شعنونة في سوق الخضار!!

[بنت شعنونة]

في يوم من الأيام ومن ضمنت حالات الملل التى تمر علي كثيرا

قررت فجأة ان اعمل عملا يعولني واصرف على نفسي بعيدا عن الطب وسنينة..

وكان اكتر حاجا شجعتني انه المنطقة التى اسكن بها منطقة راقية لكنها ليس بها محل خضار او فاكهة واحد على مدى 6 او 7 شوارع متوازية..

وبحسبة بسيطة كام عمارة في الشارع (حوالي 20) وكام شقة في كل عمارة (اضرب في اتنين على الأقل)

وبحسبة بدائية واكرر بداااااااااااااااااااائية... عرفت انه المشروع ها يكون مكسب جدا

وهوا

محل خضار وفاكهة...

شيء تاني شجعنى الصراحا هوا توفر محلات فاضية للأيجار...

وقد كان..

سألت عن ايجار اول محل وكان مساحتة تقريبا 4 في 4 متر

كان حوالي 700 جنيه :rolleyes:

عالي اوووووووووووووي علية..

سألت على المحل التاني وكان جراج ومساحتة حوالي8 في 4 متر

ولقيت نفس سعر الأيجار

ف تشجعت

لآني كنت ها اقسمه نصفين

نصف لتخزين الشولة ونصف للعرض

بالرغم من عدم توافر ايييييييييييييي مجال تهوية + انه مستواة نازل عن الأرض شوية حوالي 20 سم مثلا.. فكان صعب ان الواحد ياخد باله من المحل..

لكني توكلت على الله.. واجرته

وسميته بناء على اختيار اخونا العزيز سيد مرزوق الله يكرمه

سميته محل الـــــطــــــــــــــيـــــــبـــات..

[بنت شعنونة]

تم تقسيم المحل الى جزئين بقاطع الوميتال (نصف قاطع)

وزدت مروحتين واحدا خلف القاطع و اخرى امامه للتهوية

بالاضافة الى تعليق اللوحة الضوئية

اثناء ذلك كنت اتردد على الوكالة

وماداراااااااااااااك ما الوكالة :rolleyes:

عالم تاني خالص

يبتدي بعد اذان الفجر مباشرة الى الساعة السادسة فجرا ودا وقت الذروة حيث تفتح الوكالة بابها ويمكن للتجار الخروج ب بضايعهم اللي اشتروها من جوا البضاعة

ودا طبعا بعد دفع ضريبة صغيرة

ملاليم.. جنيهات معدودة على كل حمولة معينة..

[بنت شعنونة]

الوكالة اجزاء.. جزء للخضار واخر للشولة واخر للفواكه

ارقاهم بتاع الفواكه

اقله مافيهوش طين وحشرات وعك يعني

انما الباقي كله زببببببببببببببببببببببببظ وبهدلة... :rolleyes:

الوكالة فاتحة طووووووووووووول الوقت

انما البيع الفعلي يا اما الفجر يا اما الساعة 8 - 10 مساء

انما الأكيد انه بضايع الفجرية طازة ومية مية داااااااااااايما

بس مشكلتها الزحمممممممممممة الفظيعة والمضاربة والخناق على شرا الحاجا...

المهم هما كام يوم وفهمت الفولة.. :rolleyes:

[بنت شعنونة]

المحل جهز من كهربا..

رحت فصلت استاندات حديد عند حداد وجبت علبة دهان ودهنتهم بنفسي..

وجبت اقفاص بلاستيك عشان اعرض عليها البضاعة..

وقربنا على الأفتتاح

اول ايامي ( في التدريب) ;) كنت بروح ببنطلون وبلوزة وبعدين اكتشفت اني زي واحد صيني داخل حي بولاق!! :rolleyes:

شكلي غريب جدا

رحت جبت عباية سودا وتحتها بنطلون بني.. وفكرت والله بجد في المنديل ابو قوية.. بس ابويا لحقني ;)

والله كنت ها اموت البسه :rolleyes:

اصل فكرتي عن المعلمات عبارة عن نادية الجندي وبس!

وكنت عاوزة البس زيها فعلالالالالالالالالالالا :D

مش بهزر والله B)

بس يالله

الظررررررررررررررووووووووووووف بقى

المهم..

تم تعديل 21 مايو 2005 بواسطة بنت شعنونة

[Salwa]

شانا حبيبتى ...

انا معاكى وسامعاكى ....ايه اللى خللاكى تفتكرى ده كله تانى ؟؟؟

ايه اللى فكرك تانى بمحل الخضار ؟؟؟

ياترى حاترجعى للمشروع ده تانى ؟؟؟

ياترى بقى عندك خبرة دلوقت وممكن تتلافى الأخطاء اللى فاتت وتبدئى من اول وجديد ؟؟؟ بس بجانب ممارسة عملك الاساسى طبعا ؟؟؟

جميل انك تحكى كل شئ وخصوصا خبايا هذا المجال اللى بعض الناس بتفتكر انه سهل ...لكن كما هو واضح مثله مثل اى مجال آخر فيه ( حرب )..وفيه منافسة ..صح ؟؟

فى انتظار باقى الخواطر ...افتكرى واحكى لكن ؟؟ ..بدون اى ندم واعتبرى اى تجربة هى زيادة لرصيدك فى خبرتك بالحياة ..

[بنت شعنونة]

و الظاهر والله اعلم ان اللبس دا جه على هوا المعلمين في الوكالة

ف اوووووووووول ما دخلت الوكالة بيه اول مرة واحد ناداني من على الباب (كان بيبيع طماطم) وقالي..

اتفضلي يا

ام ســــــــــــــــــــــــــــمـــــــــــــــــــــــــر

!!!!!!!!!!!!!!!!!!!!!!!!!!!!! B)

مين ام سمر دي

ما اعرفش..

لكن من ساعتها ولآخخخخخخخخخخخخخخر يوم في الوكالة وانا كان اسمي ام سمر.. ;)

وعربيتي اسمها عربية "الحاجة" ام سممممممممممممممممممممر!!!!!!!!! :rolleyes:

بس بيني وبينكم

عجبتني ام سمر,.... بس ما عجبتنيش الحاااااااااااااااااااااجة :rolleyes:

المهم... ابتديت ارتاد الوكالة اكتر واكتر..

وابتديت اعرف يعني ايه وزن ويعني ايه لط ويعني ايه مفرط ويعني ايه شيلة

من الحاجات اللي اتعلمتها...

ان الخيار بيتباع بالقفص " ليه اسم معين في الوكالة بس نسيته" وزيه زي الطماطم وحاجات كتير..

بتاخد القفص الللي انت تختاره بعد ما تقلب فيه..

طبعاااااااااااااااااا التقليب ممنوووووووووووووووووووع تمااااااااااما

انت بتشتري شختك بختك

انما لقيت الستات بتقلب

فغلسسسسسسسسسسست زيهم تمام وقلبت لحد ما الراجل يتخنق مني ويزقني بعييييييييييييييييييييد وساعتها اكون قررت ها اخد انه قفص واحطه على الميزان.. واشوف الوزن كام في السعر ونتحاسب..

واسيب الحاجا عند البياع على ما اجيب بقيت حجاتي واجيب الشيال في النهاية واطلع مرة واحدا بالحاجة بدل ما اروح وارجع الف مرة في الشروة الواحدة ;)

[بنت شعنونة]

ماما سلووووووووووووووووووووى

وحشتييييييييييييني جدااااااااااااااااااااااااا جدااااااااااااااا

انا بكتب الموضوع دا لما لقيت ناس كتيييييييييييييير بتسأل تعمل مشاريع ايه..

فقلت اكتب تجاربي التجارية بخسارتها وربحها بمنتهى الأمانة

اهو

نفييييييييد ونستفيييييييييييييد :rolleyes:

انما انا مش ندمانة على التجربة ابداااااااا

بالعكس سعيدة بيها جداااااااااااااااااااااااااااااااااااا :rolleyes:

[بنت شعنونة]

الطماطم يوم في العااااااااااااااااالي ويم في النازل

يعني يوم يكون القفص اللي هوا حوالي من 15 - -25 كيلو

يكون ب 10 جنيه

مرة ب 5

ومرة ب 20 :rolleyes:

احنا وحنا اليوم دا

عشان كدا لما السعر يكون قليل والطماطم ناشفة كنت بجيب بزيادة واخزنها

لكن في الغالب كنت بجيب قفص واحد بس يوم اه ويوم لا واحيانا كل يوم..

الخيار بقى كنت بجيب قفص على 3 ايام وكان سعره ثابت في معظم الوقت..

البطاطس ب الشيلة ( شوال) حوالي 20 كيلو تقريبا وزيه زي البطاطس و البتنجان و الفلفل المكبب

البتنجان العروس و المكبب كان دايما سعره غالي هوا و الفلفل

المهم اتعلمت احيب الحاجات دي كلها..

طبعا يوم الأفتتاح جبت الحاجات دي كلها وكنت بسيبها عند البياع..

اللموت برضه بالشيلة

الفاصوليا و البسلة بيبقوا فرط

يعني يا اما بالكيلو 3 كيلوا ب 3 كيلوا

والبامية زيهم

يا اما بالشيلة ودي فيها 10 كيلو على بعض..

الفاكهة بقى

التفاح بيتباع باكت فيها 3 كراتين مع بعض

اللبناني كان ال 3 ب 30 جنيه وممكن اقل

الأمريكاني كان ب 50 جنيه واقل

على فكرة

في اييييييييييي شروة كل ما تزيد الكمية اللي انت واخدها كل ما يقل السعر

الموز بقى بالسباطة.. بس كل مرة كنت ب اتخم في الوزن والسعر :rolleyes:

اكتشفت مع الوقت انك لازم تخصم وزن عمود الموز عن الموز..

العنب بالقفص زيه زي الرمان و التين والتمر وغيره وغيره

[بنت شعنونة]

المكسب في الفاكة بيكون حوالي 200-300%

يعني انا بشتري 20 ك تفاح ب 30 جنيه

ببيع ال كيلو ب 8 او 9 ج دا اللبناني..

ولما يقرب يدبل ببيعه ب 7 او 6 ج ;)

البصل و البطاطس و الكرنب و الطماطم برضه مكسبهم الدبل واكتتتتتتتتتتتتتتر

خصوصا انه الطماطم ممكن تغليى في يوم وانا عندي بضاعة من امبارح بسعر كويس اقوم اغلي السعر زي سعر السوق...

الكرنبببببببببببببب بقى

وااااااااااااااااااااااخ من الكرنب...

انا كنت ها اموووووووووووووت اجيبه للمحل

بس مش لاقياه في الوكالة خااااااااااااااالص! B)

يا ولاد اللذينه؟ بتجيبوووووووووووه منيييييييين طيب؟؟ ;)

ف كنت ب استلقط اي بياع على عربية اخد منه عشرة بسعر قليل وازود 1 او 2 جنيه ع الكرنبة وابييييييييييع بقى (سياحي) :D

المهم

مرة رحت بدري شوية

قبل النور ما يطلع

واذ بي افووووووووووووووووووووجأ بكمية كرننننننننننننننننب كرثثثثثثثثثثثثة موجودة جوا

اتاريه بيبقى موجود الفجرررررررررررررررر بسسسسسسسسسسسسسسسسسس :rolleyes:

المهم رحت للراجل

"طبعا انا مش عارفا بتباع ب الأيه او ازاي؟؟ ولا ينفع اسأل اصلالالالالالالالالالالا

والا ها ابقى عاملة زي الهنتريش ابو اجنحة فعلا :D "

فلازم اجرب حظي

كان معايا الصبي بتاعي :rolleyes: محمد اللي بيساعدني في المحل كان بيجي معايا اوقات يشون البضاعة "حششششششششششششيشششششششششش يا سعاااااااااااد ;) :D "

المهم كان معايا يوم الكرنب دا

طبعا اختكم ام سمر اتشمللت وهيا رافعا ديل العباية السمرا وماسكاه في ايدها ولا اجدعها معلمة فيكي يا بلد " فينك يا نادية الجنديييييييييييييي"

ورحت قلتله....

بكااااااااااااااام دييييييييييييييييييييييييييييييييييييييييي :D

[بنت شعنونة]

المهم قالي ب 1و نص

لالالالالالالالالالالالالالالالالا غالي يا ريس

ما تهزها شوية

-هيا كدا..

- طب خليها ب جنيه طيب.. عشان اكسب فيها بس..

ورحت بصاله نظرة الكلب الحزين كدا :D :rolleyes:

المهم رق لحالي وقالي ماشيييييييييييييي

وفي غمضة عين لقيت كرنب عمال يتحدف في الهوا ويترص جنبي :D

ترك

ترك

ترك

ترك

ترك

ترك

ترك

ترك

B)

ترك

ترك

ترك

ترك

ترك

ترك

ترك

ترك

:rolleyes:

ترك

ترك

ترك

ترك

ترك

ترك

ترك

;)

ترك

ترك

ترك

ترك

ترك

ترك

:D

لحد ما بقى فيه جببببببببببببببببببببببببببببببببل كرنب جنبي!!!!!!!!!!!!!!!!!

;)

لما عديتهم طلعوا حاجا وعشرين كرنبة

اتتتتتتتتتتتتتتتتتتتتتااااااااااااااااااااااااااااااري بيع الكرنب هناك كدااااااااااااااااااا

ب الحاجا وعشرين واحداااااااااااااااااااااااااااااااااااااااااااااااا

طبعا ستر ربنا انه كان معايا فلوس زيادة ساعتها

بس كان كللللللللللللللللللللللل همممممممممممممممممممممممممممممممي

ها اشيلهم في اييييييييييييييييييييه دووووووووووووووووووووووووووول!!!!!!!!!!!!!!!!!!!!!!!!!!

خصوصا اني كنت بنقل البضاعة ب عربيتي (سويفت :D )

والهم الأنييييييييييييل

ها ابيعهم امتى دووووووووووووووووووووووووووووووووووول؟؟؟؟؟؟؟

دا اكيد ها يبوووووووووووووووظ؟؟؟؟؟؟؟؟؟؟؟

طبعا انامحتارة وعمالة افكر

ومحمد واقف جنبي ساعة يزعقلي وساعة يضحك على حالي..

المهم

على وقفتنا واحنا عمالين نفكر شوية ونزعق في بعض شوية

واذذذذذذذذذذذذذذذذذ بيييييييييييييييييي افوووووووووووووجججججججججججججأ ب واحدا شكلها غلباان خالص واقفا جنبي بتقلب في الكرنب بتاعي..

سبتهاوقلت ياواد طننننننننشششش خااااااااالص ولا اكني شايفا

شوية ومسكت واحدا في حضنها

شوية ومسكت التانية

وهوبا مسكت 3 وقربت مني....!!!

دول بتوعك يا سسسسسسسسست؟

-!! ايوا...

- تبيعيهم؟

- طبببببببببببببببببببببببعععععععععععععععععععااااااااااااااااااااااا

قلتهاوانا عاملة نفسي مش عاوزة ولو اني من جوايا ها اطيييييييييير من الفرح

ها اخلص من 3 كرنبييييييييييااااااااااااااااااات بحاااااااااااااااااااالهم

بكام..

- 3 جنيه الكرنبة..

- اييييييييييييه ليه؟ دا بيتباع الواحدة ب جنيهونص...

- ايوا بس شيلي بقى اللط بحالة

المهم امتعضت شوية

وشوية وراحت مطلعة الفلوس

طبعا اناكنت في منتهى السعااااااااااااااااااااادة اني بعتهم

ومحمد واقف جنبي بيقولي

هااااااااااااااا

ها نعمل ايه في ال 19 اللي فاضلييييييييييين

قلتله بقولك ايه

خلينا واقفين حبه كدا يمكن ربنا يرزقنا...

شوية وجت الست تاني ومعاها واحدة تانية وخدت 3 كرنبيات تانيين ب نفس السعر

شويةوهما بيقلبوا جه واحد معلم صعيدي خد مني 10 كرنبيااااااااااااااااااااات ب 20 جنييييييييييييييييييييييه

وكدا ما اتبقاش معايا الا 7 كرنبيات...!!!!!!!!

همممممممم

مشكلة برضه!!

انا قدرة المحل الشرائية عندي صعب اني ابيعهم

طب اعمل ايه اعمل اييييييييييييييييه

بسسسسسسسسسس

وجدتهاااااااااااااااااااااااااااا

حمّلت الكرنب على وش الحاجا في العربية وع السطح

واااااااااااااول ما دخلت الشارع رحت مدية كلاكسسسسسسسسسسسسسااااااااااات كتيييييييييييير اكنها زففففففففففففففففففففففففففة

مع اننا كنا الساعة 9 الصبح!!!!!!!!!!!!!!!

طبعا كله بقى عمال يبصلي مستغرب ومنهم ال قرفان مني

لكن الهدف حصصصصصصصصصصصصصل

كله شاف الكرنب وهوا في العربية مزهزه كداااااااااااااا

وشافوه وهوا بينزل من العربية للمحل...

وشوية وجت مرات بواب عمارة

يا دكتوووووووووووووووورة الكرنب دا للبيع

- ايوا طبعا

- بكام

-ليكي انتي ب 3و نص

ما تهزيها يا دكتورة

- ب 3 يالللللللللللللللله اصطبااااااااااااااااااااحة ب وشك يا عسسسسسسسل

وخدت اتنين

مافيش دقيقة جت مرات بواب تاني غارت منها وخدت واحداااااااااااا

دقيقة كمان وجت مرات بواب بعتتها صاحبة البيت اللي شفات الزفة وشافت الكرنب

مافيش نص ساعا كان الكرنب اتبببببببببببببباع و متوصي على مجموعة لليوم التاني...

على الساعا 3 الضهر كان الشاااااااااااااااااااااااااااااااااااارع كلللله ريحته محشششششششششششششششششششششششششييييييييييييييييييييييييييييييييييي

تم تعديل 21 مايو 2005 بواسطة بنت شعنونة

[بنت شعنونة]

في اليوم دا اتعلمت سر خطييييييييييييييييير

ان الدعاية اهم من البضاعة

وان الستاااااااات بتغيير من بعض

وانه طريقة اظهار المنتج و استفزاز غيره الستات ما بينهم وبين بعض ها يفرق معايا انا كتيييييييييييييير في البيع..

وها افهمكم ازاي...

[سقراط المصري]

يخرب بيت عقلك يا شانا

موضوع جديد وحلو وخصوصا نتيجه الدعايه.

مبسوط برجوعك خالص

دول جابولي اكتئاب.........يا حاجه :rolleyes: B) ;)

اكيد هنتكلم بعدين بالتفصيل

بس برافو عليك

سقراط ;) :rolleyes:

[G.G]

انا بكتب الموضوع دا لما لقيت ناس كتيييييييييييييير بتسأل تعمل مشاريع ايه..

فقلت اكتب تجاربي التجارية بخسارتها وربحها بمنتهى الأمانة

اهو

نفييييييييد ونستفيييييييييييييد

الإستفادة لن تكون لمن يبحث عن مشروع فقط لأنها ليست تجارب بيزنس عادية..

الإستفادة للجميع ,,

لتعلم جراءة التفكير..

و لتربية الشجاعة في خوض أي مجهول..

و لتقديم نموذج لحسن معاملة الإنسان لنفسه ,,بأن لا يبخسها حقها بخوفه من التجارب و خوفه من الإقدام..

بجد هايلة :rolleyes: ..

عايزين تاني دروس :rolleyes:

[se_ Elsyed]

بغض النظر عن نوعية المشروع سواء بيع كرنب أو محشي ورق عنب .. لكن الجرأة نفسها والأفكار هي اللي تجنن . يعني أنا مثلاً لو عندي مشروع وطلبوا مني كل يوم أبأ شغل قبل الفجر ممكن اتجنن ويحصلي عبط منغولي ..

برافو عليكي يا شنشن ... تجربة نادر جداً وصعب جداً جداً تُقدم عليها بنت متعلمة تعليم عالي ومش محتاجة مادياً ...

يالله كملي ..

[بنت شعنونة]

الغالي على قلبي سقراط

ربنا يخليييييييييييييييك

والله الموضوع دا اسبيشال ريكويست عشاااااااااااااااااااانك :D ;)

جي جي

وحشتيييييييييييييييني

واذا كان ع التجارب

استلمي وما تعديششششششششششششششششش B)

س س.. اصبر لسا

هوا انا شطبببببببببببببببت من شوية ;)

نكمل بقى....

اللي حصل اني عرفت اليوم دا ان بواب كل عمارة ومراااااااااااااته عبارة عن مصباح علاء الدين بالنسبة ليا

لآنهم اوووووووووووول ناس بتصحى في الشارع ف اول ناس بتشوف الخضار بتاعي..

ولأنهم هما اللي بيشترواطلبات اغلب الشقق ف بالتالي هما وسيلة دعاية كويسة جدا جدا

واخيراااااااااااااا هما ستااااااااااااااااااااااات (مرات البواب يعني)

المهم حطيت الملحوظات دي في بالي لوقت عوزة...

"معلش تسلسل الأحداث مش قد كدا لأن الموضوع دا فات عليه اكتر من سنة ف حسب ما بفتكر)

نرجع تاني للأفتتاح...

رحت عملت برشورز عند واحد رخيص

وكان المفروض الصيغة...

بسم الله الرحمن الرحيم

تم بحمد الله افتتاح.........

لقيت الراجل صاحب المطبعة قالي...

لألألألألألألأ

؟؟؟ :rolleyes:

لا ايه؟

- ما فيش بسم الله الرحمن الرحيم

-!!!!!!! :rolleyes: ليه يا عم؟

- عشان الورق دا ها يترمي ع الأرض وفي الشارع لو مش منك من اللي ها ياخدوا منك

همممممممممم

اقتنعت

واتعلمت نقطة كمان...

لا تكتب اسم الجلالة في اي فلايرز دعاية..........

[بنت شعنونة]

ورحت تعاقدت مع واحد بتاع لمض نور عشان انور الشارع

اللمض كانت غالية عليا اووووووووي..

ف اكتفيت بخط نور واحد على جنب واحد من الشارع... :rolleyes:

وما جبتش لا مزيكا ولا قران واكتفيت بددعوة اصدقائي وقاريبي اللي عملوا زحمة قدام المحل مع النور فكان دا دعاية تمماااااااااااام التمااااااااام ( في نظري :rolleyes: )

لكن.......

اكتشفت غلط فاااااااااااااادح مع الوقت..

وهوا انه فرع النووووووووووووووور اللي بطووووووووووووول الشارع اللي انا علقته وزحمة الناس لم تكن دعاية صح

دي لم تكن دعاية من اصصصصصصصصصصصصصله اصلا..

لاني اكتشفت يوم بعد يوم ناس بتتصدم اننا فتحنا خضار هنا ويسألونا اييييييييييه دا؟؟؟؟

فتحتوا امتى؟؟؟؟؟؟؟؟؟ ;)

ولما نقولهم

يقولوا

بس ما سمعناش لا مزيكا ولا شفنا نور ولا حاجا

ولما اقول اني علقت نور

يردوا كللللللللللللهم نفس الرد

افتكرناه فرح !!!!!!!!!! ;)

ف اتعلمت تالت نقطة..

دعاية الأفتتاااااااااااح لازم تكون كبييييييييييرة جدا حتى لو ها افتح عربية فووووووووووول

عشان اعرف الناس

والا

انا الخسرانة... لآن الناس ملهيييييييييييييييية تماما عن اي حاجا في الدنيا حتى لو كان محل الطيبات اللي في وش عمارتهم تمام!!!!!!!!!!!!! B)

[بنت شعنونة]

المهم..

طبعا اشتريت ميزان عااااااااااااااادي تماما وسنج ميزان ( اوزان مختلفة من ربع لحد 5 كيلو)

يوم الأفتتاح الصبح رحت بنفسي اوزع الفلايرز على مساحات العربيات على مسافة 5 شوارع حواليا

ورحت اديت محل البقالة اللي جنبي اللي بيوزع الجرايد حبة محترمييييييييين بعد ما عرفته بنفسي عشان يحطهم جوا الجرانين ( تقولش بيتزا هت يا خي B) )

وفتحنا على بركة الله...

يوم الأفتتاح

صاحب العمارة اللي فيها المحل ( اللي هوا صاحب المحل) جه يزورني وعجبته اسعاري راح شاري حجات مني

اخواته كانوا معاه بيتفرجوا

ف مرات كل واحد غااااااااااااارت وبقوا بيضاربوا بعض مين يشتري اغلى حاجا او اكتر حاجا ;)

طبعا وانا المستفيييييييييييييدة :D

وبعنا في خلال نص ساعا بما يعادل 100 جنيه..

استبشررررررررت جداااااااااااا

وقالت يارب افرجها علينا بقىىىىىىىىىىى :rolleyes:

بقيت كل يوم اصحى الساعا 3 ونص اصلي الفجر وانزل جررررررررررررررري ع الوكالة

اوصل هناك على اربعه ونص كدا..

الدنيا بتكون ضلالالالالالالالالالالالام لسا

اركن عربيتي في اقرب منطقة للباب... وكل ما اروح بدري كل ما الاقي ركنة كويسة..

على فكرة

انا شلت الكنبة الخلفية من عربيتي عشان اعرف احط الأقفاص ( او العديّات زي ما بيسموها)

وبقت عربيتي نص نقل بس متنكرة في شكل سويفت :rolleyes:

المهم ادخل الوكالة وابقى كاتبا ورقة ناقصني اييييييييييه وعارفة معايا قد ايه فلوووووووس عشان اجيب حاجاتي

اقوم ادبأها ع القد.....

افضل الف في الوكااااااااااااااااالة كللللللللللللللللللها لآن ابو قرشين هنا ممكن تلاقيه بقرش قدام شوية

ممكن تلاقي احسسسسسسسسسسن منه بقرشين برضه

ممكن تلاقي كل حاجا

وانا عاوزة احسسسسسسسسسسسن حاجا وارخص سعر..

اللفة تاخد مني نص ساعا

اعرف احسن سعر واحسن حاجا واروح اشتري...

دايما كان حظي اشتري الطمااااااااااااااااطم اول حاجا لآنها اهم حاجا بالنسبة ليا واكتر حاجا سوقها ماشي.. وسريع

وبعدها على طول الخضار في الأهمييييييييية

انووووووووووع على قد ما اقدر

ان شاالله ايب 2 كيلو بس من الخضار بس لازم انوع خضار

فكانت البسلة و الفاصوليا و الملوخية اساااااااسي

واحيانا الاقي بامية حلوة اجيب واحيانا كتير لا..

اوقات كنت اجيب 2 ك فاصوليا بس

ف كنت احطهم في قفص صغير عشان يبانوا كتيييييييييييير ;) وكنت ارصهم ما بين الأقفاص يعني مش في مكان محدد عشان ماحدش ياخد باله انه ما عنديش بضاعة...

[بنت شعنونة]

ايام كان البيع يخستع معايا

وما فيش بضاعة ولا فلوس

او البضاعة قليلة

فكان مثلا يبقى عندي شوال بصل وشوال بطاطس

اقوم اطلع منه واعبي في اقفاص العرض

عشان اعمل زحمممممممممممة والسسسسسسسسسلام يقوم اللي يدخل المحل يلاقي فيه بضاعة كتير...

لكن للأسف اتعلمت رابع نقطة..

ان الزبون واعي.. و الخدعة ما انطالتش عليه... :rolleyes:

لآنه مجرد ما يدخل ويسال عن حاجا عااااااااااااااااادية خالص وما يلاقيهاش عندي

كان بياخد انطباع (اول) سيء

ولو الأنطباع دا اتكرر تاني.. يبقى خلالالالالالالالالالالالالاص

طاااااااااااااااااااااااار الزبووووووووووووون رسمي :rolleyes:

يبقى النقطة هيا......

لالالالالالالالازم يكون عندك بضااااااااااااااعة مهما حصصصصصصصصصصصصل

قليلة ماشي

بس لازم ما تقولش لا على بضاعة مفروض تكون موجودة...

نقطة خامسة اتعلمتها....

لو حد سأل على خيار مثلا وانا ما عنديش

بدل ما اقول مافيش

اقول لسسسسسسسسسسسسسسسا خاااااااااااااالص حاااااااااااااااااالا..

تعالى كمان......... وانت تلاقي

اوقات كنت انزل الوكالة بالليل و الصبح اكمل نواقص

فكنت اقوله تعالى بالليل

او بكرة

كدا يعني

بيكون وقع كلمة لسا خالص على ودن الزبون

اخففففففففففففففففف كتير من كلمة مافيش

[بنت شعنونة]

مع كتر تواجدي في الوكالة اصبحت وجه معروف

المعرفة دي بتدي اماااااااااااااااان

و الأمان دا مههههههههههم جدا في الوكالة..

ازااااااااااااي...

اقولكم...

مرة لقيت تفاح لبناني الكرتونة ( 3 كراتين يعني = 20 ك) بحوالي 7 جنيه والتفاح يشررررررررررح القلب وانا كنت عارفا اني ممكن ابيع الكيلو الواحد بتمن الكرتونة كلهاااااااااا

ف قولت اشتري 2 كرتونة ( 6 كراتين) منها استفيد من السعر ومنها ازود العرض ويعمل الواااااااااان كدا

الفلوس معايا قصرت

جابت تمن كرتونة بس

!!!!!!!!! B)

طب اعمل ايييييه

الراجل شاف حيرتي وسألني

- مالك؟

- الفلوس قصرت

- خلاص خدي واحدا بس... :rolleyes:

- احممممممم.. طب ممكن لو سمحت اخد الأتنين واجيب الفلوس بالليل... ارجووووك؟

- فكر شوية... وبعدين بص لواحد جنبه كدا ف اللي جنبه قاله.. اديها اديها دي كل يوم هنا...

راح قالي ماشي

هاتي الفلوس بكرا وانتي جايا

ياهووووووووووووووووووووو

فررررررررحت جدااااااااااااااا وكنت حاسا اني عملت انتصااااااااااااار فظييييييييييع

وفعلا التفاح اتباع كلللللللللللللله في نفس اليوم ورحت سددت تاني يوم واشتريت كمية اكبر...

اليوم دا اتعلمت نقطتييييييين مهمين اووووووووي...

- الشكك موجود في الوكالة فعلا بس انا اللي ما كنتش اعرف لكن بشرط مش اكتر من يوم وتدفع.. والا يا ويييييييييييييييييلك

- البضاعة الحلوة ما تتفووووووووووووتششششششش وعرض الكمية كلها بيفتح نفس الزبون خصوصا لما يكون عرض بطريقة هندسية شيك

ف اوعا تفوت فرصة... :rolleyes:

[بنت شعنونة]

الوكالة فيها نصصصصصصصصصصصب بالهبببببببببل

يعني ممكن تلاقي صندوق الطماطم الوش بتاعه والجناب طماطم كبيرة وزيييييييييييي الفللللل

انما شيل اول راقين منه تلاقي الباقي مفعص او صغيييييييييييييييير اوي وتبقى شربت احللللللى مقلب...

بالنسبة ليا عشان مكان راقي مافيش حد يشتري النص كم

انما لو بياع على عربية .. كل حاجا ها يجيلها زبونها... :rolleyes:

ف كنت بحقد على بياعين العربيااااااااااااااااااااات ;)

وفكرت ااجر عربية كرو وادي حد بضاعة يبيعهالي ويرجع بالفلوس

لكن رجعت في كلامي.. كانت فكرة جنونية بزيااااااااااااااادة (وانا سسسسسسست العاقلين طبعا :D )

الميزان في الوكالة مضروووووووووب طول الوقت

ف لالالالالالالالالازم تبقى على ايده وهوا ب يوزنلك العدية وتفاااااااااااااااااااصل في الوزن كمان وتغللللللللللللللللس اوووووووووووووووي عشان ما ينضحكش عليك...

ومع الوقت ها تعرف انه معلم اللي حرامي وانه الكويس

اصلهم معروفين بالاسم هناك :rolleyes:

الشولة دي مشكلة

لآنك مش بتشوف الا وش بسسسسسسسسسسس والباقي متربط

واستحالة تفتحه

ف الموضوع بيكون بالثقة بقى و استفتي قلبك وتوكل على الله.....

اكتر حاجا كنت ب اتخم فيها الكوسة عشان بتتباع في صناديق ودااااااااااااااااايما ولاد اللزينة راصين الحللللللللو اوي ع الوش والجوانب

وممنوووووووووووع تفتح السبت الا ما تدفع..

افففففففففففف

كنت دايما اتدبس فيها

بعد كدا عرفت انه كللللللللللللللللل الأقفاص كدا

حبة كبااااااااااااار اوي

حبة كتير وسط وحبة كتيييييييييييير صغيريييييييين خالص دعدع :D

وبما اني باكل الوسط افتكرت كل الناس زيي ف كنت اخبي ال دعدع دول

اتاااااااااااااااااااااري في ناس كتييييييييييييييرما بتطبخش الا الصغيرة! ;)

ف اتعلمت انه فعلا كل فووووووووووووووولة ولها كياااااااااااااال

رص كل حاجا وانسى اختياراتك الشخصية B)