50 مليون يورو مبيعات فى ساعه

[achnaton]

الراجل الجديد .. اللى مسك إدارة السكة الحديد .. فى المانيا الأتحادية مالوش حل ..

الكلام ده مش من عندى ده اجمعت عليه كل وسائل الاعلام .. فالراجل ده من يوم ما عينوه مدير .. بيجيب افكار .. ولا طلبه العطار .. أمبارح كان آخر فكر جاله .. وقد اعلن عنه منذ اسابيع انه سيطرح عن طريق السوبر ماركت فى كل مكان تذاكر للسفر فى القطارات داخل المانيا بسعر موحد 49،9 يورو للتذكرة ذهاب واياب لأى مكان فى المانيا فيه محطة سكة حديد ..

فى البدايه بدء النقاد ينتقدوه .. حيحط التذاكر جنب الجبنه والفاكهة والخضار .. ولا ايه الحكاية .. وسارع اتحاد مكاتب السفر السياحية بالشكاوى .. تيجى ازاى فى السوبر ماركت يبيعوا التذاكر المخفضه وهم بالسعر العادى وتبأوا بفشل الموضوع ..

وامبارح كان موعد بيع التذاكر .. وسجلت عدسات التلفزيون وكاميرات الاعلام اللى حصل واللى كان .. طوابيرطويله ولا طوابير العيش عندنا فى مصر قبل ما يفتحوا الدكان .. وساعة واحدة بالتمام كانت الكمية كلها خلصت فى جميع محلات السوبر ماركت .. مليون تذكره .. خلال ساعه .. تعنى 50 مليون يوروا .. والناس عاوزه كمان ؟؟!! طلع النهارده المدير فى التلفزيون ووعد باعادة الفرصه ولكن بعد عام عبال مايصرف المبلغ على دعم المرفق .. فيه حد ينقل الحكاية دى لخليفة التدميرى اللى حرق القطر

[مصرى]

وطى صوتك يا عمنا ليقلدوها بجد يخلوا التذكرة من الجيزة للمنيا بـ 49.9 يورو زى السكة الحديد الألمانية :angry:

[achnaton]

ياريت يا مصرى يا اخويا بس يخلوا المرتبات زى هنا .. ما احنا كان زمانا وصلنا زيهم .. هم بدأوا من الصفر كل رب اسره خد خمسة ماركات والحكومه قالت له مش عاوزة اشوف وشك الا امام شباك تحصيل الضرائب .. شوف حالك .. وميل على مخك ودراعك .. والكلام ده كان 1945

وبعدين فى نهاية الخمسينيات كنت بسافر من المنيا للقاهرة ب 36 قرش صاغ مصرى .. النهارده عدت التذكرة الستة وعشرين .. لحلوح مصرى ..

تم تعديل 20 مايو 2005 بواسطة achnaton

[mb14]

ما دام عندهم ناس بتفكر بالطريقة دى

يبقى هما فعلا يستحقوا اللى هما فيه واحنا نستحق اللى احنا فيه

مش لازم تكون الفكرة من دماغ مدير السكة الحديد وممكن تكون من اى موظف شغال فيها المهم التنفيذ