مطلوب بعض المعلومات عن السكن في مكة و حقيبتي المفقودة

[hossien]

السلام عليكم

كيف احوال الاخوة المغتربين ؟ يا رب تكونوا بخير انشاءالله

انا الحمدلله وصلت السعودية بقالي اكتر من شهر تقريبا طبعا على مطار جدة و حاليا قاعد في مكة :)

واجهتني مشاكل اتصدمت بيها زي اي حد .... لكن عندي مشكلة كبيرة جدا و هي ان حقيبتي مفقودة من يوم 7-2-2014 و حتى الان لم يجدوها :unsure: ....

يعني لو اي حد عنده معلومة تساعد او يعرف حد اخد شنطة بالغلط يا ريت يدلني لان كل ملابسي باكملها في الحقيبة دي و كمان فيها شغلي اللي كنت بشتغل فيه من اول ماتخرجت حتى الان ....

مع العلم انا عملت هناك محضر و بكلمهم تقريبا شبه يوميا وبرضه مافيش جديد... ورحت مخازن خطوط طيران السعودية و لم اجد شئ ...

نقطة تانية .... انا حاليا بدور على سكن في مكة يكون بحد اقصى 18000 سنويا بدون خروج حج و يكون عوائل و غرفتين وصالة و مطبخ و حمام .... وتكون نضيفة و كويسة

لو اي حد عنده حاجه كويسة يدلني بس يكون قريب من الحرم علشان شغلي هناك .... انا حاليا قاعد في العزيزية و ماعرفش غيرها و دي اللي قاعد ادور فيها و لسه ماتوسعتش في البحث .... يعني لو حد وجد شئ في العزيزية والاحياء المجاورة ليها زي ستر اللحياني يدلني من فضلكم

واسف جدا على الاطالة عليكم :) ... و شكرا للاخوة الكرام

[عبير يونس]

الحمد لله على السلامة أخي حسين

و كفاك الله شر الغربة و رزقك خيرها

بالنسبة للحقيبة حقا لا علم لي كيفية استعادتها غير الدعاء أنك تجدها و هذا هو ما سيعيدها بإذن الله

أو أن يعوضك ربك خيرا

بالنسبة للسكن باذن الله تلاقي شقة كويسة

و لو غرفتين ممكن اوي تلاقي بالسعر ده حاجة نظيفة بإذن الله

عليك و على مكاتب العقار

حا ياخدوا 1000 ريال و يجيبولك طلبك

بتبقى 500 للي طالع معاك يدور لك و 500 للمكتب

و ربنا يسهل لك امورك

[hossien]

طيب انا دورت في العزيزية عندي و عبدالله الخياط و سالت مكاتب بس الاسعار كانت عالية اقل حاجة لقتها كانت ب 20000 وكمان تشطيبها كان سيئ جدااااا

ممكن رقم مكتب او عنوان حضرتك او اي حد يعرفه اتكلم معاه

[MZohairy]

العزيزيه اغلى حته في مكه هي و شارع الستين

دور على الخريطه في اي حي غير دول يكون قريب نسبيا من شغلك

[عبير يونس]

العزيزيه اغلى حته في مكه هي و شارع الستين

دور على الخريطه في اي حي غير دول يكون قريب نسبيا من شغلك

تمام

ممكن منطقة الششة

بين العزيزية و المعابدة

فيها حتت حلوة و اسعارها اقل من العزيزية

دور على مكاتب عقار في الششة

همة اللي بيجيبوا عشان ما تضيعش وقت و جهد

[MZohairy]

كان فيه حته بعيده زمان كمان اسمها الكعكيه بيقولوا عليها رخيصه و مش وحشه

[عبير يونس]

كان فيه حته بعيده زمان كمان اسمها الكعكيه بيقولوا عليها رخيصه و مش وحشه

دي اللي فيها اسواق الجملة و سوق الخضار و سوق السمك

معنديش معلومات عن السكن فيها

الاخ حسين يشوف منطقة منطقة و المنطقة اللي تعجبه يدور على مكاتب العقار فيها و يتوكل على الله

بس هو محدد انها تكون قريبة من الحرم

يبقى يدور في المناطق المحيطة

لكن بما أن اغلبها شعبية

اذن

العزيزية - الششة - المعابدة يعتبروا قريبين من الحرم

و في نفس الوقت فيهم حتت كويسة ( المناطق اللي على برة ) ما يدخلش جوة

العزيزية غالية

يبقى وراها الششة تعتبر وسط و افضل من المعابدة

[hossien]

متشكر جدا يا جماعة على ردودكم و انشاءالله حسأل على المناطق اللي قولتوا عليها

وجزاكم الله كل خير