كل سنه وانت طيب ياأبو خليل

[mb14]

اخونا العزيز ابو خليل يتم اليوم عامه الثلاثين وهذا دائما يكون عيد ميلاد مميز حيث ان الانسان ينتقل الى العقد الرابع فى عمره وهو عقد الرجولة .

كل سنه وانت طيب ياابوخليل وعقبال ما تدخل فى العقد الحادى عشر من عمرك (يعنى توصل للميه ان شاء الله ).

محتار اجيب له ايه هديه فى عيد ميلاده بفكر اشوف له باندا ولا نمر قبل ما ينقرضوا اصله من هواياته المتعدده حماية للحيوانات المنقرضه :rolleyes:

ٍٍس س جهز التورته والجاتوة وانفخ البلالين دى النهاردة ليلة كبيرة قوى فى المحاورات

تم تعديل 21 مايو 2005 بواسطة mb14

[bentmasria]

ابو خليل

ياراجل ياطيب موش تقول

كل سنة وانت طيب وبالف خير

والسنة الجايه تكون مستنى ولى العهد ان شاء الله

وتبعتلك صورة محمد المدام تتوحم عليها(((فاهمة انه زى القمر))) القرد ف عين امه

ربنا يسعدك ويوعدك بالخير وراحة القلب والصبر والرزق وكل اللى تتمناه ف دنيتك تلقاه ان شاء الله

ومحمد بيقولك

كل سنة وانت طيب ياخالو :rolleyes:

عقبال مليوووووووووون سنة

[Scorpion]

ياااااااااااااه ... يا خبر ... قوام عدت سنة ... والله انا لسه فاكر انك كنت كتبت قصيدة لونها حزايني في عيد ميلادك اللي فات... و هجمنا عليك كلنا بعدها بالتورت و الببس ...

يا تري با ابو خليل حصاد السنة اللي فاتت دي كان ايجابي .... يعني البسمات كانت اكتر من الشجون ..... ادعو الله ان يكون كذلك ... لك و لكل من يقضي مناسبات خاصة وحيد في الغربة ....

بس انت مش لوحدك يا حلو ... مجموعة كاملة حتي لو مش موجودة معاك بجسمها.. حتحتفل معاك بعيد ميلادك ...

و كل سنة و انت طيب.. و راضي .. و سعيد .. و بصحة جيدة يا ابو خليل يا عسل...

[عصام]

إييييييييييييييييييييييه .. دنياااااااااااااااااااااا

وحدووووووووووووووووووووووووووووو

مش ها ييجى أد اللى راح يابنى .. :rolleyes:

خلاص خلاص ما تزعلش ... باهزر والله B)

ربنا يديم عليك الصحة نعمة ...

ويلهمك الصبر ..

:rolleyes:

[ابو خليل]

برغم اعتراضي علي كلمة (عيد ميلاد ) علي أساس أن العيد في الإسلام عيدان ..

شكرا اي mt14 علي موضوعك ..

وشكرا يا أم محمد علي تحيتك ، ومبروك صورة محمد الجديدة ..

شكرا عصام

شكرا سكوب ..

وشكرا لمن اتصل بي من الاصدقاء عامة و( الأحباب ) خاصة ... وخدوا بالكم من كلمة الأحباب دي :rolleyes:

و في ( يوم ميلادي ) .. احب اعمل احصائية عن العام الماضي .. حلوها ومرها :

1- نزلت مصر الصيف اللي فات بعد غياب سنتين ونص ..

2- خطبت .. البنت اللي حبتها .. ، ولان امي واخواتي البنات كثيرا ما كانوا يدعون علي ويقولون : ( ربنا يبعث لك اللي تخلص منا اللي انته بتعمله فينا ... )

فقد أرسلها الله لتأخذ بثأرهم مني .. :rolleyes:

3-زاد عدد من ينادوني بـ (خالي ) اثنين فصار المجموع 8 (في عين العدو ) والأخيرمنهم اسمه ابراهيم .. !! وقد اعترضت علي هذا الإسم مرارا لعدة اسباب منها :

أ) صار الجميع ينادوني ابراهيم الكبير ، وينادونه ابراهيم الصغير .. وهي اسماء ثقيلة ..أولا وثانيا تذكرني بـأمثال : علي بيه الكبير ، نعيمة الصغير ...

ب) صار الجميع يغلطون في .. مثلا يقول الواد عبد الرحمن (ابن اختي الأكبر ) بمنتهى اللؤم : ابراهيم عملها علي نفسه ..

ويضحك الجميع .. وأنا عارف انه يقصد يرخم عليه ... وبعدين يقول : اقصد ابراهيم الصغير طبعا ... ( مش عارف الواد عبد الرحمن ده طالع لمين ..؟؟ )

الخ من الشتائم : يا ابراهيم يا زفت .. يا ابراهيم يا منيل ...

وكلها تختلط بين ابراهيم الصغير وابراهيم الكبير..

4-اهملت كثيرا في جنب الله ...

فلم احج هذا العام .. ولم اعتمر سوى مرة واحدة .. وقصرت كثيرا في صلاةا لفجر .. لا ادرى لماذا !!

أسلوب العمل هنا .. وكوني ( ترس في ماكينة ) يجعلني انام لساعات طويلة من الإرهاق .. ولكن لا يعفيني من الذنب الذي اعترف فيه .. واطلب من الله الصفح والعفو .. والعون علي طاعته ..

وسأحاول إن شاء الله أن أغير من اسلوب حياتي لأعود حريصا علي الصلاة والعبادة !

5- حفظت بحمد الله سورة البقرة كاملة .. خلال عشر شهور ..

كنت احفظ كل يوم تقريبا ايه أو ايتين .. والحمد لله .. وسأواصل الحفظ إن شاء الله

6- حصلت علي المعلم المثالي في المدرسة ..

..في مدرسة مديرها عضو في لجنة ( السعودة )‍‍، يعني بيحبي مووووت B) ‍‍‍‍

فيه أيه ثاني يا واد يا أبوخليل ...

مفيش حاجة ثانية تقريبا ...

وشكرا لكم

تم تعديل 21 مايو 2005 بواسطة ابو خليل

[se_ Elsyed]

30 سنة ا خل .. ياهههههههههههههه والله كبرت أحلويت .

إلحق إتجوز بى حسن أيام العمر معضوضه ... ونصيحة من واحد أكبر منك بتلات سنين يابو خليل يابني .. إوعى تتجز وتترك حياة الزوجية وترجع للعزوبية تاني ... يا تعيشوا سوا .. وبرضوا يا تعيشوا سوا ...

كل لحظة وإنت بصحة وسعادة .. وربنا يجعل أيامنا جميعاً مليئة بالحب والصفاء ..

[Sherief AbdelWahab]

كل سنة وانت طيب يا أبو خليل ، وتنقل دروسك لمصر بدل السعودية! :D

خلص الكلام

[وليد صفوت]

على عجل , و بسرعة جداً عشان عندى إمتحان بكرة ( إدعولى ) ,....

كل سنة و انت طيب يا أبو خلو ,و عقبال 59 سنة ( عشان المعاش ) <_<

.............

برغم اعتراضي علي كلمة (عيد ميلاد ) علي أساس أن العيد في الإسلام عيدان ..

على فكرة مش حرام و لا مكروه اننا نسمى أيام فرحتنا ( أعياد ) لأنه لم يورد فى السنة أو فى الأثر أن أحداً حرم هذا ,....

سلاماتى و تحياتى و قوبولاتى ,... :angry:

[ابو خليل]

شكرا لكم ..

فين الناس ( سبعة ) بس يهنئون أبو خليل المصري !!

وانا قلت الهدايا هنتزل دي المطر ..

ومستني ..

ومستني

ومستني ..

ومستني ..

داخل علي جواز وفي حاجة لأي حاجة !

ساعة ، نجف ، طقم انتريه .. خلاط ، منبه ، سجاجيد ، ثلاجة ..

فين الهدايا !!

<_<

طيب حتي كارت شحن للجوال من أبو 50 ريال !

طيب أي حاجة !!

عموما لسه انا منتظر وقررت :

" مد فترة يوم ميلادي .. 40 يوم " !!!