أحلام ابو على .. لما يفتح زراير الفانله

[achnaton]

الله يمسيه بكل خير .. اخونا الباشمهندز ابو على يونس .. وزير الكهرباء .. حسرنى على حالى .. واللى جرى لى .. من يوم ما جيت برلين .. والواحد عايش فى ضلمه متقطعه .. وبلاش نور متقطع .. ومره يقولوا الكابل ضرب .. ومره يقولوا دا كان فار وهرب .. وتبقى فى عز الشغل .. ويدوب تكتب بس ثلاثة ارباع الموضوع .. وتلاقى الجهاز ضلم قدامك .. ايه الحكاية

يقولك بس الأحمال زادت شويه .. هو إيه اللى خلانا نيجى الدول المتخلفة دى .. هى بس سمعه كده على الفاضى .. آل دول متقدمه آل .. ان شاء الله حاأبعت رساله للهر شرودر يستورد لنا معالى الوزير المذكور اعلاه .. لإصلاح الحال .. خاصه وان حماتى فى القرية اللى عايشه فيها مازالت بتطبخ على الكانون .. وعشان كده عندنا ازمه هنا فى " الجله " رغم وفرة البقر الفريزيان التمام ..

انتم شوفتوا البيان التاريخى لمعاليه امام مجلس سيد قراره .. الحقيقة الواحد يحسد سكان المحروسة ومن باب أشمل .. مواطنى المحروسة .. قال معاليه نقلا عما نشرته جريدة سمارة .. وبلاش نقول ابو زماره .. لأنه بيستخدم الوقت فى الحملة الأنتخابيه .. نفير !!؟ :

أمام مجلس الشعب:

99 % من المصريين ينعمون بالكهرباء..في عهد مبارك

أعلن المهندس حسن يونس وزير الكهرباء ان 99% من أفراد الشعب يتمتعون بالخدمة الكهربائية وهذه النسبة غير موجودة حتي في الدول المتقدمة.

وقال أمام مجلس الشعب أمس ان شركات الكهرباء يعمل بها 250 ألف عامل مصري باستثمارات قدرها 10 مليارات جنيه واننا تقدمنا كثيراً في مجال التصنيع المحلي للمعدات الكهربائية وشبكات النقل.

أشاد النواب بالمستوي الذي حققته الكهرباء والخدمات التي تقدمها.

http://www.algomhuria.net.eg/algomhuria/to...al/detail02.asp

والحمد لله أنى قرأت هذا البيان .. وعشان أوكد لكم صدقه .. ابشر أبويا وامى .. وكل اخواتى واصدقائى .. وعمتى زاهية واولادها .. وخالى زكى وعروسته واولاده من خاله بهانه اللى ماتت من 30 سنه .. ابشركم جميعا اننا صحيح ما عندناش كهرباء لكن عندنا نور .. فقد أشتريت أمس الكلوب المرفق صورته .. ويعمل بالريمود .. وسلموا لى على الحوت اللى بلع يونس ..

"http://www.lidl.de/C1256C790050C7BC/images/DE.05_0623/$file/05_0623_s.gif"

تم تعديل 23 مايو 2005 بواسطة achnaton

[mnman]

هو حضرتك بتتكلم عن المانيا القمح!!! :D :D

جالي شلل رعاش وخبل وعته من التصريحات الخزعبلية للحكومة المصرية!!!

الظاهر ان دي طريقة جديدة للقضاء علي الشعب المصري!! نظام موتو بغيظكم!!!

[Alshiekh]

طيب الواحد فى الماية دول ماعندهمش كهرباء ليه؟

يمكن رافضين؟ خايفين يتكهربوا؟ اتعرضوا للصعق بالكهرباء على يد حبايب حسنى واتعقدوا من حاجة اسمها كهرباء؟

كل شيئ ممكن

[Alshiekh]

وزير الكهرباء ومحافظ القاهرة يفتتحان محولات رابعة العدوية بمدينة نصر

د. يونس: مواجهة حاسمة للأحمال الكهربائية خلال الصيف

يفتتح الدكتور يونس وزير الكهرباء والطاقة والدكتور عبد العظيم وزير محافظ القاهرة الأسبوع القادم محطة محولات رابعة العدوية "جهد 66/11 كيلو فولت" وبطاقة اجمالية 100 ألف ميجافولت استعداداً لمواجهة تزايد الأحمال الكهربائية خلال شهور الصيف.

اكد الوزير ان قطاع الكهرباء اتم الاستعدادات لمواجهة تزايد الطلب علي الطاقة الكهربائية لمختلف الاستخدامات خاصة بالقاهرة الكبري التي تشهد معدلات عالية لتزايد الطلب علي الكهرباء مشيراً إلي ان هذه الاستعدادات شملت انجاز المرحلة الثالثة للخطة العاجلة لتجديد وإحلال الشبكات الكهربائية بالقاهرة والمحافظات.. اضافة قدرات جديدة للشبكة ولمحطات التوليد والمحولات وكذلك لإكشاك ومحولات التوزيع.

قال الوزير ان محطة محولات رابعة العدوية تخدم منطقة شرق القاهرة ومدينة نصر وقد تم التشغيل التجريبي لها للتأكد من سلامة المعدات المستخدمة بها وهي معدات منتجة محلياً بنسبة 100%.. وتنفذها الخبرة المصرية في وقت قياسي.

اشار يونس إلي ان اجمالي استثمارات مشروعات قطاع الكهرباء حتي العام الماضي بلغت حوالي 14 مليار جنيه تضاعفت قدرات التوليد بها 7.4 مرة من خلال تنفيذ محطات توليد جنوب القاهرة المركبة وغرب القاهرة ووادي حوف وشبرا الخيمة وشمال القاهرة المركبة والتبين وإجمالي قدرات حوالي 3 آلاف و700 ميجاوات.. وتضاعف عدد المشتركين 3.3 مرة والطاقة المستهلكة 3.4 مرة وسعات محطات المحولات علي الجهدين الفائق والعالي 6.5 مرة.

على كده ثلثى المشتركين ماكانش عندهم كهرباء؟

جديدة خالص، دا الواحد ماكانش عايش يارجاله