فصل القول

[عبير يونس]

فصل القول دلوقت هو السكوت

ملهاش لزوم اللهوجة

ما عادتش خلاص القصة ..حياة او موت

الحلم ضاع و الجو ماع

و الأُجري يوم بيومه صاع

و عيال امبارح بوأت فينا
و بقى لها صوت

و كل يوم بلا جريرة ناس تموت

و الشكوى بقت في البؤ زي اللبانة

و قلوب بقت زي الحُق بالغل ملانة

غني فقير الكل بقى كُحيت..

بح الفلوس

والقتل أسهل منه مفيش

زي شكة الدبوس

كل حاجة اختلطت

و الحكاية بقت بزرميط

و لمت الشجيع على اللي بيمشي جوة الحيط

و ملايين بقى حلمهم منين يجيبوا القوت

أيام سودة .. لكن اهي ماشية و بتفوت

مبرئين مبحلقين

مستنيين لمين ؟

مش عارفين!

شوية نسمع و شوية نتحدت بأي كلام

و نتبرك باللي شفناه في المنام

خير اللهم اجعله خير

انكسر قفص و طار طير

ست حجة بركة وكُبّارة

في شقة خلّعوا بلاطها

و خلوها ع المحارة

ناس وقعت في البير

و ناس دمعتها على خدها

و ناس مذهولين و حيارى

ناس غرقانة في سفسطة ولوم

و ناس بتنعق زي البوم

و ناس مستبشرين مستنيين البشارة

و هي دي الأمارة

حا ينفتح عنقريب قصر الإمارة

و شابة ماشية متغندرة

بتعدي ع القنطرة

عيونها نجمتين

و لسانها حتة سكرة

و صحيت م النوم مستبشرة

[أبو محمد]

لولا سلامك سبق كلامك

:)

بقى انتى كنتى غايبة عشان تطلعى علينا بالروعة دى ؟

[عبير يونس]

لولا سلامك سبق كلامك

:)

بقى انتى كنتى غايبة عشان تطلعى علينا بالروعة دى ؟

غيابي غصب عني مكانش بايدي

جت لي سكتة وقفت دمي فوريدي

كل ما اجي انطق ملقاش ليا صوت

اتكتفت ايديا و لجمني بطوقه السكوت

حالة شلل و حتى مش باعافر

صابني ملل خلاّني من نفسي أسافر

غربة جوة غربة

و ضربة تجر ضربة

و الجسم نحّس مبقاش يحس

و المنجل طايح فرقبينا يحش

بيجزها زي النجيلة

كل شيء جميل بيبوظ

مبقتش تفرق

هي قلة بخت والا قلة حيلة

الخيبة طالت الكل الكليلة

و بقى اللي لسه فيه نفس محظوظ

قلت ارجع و اتوه وسط الزحمة

ماهو زي ما بيقولوا

الموت مع الجماعة رحمة

[Alshiekh]

سقط سهوا

الانصاص قامت

والقوالب نامت

وابليس بقى إمام

وموسى طلع فرعون

[herohero]

فصل القول دلوقت هو السكوت

ملهاش لزوم اللهوجة

ما عادتش خلاص القصة ..حياة او موت

الحلم ضاع و الجو ماع

و الأُجري يوم بيومه صاع

و عيال امبارح بوأت فينا

و بقى لها صوت

و كل يوم بلا جريرة ناس تموت

و الشكوى بقت في البؤ زي اللبانة

و قلوب بقت زي الحُق بالغل ملانة

غني فقير الكل بقى كُحيت..

بح الفلوس

والقتل أسهل منه مفيش

زي شكة الدبوس

كل حاجة اختلطت

و الحكاية بقت بزرميط

و لمت الشجيع على اللي بيمشي جوة الحيط

و ملايين بقى حلمهم منين يجيبوا القوت

أيام سودة .. لكن اهي ماشية و بتفوت

مبرئين مبحلقين

مستنيين لمين ؟

مش عارفين!

شوية نسمع و شوية نتحدت بأي كلام

و نتبرك باللي شفناه في المنام

خير اللهم اجعله خير

انكسر قفص و طار طير

ست حجة بركة وكُبّارة

في شقة خلّعوا بلاطها

و خلوها ع المحارة

ناس وقعت في البير

و ناس دمعتها على خدها

و ناس مذهولين و حيارى

ناس غرقانة في سفسطة ولوم

و ناس بتنعق زي البوم

و ناس مستبشرين مستنيين البشارة

و هي دي الأمارة

حا ينفتح عنقريب قصر الإمارة

و شابة ماشية متغندرة

بتعدي ع القنطرة

عيونها نجمتين

و لسانها حتة سكرة

و صحيت م النوم مستبشرة

تعليقي ع الصورة القناطر الخيرية ما بقيتش كده دلوقت ، كانت زمااااااااااااااان وسبحان الله اللي عملها كان مكنش مصري بس كان مخلص

وطبعا الكلام يدعو للامل والتفاؤل كعادتك يا استاذه عبير ، بس معقولة فيه أمل

[suma]

الله الله على الجمال إييييه الروعة دي مرتين وأعيد القراءة وفي كل مرة يكون وقع الكلمات والعبارات غير ذي قبل --معظمنا يرى ما ترينه لكن الحس المرهف وتملك اللغة فقد هما الذان يخرجان لنا بتلك الروعة ؛ شكرا لك أمتعتينا في وقت ندرت المتعة فيه ودمت للمحاورات ولنا.

سومه

[عبير يونس]

سقط سهوا

الانصاص قامت

والقوالب نامت

وابليس بقى إمام

وموسى طلع فرعون

و الكل تايه و الود غايب

و بانت الوشوش العكرة

اللي ما يعرفوش صاحب

و لا بيراعوش عشرة

فلت خلاص الزمام

و كله هان و بيهون

[عبير يونس]

تعليقي ع الصورة القناطر الخيرية ما بقيتش كده دلوقت ، كانت زمااااااااااااااان وسبحان الله اللي عملها كان مكنش مصري بس كان مخلص

وطبعا الكلام يدعو للامل والتفاؤل كعادتك يا استاذه عبير ، بس معقولة فيه أمل

الأمل في الله وحده

هو وحده القادر و لا يقدر غيره

[عبير يونس]

الله الله على الجمال إييييه الروعة دي مرتين وأعيد القراءة وفي كل مرة يكون وقع الكلمات والعبارات غير ذي قبل --معظمنا يرى ما ترينه لكن الحس المرهف وتملك اللغة فقد هما الذان يخرجان لنا بتلك الروعة ؛ شكرا لك أمتعتينا في وقت ندرت المتعة فيه ودمت للمحاورات ولنا.

سومه

اعجاب حضرتك وسام على صدري

و أبهجني أن كلماتي وصلت لحضرتك و منحتكِ شيء من المتعة

اللهم أزل همنا و فرّج الكرب و عجّل الفرج

امين