حوارات القهاوى عبر وحكاوى

[إبن مصر]

طوال الاسابيع الماضيه قررت ان اتوقف عن رفاهيه الكتابه وانزل الى الشارع الحقيقى اتحدث الى الشباب والمس رأيهم الفعلى بعيدا عن ارائنا واحاديثنا....

بدأت هذه الجوله بالعمرانيه فى حى الهرم وكانت مفاجأه لى بالفعل .. فلم اجلس مع طبقه مثقفه اتبادل الحديث معها ونحن نحتسى الكابوتشينو!!! ولكن مع ابناء مصر الذين يمثلون 80% من سكانها وهم اصحاب الدخول المتعادله والسلبيه( سيكون لهذا التعريف موضوع مستقل ) .وكانت الشريحه السنيه متباينه ولكن غلب عليها ورثه الارض من الشباب!!!

ثم كررت هذه المقابلات فى اماكن مختلفه لأصل الى قناعه شخصيه .. حبث ان امانه النقل تحتم على الكاتب الا يعمم ظاهره الا اذا امتلك اساليب قياسها العلميه ..

هذه القناعه هى.......

هذا الشعب يعرف ما يحاك له ويفكر بهدوء الشباب واكرر الشباب فقط يفكر بموضوعيه.....

هذا الشعب يريد ان ينفض عنه الاميه السياسيه ويريد ان يفهم...

المفاجأه الاكبر كانت فى كيفيه التفاف الناس على نقاشى مع احد الاصدقاء فى احدى القهاوى الشعبيه ليصبح كما الندوه التى كنا نرغب فى ادارتها عندنا فى يوم من الايام..... وعندما نبه احدهم الجالسين الى ان هذا الكلام كبير وخطأ وخافوا على نفسكم وما الى ذلك من التصائح التقليديه لم اتكلف عناء الرد اذ رد عليه تقريبا كل الموجودين بمنتهى العفويه ...( ما تخافش يقدروا يقطعوا اللسان بس مش هايقدروا يمنعوا الكلام )

سألخص لكم اصدقائى الجلسات هلى هيئه حوار افرغ فيه ما توصلنا اليه واعرض رأيهم عليكم لانه حقهم على ونناقشه....ومن البدايه اكرر هذا رأى نسبه كبيره ممن ناقشتهم.

سألتهم عن رأيهم فى تعديل الدستور والماده 76 على وجه الخصوص ..

وعن الشروط التى وضعها المشرع للترشيح...

وعن التعديلات المقترحه على الدستور..

وعن موقف احزاب المعارضه من االتعديل

وعن الدعوه الى مقاطعه الاستفتاء على التعديل.

وعن الدعوه الى مقاطعه الانتخابات الرئاسيه..

وأبدأ معكم بالتعديل و شروطه.....

لمست فى بدايه الحديث ان جزء كبير من معلومات هؤلاء الاخوه الاحباء استقوه من الجرائد الحزبيه المعارضه بغض النظر على مصداقيتها او لا ولكن لانهم بمنتهى حسن النيه افترضوا امانه الكلمه فى الجميع....ولم يصدق شخصا واحدا منهم واشهد الله على ذلك واكرر لم يصدق شخص واحد فقط منهم اى كلمه فى اى جريده حكوميه وحددوها بالاسم : الاهرام - الاخبار - الجمهوريه - المساء - الاهرام المسائى

ضم بعضهم الوفد الى قافله النفاق وتحفظ البعض ولكنهم اجمعوا على عدم الثقه الكامله فيما يطرحه الوفد ( كجريده ) وهذا رأيهم ...

ظهرت الدستور والاسبوع والغد( جديد) والمصرى اليوم ( جديد) كجرائد يثق فيها فقط فيما يتعلق بالاداء الحكومى الذى يلمسونه هم فى حياتهم اليوميه....

سألت احدهم : ما رأيك فى التعديل الدستورى الان؟

فقال :والله لو الناس استغلته صح هايبقى شىء ممتاز!!

فقال اخر: يعنى ايه استغلته كويس ما هو طبخه زى كل الطبخات وهانكلها هانكلها..

فقلت: وليه ما نفكرش فيه ونشوف اطبخ ازاى وبعدين نحكم ناكله ولا لأ؟؟؟

فقال أخر: يا بيه انت تاكل الى انت عايزه فى بيتك او بفلوسك لكن لما تبقى معزوم تاكل الى يطحنلك وانت ساكت دا حتى تبقى قله زوق؟؟؟؟

فقلت : ما انا فى بيتى لان البلد دى بيتى وما حدش يعزمنى فى بينى بلاش تشاؤم وخلونا نتكلم بجد..

فرد رجل كبير فى السن: يا بنى انت بتكلم مين فى السياسه..... دول بتوع نانسى عجرم وابراهيم سعيد جيل جبله ما بهموش الا بطنه وبس ..

فقال احدهم: يا حج لا ولاد البلد مش بتوع الكلام الفاضى يا حج احنا صحيح مطحونين بس جوانا نضيف لاننا والحمد لله اتربينا على الجدعنه ... الى يتخاف عليهم من نانسى واخواتها العيال الكتاكيت مش احنا..

ضحكت وقلت: نرجع لموضوعنا بجد رأيكم ايه....

فقال : يا بيه... انت بتكلم عن بلد بحالها ... مش حاره ولا حى ولا مجلس شعب... ابلد بحالها.

فقال اخر: يعنى ايه... هوا عشان بلد يبقى لازم نفصلها رئيس ..... يا قما نقيف الى موجود!!! الله ..

فقلت : ا يا جماعه براحه خلونا نتكلم فى الى جاى الى فات كلنا عارفينه واتوجعنا منه واكلناه غصب عننا وبمزاجنا وفى البيت ومعزومين انا بتكلم عن بكره..

فقال : يا بيه بكره زى الى قابله..

فقال اخر: لا معلش بقى انا مش معاك... ما احنا بقى لنا يد فى بكره..

تبسمت وقلت : طب ما نتناقش كده فى شروط نرشيح رئيس الدوله

فقال احدهم من اخر القهوه: ممكن كلمه..

قالوا اتفضل ما تقرب هنا معانا

قال: بصراحه لازم نعترف ان الموضوع مش سهل اولا لا انا ولا انتم ولا عيالنا ولا ابهاتنا يعرفوا يعنى ايه انتخاب رئيس مصر.. لا قالوا لنا عنه فى المدارس ولا سمعنا عنه حاجه وبنشوفه فى التليفزيون ويا دوب الى فاهمينه الى بيتخانقوا عليه.....

سكت ونظرت اليه وانا متعجب من بساطه تفكيره وقوه معناه....

قلت له كمل لو سمحت ... فقال ... لا بجد يا جماعه الى عايزين يترشحوا بس هما الى بيتخانقوا عليه.... انما احنا ما نعرفش ... يا بيه ما عرفوناااااااااااش..

فقال ااخر : ويعنى العيب من مين ... ماهو الباشا الى لاممنا وعمالين نتكلم معاه ده ...كان فين قبل كده ما هو لو فاهم يبقى عيب عليه لو ما فهمناش!!!!

قلت: عندكم حق بس برضه اقول انا باصص لبكره ما تحاسبونيش على الى فات امال انا معاكم هنا ليه..

فقال اخر: انت عارف يا بيه... الناس طول ما هى جعانه عمرها ما هاتفكر الا فى الى بيأكلها...

فهمهم الجميع وهممت ان اتكلم....فقال احدهم بصوت شديد هز الجميع: لأ يجماعه طول ما كلنا بناخد حلاوه وندى حلاوه ونوصل حلاوه ونطلب الحلاوه وبفنا ملزقين حلاوه فى حلاوه هانحب الفساد والى عاملينه..( هذه الجمله كما هى )

فقلت : يا حج ما لا يدرك كله .. لا يترك كله ( كلمه استاذى )

فقال : طب هيا ايه الشروط...مش نعرفها الاول .. ونفهم الغاغه الى هما عاملينها وعايزنا نقاطع الانتحابات.... دا احنا ما قاطعناش اسرائيل عايز الغلابه يقاطعوا الحكومه.....

تبسمت وقلت : اولا الى عايز يرشح نفسه يدفع 100000ج لا تسترد اذا فشل فى الحصول على نسبق اقل من 3 % من الاصوات ثانيا ..

فقاطعنى احدهم : دى ملعوبه .. وحلوه ما هو الى جاى لازم يكون مليان ... دا هايحكم البلد..... مش هايكون نفسه من مرتب الرياسه!!! لازم يبقى عينه مليانه اصلها مش سبوبه .......

رد الجميع: اه بجد ده شرط حلو والمفروض يخلوه مليون جنيه.... عشان لو مد ايده وهوا معاه ناكله.....

يتبع

[yasser6666]

الأخ العزيز (أبن مصر) مجهود تشكر عليه وفي انتظار بقية المحاورات...

في رأيئ المواطن المصري العادي أو رجل الشارع لايفهم مايحاك له من مكائد ولكنه في النهاية يسب ويلعن من ورطه في الفقر والعوز

فهو يكره الحكومة ويخاف منها في اَن واحد وعادة ينظر الي الضفة التانية علي انها اكثر اخضرارأَ....

مهمتك في منتهي الصعوبة...اتمني ألا تيأَس من سلبيتهم