أخبار ونقاشات انتخابات الرئاسة 2014

[Alshiekh]

أكتشفت أخيرا بعد الاستماع لجزء من #‏إسأل_حمدين‬ أن حمدين حيعمل كل حاجة

وانه يشارك الإخوان والنوشتاء في عدائهم للجيش

وأنه سيجعل بنوك التنمية تعمل بخسارة حتى تفلس وذلك عن طريق اسقاط ديون الفلاحين وعلى البنوك ان تتصرف،، حيدي البنك جنيه ويقول له انا عايز اعمل وليمة لاني عازم قرى المركز وعايزهم ياكلوا ويحلوا ويشبعوا.

وتراجع عن توزيع الفدادين اللي كان حيوزعهم، لكن حيدي له العشرتلاف جنيه بس مش حيخليه يصرف الفلوس علشان مايشتريش اكل لعياله

الحقيقة انا حاولت افهم حمدين بيقولوا ايه بس فشلت.

[Alshiekh]

العشرتلاف جنيه طلعوا قرض

والفدان سيغني الشاب وحيجوزه وحيعمل منه البحر طحينة ويسدد العشرتلاف جنيه منه

وفي نفس الوقت بيعتبر الفلاح اللي عليه ديون للبنك ومعندوش غير 5 فدادين من المعدمين وعشان كده حيلغي 50% من ديونه

وعلشان فدان حمدين مبروك، فحمدين بيقول للي حياخد الفدان يدور له على شركاء ويوسع استثماره في الفدان وبالتالي يزداد عدد الشباب المستفيدين من الفدان الصباحي.

[tarek hassan]

بمجرد أن سمعت حمدين وهو يتحدث عن أن السيسي سرق من برنامجه عندما تحدث عن الفقراء .... لم أكمل المشاهدة

قلت أفتح الفيسبوك لقيت الإخوان بيقولوا إن برنامج السيسي مسروق من مرسي وجايبين أدلة

للعلم برنامج السيسي مش مسروق

لا من برنامج حمدين

ولا من برنامج مرسي

ولا من برنامج أيمن نور كما يقول

ولكنه مسروق من برنامج خالد علي

تم تعديل 8 مايو 2014 بواسطة tarek hassan

[Alshiekh]

بمجرد أن سمعت حمدين وهو يتحدث عن أن السيسي سرق من برنامجه عندما تحدث عن الفقراء .... لم أكمل المشاهدة

قلت أفتح الفيسبوك لقيت الإخوان بيقولوا إن برنامج السيسي مسروق من مرسي وجايبين أدلة

للعلم برنامج السيسي مش مسروق

لا من برنامج حمدين

ولا من برنامج مرسي

ولا من برنامج أيمن نور كما يقول

ولكنه مسروق من برنامج خالد علي

مش مسروق من أي واحد من الناس دي

مسروق مننا احنا أعضاء محاورات المصريين

اللي مش مصدق يراجع كتابتنا منذ اربعة عشر عاما

ليه بيتخيلوا انهم بيقولوا كلام أو بيقدموا أفكار لم تخطر على بال غيرهم

[أبو محمد]

عجبتني اوي الفقرة الكوميدية دي

http://www.youtube.com/watch?v=aEUevNangd4

الظا هر والله ا علم ان ده سؤال ما كانوش متفقين عليه و بناء عليه تلاقيه ملص و دان ابو خليل بعدها

أولا السؤال غير موجود فى الفيديو

هو فين السؤال اللى اتهرب منه ؟

ثانيا لا مجلس الشعب ولا لجنة الأمن القومى فيه حتراقب الجيش

مش عارف ابراهيم عيسى جاب الكلام ده منين

وبعدين بقى اللى ما قالهوش السيسى .. بس قاله

هو سيبو المؤسسة الوحيدة الناجحة فى حالها

ماتقربوش منها

[أبو محمد]

سمعت للتو حمدين على الـ cbc بيزايد كعادته

وبيقول مفيش حد حيربى الشعب المصرى .. مفيش حد معلم على الشعب المصرى

مركز أوى مع المنافس ونفسه يجر شكله إلى التراشق

مش يشوف خيبته ويرد على الراجل اللى سأله

"إنتى إشتغلى إيه" ؟

متى قال السيسى إنه حيربى الشعب المصرى ؟

خلاص الكلام عن الأخلاق بقى بيمس عصب حساس للدرجة دى عند حمدين ؟

ده كان سؤال غبى من ابراهيم عيسى تعليقا على كلام السيسى

إننا لازم نركز على مكارم الأخلاق اللى فعلا ناس كتير نسيتها

أحد أقاربى يستمع إلى اللقاء معى

:)

يشك فى ان عيسى وصباحى متفقين .. (واحد ينطق .. والتانى يشوط)

[أبو محمد]

أنا نازل أوصل الضيوف اللى عندى

ياريت لو اتكلم حيوفر 160 مليار من الميزانية ازاى

تبقوا تقولولى لما ارجع

مش حاغيب بإذن الله .. بس انا اكتشفت النهاردة

إن بعد سداد الديون وخدمة الديون والدعم والأجور

اللى بيفضل فى الميزانية 160 مليار جنيه

(صدفة غريبة مش كده ؟)

[eslam elmasre]

أولا السؤال غير موجود فى الفيديو

هو فين السؤال اللى اتهرب منه ؟

ثانيا لا مجلس الشعب ولا لجنة الأمن القومى فيه حتراقب الجيش

مش عارف ابراهيم عيسى جاب الكلام ده منين

وبعدين بقى اللى ما قالهوش السيسى .. بس قاله

هو سيبو المؤسسة الوحيدة الناجحة فى حالها

ماتقربوش منها

معقولة يا ابو محمد دا انت تفهمها وهي طايرة

السؤال

هو مش مجلس الشعب هايراقب ميزانية الجيش

الاجابة حاجة من اثنين

ايوا او لا

بس ماتكونش زي اجابة كبير الرحمية

هاتتصرف كيف يا عبد الرحيم

هاتتصرف كيف يا عبد الرحيم

عشان كده كانت فقرة كوميدية وضحكت عليها كأني شايف كبير الرحمية ادامي

[eslam elmasre]

العملية مش مستاهلة اننا نهاجم صباحي لان الضرب في الميت حرام

[التونسى]

معقولة يا ابو محمد دا انت تفهمها وهي طايرة

السؤال

هو مش مجلس الشعب هايراقب ميزانية الجيش

الاجابة حاجة من اثنين

ايوا او لا

بس ماتكونش زي اجابة كبير الرحمية

هاتتصرف كيف يا عبد الرحيم

هاتتصرف كيف يا عبد الرحيم

عشان كده كانت فقرة كوميدية وضحكت عليها كأني شايف كبير الرحمية ادامي

هو جاوب ضمنيا يا اسلام بما معناه ان الجيش هو دوله داخل الدوله .. او هما الدوله ذات نفسها .. ومصر بكل مافيها ملك يمينهم

[أبو محمد]

أولا السؤال غير موجود فى الفيديو

هو فين السؤال اللى اتهرب منه ؟

ثانيا لا مجلس الشعب ولا لجنة الأمن القومى فيه حتراقب الجيش

مش عارف ابراهيم عيسى جاب الكلام ده منين

وبعدين بقى اللى ما قالهوش السيسى .. بس قاله

هو سيبو المؤسسة الوحيدة الناجحة فى حالها

ماتقربوش منها

معقولة يا ابو محمد دا انت تفهمها وهي طايرة

السؤال

هو مش مجلس الشعب هايراقب ميزانية الجيش

الاجابة حاجة من اثنين

ايوا او لا

بس ماتكونش زي اجابة كبير الرحمية

هاتتصرف كيف يا عبد الرحيم

هاتتصرف كيف يا عبد الرحيم

عشان كده كانت فقرة كوميدية وضحكت عليها كأني شايف كبير الرحمية ادامي

يبقى قصدك فعلا على سؤال ابراهيم عيسى

بخصوص مراقبة مجلس الشعب ولجنة الأمن القومى للجيش

تبقى إجابتى زى ما هى يا أستاذ إسلام

وسكوت الراجل وقوله سيب الجيش هو رد مؤدب

لأن الرد الآخر لابد أن يتطرق إلى عالم الحيوان وبالذات الحيوان المشهور

المظلوم مع كل الناس .. لأنه حيوان بيشقى فى شغله وبيصعب علىَّ انه يؤخذ مثل للغباء

:)

بص يا أستاذ إسلام .. ما يخص الجيش منصوص عليه فى الدستور

وابراهيم عيسى أثبت انه مش مذاكر

ومرة أخرى .. إجابتى تظل كما هى

والمفروض الجهلاء يبتعدوا عن المؤسسة الوحيدة الناجحة فى هذا البلد

سأضع لك ولمن يقرأ هذه المادة الخاصة بما تكلم فيه ابراهيم عيسى بدون علم

فاستحق تلك الابتسامة ثم الصمت ثم الرد المقتضب

أنا متأكد إنك بتفهم فى الـ Body language يا أستاذ إسلام

(مادة 173) ينشأ مجلس الدفاع الوطنى، برئاسة رئيس الجمهورية، وعضوية رئيس مجلس الوزراء، ورئيس مجلس النواب، ووزراء الدفاع ، والخارجية، والمالية، والداخلية، ورئيس المخابرات العامة، ورئيس أركان حرب القوات المسلحة، وقادة القوات البحرية، والجوية والدفاع الجوى، ورئيس هيئة عمليات القوات المسلحة، ومدير إدارة المخابرات الحربية والاستطلاع.

ويختص بالنظر في الشئون الخاصة بوسائل تأمين البلاد،وسلامتها، ومناقشة موازنة القوات المسلحة، وتدرج رقمًا واحدًا في الموازنة العامة للدولة، ويؤخذ رأيه في مشروعات القوانين المتعلقة بالقوات المسلحة .ويحدد القانون اختصاصاته الأخرى .وعند مناقشة الموازنة يُضم كل من رئيس هيئه الشئون المالية للقوات المسلحة ورئيسي لجنتى الخطه والموازنة والدفاع والأمن القومى بمجلس النواب.ولرئيس الجمهورية أن يدعو من يرى من المختصين والخبراء لحضور اجتماع المجلس دون أن يكون له صوت معدود .

رئيس لجنة الخطة والموازنة ورئيس لجنة الدفاع والأمن القومى

فقط

ينضمان للمجلس عند مناقشة ميزانية القوات المسلحة

من أين أتى مستر ابراهيم بأن مجلس الشعب ولجنة الأمن القومى حيراقبوا الجيش ؟

مش بذمتك برضه يتقال له - بأدب - سيب الكلام عن الجيش للناس اللى بتفهم ؟

[أبو محمد]

هو جاوب ضمنيا يا اسلام بما معناه ان الجيش هو دوله داخل الدوله .. او هما الدوله ذات نفسها .. ومصر بكل مافيها ملك يمينهم

أيووووه عليك يا شاعر

:)

إنت لسه بتقول الكلام ده بتاع أيام "يسقط حكم العسكر" ؟

نتقابل فى موضوع "البرمجة العصبية اللغوية"

[Alshiekh]

حتى لا ننسى ونترك حمدين صباحي يسوق أكاذيبه التي يدعي فيها العنترية وهو أمر قد نقبله منه كمرشح للرئاسة يريد أن يظهر نفسه على أنه بطل الثورة.

ولنستعرض التاريخ القريب جدا والسابق على ثورة 30/6/2013

1- وجه الفريق أول عبد الفتاح السيسي إنذارا للرئيس السابق محمد مرسي في أواخر يناير لتنبيهه بحالة السخط الشعبي وأن عليه أن يجتمع مع القوى السياسية لإيجاد حل يرضي القوى السياسية، وعرض ان تستضيف القوات المسلحة هذا اللقاء والذي تم الغاؤه في اللحظات الأخيرة بناءا على تعليمات مكتب الارشاد لمحمد مرسي.

2- في أول مارس بدأت حملة جمع توقيعات لتفويض السيسي لإدارة البلاد وكانت بدايتها في الفيوم.

3- في 2 مارس قام الفريق صدقي صبحي بتوجيه ثاني إنذار لمرسي يفيد بأن القوات المسلحة على علم بما يجري على الساحة وانها لن تنتظر حدوث مواجهات بين اطياف الشعب المصري وأنها ستكون في الشارع خلال دقائق قليلة إذا ماتطلب الأمر تدخلها.

4- بعد أن لاقت حملة جمع التوقيعات للسيسي معوقات من اجهزة الدولة متمثلة في الشهر العقاري، تم تدشين حركة تمرد في 26 ابريل 2013 وتقوم من خلالها بجمع توقيعات على استمارات "تمرد" مطالبة محمد مرسي بإجراء انتخابات رئاسية مبكرة وحددوا موعدا لذلك ينتهي في 30/6/2013

5- بعد حوالي شهر ونصف وفي 8/6/2013 وظهور تنامي قوة حملة تمرد ، تكرم المناضل "حمدين صباحي" ووقع على استمارة تمرد.

6- في 23/6/2013 قام الفريق أول عبد الفتاح السيسي بتوجيه إنذار أخير للرئيس السابق محمد مرسي مع مهلة لمدة 7 أيام للإستجابة للمطالب الشعبية والتحذير من استخدام مرسي لميليشيات الاخوان لمواجهة القوى الثورية.

7- في 30/6/2013 توجه المشير السيسي بآخر انذار واعطاء مهلة 48 ساعة لتنفيذ مطالب الشعب، ثم تلاه بيان عزل مرسي واعلان خارطة الطريق في 3/7/2013 بحضور القوى الوطنية التي لم يكن من بينهم حمدين صباحي على الرغم من حضور شباب من تمرد وممثل من حزب النور والبرادعي وشيخ الازهر والبابا.

حدث كل ذلك ولم يكن لحمدين صوت ليخرج علينا الآن ويدعي أنه الثوري الذي قاد الثورة بينما كان الفريق أول عبدالفتاح السيسي يؤدي التحية العسكرية لرئيس مصر وقتها محمد مرسي.

[التونسى]

مع فاصل ترفيهى .. مش بعيد برده عن الموضوع الرئيسى .. بجد الواد الريميكسر اللى عامل الاغنيه دى عبقرى

https://www.youtube.com/watch?v=zEK5TjshfLc

ودى فوق البيعه لنفس الريميكسر عن باسم يوسف

https://www.youtube.com/watch?v=ivoy_HxRCEI

[التونسى]

أيووووه عليك يا شاعر

:)

إنت لسه بتقول الكلام ده بتاع أيام "يسقط حكم العسكر" ؟

نتقابل فى موضوع "البرمجة العصبية اللغوية"

على فكره يا مان انا عمرى ما قلت جملة ((يسقط حكم العسكر )) وخاصة بدلالاتها السيئه .. بل ان لى اشعار تمجد فى الجيش ها هنا .. وها هناك .. انا قلت ومازلت يسقط يسقط حكم ((المَنصر)) .. ومفتكرش انى هاجمت حد من الجيش او انتقدته بحده حتى فض رابعه المشئوم وما تلاه .. هو ده الحاجز النفسى بينى وبين السيسى ومجلسه العسكرى يا مان .. بينى وبينهم دماء مسفوكه مش قادر لحد النهارده ألاقى لها مبرر ولا قدرت أبرمج نفسى على تقبلها ولا حد ايضا قدر يبرمجنى ويخلينى أتقبلها .. دماغى مصفحه بعيد عنك .... لكن ولأنى راجل برجماتى فليس من عاداتى الركون الى الماضى كثيرا او البكاء على اللبن المسكوب .. الحياه رغم اى شئ ستستمر .. لذلك ركنت الى سياسة الامر الواقع .. والواقع يقول ان السيسى رجل المرحله شعبيا ورسميا شاء من شاء .. وأبي من أبي .. ربنا يستر بس علي مصر .. وهى الأهم ... ولعله يكفر عن خطاياه عبر بدء الحرب على الفساد والمفسدين .. تلك الحرب التى تأخرت كثيرا كثيرا .. ولعله يصل عبر التفاوض السياسى لصيغة تصالح بينه وبين الفرقاء .. سانتظر منه إصلاحات هائله علها تجعلنى اتناسى أو أتغافل عن خطاياه ومثالبه .. هانت .. كلها كام شهر وكل شئ ينكشفن ويبان مع الاعتذار لحسبو

[التونسى]

مع فاصل ترفيهى اخر .. انا ضحكت جدا وهو بيقول ((وده مش كويس )) بعد لحظة صمت كان بيجمع و بيدور فيها عن المعنى او الكلمه التايهه منه واللى ملقهاش كالعاده زى ما لاحظت فى كثير من حواراته . الراجل ده محتاج شغل كتير عشان يبقى رجل سياسه .. لان من اهم اسلحة السياسى الناجح انه يكون متحدث لبق وبليغ ودبلوماسى .. بالبلدى كده ((برابند)) .. خصوصا مع الشعب المصرى اللى لا بيستر ولا بيفوت وقاعد عالواحده

https://www.youtube.com/watch?v=zT3QEhxmkMA&feature=youtu.be

[eslam elmasre]

يبقى قصدك فعلا على سؤال ابراهيم عيسى

بخصوص مراقبة مجلس الشعب ولجنة الأمن القومى للجيش

تبقى إجابتى زى ما هى يا أستاذ إسلام

وسكوت الراجل وقوله سيب الجيش هو رد مؤدب

لأن الرد الآخر لابد أن يتطرق إلى عالم الحيوان وبالذات الحيوان المشهور

المظلوم مع كل الناس .. لأنه حيوان بيشقى فى شغله وبيصعب علىَّ انه يؤخذ مثل للغباء

:)

بص يا أستاذ إسلام .. ما يخص الجيش منصوص عليه فى الدستور

وابراهيم عيسى أثبت انه مش مذاكر

ومرة أخرى .. إجابتى تظل كما هى

والمفروض الجهلاء يبتعدوا عن المؤسسة الوحيدة الناجحة فى هذا البلد

سأضع لك ولمن يقرأ هذه المادة الخاصة بما تكلم فيه ابراهيم عيسى بدون علم

فاستحق تلك الابتسامة ثم الصمت ثم الرد المقتضب

أنا متأكد إنك بتفهم فى الـ Body language يا أستاذ إسلام

رئيس لجنة الخطة والموازنة ورئيس لجنة الدفاع والأمن القومى

فقط

ينضمان للمجلس عند مناقشة ميزانية القوات المسلحة

من أين أتى مستر ابراهيم بأن مجلس الشعب ولجنة الأمن القومى حيراقبوا الجيش ؟

مش بذمتك برضه يتقال له - بأدب - سيب الكلام عن الجيش للناس اللى بتفهم ؟

لا

واضح ان السيسي هو اللي ما كانش فاهم الكلمتين دول لانه لو مذاكرهم كان كشف ابراهيم عيسى وضحك الناس عليه بدال ما ابراهيم هو اللي ضحك الناس على السيسي

عموما انا نشرت الفيديو من اجل الضحك وادينا ضحكنا عليه من قلبنا وزي ما قال الشاعر الراجل ده محتاج شغل كتير

طب ادينا مع بعض واحنا بردو ستر وغطا على بعض

المصيبة لو اتكتم ادام رئيس دولة اخرى اثناء المباحثات مثلا ولا يحط وشه في الارض ويعمل زي كبير الرحيمية

[eslam elmasre]

مع فاصل ترفيهى اخر .. انا ضحكت جدا وهو بيقول ((وده مش كويس )) بعد لحظة صمت كان بيجمع و بيدور فيها عن المعنى او الكلمه التايهه منه واللى ملقهاش كالعاده زى ما لاحظت فى كثير من حواراته . الراجل ده محتاج شغل كتير عشان يبقى رجل سياسه .. لان من اهم اسلحة السياسى الناجح انه يكون متحدث لبق وبليغ ودبلوماسى .. بالبلدى كده ((برابند)) .. خصوصا مع الشعب المصرى اللى لا بيستر ولا بيفوت وقاعد عالواحده

https://www.youtube.com/watch?v=zT3QEhxmkMA&feature=youtu.be

ههههههههههههههههههههههههههههههههه

[tarek hassan]

ظاهرة قديمة حديثة

وهي عدم الاهتمام بالمضامين وإطالة النظر في ذات الشخص أو الشخص ذاته

أو الاهتمام بالكلام بصرف النظر عن الأفعال

فرض جدلي غير حاصل ......وهو أن السيسي يتمهل في الإجابة أو يتباطأ فيها أو ليس لديه فصاحة القول ....

الرجل يمتلك برنامج ينبغي مناقشته ولديه جدية الفعل أو الفعل الجاد ......

لقد كان موسي عليه السلام من أولى العزم من الرسل مع أنه قال ..... ( وَاحْلُلْ عُقْدَةً مِّن لِّسَانِي * يَفْقَهُوا قَوْلِي .... ) ... وقال : ( ويضيق صدري ولا ينطلق لساني .... )

أخشى على البعض من الجاهلية الأولى التي تركت رسائل الرسول وانشغلت بأمور أخرى منها تساؤلهم

﴿وَقَالُوا مَالِ هَذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ لَوْلَا أُنْزِلَ إِلَيْهِ مَلَكٌ فَيَكُونَ مَعَهُ نَذِيراً (7) أَوْ يُلْقَى إِلَيْهِ كَنْزٌ أَوْ تَكُونُ لَهُ جَنَّةٌ يَأْكُلُ مِنْهَا وَقَالَ الظَّالِمُونَ إِنْ تَتَّبِعُونَ إِلَّا رَجُلاً مَسْحُوراً .)

في النهاية السيسي ليس نبيا ولا كاملا وإنما هو بشر من خلق الله شأنه كشأنهم ... ربما يتلعثم مرة أو يتأخر أخرى ومخطيء من يظنه لا يخطيء

وعادي جدا في حديث استمر ساعات أن تعد هناته بالواحدة أو الاثنتين

وَمَن ذا الَّذي تُرضى سَجاياهُ كُلُّها, كَفى المَرءَ نُبلاً أَن تُعَدَّ مَعايِبُهْ

[eslam elmasre]

ليته ما تكلم

كان له مقام في ذاكرتي على انه قائد اكبر مؤسسة في مصر ووزير دفاعها وحامي حماها وقارنته في هذه اللحظات بقامات وزارة الدفاع السابقين الشاذلي وابو غزالة والجمسي لكن يا حصرة على مصر

هذه هي القماشة الموجوة في عصرنا هذا

كان يحتاج للمزيد من الوقت للتدريب وتغير الجلد من الحياة العسكرية الى الحياة المدنية لذلك سنصطدم كثيرا بمثل تلك المواقف المضحكة عندما يكون هذا الرئيس على المحك امام مواقف تاريخية ومؤتمرات صحفية مفاجئة وليست مرتبه ومنمقة ورغم ذلك حدث فيها ما يضحك ولكنه ضحك كالبكاء