يا أرجوزات العالم أتحدوا

[أبو محمد]

مع اني شايف أن سوسو اللي بنتكلم عليها مظلومة ومش هيا اللي خطفت نفسها بس :hi: علي التشبيه..

حضرتك حر

:)

ماهو مش كل "سوسو" يتقال لها "سوسو"

[أبو محمد]

زمان مجلة الكواكب كانت بتعمل الحركات دى

تطلع إشاعة طلاق الفنان فلان من الفنانة علانة

وإشاعة منع الرقابة لفيلم الفنانة فلانة

لما فيه من مشاهد غرامية ساخنة

وتقوم الدنيا وما تقعدش (زى اللى بيحصل اليومين دول)

وكان أشهر واحد بيعمل التحقيقات الفنية مع الفنانات دول

المحرر الفنى للمجلة (محمود سعد)

:)

إشرب العصير بقى

[أبو محمد]

الاخوه الافاضل المصريين الطيبين من يبتلعون طعم باسم يوسف و التشويش

هذا التشويش له غرض تجارى وهو ان منتج البرنامج قد تعاقد مع قناه دويتش فيلا الالمانيه الناطقه بالعربيه ببث حلقات باسم على قناه الدويتش فيلا وذلك مقابل مبلغ كبير تقاضاه المنتج

وحتى يتم الترويج للقناه الالمانيه الناطقه بالعربيه وعندما يتم التشويش على باسم يوسف داخل مصر يتوجه المصريون لمشاهده برنامج البرنامج على الدويتش فيلا وموقعها الالكترونى فتزيد نسبه المشاهده

ويربح الجميع ويظل الشعب المصرى المسكين يعلق على التشويش على انه لعبه من الجيش وينقسم على نفسه ويستيقظ النشطاء ويصرخون اين حريه الاعلام ثم ياتى دور الاخوان فيقولون ايام مرسى لم يكن هناك تشويش على البرنامج !!!!

اسقطوا مره اخرى فى الفخ لكن هذه هى الحقيقه المجرده

والسؤال الهام من هو منتج برنامج البرنامج ؟؟؟؟

"ايمان البكرى"

وللإجابة على سؤال "إيمان البكرى" فإن المنتج هو طارق عدلى مصطفى القزاز

i*:

ياترى يقدر أصدقاءنا - اللى مش أخوان بس بيحترموهم - يقولولنا من هو عدلى مصطفى القزاز ؟

[herohero]

عندما تقوم شريحة شباب مصر ولا تقعد لمدة يومين وآدى التالت

من أجل "رقاصة" و "مهرج"

أتفاءل إلى درجة الحزن على المستقبل

ههههههههههههه ولما ناس كبيرة والمفروض اعلاميين قاموا وناموا ع موضوع الارهابية الخطيرة فاهيتا !!!!!يبقى ايه عادي ؟؟؟

[herohero]

وللإجابة على سؤال "إيمان البكرى" فإن المنتج هو طارق عدلى مصطفى القزاز

i*:

ياترى يقدر أصدقاءنا - اللى مش أخوان بس بيحترموهم - يقولولنا من هو عدلى مصطفى القزاز ؟

:buba: :buba: :buba: :buba: مادام قزاز يبقى اخوان تمام جدا وهو نفسه المنتج اكيد وقت مرسي وطبعا بسومة كان ماسك مورسيكو غسيل ومكواة ؟؟؟؟ وهو نفسه اللي خلا محمد الامين يشيل البرنامج

والتشويش تم من ام بي سي نفسها مع انها اذاعت الحلقة بعد انتهائها ع تردد جديد هي اللي قالته برده يعني الموضوع فرق دقائق وشوفنا الحلقة عادي

انا مقتنع ان مش النظام ولا اي حد يقرب للحكومة اللي عمل فكرة التشويش بعيدا عن ان التشويش من قناة ام بي سي اللي هي مش معاها لا اعلانات ولا غيره لان كلنا عارفين مالك ام بي سي وعارفين انها مفتوحه من باب السيطرة الاعلامية حالها كحال الكثير من وسائل الاعلام اللي بيحركها الريال السعودي

فكرة التشويش لا تعدو تكون مجاملة خيبانة زي بالبظط فكرة ان صلاه الجمعة اللي بيصلي فيها وزير الدفاع "المشير السيسي " تنقل ع التليفزيون ولا اعلم ليه التليفزيون الرسمي ينقل صلاه الجمعة اللي بيصليها وزير الدفاع ما احنا عارفين انه بيصلي الجمعة لكن ده كله من باب المجاملات اللي انا متاكد ان المشير السيسي نفسه مش بيحبها

عموما انا سعيد بموضوع المخاباراتي ده وشغل شارلوك هولمز :buba:

[أبو محمد]

عاصفة على الانترنت بسبب "رقاصة" و "مهرج" !

اتهام للقوات المسلحة بالتشويش علي رائد التنوير و فاضح الاعلام الفاسد و هادم الأنظمة !

لن تـُهدم مصر من عميان يريدون قيادة سفينة الوطن .. او زعيم المهرجين المصريين

المواطن المصري لا يهتم بمن لا أهمية له

شوارع مصر كانت اشبه بشوارع ساعة الإفطار في رمضان اثناء تقديم باسم حلقات المهرج مرسي !

لا يوجد من يملأ فراغ مرسي يا باسم !

إلا - يمكن يعنى - البوب اللى بيشتم "الحمير" ويقول عليهم "زبالة"

مش فاهم ازاى "برادعى" ويشتم الزباين اللى بيعمل لهم "البرادع" ؟

ده حتى يبقى "بَطـَر" على أكل العيش

جود لاك يا باااااسيييييم

[متعب]

انا بس عندى سؤال .

بصرف النظر عن أن باسم عامل هيستريا للشرفاء والوطنيين

لما دوله بحجم مصر يحصل فيها حادث زى بتاع امبارح وتقتل ناس لاذنب لها . وتترك ده ويبقى شغلها الشاغل هو باسم يوسف وبرنامجه

ده تصنيفه ايه عندكوا ؟؟ !!!

فى اى دوله من دول العالم المحترمه لو حادث زى ده بيحصل فيها بيقال على الفور كل رؤساء الانظمه الامنيه وبيتم اتهامهم بالتقصير فى حمايه المواطنين والتقصير فى حمايه اولادها من نفس الاجهزة

ومع ذالك الحوادث دى بتم كل يوم . وبرده بيكون الحديث عن الخونه والعملاء يا أما بيتم اتهام المعارضه او انصار الاراجوز

ويقولوا انتوا فين من حادث امبارح بكل بجاحه . وعلى اساس ان انصار الاراجوز مسئولين عن الدوله وعن امن المواطنين

انما القائمين على امن البلاد لهم بس فى الاتهامات للشعب والفصايل ولم الغله

ده يبقى اسمه ايه

سكسونيااااااااااااااااااااااا

تم تعديل 15 مارس 2014 بواسطة متعب

[عبير يونس]

منطق غريب جدا يا أستاذ ...... يعني مش مصدق إن قناة بحجم إم بي سي ممكن تعمل كده .... ومصدق إن دولة بحجم مصر تعمل كده .... ولا هي قناة إم بي سي بقت أكبر حجما من مصر ....

مصر تعمل تصرف خايب .... قناة إم بي سي مستحيل تعمل كده ..... لا حول ولا قوة إلا بالله .....

يا سيدي القناة لم تخسر شيئا الإعلانات أتعرضت بدون تشويش انتقائيا

والبرنامج اتعرض بدون تشويش بعد انتهائه مباشرة ويعاد مرات طوال الإسبوع

ولو الدولة تريد وقف البرنامج ستوقفه بالاتفاق مع مالك القناة السعودي ولن تلجأ فقط للتشويش

شيئ مضحك مبك

برمجات لتقزيم كل القيم

بدء من الأباء و الأمهات و المعلمون وصولا لكل قائد ثم لقيمة الوطن

كل هؤلاء لا شيء

في عالم اتجه حتى لتقزيم خالق الأكوان

فوضى ... منظمة

نتاج سنوات من الجهد

بدأت تؤتي ثمارها ... وبجدارة

[أبو محمد]

عزيزى المواطن الشريف

دعك من الانترنت والفيس بوك والتويتر

إشتريلك حاجة من بياع سريح ودردش معاه

اشتريلك حزمة فجل من بتاعة الفجل اللى قاعدة فى أول السوق

ودردش معاها واسألها واسمع منها

وشوف ثقافة وفهم الـ 40% الأميين

سيبك من اللى قاعد عالكيبورد بيدور على "المسخرة" عشان يضحك ويتبسط

زى اللى بيضحك لما تتهان أمه فى الشارع أو حد يتحرش بيها

سيبك يا مواطن .. إيش تاخد الريح من البلاط ؟

ما انت جربت وشوفت لمدة 3 سنين

[Alshiekh]

انا بس عندى سؤال .

بصرف النظر عن أن باسم عامل هيستريا للشرفاء والوطنيين

لما دوله بحجم مصر يحصل فيها حادث زى بتاع امبارح وتقتل ناس لاذنب لها . وتترك ده ويبقى شغلها الشاغل هو باسم يوسف وبرنامجه

ده تصنيفه ايه عندكوا ؟؟ !!!

فى اى دوله من دول العالم المحترمه لو حادث زى ده بيحصل فيها بيقال على الفور كل رؤساء الانظمه الامنيه وبيتم اتهامهم بالتقصير فى حمايه المواطنين والتقصير فى حمايه اولادها من نفس الاجهزة

ومع ذالك الحوادث دى بتم كل يوم . وبرده بيكون الحديث عن الخونه والعملاء يا أما بيتم اتهام المعارضه او انصار الاراجوز

ويقولوا انتوا فين من حادث امبارح بكل بجاحه . وعلى اساس ان انصار الاراجوز مسئولين عن الدوله وعن امن المواطنين

انما القائمين على امن البلاد لهم بس فى الاتهامات للشعب والفصايل ولم الغله

ده يبقى اسمه ايه

سكسونيااااااااااااااااااااااا

دول عالم ايه المحترمة اللي بتتكلم عليها؟

مش تذكر لنا اسماء تلك الدول حتى نتعلم منها؟

اللي بيحصل ده إرهاب،

حدث مثله في أكثر من دولة من دول اوروبا، وفي امريكا وفي الهند واندونيسيا وباكستان والعراق ولبنان وسوريا وروسيا

مفيش حد استقال، ولكن كان هناك تشدد في الاجراءات راح فيها ضحايا ابرياء ولم تنصب المشانق للمسئولين لان الارهاب مثل الموت يأتي بغتة.

وبدلا من القاء اللوم على الحكومة ، سمعنا شجبك للارهابيين واللي بيمولوهم واللي بيشغلوهم،

والا الشغل في السكوسنيا مخصص للهجوم على الحكومة فقط؟

أمراء الارهاب مشوفتكش جيبت عليهم أي نقد أو أي لوم، وكأنك لم تسمع عنهم.

[متعب]

دول عالم ايه المحترمة اللي بتتكلم عليها؟

مش تذكر لنا اسماء تلك الدول حتى نتعلم منها؟

اللي بيحصل ده إرهاب،

حدث مثله في أكثر من دولة من دول اوروبا، وفي امريكا وفي الهند واندونيسيا وباكستان والعراق ولبنان وسوريا وروسيا

مفيش حد استقال، ولكن كان هناك تشدد في الاجراءات راح فيها ضحايا ابرياء ولم تنصب المشانق للمسئولين لان الارهاب مثل الموت يأتي بغتة.

وبدلا من القاء اللوم على الحكومة ، سمعنا شجبك للارهابيين واللي بيمولوهم واللي بيشغلوهم،

والا الشغل في السكوسنيا مخصص للهجوم على الحكومة فقط؟

أمراء الارهاب مشوفتكش جيبت عليهم أي نقد أو أي لوم، وكأنك لم تسمع عنهم.

رئيس الوزراء اليابانى يقدم استقالته واربعه وزراء اخريين لعدم وفائهم بنقل قاعده امريكه وليس لقتل البشر يوميا على ارضهم

استقاله رئيس الحكومه الايطاليه بسبب ازمه اقتصاديه حلت بالبلاد . وليس لقتل العباد

بيل كلينتون استقال من هيئه المحكمه العليا الامريكيه لمجرد علاقه شخصيه انهت تماما على تاريخه الحقوقى كمحامى بها . وليس لمجرد انتشار الارهاب ودعمه على ارضه

الرئيس الفرنسى يقدم استقالته عندما صوت له الشعب بلا . احتراما لشعبه وليس ارهابه

والامثله كثيرة لاتحصى ولاتعد

والمطلوب من الشعب الان ان يدين ويشجب الارهاب ليفاجئنا احد كوادر الحكومه بطلب بالتصالح مع الارهاب ويروحوا فى ستين داهيه ال ماتوا

او يفاجئنا القضاء النزيه بخروج الارهابيين مشموليين بالبراءة بعد شجبنا واستنكارنا لجرايمهم

ويبقى المتهم الرئيسى الشعب امام الارهاب . وبرنامج الاراجوز

منذ ثلاث سنوات مرت على مصر والقتل هو سيد الادله والى الان لم يقدم قاتل واحد الى العداله او محاكمته محاكمه عادله

ويبقى الشعب هو العميل والمجرم امام حكومته ويستحق القتل

بل ويتم تكريم القتله بالنياشين والقلادات والشعب المجرم القاتل

ولم نسمعك تدين !!!!!!!!!!!!!!

فهل الادانه هنا وحدها ستقيم القصاص العادل ام من يقوم على حكم البلاد هو المسئول الاول على كل هذه الجرايم

كل يوم ناس بتقتل . ومن القاتل ؟ .الارهابيين .

يعنى ارواح بتزهق دون وجود للجانى او للقاتل وتقيد فى النهايه ضد مجهول وباسم يوسف اراجوز

كل يوم ناس بتنهب فى البلد دون اى مسائله من ايام الثورة الى الان والحريه لاحمد عز وباسم يوسف اراجوز

يعنى احنا هناكل باسم ويوسف ونتعشى جبنه وزيتون

تم تعديل 15 مارس 2014 بواسطة متعب

[أبو محمد]

سمعنا شجبك للارهابيين واللي بيمولوهم واللي بيشغلوهم،

والا الشغل في السكوسنيا مخصص للهجوم على الحكومة فقط؟

أمراء الارهاب مشوفتكش جيبت عليهم أي نقد أو أي لوم، وكأنك لم تسمع عنهم.

إنسى يا أستاذ محمد .. إنسى

إنت فاكر نفسك لسه أيام ما بعد الهزيمة ؟

طب انت أكيد لما كان جيشك مهزوم ومفضوح فضيحة البلجيك

عاصرت شوية التريقة اللى حصلوا على الجيش فى الأول

بس ده ما استمرش كتير .. الناس بدأ الدم الحر اللى فى عروقهم يغلى عشان نرجع الكرامة

اللى اتبهدلت على إيد الصهاينة

أكيد كنت بتطلع مع زمايلك فى الجامعة رحلات للجبهة لرفع الروح المعنوية للجيش

ده الكلام ده واحنا طلبة وكنا برضه غ1ضبانين ومندفعين

إنت مش فاكر مظاهرات الطلبة فى السبعينات للضغط على أنور السادات انه يحارب ؟

كنا وقتها فى الجيش .. دخلناه وكنا مش عارفين حنطلع إمتى

مصر كلها كانت جيش بما فى ذلك غير المجندين

فاكر عربيات النقل بتاعة الشركات الخاصة اللى كان مكتوب على بيبانها "مجهود حربى" ؟

يا أخى لما كان الجيش بيحارب كان الكل واقف وراه

دلوقت الجيش بيحارب والناس بتفرح فى اللى بيسقط منه

إصحى .. فووووق يا أستاذ محمد الزمن غير الزمن

والناس غير الناس .. دانت حتلاحظ دلوقت ان ستات كتير بقوا أرجل من رجالة كتير

بس برضه الرجالة اللى بصحيح يكفوا

[tarek hassan]

نفسي أعرف ما يرتكز عليه الأستاذ : متعب .... فهو ضد كل شيء تقريبا .... ناقد دائما ... ناقم مستهجن دائما ....

ونفسي في مرة أشوف حاجة عجبتك وجعلتك تتفاءل أو موضوع عما تستحسنه أو حتى تحلم به ....

فالتفاؤل التفاؤل بدلا من الإحباط واليأس لأنهما يدمران المحتمع

عسى الله أن يغير حالنا بين عشية ووضحاها للأفضل

تم تعديل 16 مارس 2014 بواسطة tarek hassan

[herohero]

إنسى يا أستاذ محمد .. إنسى

إنت فاكر نفسك لسه أيام ما بعد الهزيمة ؟

طب انت أكيد لما كان جيشك مهزوم ومفضوح فضيحة البلجيك

عاصرت شوية التريقة اللى حصلوا على الجيش فى الأول

بس ده ما استمرش كتير .. الناس بدأ الدم الحر اللى فى عروقهم يغلى عشان نرجع الكرامة

اللى اتبهدلت على إيد الصهاينة

أكيد كنت بتطلع مع زمايلك فى الجامعة رحلات للجبهة لرفع الروح المعنوية للجيش

ده الكلام ده واحنا طلبة وكنا برضه غ1ضبانين ومندفعين

إنت مش فاكر مظاهرات الطلبة فى السبعينات للضغط على أنور السادات انه يحارب ؟

كنا وقتها فى الجيش .. دخلناه وكنا مش عارفين حنطلع إمتى

مصر كلها كانت جيش بما فى ذلك غير المجندين

فاكر عربيات النقل بتاعة الشركات الخاصة اللى كان مكتوب على بيبانها "مجهود حربى" ؟

يا أخى لما كان الجيش بيحارب كان الكل واقف وراه

دلوقت الجيش بيحارب والناس بتفرح فى اللى بيسقط منه

إصحى .. فووووق يا أستاذ محمد الزمن غير الزمن

والناس غير الناس .. دانت حتلاحظ دلوقت ان ستات كتير بقوا أرجل من رجالة كتير

بس برضه الرجالة اللى بصحيح يكفوا

الايام اللي بتقول عليها يا استاذي الفاضل كان المواطن حاسس ان لسه البلد بتاعته يا استاذي ماينفعش تقعد سنين تشوف ان البلد مش بلدك وانها بتحترم الاجنبي وتديله حقه وانت مهمش المواطن المصري حاسس انها مش بلده

وخاصة جل الشباب شايف غياب الرمز والقدوة الوقت اللي بتتكلم عليه كان لسه فاضل حبة حلوين كانوا هم صمام الامان وكان لسه الناس حاسة انها بلدها

انما دلوقت البلد مالهاش صاحب ومش من دلوقت ده من كثييييييييييييير جاي بعد ما زرعت عدم الانتماء للبلد تطالب ان الناس في يوم وليلة يرجع لها الولاء

الشباب اللي ع طول حضرتك بتهاجمهم مش حاسين ان ده بلدهم بأمارة ايه ؟؟؟بامارة لما بيتفوق وما يتعينش معيد ويتعين ابن فلان ولا علان ؟؟ بامارة الشغل اللي غالبيته بالواسطة ؟؟بامارة ايه قولي ؟؟

يابلد معاندة نفسها ياكل حاجه وعكسها

[متعب]

نفسي أعرف ما يرتكز عليه الأستاذ : متعب .... فهو ضد كل شيء تقريبا .... ناقد دائما ... ناقم مستهجن دائما ....

ونفسي في مرة أشوف حاجة عجبتك وجعلتك تتفاءل أو موضوع عما تستحسنه أو حتى تحلم به ....

فالتفاؤل التفاؤل بدلا من الإحباط واليأس لأنهما يدمران المحتمع

عسى الله أن يغير حالنا بين عشية ووضحاها للأفضل

بتهزر طبعا ياستاذ طارق

بس اكيد شوفتنى وانا مناصر للمأمرة . . اقصد الثورة

ال ادعى حمايتها هو الاخر طنطاوى والاربعين حرامى وبعد ما تم القضاء عليها اصبحت ليست بثورة بل مؤامرة !!

التدليس والتلبيس والخداع اصبح دين ومله للاربعين حرامى . فقلبوا الحقائق بكل بجاحه

الحريه والكرامه والعداله الاجتماعيه اصبحت فى عرف اللصوص مأمرة

دوله القانون اصبحت مأمرة .

الدوله المدنيه فى عرف اللصوص اصبحت مأمرة

بس نهب اموال الدوله وتحويلها خارج مصر دون اى مسائله قانونيه هو بطوله خارقه

واصبح النهب والسرقه هو اسمى ايات قوانينهم . بدل من اعلاء دوله القانون ليكون الكل امامها سواء

والمفارقه ياسيد طارق انك كنت ترانى دائما مهاجما بكل ما أوتيت من قوة للاخوان وانصارهم وكنت من من يناصر هذا الهجوم !!!

فبعيدا عن المفارقات . دعنى اسئلك يامن تناصر المؤسسه العسكريه لحكم البلاد والعباد ومن المستميتين للدفاع عنها

ماذا قدمت هذه المؤسسه عبر حكمها للبلاد اكثر من ستون عاما غير انتشار الفقر والمرض والجهل واعلاء شريحه الديون خفاقه فى سماء الدوله لتصل الى تريليون جنيه ؟

فمن المتأمر الان ؟

[أبو محمد]

ذنبهم فى رقبة مبارك ونظامه

خلاص بقوا بيحفظوا ويسمـَّعوا

وبس

[متعب]

عاجل

السيسى يعيد محاكمه كل رموز مبارك وعلى رأسهم مبارك نفسه وتقديمهم للمحاكمه

استرداد اموال مصر المنهوبه بكاملها

استرداد كل اراضى الدوله التى اتخذت فى مبارك بلوى الدراع

مراجعه كامب ديفيد والغاء البنود المقيده التى تعطى للاسرائيل الحق فى المرور الحر فى قناه السويس المصريه الاصل

والغاء الماده الثالثه منها التى تنص على محاكمه اى مصرى مقيم فى اى مكان فى العالم . يحرض او يساعد او يشترك فى اى فعل عنف او تحريض ضد اسرائيل

تعمير سيناء بكاملها التى تعتبر ثلث مصر . وعرض معاهده كامب ديفيد على الشعب بكاملها وليس فقط بنود منها

الاستاذ الفاضل ابو محمد

ماذا لو قرأت هذه المنشطات على صفحات الجرايد المصريه

هل ستعتبر السيسى بطلا ام مجرم

انتظر اجابتك وبعدين نكمل الحديث

[tarek hassan]

بتهزر طبعا ياستاذ طارق

بس اكيد شوفتنى وأنا مناصر للمأمرة . . اقصد الثورة

أيوه أنا شفتك وسألتك لما كنت عايز الثورة تحكم ... قلت لك مين مثلا يمثل الثورة علشان يحكم

أحمد دومة مثلا ... ولا سيكا

وهل جل ما يشغلك إن الأراجوز يتريق براحته

عموما أشكرك على إنك نورتني وعرفت ما ترتكز عليه في نقدك الآخر وهو إنك مع الثورة اللي كانت وانتهت

بس استفهام بسيط ...

هل تقصد بالثورة 25 ولا 30 ؟

وليه جعلت الجيش في مقابل الثورتين مع انجيازه الكامل للشعب فيهما ؟

يعني بسبب إنك مع الثورة .... تكون ضد النظام السابق والأسبق والجيش والشرطة والقضاء والإعلام والمجتمع والناس وهلم جرا ..

ملعون أبو الثورة دي يا أخي اللي كرهتنا في كل أمة لا إله إلا الله

ولسه مش عارفين لها معنى محدد ولا صاحب معين

تم تعديل 16 مارس 2014 بواسطة tarek hassan

[متعب]

أيوه أنا شفتك وسألتك لما كنت عايز الثورة تحكم ... قلت لك مين مثلا يمثل الثورة علشان يحكم

أحمد دومة مثلا ... ولا سيكا

وهل جل ما يشغلك إن الأراجوز يتريق براحته

عموما أشكرك على إنك نورتني وعرفت ما ترتكز عليه في نقدك الآخر وهو إنك مع الثورة اللي كانت وانتهت

بس استفهام بسيط ...

هل تقصد بالثورة 25 ولا 30 ؟

وليه جعلت الجيش في مقابل الثورتين مع انجيازه الكامل للشعب فيهما ؟

يعني بسبب إنك مع الثورة .... تكون ضد النظام السابق والأسبق والجيش والشرطة والقضاء والإعلام والمجتمع والناس وهلم جرا ..

ملعون أبو الثورة دي يا أخي اللي كرهتنا في كل أمة لا إله إلا الله

ولسه مش عارفين لها معنى محدد ولا صاحب معين

فكرتنى بحادث على الطريق الصحراوى وهو انقلاب تريله والعالم اتلمت عليها وجه واحد وقال ادى ال خدناه من الثورة !!!

الثورة لم تحكم اصلا ولما تحكم ابقى اقول عليها ده

لكن مبارك نفسه يكون حاكم بنفس نظامه ويعملوا فى الشعب كل الاحداث دى وبعدين تتهم الثورة . يبقى هنا فى قصور اتمنى مراجعته

ولما الثورة تكون بالنسبه ليك ممثله فى سيكا وميكا يبقى برده اتمنى المراجعه . لان دى كانت ثورة شعب ولسه راقده فى الدرة اوعى تفكر انها انتهت . والنظام فاهم كده كويس ولذالك كلهم مرعوبين وده باين كويس جدا من رعبهم من حتى مجرد برنامج ساخر . واستمرار السيسى فى كلامه الناعم ده مش هياكل مع الناس ولسه المشوار طويل . متستعجلشى

يعنى مبارك ظل تلاتين سنه يكلمنا عن الاصلاح الاقتصادى ومفيش حد عنده استعداد لسماع الكلام الفارغ ده تانى من اى حد

واحنا عارفين كويس ان املكم الاخير فى ترشيح السيسى . ولو لم يرشح هتبقى مصيبه سوده زى مقال فريد الديب . لانه هو كمان مرعوب من الحكم الثورى

http://www.youtube.com/watch?v=3S4ZjkilqBU

واضح ان الفاضل ابو محمد انتبه للفخ ولذالك لم يرد وتجاهل المشاركه السابقه

[أبو محمد]

مراجعه كامب ديفيد والغاء البنود المقيده التى تعطى للاسرائيل الحق فى المرور الحر فى قناه السويس المصريه الاصل

والغاء الماده الثالثه منها التى تنص على محاكمه اى مصرى مقيم فى اى مكان فى العالم . يحرض او يساعد او يشترك فى اى فعل عنف او تحريض ضد اسرائيل

لا مؤاخذة .. لسه شايف اسمى دلوقت

وماكنتش واخد بالى انك بتسألنى

بس أول عينى ماتقع على المانشيت ده

حقول للسيسى روح يا شاطر العب بعيد

خد الإعدادية وبعدين تعالى اتكلم عن الرياسة