يا أرجوزات العالم أتحدوا

[متعب]

http://shahid.mbc.net/ar/episode/74706/%D8%A7%D9%84%D8%A8%D8%B1%D9%86%D8%A7%D9%85%D8%AC-%D8%A7%D9%84%D9%85%D9%88%D8%B3%D9%85-3-%D8%A7%D9%84%D8%AD%D9%84%D9%82%D8%A9-6.html?utm_source=hootsuite&utm_medium=web&utm_term=moelshahawy&utm_content&utm_campaign=smu

لما الدوله تترعب من مجرد برنامج ساخر يبقوا خايفين من شبح الثورة ليطلعلهم فى المنام

لما الدوله تشوش على مجرد برنامج ساخر يبقى الشعب الخاين والعميل هينتصر

ولذالك ادعوا اراجوزات مصر ان يتعهدوا معى بنشر كل الحلقات التى يتم التشويش عليها وان كره الشرفاء

[tarek hassan]

دي بعض التعليقات الناس علي التشويش:
- لو تم التشويش من مصدر خارج إم بي سي مصر.. كان التشويش سيطول كل القنوات اللي على نفس التردد
- التشويش على البرنامج مع عدم التشويش على الإعلانات يعني أن التشويش جاء من إم بي سي نفسها
- ثروت الخرباوي: باسم يوسف يشوش على برنامجه لزيادة شهرته وإثارة الغضب ضد الدولة
- و خبراء: التشويش على برنامج «باسم» يأتى من داخل القناة

التشويش علي البرنامج هي حركه رخيصه من باسم يوسف لالصاقها بالجيش ليس الا ولا يوجد تشويش من اي جهه .

تم تعديل 15 مارس 2014 بواسطة tarek hassan

[tarek hassan]

"نايل سات": التشويش على "إم بى سى مصر" متعمد وحاولنا التغلب عليه

أ ش أ

صرح مصدر مسئول بالشركة المصرية للأقمار الصناعية (نايل سات) بأنه قد حدث تشويش متعمد على تردد (12015 رأسى) الذى تبث منه باقة (إم بى سى) على أقمار النايل سات بعد بداية بث برنامج "البرنامج" بلحظات.

وقال المصدر إنه نتج عن هذا التشويش تأثر المشاهد على هذا التردد، وقامت النايل سات بمحاولات تقنية للتغلب على هذا التشويش.

تم تعديل 15 مارس 2014 بواسطة tarek hassan

[tarek hassan]

أكد خبراء تقنيون فى مجال الاقمار الصناعية والإعلام أن التشويش الذى يحدث على برنامج البرنامج الذي يقدمه الإعلامى باسم يوسف ، هو تشويش يحدث من داخل القناة MBC مصر ، نفسها ، مشيرين إلى أنه لا أحد يستطيع التشويش على قناة بعينها ، وذلك لأن حيز التردد يحتوى على مجموعة كبيرة من الترددات، وعندما يقوم أحد بالتشويش أو ما يعرف بالـ”jamming “، فإنه يتم التشويش عليها بأكلمها وهو ما لم يحدث في هذا الحالة.

الدليل على إن التشويش من القناة نفسها إنها سابت الإعلانات من غير تشويش ...

هو فيه تشويش متعمد يشوش علي الحلقه وأثناءها وبعدها يسيب الاعلانات شغاله عادي بدون تشويش طبعا خافوا من شركات الإعلان تخرب بيتهم

التشويش كان حنين قوي

ياريت يا أستاذ متعب نهتم أكثر بالناس اللي بتموت آخرهم الخمسة في كمين شبرا الخيمة اليوم بدلا من الاهتمام بباسم يوسف وسما المصري

تم تعديل 15 مارس 2014 بواسطة tarek hassan

[متعب]

قال على رأى المثل

يقتلوا المشوش ويمشوا فى تشويشه

نصيحه اوعو تتأخروا على الكينج

[tarek hassan]

قال على رأى المثل

يقتلوا المشوش ويمشوا فى تشويشه

نصيحه اوعو تتأخروا على الكينج

باسم يوسف أتفه من إن يتم التشويش عليه ..... كانوا شوشوا على قناة الجزيرة مثلا .....أتحدى لو القناة اتهمت النايل سات أو غيره بالتشويش رسميا .... التشويش ذاتي بدليل ترك الإعلانات خوفا من شركات الإعلان تخرب بيوتهم ... وهي قناة مديونة طبيعي وتبحث عن حركة قرعة تزيد بها نسبة المشاهدة .... والعبيط اللي يصدقهم

[متعب]

بعد التشويش على البرنامج.. باسم يوسف: لا أتهم أحدا لكن أتساءل عن عجز الدولة عن حماية قمرها الصناعي

http://almogaz.com/news/politics/2014/03/15/1379052

[hanzmolar]

بغض النظر عن الاتفاق او الاختلاف مع اللي بيقدمه البرنامج ... بس اللي بيحصل دا هو محاكاه مصغرة لحال مصر ... جهل وتصرفات غير منطقية وتبريرات خزعبليه .... مش عارف أحزن علي مستوي ذكاء اللي بيشوش علي برنامج المفروض انه كوميدي علشان خائف منه والا أحزن علي الناس اللي بتقول ان القناة هي اللي بتشوش علي نفسها .... وعلي فكرة الهايفه دي مش جديدة والنظريات العبقرية دي طول عمرها موجودة في المنطقة .. من اربع سنين كان بيحصل تشويش علي مباريات كاس العالم اللي كانت بتتذاع علي الجزيرة ... كان التشويش وقت المباريات بس ومكانش بياثر علي القنوات التانية ... وعلطول طلع العباقرة يقولوا ان النايل سات هو اللي بيشوش علي نفسه .... بالظبط كدا زي ان mbc هي اللي بتشوش علي نفسها وان الجيش هو اللي بيموت عساكره والشرطة هي اللي بتفجر مبانيها ... المهم في الاخر اكتشفوا ان التشويش كان من الأردن ....

في اعتقادي اللي بيشوش علي البرنامج عامل زي واحد عايز يعمل واجب مع صاحب الفرح فضرب نار موت العريس .....

الأغبياء اللي بيحبوا يعملوا واجب دول موجودين في كل حتة زي الفيديو اللي تحت دا ....

http://m.youtube.com/watch?v=K-vdLN47dhQ

[tarek hassan]

... مش عارف أحزن علي مستوي ذكاء اللي بيشوش علي برنامج المفروض انه كوميدي علشان خائف منه والا أحزن علي الناس اللي بتقول ان القناة هي اللي بتشوش علي نفسها ....

طالما اتكلمت على الذكاء تقدر تفسر لنا بمستوى ذكائك .... ليه الإعلانات لم يتم التشويش عليها أثناء البرنامج ؟

ليه القناة بالذات من ضمن الباقة اللي هي فيها تم التشويش عليها ؟ وهل ذلك جائز ؟

وتوضح لنا أكتر من اللي خايف بالضبط ؟

يعني السيسي اللي مخافش من التحالف الأمريكي الإسرائيلي القطري التركي الإخواني ..... هيكون خايف من باسم يوسف

منتظر إجابتك الذكية

تم تعديل 15 مارس 2014 بواسطة tarek hassan

[tarek hassan]

أنتم اللي بتشوشوا علينا علشان تحصل الانفجارات دي على الصبح

فعلا أرجوزات العالم اتحدوا يا متعب

ارتفاع ضحايا كمين شبرا لـ 6 أشخاص

فين الكلاب ولاد الكلاب اللي بيقولوا إن مشكلتهم مع القيادات مش مع العساكر

تم تعديل 15 مارس 2014 بواسطة tarek hassan

[herohero]

موضوع التشويش عليه علامة استفهام التشويش تم ع عربسات ونايل سات والاعجب ان بعد انتهاء الحلقة كان فيه تردد ثاني شوفت عليه الحلقة بالكامل يعني اذا افترضنا ان التشويش من جهة ما فمعناها ان هذه الجهة قاعدة فاضية لانه بتشوش ع القناة ع النايل سات والعربسات ولكن مع التردد الجديد اللي قالته ام بي سي مصر شوفت البرنامج عادي جدا تمت اذاعه الحلقة بالكامل بعد الانتهاء من موعدها الاصلي

ف نظري ارى انها فرقعة ومحالة لاثارة الشكوك فقط وفعلا حركة بلدي من اللي قاصد يزود نسبة المشاهدة او اللي ممكن يكون بيفكر ف هدف ثاني

السيسي اللي مخافش من التحالف الأمريكي الإسرائيلي القطري التركي الإخواني ..... هيكون خايف من باسم يوسف

الجملة ده مقدتش ابلعها بصراحه يا استاذ طارق ، هو بجد حضرتك مقتنع ان المشير السيسي واقف ضد ارادة امريكا ؟؟سيبك من بقية الدول اللي ذكرتها لان ده دمى حالها كحال بقية الدول بتحركها امريكا

يعني حضرتك المشير السيسي مع الامارات والسعودية واقفين ضد رغبة أمريكا ؟؟؟ مازلت مقتنع جدااااااااا ان ما يحدث ه وفق الرغبة الامريكية ومازلت مقتنع ان الهدف المطلوب نجح الامريكان فيه وهو ان فكرة الاسلام السياسي فاشلة وبالتالي انتهت للابد فكرة ان يكن هناك سياسيين ذو مرجعية اسلامية

وامريكا سعيدة جدا باللي حصل لانها اتاحت من وشهم وكلامهم رغم ان الاسلاميين حالوا بكافة السبل اثبات الولاء لامريكا بس هنعمل ايه القلب ومايريد امريكا شايفة ان الحكم العسكري انسب لمصر

[tarek hassan]

السيسي اللي مخافش من التحالف الأمريكي الإسرائيلي القطري التركي الإخواني ..... هيكون خايف من باسم يوسف

الجملة ده مقدتش ابلعها بصراحه يا استاذ طارق ، هو بجد حضرتك مقتنع ان المشير السيسي واقف ضد ارادة امريكا ؟؟

يا نهار أزرق .... بجد مش عارف ولا بتهزر .... أكيد بتهزر ....بس كويس إنك مصدق على قطر وتركيا والإخوان .... ومش مصدق على أمريكا ... بسيطة ..... على كده لما يكون السيسي مع أمريكا وهما ضده .... تبقى قطر وتركيا والإخوان ضد أمريكا وإسرائيل ..... والسيسي وروسيا مع أمريكا

صلاة النبي أحسن على رأي توفيق الدقن

تم تعديل 15 مارس 2014 بواسطة tarek hassan

[herohero]

يا نهار أزرق .... بجد مش عارف ولا بتهزر .... أكيد بتهزر ....بس كويس إنك مصدق على قطر وتركيا والإخوان .... ومش مصدق على أمريكا ... بسيطة ..... على كده لما يكون السيسي مع أمريكا وهما ضده .... تبقى قطر وتركيا والإخوان ضد أمريكا وإسرائيل ..... والسيسي وروسيا مع أمريكا

صلاة النبي أحسن على رأي توفيق الدقن

اصدق باامرة ايه ان المشير السيسي او غيره من قادة الجيوش العربية ضد أمريكا ،عاوز امارة واحده بلاش ضد هنقول مختلف ف اسلوبها !!!! هنضحك ع بعض عاوز امارة تدل ع تعارض بين مصالح امريكا واللي بيحصل

والكارثة الامارات !!!! ياراجل ده الامارات والسعودية دول اصلا اقول ايه بس ايد امريكا ورجلها ف المنطقة انت هتضحك ع نفسك اي قرار بتاخده امريكا بتكون السعودية متعهدة بتوفير الغطاء الاقتصادي له والكلام ده معروف وشوف من اللي كان عارف بعدوان امريكا ع العراق ومن اللي تعهد بتوفير الامدادات النفطية ومن اصلا اللي داعم اقتصاد امريكا

والامارات ؟؟؟؟؟؟؟؟؟ يالهوووووووووووووووووووي ده دبي ملعب مفتوح للموساد

بص كل الدول العربية جزمة امريكا ع دماغ قادتها ده الخلاصة

تركيا ده دولة فاهمة بتعمل ايه لها مصالحها وبتلعب مع امريكا لخدمة مصالحها بس هي ليفل اعلى ف العمالة انما احنا لسه بنحبو ويمكن قطر متقدمة شوية عننا ف العمالة

[hanzmolar]

طالما اتكلمت على الذكاء تقدر تفسر لنا بمستوى ذكائك .... ليه الإعلانات لم يتم التشويش عليها أثناء البرنامج ؟

ليه القناة بالذات من ضمن الباقة اللي هي فيها تم التشويش عليها ؟ وهل ذلك جائز ؟

وتوضح لنا أكتر من اللي خايف بالضبط ؟

يعني السيسي اللي مخافش من التحالف الأمريكي الإسرائيلي القطري التركي الإخواني ..... هيكون خايف من باسم يوسف

منتظر إجابتك الذكية

واضح ان مش عاجبك كلامي ودا طبعا حقك و مقدرش ألومك علية .... لكن انك تطلب مني افتي في موضوع تقني علشان اثبتلك مدي ذكائي فدي حاجة صعب علي أمثالي فهمها... انا مش متخصص ومش بحب أني افتي علشان اثبت وجهة نظري ....

مع احترامي لحضرتك ... واحد بيعمل برنامج نسبة مشاهدته عالية وناس كتير بتتكلم عليه سواء بالسلب او الإيجاب والإعلانات بتزيد ... يشوش علي البرنامج ليه؟ ايه السبب؟

الحاجة الأهم هي شبكة قنوات بحجم ال mbc ممكن تعمل تصرف خايب زي دا؟ الشركات الكبيرة اللي زي دي ملهاش في الكلام الفارغ دا...

ونرجع لسؤالك ... انت بتقول انه مينفعش تشوش علي قناة واحدة ولازم التشويش يكون علي كل الباقة... طيب ازاي مينفعش وmbc حسب كلامك عملتها بفرض انهم هم اللي شوشو علي القناة بتعاتهم؟ والتشويش كان علي البث اللي طالع من النايل سات

سؤالك التاني ان السيسي ازاي يكون خايف من برنامج؟

لو قريت كلامي ... انا مقتنع انه حد بيحاول يجامل وان الكلام ملوش دعوه بالسيسي... زي ما عمل محمد الأمين ووقف البرنامج تطوعا....

[tarek hassan]

الحاجة الأهم هي شبكة قنوات بحجم ال mbc ممكن تعمل تصرف خايب زي دا؟ الشركات الكبيرة اللي زي دي ملهاش في الكلام الفارغ دا...

منطق غريب جدا يا أستاذ ...... يعني مش مصدق إن قناة بحجم إم بي سي ممكن تعمل كده .... ومصدق إن دولة بحجم مصر تعمل كده .... ولا هي قناة إم بي سي بقت أكبر حجما من مصر ....

مصر تعمل تصرف خايب .... قناة إم بي سي مستحيل تعمل كده ..... لا حول ولا قوة إلا بالله .....

يا سيدي القناة لم تخسر شيئا الإعلانات أتعرضت بدون تشويش انتقائيا

والبرنامج اتعرض بدون تشويش بعد انتهائه مباشرة ويعاد مرات طوال الإسبوع

ولو الدولة تريد وقف البرنامج ستوقفه بالاتفاق مع مالك القناة السعودي ولن تلجأ فقط للتشويش

شيئ مضحك مبك

[أبو محمد]

عندما تقوم شريحة شباب مصر ولا تقعد لمدة يومين وآدى التالت

من أجل "رقاصة" و "مهرج"

أتفاءل إلى درجة الحزن على المستقبل

[hanzmolar]

منطق غريب جدا يا أستاذ ...... يعني مش مصدق إن قناة بحجم إم بي سي ممكن تعمل كده .... ومصدق إن دولة بحجم مصر تعمل كده .... ولا هي قناة إم بي سي بقت أكبر حجما من مصر ....

مصر تعمل تصرف خايب .... قناة إم بي سي مستحيل تعمل كده ..... لا حول ولا قوة إلا بالله .....

يا سيدي القناة لم تخسر شيئا الإعلانات أتعرضت بدون تشويش انتقائيا

والبرنامج اتعرض بدون تشويش بعد انتهائه مباشرة ويعاد مرات طوال الإسبوع

ولو الدولة تريد وقف البرنامج ستوقفه بالاتفاق مع مالك القناة السعودي ولن تلجأ فقط للتشويش

شيئ مضحك مبك

أستاذ طارق ... بعد كل رد ليك علي كلامي برجع لمدخلتي علشان أتأكد من اللي أنا كاتبه ...

يا أستاذ أنا مقلتش اذا اللي عمل كدا الدولة أو حد تاني لاني بصراحة معرفش ... لكن ان تكون القناة هي اللي بتشوش علي نفسها وسايبه الاعلانات علي اساس ان المعلنين في العقود اللي بينهم وبين القناة متفقين انهم يعلنوا بين فواصل التشويش فدا بجد اللى مضحك ومبكي .....

سمعت عن تسريبات البرادعي واسماء محفوظ وغيرها من المكالمات الخايبه اللي اتسجلت واتذاعت .... يا تري ايه رايك؟ يا تري مين اللي سجل ووصل المكالمات للتلفزيون؟ وهو دا مش تصرف خايب برده؟؟؟

[أبو محمد]

خبر ذو علاقة

"سوسو" تتفق مع عشيقها لخطفها وطلب فدية من زوجها

[hanzmolar]

خبر ذو علاقة

"سوسو" تتفق مع عشيقها لخطفها وطلب فدية من زوجها

مع اني شايف أن سوسو اللي بنتكلم عليها مظلومة ومش هيا اللي خطفت نفسها بس :hi: علي التشبيه..

تم تعديل 15 مارس 2014 بواسطة hanzmolar

[tarek hassan]

خبر ذو علاقة

"سوسو" تتفق مع عشيقها لخطفها وطلب فدية من زوجها

فعلا هو دا اللي حصل بالظبط

تم تعديل 15 مارس 2014 بواسطة tarek hassan