أخبار ونقاشات انتخابات الرئاسة 2014

[أبو محمد]

[أبو محمد]

[التونسى]

يا جماعه ما تخلونا فى المفيد .. ليس لدينا هذا الترف التنافسي فى انتخابات الرئاسه .. بلا حمدين بلا جاحدين .. معرفتش يعنى رأى الاخوه فى تفاصيل اجتماع السيسي برجال الاعمال ؟

عامة مرسى اصلا نجح قدام الفل الاعظم شفيق بفارق واحد % فقط .. فمش معقوله يعنى حمدين حينجح فى ظل شعبية السيسى الجارفه التى لا تقارن حاليا بشعبية شفيق ومرسى وحتى مبارك .. حتى لو الاخوان كلهم انتخبوا حمدين .. أخره مليون الى 2 مليون صوت وبمعجزه ممكن يوصل 3 مليون .. اما السيسى فحدث ولا حرج .. فوق العشره مليون مستريح ويزيد .. خليكم منطقيين يا اللى مفروض تكونوا مُتنورين ومُنوِرين .. وياريت نتكلم فى المفيد ومنضيعش وقت .. انا فعلا شفت او لمست امبارح بصيص امل فى السيسى انه ممكن يخرج مصر من ازمتها الاقتصاديه عبر ((الحط)) على رجال الاعمال الخلابيص .. ومعنديش مانع يدورها بالامر المباشر على الاقل فى تلك الفتره الحرجه الاستثنائيه .. المهم ينجز .. ايه رايكم زاد فضلكم؟؟

تم تعديل 14 مايو 2014 بواسطة محمود البصيلى

[tarek hassan]

برغم كل تحفظاتى الهائله ضد ((خطايا)) السيسى القاتله .. الا اننى فى النهايه مصرى ولا يهمنى فى المقام الاول من بين هذا وذاك وهؤلاء إلا مصر .. وانا ايضا رجل واقعى للغايه .. وبما ان الواقع يقول انه لا مناص ولا بد ولا محيص ولا مفر ولا مهرب من السيسى رئيساً لمصر .. فساحاول التجرد من مشاعرى العاطفيه السلبيه للغايه تجاه هذا الرجل .. متلمساً الايجابيات التى قد تاتى من وراء حكمه لمصر .. اقول هذا بعد ان تابعت حلقة القاهره اليوم لعمرو اديب بتاريخ 13 مايو 2014 .. والتى تاكدت من خلالها عن النهج الذى سيتبعه السيسى مع اثرياء ومليارديرات رجال الاعمال .. حيث اننى توقعت من خلال احد احاديثه انه ((بالبلدى كده)) حيحط على رجال الاعمال من خلال دفعهم ((بالحب)) على التبرع المادى لتمويل المشروعات الاقتصاديه والخدميه والاجتماعيه المختلفه .. بصراحه انا اؤيد هذا النهج الديكتاتورى تماما فى التعامل معهم طالما انها هى الطريقه الوحيده للتعامل مع تلك الفئات من رجال الاعمال الذين لا يدفعون الضرائب المستحقه عبر التلاعب فى الارقام الحقيقيه لارباحهم .. وفى نفس الوقت يستفيدون من الخدمات المختلفه باسعار رخيصه الى جاتب العماله التى تقبض رواتب متدنيه

ها هنا الفيديو الخاص بالحلقه وخاصه من الدقيقه 21:30 .. مرحبا باى نفاش حول ما جاء فى ذلك الجزء من الحلقه الخاصه بالحديث عن اجتماع السيسى مع بعض رجال الاعمال

https://www.youtube.com/watch?v=DIUQoRU9-CQ

كويس يا حاج محمود .... في كلامك

شيء من الإيجابية ....

وبعض من عدم البرمجة ....

وشيء من التفكير .....

وبعض من المتابعة

ولا ضير من وجود التناقض بين دفعهم بالحب مع النهج الديكتاتوري

[التونسى]

كويس يا حاج محمود .... في كلامك

شيء من الإيجابية ....

وبعض من عدم البرمجة ....

وشيء من التفكير .....

وبعض من المتابعة

ولا ضير من وجود التناقض بين دفعهم بالحب مع النهج الديكتاتوري

ماهو مقدرش اشوف الحقيقه واضحه كالشمس وبعدين أنكرها إلا بقى لو كنت ((مسحور)) .. وعلى فكره انا مش من هواة برمجة الاخرين ((إلا قليلا)) وذلك حتى لا احمل وزر برمجتهم فى حالة إكتشافى أننى كنت مخطئ فى تقديراتى للامور .. وياما الواحد أخطأ فى الفهم والاختيار والتقدير .. وكل يوم الواحد بيكتسب خبرات جديده بتصقله وبتنقى فكره من الشوائب العالقه

أما عن التناقض .. إذا كنت تقصدنى انا .. فأحب التوضيح أن ناقل ((التناقض)) ليس بمتناقض .. والدليل الفيديو ده

https://www.youtube.com/watch?v=ZbTu39f0smE

وعلى فكره انا إفترضت هنا وجود تناقض على اساس كلامك رغم انى شايف انى كلام السيسى مفيهوش تناقض خالص .. بالعكس دى ((((سياسه)))) .. الراجل ببساطه بيقول انه حيستخدم شعبيته وحب الناس له وتأييدهم .. خصوصا فئة رجال الاعمال الكبار .. فى انه يجمع منهم فلوس ((100 مليار جنيه)) ويحطهم فى صندوق معين يصرف منه على المشروعات المختلفه التى ستصب فى مصلحة الاقتصاد ..وانا لدى احساس ان الراجل ده ((السيسى)) مش حرامى ولا فاسد ماديا وعينه مليانه ,, وطبعا ده مش حيتم بشكل رسمى .. بل بالأمر المباشر ((الديكتاتوريه)) أو بالعرف .. بعيدا عن القانون وخلافه .. ولكن بالحب .. بالعشم .. يعنى حقلبك بالأدب وبالطريقه وإبتسامتى على وجهى .. وانت كمان حتدفع ومن غير مقابل وابتسامتك على وجهك .. وأنا بكرر .. أنا مش ضد هذا تماما خاصة فى تلك المرحله الحرجه والاستثنائيه من تاريخ مصر .. ولما البلد بقى back to the right track .. ساعتها ممكن نتكلم عن القانون والدستور واللى يصح واللى ميصحش فى ظل هدوء الاوضاع فى مصر واستقرارها وعودتها الى طبيعتها

تم تعديل 15 مايو 2014 بواسطة محمود البصيلى

[باهى الطائر الحزين]

يا جماعه ما تخلونا فى المفيد .. ليس لدينا هذا الترف التنافسي فى انتخابات الرئاسه .. بلا حمدين بلا جاحدين .. معرفتش يعنى رأى الاخوه فى تفاصيل اجتماع السيسي برجال الاعمال ؟

عامة مرسى اصلا نجح قدام الفل الاعظم شفيق بفارق واحد % فقط .. فمش معقوله يعنى حمدين حينجح فى ظل شعبية السيسى الجارفه التى لا تقارن حاليا بشعبية شفيق ومرسى وحتى مبارك .. حتى لو الاخوان كلهم انتخبوا حمدين .. أخره مليون الى 2 مليون صوت وبمعجزه ممكن يوصل 3 مليون .. اما السيسى فحدث ولا حرج .. فوق العشره مليون مستريح ويزيد .. خليكم منطقيين يا اللى مفروض تكونوا مُتنورين ومُنوِرين .. وياريت نتكلم فى المفيد ومنضيعش وقت .. انا فعلا شفت او لمست امبارح بصيص امل فى السيسى انه ممكن يخرج مصر من ازمتها الاقتصاديه عبر ((الحط)) على رجال الاعمال الخلابيص .. ومعنديش مانع يدورها بالامر المباشر على الاقل فى تلك الفتره الحرجه الاستثنائيه .. المهم ينجز .. ايه رايكم زاد فضلكم؟؟

الحقيقه فى المداخله دى

افتكرتك فرحان فى رجال الأعمال

لما قلت ( هيحط )

ولما وضحت وجهة نظرك فى المداخله

اللى بعدها فهمت قصدك

لذا استغفر الله العظيم من سوء الظن

رجال الأعمال مايقلوش عن اى حد

كييف يتشدق بالوطنيه ومبارك لما كان

يتزنق بياخد منهم على فكره ...

السماح يامان

[abaomar]

..وانا لدى احساس ان الراجل ده ((السيسى)) مش حرامى ولا فاسد ماديا وعينه مليانه ,, وطبعا ده مش حيتم بشكل رسمى .. بل بالأمر المباشر ((الديكتاتوريه)) أو بالعرف .. بعيدا عن القانون وخلافه .. ولكن بالحب .. بالعشم .. يعنى حقلبك بالأدب وبالطريقه وإبتسامتى على وجهى .. وانت كمان حتدفع ومن غير مقابل وابتسامتك على وجهك .. وأنا بكرر .. أنا مش ضد هذا تماما خاصة فى تلك المرحله الحرجه والاستثنائيه من تاريخ مصر .. ولما البلد بقى back to the right track .. ساعتها ممكن نتكلم عن القانون والدستور واللى يصح واللى ميصحش فى ظل هدوء الاوضاع فى مصر واستقرارها وعودتها الى طبيعتها

السلام عليكم

اخى و حبيبي حوده الشهير بالتونسي .. :D

هود ده عيبك يا شاعر يا فنان الادب و التفائل زياده عن اللزوم فضلا عن حسن النيه

بمعنى انت بتتكلم عن حلم كبير الواقع يقول عكسه تماما ..

يعنى السيسي ظاهر الكلام حتى الأن انه فاسد حتى النخاع

http://www.youtube.com/watch?v=iCF2I7iBDyc

لن اتكلم عن ثروته 30 مليون التى تم ذكر خبرها فى المصرى اليوم و تبخر الخبر سريعا بعدها

و الاهم اننا لن نرى او نسمع عن اقرار الذمه الماليه للانقلابى السفاح و التى هى من المسوغات التى

يتم تقديمه للجنه الانتخابات عند التقدم للترشيح و يجب نشرها على العامه كما يحدث فى الدول المحترمه

ايضا اشار السفاح الى ولديه اللذان يعملان فى اماكن حساسه داخل البلد هما الرقابه الاداريه و المخابرات العامه

و بالطبع انت تعلم اهميه و حساسيه هاذان المرفقان الحساسان و الحيويان لامن البلد بالطبع .

http://www.youtube.com/watch?v=CywMzu9Sy7c

الظروف لما بتحكم ....بنعديها

بيعديها يا فنان ...شفت المصيبه

اما قصه الحب و العشم اللى هايطلع بيهم 100 مليار لمصلحه البلد من جيوب رجال الاعمال

عاوز تفهمنى ان ساويرس احد اعمده الانقلاب و داعميه ماديا و معنويا بيعمل كل ده علشان ييجى السيسي ياخد منه مليم

دا الفاتوره مدفوعه مقدما يا اكسلانس و اول القصيده زفت

فين المليارات المتأخره على عائله ساويرس و اللى كان د.مرسي هايدفعهالهم رسمى و بالقانون

تخيل يا محمود 14 مليار فقط على أل ساويرس فما بالك بباقى رجال الاعمال و رجال مبارك الفسده

إذا كانوا كلهم خدوا براءات على يد القضاء الفاسد بتاع مبارك هاييجى السيسي ياخد منهم مليم

هو بيضحك و يستغفل مين

على العموم الايام قادمه و كلما تكلم هذا السفاح فضحه الله و على لسانه

تم تعديل 15 مايو 2014 بواسطة abaomar

[التونسى]

اما قصه الحب و العشم اللى هايطلع بيهم 100 مليار لمصلحه البلد من جيوب رجال الاعمال

عاوز تفهمنى ان ساويرس احد اعمده الانقلاب و داعميه ماديا و معنويا بيعمل كل ده علشان ييجى السيسي ياخد منه مليم

دا الفاتوره مدفوعه مقدما يا اكسلانس و اول القصيده زفت

فين المليارات المتأخره على عائله ساويرس و اللى كان د.مرسي هايدفعهالهم رسمى و بالقانون

تخيل يا محمود 14 مليار فقط على أل ساويرس فما بالك بباقى رجال الاعمال و رجال مبارك الفسده

إذا كانوا كلهم خدوا براءات على يد القضاء الفاسد بتاع مبارك هاييجى السيسي ياخد منهم مليم

هو بيضحك و يستغفل مين

على العموم الايام قادمه و كلما تكلم هذا السفاح فضحه الله و على لسانه

وعليكم السلام ورحمة الله وبركاته .. حبيبى يا مان .. فكرتنى بأحلى إسم وأحلى أيام .. فين أيامك يا تونسى يا شاعر يا عبقرى يا ألمعى ياللى مفيش منك اتنين فى الابداع .. .. طبعا بقصد التونسى الشهير بمحمود البصيلى .. هيييييه ما علينا .. بغض النظر عن نقطة الذمه الماليه وكذا تعيينه لابنائه فى تلك الوظائف المميزه خلينا نركز ان سمحت لى فى النقطه الخاصه برجال الاعمال .. السؤال هنا اللى بيطرح نفسه .. كيف للسيسى ان يثبت اركان حكمه فى ظل الازمات الاقتصاديه والاجتماعيه والخدميه الطاحنه التى تعج بها مصر ؟ أكيد الراجل دلوقت بيفكر فى حل سريع وناجز عشان يوصل لهدفه ده .. والا الناس ممكن يتحول حبها الشديد له لكره اشد لو فضلت حالتنا على ما هى عليها ان لم تنحدر للاسوء .. لذا هو مقدموش حاليا غير تلك الحلول العاجله والغير تقليديه والمتمثله فى تلك الفكره .. فكرة صندوق ال100 مليار جنيه .. وعلى فكره الوقت ده هو احسن وقت ((لأخذ رجال الاعمال على مشمهم)) فى ظل استمرارية تاثير قوة النشوه السيساويه عليهم ((عينى عليك يا تونسى يابتاع الكلام المتكلف)) .. دى نقطه . نقطه تانيه مهمه معرفش عدت عليك ازاى يا مان .. السيسى داخليا ((داخل مصر يعنى)) هو اقوى رجل فى مصر .. سواء بنفسه او بمن هم يضعونه فى المقدمه او الواجهه .. السيسى معاه القوه والغلبه والسلاح الرادع .. أى الجيش والشرطه والمخابرات .. الى جانب الإعلام .. يعنى هو يملك ناصيتى القوه .. القوه الباطشه الرادعه ((جيش شرطه مخابرات)) .. والقوه الناعمه ((الاعلام)) .. ومش حقول معاه قضاء مسيس كمان عشان اخواتنا ميزعلوش .. يعنى السيسى فى ايديه 99% من اوراق اللعبه ((مع الاعتذار للسادات)) يبقى حيجى شوية رجال اعمال ((رؤوسهم كلها بطحات)) ويكحوا مجرد كح معاه .. دا يا راجل لو طلب منهم عنيهم او حتى عيل من عيالهم يدبحه مش حيترددوا .. يا صديقى ان القوه والغلبه هى ما تتكلم الان .. ندعوا الله ان يستخدمها هذا الرجل ((قدرنا)) شئنا أم ابينا فيما هو صالح البلاد والعباد وليس فيما يصب فى تدعيم البغى والفساد .. وأذكرك أخى الكريم ان المهم هى مصر .. ومصر يعنى الوطن .. يعنى أهلى واهلك .. وصحابى وصحابك .. وارضى وارضك .. وبيتى وبيتك .. وفلوسى وفلوسك .. ومصر الان أل حكمها الى السيسى ((إكلينيكيا)) .. بتأييد رسمى وشعبى ستظهره جليا الانتخابات .. وسبحانه الذى يهب الملك لمن يشاء وينزعه ممن يشاء .. وليس من المعقول او المقبول منطقيا وحتى دينيا أن يدفعنى رفضى وكرهي وامنيتى فى الخلاص من شخص او نظام أن أقوم بهدم المعبد عليه وعلى الجميع .. قضا اخف من قضا .. قُضى الامر .. والله المستعان

[أبو محمد]

ومش حقول معاه قضاء مسيس كمان عشان اخواتنا ميزعلوش

لا .. قول زى ما انت عايز يا شاعر

قضاء مسيس فعلا .. بيجر ناعم مع الأخوان

:)

يبرئ مهدى عاكف مع ان التهمة ثابتة بالصوت

قول .. قول وما يهمكش حاجة .. يا حبيبى

https://www.youtube.com/watch?v=xFsL3jX3FQw

[أبو محمد]

الانتخابات فى الكويت

[أبو محمد]

الانتخابات فى جدة

[أبو محمد]

وفى النمسا

[أبو محمد]

الانتخابات فى الأردن

[أبو محمد]

دبى اليوم .. بالتليفون

[أبو محمد]

أمهات وأخوات عظيمات

التصويت فى السعودية على الكرسى المتحرك وبجهاز التنفس

وابتسامة الأمل

[Scorpion]

في قطر

[أبو محمد]

الشباب نازل يقاطع بغزارة

[أبو محمد]

لبنان بتمسى عليكم

[Scorpion]

http://youtu.be/s50jkUnVxrY

بدون تعليق

[أبو محمد]

المصريون فى الخارج أعطونا بشرة خير

بإذن الله كله حينزل ينتخب

دى فركة كعب

https://www.youtube.com/watch?v=CCIDggf-qR4

https://www.youtube.com/watch?v=e8EArHQvZxk&feature=youtu.be