا مأكولاً!!

يلا عالعموم بالهنا والشفا :D

تم تعديل 29 يناير 2007 بواسطة النسر المصري

[MZohairy]

فين بودا يا جماعه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[bodi]

شكرا يا سياده النسر الزهبى على وصفة الكيكه هى شكلها بيقول حلوه وحعملها

يا عم بقولك انا اول مره اشترك معاكم فى الحوار والشيف بودا ده استاز فى المطبخ

فهو اكيد مش انا وحبقى اقولكم على اللى حصل

[بنت الشاطئ1]

السلام عليكم

عزيزتى ربا اهلا بك ضيفة غالية فى محاورات المصريين

ويارب تكون الاكلات المصرية عجبتك

انا على فكرة لى صديقات لبنانيات واكلت اكلات لبنانية جميلة وسلطات روعة

واكيد هسألك كتير عن الوصفات ديه لكن الترحيب اولا :sad:

واليك هذا الرابط ومن خلاله تستطيعين الكتابه بالعربية

http://www.almoslim.net/new_keyb/keyb01.cfm

[lobnah]

عزيزتى ربا

انا اتمنى ان اتعلم الكبة اللبنانية بالصنوبر

جربتها مرة لكن لم تكن جميلة انا سمعت انه ليها بهارات معينة هل صحيح فعلا

مع تحياتى لك ولكل اهل لبنان

[ريهام محمود]

طريقة عمل البازنجان المخلل من فضلك

[ريهام محمود]

"]طريقة البازنجان المخلل لو سمحت

[El-Masri]

مش عارف أنا كل ما أتعزم عند حد من الشام ويحبو يعملو واجب بيطبخو المقلوبة، سواء كانت فلسطينى أو سورى، المهم هوه المفروض إن الرز يطلع معجن كده؟

أنا طبعا بشكر كتير فى الأكلة وبأعبر عن إعجابى الشديد بيها، بس عشان إحنا ذوق مش عشان الأكلة عجبتنى.

حد يقوللى إذا كانت المشكلة فى اللى طبخوها وللا هيه المفروض تكون كده.

[amrhoras]

نفسي فى كشرى وطعمية لو سمحتم سورى يعنى

ازاى اعملهم :) :blush2: :blush2:

[badroora]

"]طريقة البازنجان المخلل لو سمحت

اوك

اسلقي البتنجان نص سلقة

واضربي ثوم على اى حاجة عندك فى البيت على ليمون وخل وحطية فى برطان او طبق فى التلاجة وكل وجبة خذى قطعتين من البرطمان وحطيهم عالسفرا

وبالهنا والشفا

وتقدرى تستخدمى تفس الطريقة مع كل انواع البنتجات

البنتجان ما هو الا دقة لو الدئه نجحت يبقي الباقي سهل

وابقي طمننى

رقم الاسعاف 911

معرفش مصر كام ابقي اسالى قبل الاكل

تحياتى

ابلة نجفة :)

[badroora]

نفسي فى كشرى وطعمية لو سمحتم سورى يعنى

ازاى اعملهم :) :blush2: :blush2:

استعنى عالشقا بالله

بص يا سيدى

طبعا دى وجبة لنفرين واكيد هتعزم 2 صحابك يبقي 3 انفار لو مش هتعزم حد ودا افضل لك طبعا يبقي دى تحطها فى التلاجة وتاكل منها 3 ايام لحد ما تخلص

نص ك مكرونة اى نوع

ربع ك ارز اى نوع

عدس اسمر فى مصر او لو فى الخليج يبقي اخضر وهتلاقية قد الترمسة لو شوفته متتدختش هو هو العدس بس اخضر

وبعدين 2 بصلة كبيرة

راس ثوم مقشرة

1 ك قوطة

زيت

ملح

فلفل

وبهارات

واى حاجة تحب تحبش بها الاكل

اه متنساش الليمون والخل

بص يا سيديى

جيب حلة واسلق المكرونة وبعدين صفيها وحطها فى مصفي

ونفس الحلة اسلق فيها العدس وبعدين خليه يتصفي

ونفس الحلة حمر فيها الرز معرفش بيتحمر ولا بيتسلق مش مش دا المهم الرز

حط زيت وحط شوية رز يحمر حط الباقي ولو 2 كباية رز حط عليهم 2 ك ماية دا لو رز مصري او استرالى اما لو رز بسمتى زود ماية زى مانت عاوز يعنى 3 كوبيات ماء على 2 كوب ارز

وبعدين

دق الثوم

وتعالى على حلة وحط زيت وحمر الثوم وطشة بالطماطم وبعدين

سبهم يغلوه لحد ما تتسبقي يعنى تلاقي الصلصة لزئته فى قعر الحلة بس اوعاك تتحرق اه

المهم

خد فصين ثوم وادقهم وحد عليهم شوية زيت ضغيرين وسخنهم وطشهم بالخل والليمون وزود عليهم شوية ماء

ودى تبقي الدقة بتاعة الكشري

تعالى على البصلتين

بصراحة معرفش تقطعهم ازاى انا عن نفسي مبعرفش اقطع البصل ومش باحب رحنة فى ايدي

اتصرف انت بقي وقطع البصل او بلاش بصل من اصلة اما لو حبكت يبقي اتصرف

وبعدين حمر البصل فى الزيت وصفيه

وبالهنا والشفا

ملحوظة

لو شايف الطريقة صعبة

حط ارز على مكرونة على العدش وحط عليهم ماء وزيت ومكعب ماجى ووطى عليهم الناس لما يستوا هتلاقية شكري بردة بلا وجع دماغ

واهم شيء زى ماحنا عارف قبل الاكل لازم تعرف رقم الاسعاف الاقرب ليك

وبالهنا والشفاء

الطعمية

فى عجينة جاهزة فى السوبر ماركت مصرية

جبها وخليها تفك

وبعدين خد بالمعلقة وحط فى الزيط زى مانت عاوزة

وبالهنا والشفاء ولا تنسي

رقم الاسعاف

اى خدمة

[Abdulaziz Omar]

جري ايه يانجفة انتي بتنافسيني والا ايه ؟؟ :) ....ومالها الطريقة اللي انا قلتها :blush2:

علي فكرة...البتنجان بالطريقة اللي قلتيها بيبقي طعمه هايل.....بس اظن فيه طريقة تانية للتخليل بوضعه في الماء مع الثوم و اشياء اخري لعدة ايام....ياتري صح ؟؟؟

الشيف عمر