أخبار ونقاشات انتخابات الرئاسة 2014

[التونسى]

على فكرة أنا مستمتع بالتحليلات دى كلها

ومنتظر بشوق مقابلات المنافس

لكى يشرح لنا حكاية العشرة آلاف جنيه وفدان لكل شاب وفلاح بسيط

وكمان توفير 160 مليار جنيه من الموازنة اللى فيها 300 مليار جنيه عجز

ومتشوق أكتر وأكتر للتحليلات بعد مقابلات المنافس

طب وتحليلاتك فين يا مان حول كلام السيسى !!!؟ .. انا شخصيا متشوق لقرائتها .. يعنى هل مثلا عندك استعداد حد من اولادك بعد ما صرفت عليه الغالى والنفيس واتخرج من الجامعه يروح يشتغل تباع .. او سواق ربع نقل .. او بياع خضار .. او سريح على عربية كبده ((مع احترامى لتلك المهن الشريفه )) !!!!؟ أما عن ((حماده يلعب)) الكومبارس ده اللى بتقول عليه منافس .. ميلزمنيش شخصيا .. ولولا الملامه كنت احتقرته اصلا وسفهت منه هنا وهناك فى الاماكن اللى بكتب فيها .. لان ترشحه فيه اهدار للمال العام .. وكان مفروض السيسى ياخد الرئاسه بالتزكيه ونوفر الوقت والجهد والمال .. ومفيش حد فى المحاورات اصلا بيدعمه او فاتح له موضوع او حتى بيتكلم ايجابيا عنه .. اللهم الا الاخ ايمن عبد العزيز .. خلينا أحسن فى قدرنا وقسمتنا ونصيبنا ((ان لم تكن مصيبتنا )) واخر صبرنا .. الزعيم المنتظر ..وأفكاره وعبقرياته فى إدارة البلاد

https://www.youtube.com/watch?v=ucXevydSoA4

تم تعديل 7 مايو 2014 بواسطة محمود البصيلى

[التونسى]

شوف ياسيدي،

بعيد عن التريقة

شركة الكهرباء في الولاية اللي انا عايش فيها عملت موضوع مشابه بس اختياري لانها لاتملك فرضه لانها شركة خاصة والكهرباء والغاز ليس لهم دعم.

عملت ايه بقى؟

عرضت على العملاء تركيب وحدات شمسية،

ولأن الوحدات الشمسية مكلفة ولن تلقى قبولا عند المستهلكين قمت لهم العرض كالتالي:

مواطن متوسط استهلاكه الشهري 100$

الوحدة الشمسية تكلفتها 10000$

الاستهلاك تبعا للوحدة الشمسية = 10$

تقوم الشركة بتركيب الوحدة مجانا

يدفع العميل القيمة المتوسطة التي اعتاد عليها

بعد مدة محددة ولتكن 200 شهر يكون المواطن قد دفع ثمن الوحدة بالكامل + استهلاكه بالكامل خلال تلك الفترة ومن ثم يصبح استهلاكه مجاني بشرط استمراره مع الشركة لاجراءات الصيانة والتجديد.

الارقام التي ذكرتها مجرد ارقام توضيحية ولكن هذه هي الفكرة.

حقيقى يا مان انا مش معترض على موضوع اللمبات كفكره .. لانى انا فعلا بنفذها بقالى 3 سنين فى مصر .. انا هنا بتحفظ على ألية التنفيذ .. وبتحفظ على فواتير الكهربا ذات القيم الغير مبرره حاليا .. انا خايف ان التوفير في استهلاك الكهربا لا يقترن به او يوازيه انخفاض فى قيم الفواتير

[أبو محمد]

من المهم جدا - فى رأيى - أن يكون المرشح متحررا من أى فواتير انتخابية

ولكم فى محمد مرسى المثل

فقد كنت أتوقع سقوطه آجلا أو عاجلا

لأنه لن يستطيع سداد الفواتير الانتخابية المتناقضة لمن انتخبوه

(عودوا بالذاكرة إلى اتفاق فيرمونت)

وأنه لن يستطيع فكاكا من الانحياز بل والانصياع إلى أهله وعشيرته

لينقض عليه الجميع في النهاية .. وقد حدث

والموضوع الآن سهل جدا .. هما مرشحان لا غير

ومن السهل الاختيار

أيهما الحر .. وأيهما المُحمَل بالفواتير؟

دعونا مما يقولان

أيهما أقدر على إنجاز ما يقول ؟

الحر ؟ .. أم المُحمَل ؟

[أبو محمد]

طب وتحليلاتك فين يا مان حول كلام السيسى !!!؟

عجيبة يا شاعر إنك بتسألنى وانت ما بتقراش اللى باكتبه

وإلا ما كونتش حطيت صورة مقال ابراهيم عيسى

وانا كنت كاتب قبلها بيوم أو بساعات وفى موضوع لك

إن

شاهدت اليوم مرافعة لمحامى عن أحد المتهمين مع مبارك

حقائق تتكشف بالمستندات وتفنيد للاتهامات الموجهة للجميع

قررت أن أتابع تلك الجلسات لأن التاريخ الصحيح يُكتب فى محاضرها

ولو ظهرت فى كتاب سأضمه إلى مكتبتى لأتركه لأولادى وأحفادى

ففى هذه المحاكمات تستمع وتقرأ إلى الاتهام والدفاع والحكم

بعيدا عن ضوضاء مؤذية ورماد فى العيون وغمام على العقول

اللهم أرنا الحق حقا وارزقنا اتباعه

وأرنا الباطل باطلا وارزقنا اجتنابه

مع أنى - ولله الحمد - لم أغرق فى ماء الخديعة الآسن

إنما مش عيب ان اللى يكتشف انه انخدع يعترف بوقوعه فريسة للخديعة

إذا كنا نؤمن بأن الحسنات يذهبن السيئات

فما بالنا نتصرف وكأن السيئة بعشرة أمثالها

وأن من عمل الحسنة لا يجزى حتى بمثلها

[Alshiekh]

إنتي إشتغل إيا حمدين صباحي؟

https://www.youtube.com/watch?v=GCt65QBg5EI

[التونسى]

أيهما أقدر على إنجاز ما يقول ؟

الحر ؟ .. أم المُحمَل ؟

السيسى طبعا بلا جدال الاقدر على انجاز ما يقول لان الدوله بموسساتها والشعب((اغلبه)) معاه .. وانا هنا ومعايا الاخوه الكرام ببساطه وبالاحرى ببنناقش ما يقول ((المضمون والمفيد يعنى)) .. لكن فى نفس الوقت حضرتك بتقول ((فلندعنا مما يقول)) .. يعنى ننكتم ونبطل نستخدم الهبه الالهيه للانسان المتمثله فى العقل والمنطق ونسيبه يقول ويفعل ما يريد بالبلد من غير ما نوقفه او نرده او نقومه او نحاسبه !!!!!!!!!!؟ مش حينفع مع احترامى نقضيها تبريرات واختلاق اعذار للرجل من اولها .. و بالشكل ده مؤيدوه ومحبوه قبل اعدائه وكارهيه حيكونوا كالدبه اللى قتلت صاحبها .. وحيقودوه وحيقودوا مصر معاه لنكسه اخرى اشد وطأه الله لا يقدر

تم تعديل 7 مايو 2014 بواسطة محمود البصيلى

[أبو محمد]

عجيبة يا شاعر إنك بتسألنى وانت ما بتقراش اللى باكتبه

ومع ذلك .. وعشان انت حبيبى مع انك بتشاغبنى كتير

:)

مش حاحرمك من الميراث .. قصدى من التحليل

يا شاعرنا العزيز .. إحنا مش واخدين أبدا على إن حد يعترف بغلطه

كلنا ما شاء الله لا يأتينا الباطل من أى ناحية مش من قدام ومن ورا بس

وبرضه اتكلمت فى الموضوع ده زمان

إعطنى مثالا واحدا لحاكم عربى وقف بشجاعة واعترف بخطأ ما

أنا فى الحقيقة لا أستطيع استدعاء أى مثال على امتداد أربعة عشر قرنا من الزمان إلا مثال الفاروق عمر بن الخطاب رضى الله عنه عندما وقف بكل شجاعة وقال : "أصابت امرأة وأخطأ عمر"

استدعيت مثالا آخر ولكنى بعد تفكير رفضت أن يكون مثالا للاعتراف بالخطأ .. وهو مثال تنحى الرئيس الراحل جمال عبد الناصر وقبوله لتحمل مسؤولية الهزيمة

عندما استرجعت تلك الدقائق التى لا تنسى من خطاب التنحى ، أدركت أنه ليس اعترافا بالخطأ إطلاقا .. نعم ، لقد كان إقرارا بتحمل مسؤولية الهزيمة (حتى أنه لم يقترح مثوله للمحاكمة ، بل اكتفى بقرار التنحى والعودة إلى صفوف الجماهير ليمارس فيها دوره كأى مواطن عادى) .. لم يُرجع الرئيس الراحل تلك الهزيمة لأى خطأ ارتكبه .. بل أرجعها إلى مؤامرات خارجية .. وعندما أعلن قرار التنحى لم يكن ذلك لخطأ منه ، ولكن لأن الأعداء يرون فى جمال عبد الناصر العقبة الكؤود فى سبيل تنفيذ مخططاتهم ، وعليه فإنه لكى يجنب الوطن مزيدا من الهزائم فقد اتخذ ذلك القرار بالتنحى لكى يأتى من بعده من يستطيع التفاهم مع القوى التى تكالبت عليه (لم يقترح أن يكون التنحى لرئيس ينتخبه الشعب ولكن لأخيه وصديقه زكريا محيى الدين .. هكذا :closedeyes: ) ..

المضحك المبكى يا سيدتى أنك ترين من يفتخر بذلك حتى بعد بلوغه من العمر عتيا .. فتسمعين بعضهم يقول بأوداج منتفخة : "إن هذا رأيى الذى لم أتزحزح عنه قيد أنملة طوال نصف قرن من الزمان" .. يا سلام .. يحضرنى مثال طريف لأحد الزملاء من جنسية عربية إشتكى لرئيسه (ليس عربيا) تخطيه فى الحصول على ترقية كان يرى نفسه جديرا بها لأنه صاحب 27 سنة خبرة .. فأجاب رئيسه بكل هدوء : "آسف يا سيدى هى سنة واحدة تكررت 27 مرة"

هى عقول صُب فيها العلم صبا .. وأقنعها من صب فيها العلم بأن ما صُب فيها هو الحقيقة الكاملة أو الحقيقة المطلقة .. فتكاسلت العقول عن العمل ولم تدرك أن للحقيقة أكثر من زاوية للنظر إليها .. كنا نرى القمر فيسحرنا جماله ويأخذنا ضياؤه .. والقمر حقيقة لا جدال فيها .. ولكن عندما اقترب الإنسان منه ، وعندما رآه من زاوية أخرى ، اتضح له أنه قفر ، خال من أى جمال

هذا هو السؤال الصعب يا سيدتى

ترى كم منا على استعداد للإجابة عليه ؟

لك منى كل التحية

والآن وبعد تلك السنوات أدركت أننى كنت مخطئا

فهناك زعيم آخر وقف وقال بملء فيه "أنا كنت غلطان"

ولكنه اكتشف الخطأ متأخرا ودفع حياته ثمنا لعدم إدراكه فى الوقت المناسب

ودفع الوطن - أيضا - ثمنا باهظا لعدم الاعتراف بالخطأ فى الوقت المناسب

https://www.youtube.com/watch?v=W3r1BFld5X4

[التونسى]

إنتي إشتغل إيا حمدين صباحي؟

https://www.youtube.com/watch?v=GCt65QBg5EI

بيشتغل حاليا شغله وحشه اوى .. معرفش قبض او حيقبض عليها كام.. مش حقول كومبارس او اراجوز او شورابة خورج .. هو بيشتغل حاجه كده زى(( المُحَلل )) الرئاسى .. دى حاجه كده طبعا غير ((المُحلِل)) السياسي

تم تعديل 7 مايو 2014 بواسطة محمود البصيلى

[أبو محمد]

السيسى طبعا بلا جدال الاقدر على انجاز ما يقول لان الدوله بموسساتها والشعب((اغلبه)) معاه .. وانا هنا ومعايا الاخوه الكرام ببساطه وبالاحرى ببننافش ما يقول ((المضمون والمفيد يعنى)) .. لكن فى نفس الوقت حضرتك بتقول ((فلندعنا مما يقول)) .. يعنى ننكتم ونبطل نستخدم الهبه الالهيه للانسان المتمثله فى العقل والمنطق ونسيبه يقول ويفعل ما يريد بالبلد من غير ما نوقفه او نرده او نقومه او نحاسبه !!!!!!!!!!؟ مش حينفع مع احترامى نقضيها تبريرات واختلاق اعذار للرجل من اولها .. و بالشكل ده مؤيدوه ومحبوه قبل اعدائه وكارهيه حيكون كالدبه اللى قتلت صاحبها حيقودوه وحيقودوا مصر معاه لنكسه اخرى اشد وطأه الله لا يقدر

مع احترامى لك يا شاعر

إنت فهمت كلامى غلط

وها أنت قد وضعت كلاما فى فمى لم أقله

عندما أقول "دعونا مما يقول"

فهذا يعنى أنه يقول اللى يقوله .. وصاحب العقل يميز

مش تبرير ولا تأليه

ياترى حتعترف إنك فهمت غلط ؟

:)

أنا أشك .. إذن أنا دبوس

[التونسى]

مع احترامى لك يا شاعر

إنت فهمت كلامى غلط

وها أنت قد وضعت كلاما فى فمى لم أقله

عندما أقول "دعونا مما يقول"

فهذا يعنى أنه يقول اللى يقوله .. وصاحب العقل يميز

مش تبرير ولا تأليه

ياترى حتعترف إنك فهمت غلط ؟

:)

أنا أشك .. إذن أنا دبوس

اللى انا فهمته يا مان ان الراجل ده عامل زى اللاعب الارجنتينى ((ميسى)) ..ولكن المدرب بدل ما يلاعبه هجوم بيوقفه حارس مرمى نظرا لعدم وجود حراس المرمى الاصليين ((الفِره جابت اجلهم .. اللى اتخلع واللى اتعزل واللى فلسع )) ..عشان كده بقول مينفعش نبرر له من اولها او نخاف منه زى ما لميس وعيسي خايفين .. لازم نوقفه عند حده .. ولازم يستمع ويناقش ويستشير ..ويقدر حجم المسئوليه الملقاه على عاتقه ,, ويتواضع ويتنازل ويتقبل النقد .. ويبقى له خطه وبرنامج والتزامات .. لانى بالبلدي كده انا مش شايف قدامى رئيس .. انا شايف واحد فى فرن بلدى وعمال ((بيعجن)) !!!

تم تعديل 7 مايو 2014 بواسطة محمود البصيلى

[أبو محمد]

اللى انا فهمته يا مان ان الراجل ده عامل زى اللاعب الارجنتينى ((ميسى)) ..ولكن المدرب بدل ما يلاعبه هجوم بيوقفه حارس مرمى نظرا لعدم وجود حراس المرمى الاصليين ((الفِره جابت اجلهم .. اللى اتخلع واللى اتعزل واللى فلسع )) ..عشان كده بقول مينفعش نبرر له من اولها او نخاف منه زى ما لميس وعيسي خايفين .. لازم نوقفه عند حده .. ولازم يستمع ويناقش ويستشير ..ويقدر حجم المسئوليه الملقاه على عاتقه ,, ويتواضع ويتنازل ويتقبل النقد .. ويبقى له خطه وبرنامج والتزامات .. لانى بالبلدي كده انا مش شايف قدامى رئيس .. انا شايف واحد فى فرن بلدى وعمال ((بيعجن)) !!!

طيب .. كلاكيت تانى مرة

تقييم اللقاء المفروض يكون شامل

يعنى تقييم الإسئلة والأجوبة .. مش الأجوبة بس أو الأسئلة بس

أناشايف إن لقاءه الأول مع الإعلاميين (وكانوا عدد كبير) كان أفضل

لأن كل إعلامى سأل السؤال وأعطى الفرصة كاملة للإجابة بدون تداخل

إنت شايف إن لميس الحديدى وابراهيم عيسى كانوا خايفين

أنا بقى بالعكس كنت شايفهم "بيتفلحسوا"

وكأنهم بيقولوا للكاميرا : "شوفتونى وانا باحاور الرئيس القادم ؟"

وكنت شايف إن تداخلهم معاه كان سبب كبير فى عدم تلقى المشاهد ما يقوله الرجل

بالصورة السليمة .. بدليل إنى باكون فاهم عبارة بشكل معين

وألاقى ناس تانية كل واحد فاهمها بطريقة مختلفة

أنا مثلا جالى انطباع فى وقت من الأوقات

إن السيسى كان عاوز يوقف ويديهم درس فى فن وأدب الحوار

وما تنساش .. إحنا فن وأدب الحوار عندنا بعافية حبتين

وزى ما باقول دايما

الحوار عبارة عن إرسال واستقبال

ومعظمنا جهاز الارسال بتاعه شغال الله ينور

أما جهاز الاستقبال فهو إما عطلان .. أو .. مقفول

ربنا يعدلها

[Alshiekh]

السيسى طبعا بلا جدال الاقدر على انجاز ما يقول لان الدوله بموسساتها والشعب((اغلبه)) معاه .. وانا هنا ومعايا الاخوه الكرام ببساطه وبالاحرى ببنناقش ما يقول ((المضمون والمفيد يعنى)) .. لكن فى نفس الوقت حضرتك بتقول ((فلندعنا مما يقول)) .. يعنى ننكتم ونبطل نستخدم الهبه الالهيه للانسان المتمثله فى العقل والمنطق ونسيبه يقول ويفعل ما يريد بالبلد من غير ما نوقفه او نرده او نقومه او نحاسبه !!!!!!!!!!؟ مش حينفع مع احترامى نقضيها تبريرات واختلاق اعذار للرجل من اولها .. و بالشكل ده مؤيدوه ومحبوه قبل اعدائه وكارهيه حيكونوا كالدبه اللى قتلت صاحبها .. وحيقودوه وحيقودوا مصر معاه لنكسه اخرى اشد وطأه الله لا يقدر

لاتكميم أفواه ولا حجر على رأي

الموضوع اننا عندما نناقش أمر جاد فيجب ان نناقشه بما يستحقه من جدية،

عن نفسي في الحلقتين رأيته وكأنه يتكلم عما أقوله، فأنا أرى الأمن مثلا أولوية، وهو يراها كذلك،

بل توسع في مفهوم معنى الأمن ليشمل كل مناحي الحياة

موضوع الإستهلاك، سواء للكهرباء أو حتى الماء مرورا بكل شيئ في حياتنا، رأيته يتحدث عما أطبقه بنفسي في أسرتي وربيت أبنائي على ذلك ونطبق تقطيع الرغيف إلى أربع منذ أكثر من 30 عاما ونستخدم النيون واللمبات الموفرة ونترك النجف للمناسبات فقط ونستخدم سخان غاز لان تكلفته أرخص من تكلفة سخان الكهرباء، -وعلى ذكر الاستهلاك، أذكر أنني كنت اتناول الغذاء في أحد مطاعم البوفيه المفتوح وكان معي مجموعة من الاصدقاء الامريكان وكان أحدهم مسلم، وبعد أن أنهيت ما كان في طبقي رأيته يعاكسني ويقول لي لم يبق سوى الطبق والشوكة، لماذا لا تأكلهما، فسألته عما يعني، فقال لي انك أكلت كل شيئ في الطبق، فرددت عليه إنني أتيت بما شعرت أنني أحتاجه فعلا، وكمسلم أشعر أنه حرام علي أن القي بالطعان في القمامة، هل تشاهد في التليفزيون أخبار الجوعى الذين يموتون في أفريقيا بسبب الجوع؟ كيف القي طعام في الفضلات وأخي في الإنسانية يموت جوعا، عندنا في مصر عندما كنا صغارا كنا إذا وجدنا كسرة خبز في الشارع نرفعها وننفخ التراب من عليها ونضعها على جانب الطريق لعل كلبا او قطة يأكلها وحتى لاندوس على "النعمة"-

ربما لم أتفق معه في فكرة اعتماده على تبرعات المصريين في الخارج، لاني أرى أنه يجب أن يستعان بالمصريين في الخارج بتقديم تسهيلات تعاونية بمعنى إشتراكهم في مشروعات إقصادية متوسطة أو كبرى وبالتالي يضمن لهم ربحا ومشاركة في بناء وطنهم، ولو أن هناك وسائل أخرى قانونية يتم من خلالها تحصيل ضرائب من المصريين الذين يعملون في الخارج والذين انفقت عليهم الدولة من جيب الشعب المصري حتى يتعلموا وتصبح لهم حيثية ومراكز وظيفية.

وأظن أن كل من تقدم للعمل بالخارج سيذكر مؤهله وسنة الحصول عليه والجامعة والدولة التي منحته درجته العلمية.

التسهيلات الاقتصادية سبق وأن تحدثت عنها أيام الإنتخابات السابقة وهي منح تسهيلات ضرائبية للمستثمرين تتوافق مع عدد العمالة التي يستخدمها

التوسع في توسيع الرقعة الزراعية

نقل العاصمة أو توزيع الوزارات خارجها

حقيقي رأيته يعبر عن رؤيتي

والأهم من ذلك أنه "ماعملش من البحر طحينة" ولم يعد بما لن يستطيع تحقيقه.

وعن زيارته للدول المجاورة فأتفهم سبب اختياره للسعودية رقم 1،

بالتأكيد ليطلب منه أن "يعينوه بقوة" كما طلب ذو القرنين شعب بين السدين أن "يعينوه بقوة"

وياريت يكون السيسي فاتحة خير للتقريب بين الشعوب العربية وتكون بدايتها بداية موفقة مع السعودية والامارات والكويت

[tarek hassan]

أشعر بالعار لأنك لا تعمل .. وليس لك قيمة في المجتمع

أنا صحفي كفء

http://videoyoum7.com/2014/05/07/%D8%A8%D8%A7%D9%84%D9%81%D9%8A%D8%AF%D9%8A%D9%88-%D9%85%D9%88%D8%A7%D8%B7%D9%86-%D9%84%D9%80%D8%B5%D8%A8%D8%A7%D8%AD%D9%89-%D8%A3%D9%86%D8%AA-%D9%84%D8%A7-%D8%AA%D8%B9%D9%85%D9%84-%D9%88%D8%AA/

[أبو محمد]

أستاذ محمد

حضرتك ذكرت التعاونيات

فاكر الجمعية التعاونية فى المدرسة لإنشاء وإدارة "الكانتين" ؟

فى الخمسينيات كنا نساهم فى رأس المال

ونفتح الكانتين ونقف بالتناوب - فى الفسحة - لتجهيز وبيع الساندوتشات

وفى آخر السنة توزع علينا الأرباح

تجربة الجمعيات التعاونية منتشرة وناجحة جدا فى دول الخليج وعايشتها فى الكويت

أعتقد أن فكر هذا الرجل سيكون مفتوحا لإعادة هذه التجربة

والاستفادة من تطبيقها - بعد أن تطورت - فى دول الخليج

يعنى بدل "الجمعيات الاستهلاكية الحكومية" تتعمل جمعيات حقيقية من المواطنين

ليس فقط جمعيات استهلاكية ولكن أيضا جمعيات انتاجية وإسكانية وخدمية

حتى ورش إصلاح السيارات والسباكة والأكياس النايلون

[أبو محمد]

أشعر بالعار لأنك لا تعمل .. وليس لك قيمة في المجتمع

أنا صحفي كفء

http://videoyoum7.com/2014/05/07/%D8%A8%D8%A7%D9%84%D9%81%D9%8A%D8%AF%D9%8A%D9%88-%D9%85%D9%88%D8%A7%D8%B7%D9%86-%D9%84%D9%80%D8%B5%D8%A8%D8%A7%D8%AD%D9%89-%D8%A3%D9%86%D8%AA-%D9%84%D8%A7-%D8%AA%D8%B9%D9%85%D9%84-%D9%88%D8%AA/

حمدين بيعمل صحفى كفء فى أى جريدة ؟

وحيد عبد المجيد مرة قال إنه بيعمل صحفى بالقطعة (يعنى على باب الله)

وشريك فى دار نشر اسمها "الصاعد"

حد سمع عنها ؟

اللى سمع عنها يقول لنا بعض إصداراتها

ماهو المثل بيقول

قبل ما تناسب .. حاسب

[أبو محمد]

للإنصاف هو كان رئيس تحرير جريدة الكرامة

بس مش عارف إذا كان لسه رئيس تحريرها وإذا كانت هى لسه بتصدر أم لا

كل اللى اعرفه إنى عمرى ما عديت على بتاع الجرايد ولقيتها على "الطبلية"

يعنى جريدة فاشلة

وكمان كان بيشتغل رئيس حزب الكرامة

بس كل اللى اعرفه عنه إنه تحالف مع الأخوان ورموا له مقعدين

فى مجلس الشعب المنحل

حد يعرف بيشتغل إيه الراجل اللى "ممكن" يبقى رئيس مصر ؟

ما تنسوش إن ربنا قادر على كل شيئ

يعنى ممكن فعلا يبقى رئيس .. وله فى ذلك حكم

مرة سألوا سليم العوا قبل انتخابات 2012 : "هل سترشح نفسك ؟"

فكانت إجابته : "أنا لا أستطيع غدارة 12 موظف عندى فى المكتب .. حدير مصر ؟"

ومع ذلك رشح نفسه

[Alshiekh]

أستاذ محمد

حضرتك ذكرت التعاونيات

فاكر الجمعية التعاونية فى المدرسة لإنشاء وإدارة "الكانتين" ؟

فى الخمسينيات كنا نساهم فى رأس المال

ونفتح الكانتين ونقف بالتناوب - فى الفسحة - لتجهيز وبيع الساندوتشات

وفى آخر السنة توزع علينا الأرباح

تجربة الجمعيات التعاونية منتشرة وناجحة جدا فى دول الخليج وعايشتها فى الكويت

أعتقد أن فكر هذا الرجل سيكون مفتوحا لإعادة هذه التجربة

والاستفادة من تطبيقها - بعد أن تطورت - فى دول الخليج

يعنى بدل "الجمعيات الاستهلاكية الحكومية" تتعمل جمعيات حقيقية من المواطنين

ليس فقط جمعيات استهلاكية ولكن أيضا جمعيات انتاجية وإسكانية وخدمية

حتى ورش إصلاح السيارات والسباكة والأكياس النايلون

بالطبع أتذكر ذلك، وأتذكر أننا كأصدقاء كنا نقوم بعمل شيئ مشابه فيما بيننا.

أحيانا أشعر بفروق كبيرة في التوقيت، ليس توقيت الأذان ومواعيد الصلاة،

ولكن فرق توقيت جاء فيه جيلنا وتوقيت جاء فيه جيل ابنائنا.

جيلي الذي كان يصنع الفيلم في خياله من القصة التي يقرأها وبالتالي فهو يرى أن كل شيئ ممكن،

بينما جيل الابناء تعود أن يرى القصة صوت وصورة بدون مجهود ذهني أو خيالي

بين جيل كان يستمع للمسلسل أو المسرحية في الراديو ويرسم السيناريو من خياله ويرى ان لكل مشكلة حل

وجيل متعجل يستمع للموسيقى والمسلسل ويشاهد التليفزيون واليوتيوب ويعمل مكالمات في وقت واحد ليخرج بمجموعة أفكار عجيبة مختلطة لاتنتج "طحينا" مجرد صوت فقط.

اعجبتني فكرة المسارات الموازية التي يفكر السيسي في إنشائها ومن ثم يمكن إستخدامها وقت أن يتلاعب مقدموا الخدمة او منتجوها، واعتقد أن دول أوروبا تستعين بالجيش كبديل فاعل لمن يقومون بالإضراب.

[أبو محمد]

أعتقد أنك مثلى

تعرف معنى أن مصر محتاجة "قائد" .. وليس مجرد "رئيس"

البلاد المستقرة تحتاج رئيسا

البلاد التى فى "حالة" تعافى من ثورة والتى فى "حالة" حرب

تحتاج قائدا أكثر من حاجتها إلى رئيس

[Alshiekh]

للإنصاف هو كان رئيس تحرير جريدة الكرامة

بس مش عارف إذا كان لسه رئيس تحريرها وإذا كانت هى لسه بتصدر أم لا

كل اللى اعرفه إنى عمرى ما عديت على بتاع الجرايد ولقيتها على "الطبلية"

يعنى جريدة فاشلة

وكمان كان بيشتغل رئيس حزب الكرامة

بس كل اللى اعرفه عنه إنه تحالف مع الأخوان ورموا له مقعدين

فى مجلس الشعب المنحل

حد يعرف بيشتغل إيه الراجل اللى "ممكن" يبقى رئيس مصر ؟

ما تنسوش إن ربنا قادر على كل شيئ

يعنى ممكن فعلا يبقى رئيس .. وله فى ذلك حكم

مرة سألوا سليم العوا قبل انتخابات 2012 : "هل سترشح نفسك ؟"

فكانت إجابته : "أنا لا أستطيع إدارة 12 موظف عندى فى المكتب .. حدير مصر ؟"

ومع ذلك رشح نفسه

على يدي

بس ده العوا

العوا اللي قال نعمل دستور في عشرة أيام

وهو نفسه العوا اللي قال ستة أشهر ليست كافية لوضع دستور للبلاد

https://www.youtube.com/watch?v=xOKKMZcWE8Y

لكن حمدين ده وضعه مختلف

ده حبيب صدام

وجبيب الاسد

وحبيب القذافي

وحبيب شافيز

وحبيب فيدل كاستروا

واهم حاجة بقى

أنه حبيب أمير قطر وحبيب الهلال الاحمر القطري

[Alshiekh]

أعتقد أنك مثلى

تعرف معنى أن مصر محتاجة "قائد" .. وليس مجرد "رئيس"

البلاد المستقرة تحتاج رئيسا

البلاد التى فى "حالة" تعافى من ثورة والتى فى "حالة" حرب

تحتاج قائدا أكثر من حاجتها إلى رئيس

لو لم يكن في مصر إخوان أو متأسلمين، كانت الثورة ستسير في طريق الديموقراطية برفق، وكان الرئيس المدني هو الأنسب لها

ولكن لأن الأخوان والمتأسلمين لايؤمنون بالديموقراطية أصلا، وأنهم أشد وطأة من أي حكم عسكري، فقد جاءوا للحكم بلباس مدني ولكن بروح فاشستية دينية وهي أشد أنواع الفاشستية.

لو جاء مرسي وحده، لهان الأمر ولكنه ومرشده ومكتب إرشاده خانوا الوعد والعهد -كلنا يتذكر أن مرسي والمرشد اقرا وكان ناقص يحلفوا على المصحف ان مرسي لن يكون له ولاء للمرشد- وأداروا ظهرهم للشعب الذي تطلع لحكم "مدني" وبدأوا في تنفيذ حلم إمامهم مدرس الإبتدائي الذي عملوا منه "إمام".

من أضطر مصر للجوء لقائد عسكري "طازه" لم يتمرس الحياة المدنية لفترة كافية هم الاخوان والمتأسلمون بعدما تحولوا إلى ميليشيات بعضها مسلح بالسلاح والبعض الآخر مسلح بقلة الأدب وبالكم العددي.