Alshiekh بتاريخ: 6 يونيو 2005 تقديم بلاغ مشاركة بتاريخ: 6 يونيو 2005 قصص طريفة وذكريات مهما قلنا فهى تبعث شيئ من الفكاهة ربما على الموقف وربما على افعالنا. المهم اول مانزلت امريكا كنت متخيل بقى انى باتكلم انجليزى، طلع حاجة ثانية خالص ..................... طلع انى باتكلم مصـــــــــــــــــــــــــــــــــــــــــرى ! مش مشكلة احنا ادها وادود، ديتها يومين وكل شيئ حايبقى تمام. نزلت فى اوتيل عن طريق احد الاصدقاء، مافيش مشكلة، ماتكلمتش مع موظف الاستقبال، صديقى قام بكل شيئ. اوضه كبيرة فيها حمام ومطبخ صغير، ثلاجة، بوتاجاز، سرير كينج سايز ييجى مترين فى ثلاثة، مكتب، انتريه، شوية فوط ، صابون ، شامبو بعد يومين كان فيه حاجة كده زى الملاهى مع ارض المعارض حاجة كده فيها ملاهى ، معروضات، اكل وشرب ، زى تقولوا كده مهرجان ، الشركات بتقدم عينات مجانية وهكذا ، بتتعمل فى مكان اسمه (State FairGround). كل ده حلو، لفيت واستمتعت بالفرجة والاكل حاجات تبهر ! يادوب بقالى يومين بقى! أخوكوا اتزنق، عايز اروح الحمام، بسيطة، اكيد فيه هنا حمامات عمومية، Excuse me sir, Yes Can you tell me please where is the W.C. ! What? W.C. What is that? Is it a Store name? Store? no, it is a W.C (store يعنى محل او دكان بس انا ماكنتش اعرف، انا اعرف ان دكان يعنى shop) you mean Washington D.C.? no, no, Thanks, let me ask this officer Hi sir, Can you tell me where is the W.C? no, but you can go up there at the info center, the know everything here. ok, Thanks Hi Mm Hello, How can I help you today? Really it is just a Question Go ahead Where is the W.C.? What? W.C What is that? Is there any man, he might understand me Wait a second, Hello, We have a gentelman here looks like he lost something, but I can not understand him. would you please talk to him Here is an officer he will talk to you! السلطانية! How may I help you? well, Sir, I want to go to the W.C. Are you the gentelman who talked to me a while ago? may be, I do not know. well, stay there, I'll come to talk to you, may be you can explain it to me. خمس دقايق وجاء رجل البوليس، Yes sir, what is wrong, what are you looking for? Looking for the W.C. I want to Urinate! Oh Man! Laugh you mean """ RestRooms do you see that sign over there It is the restrooms sign كانوا بيعلموها لنا WC ليه؟ والحمد لله رحت وفكيت زنقتى بس بعد درس مش حانساه ابدا ! حقيقى حكايات كتير كل مابفتكرها باموت على نفسى من الضحك. اقتباس -- {وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11) ذو العقل يشقى في النعيم بعقله *** وأخو الجهالة في الشقاوة ينعم***************مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)***************A nation that keeps one eye on the past is wise!AA nation that keeps two eyes on the past is blind!A***************رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة***************رابط القرآن كاملا ترتيل وتجويد برابط ثابت مع رابط للقراءة***************رابط سلسلة كتب عالم المعرفة رابط هذا التعليق شارك المزيد من خيارات المشاركة
سقراط المصري بتاريخ: 7 يونيو 2005 تقديم بلاغ مشاركة بتاريخ: 7 يونيو 2005 يخرب عقلك يا محمد يابني هتموتني من الضحك. طيب كل ده وانت ماسك نفسك ازاي. اعتقد ان البوليس لما عرف انك عاوز الحمام قعد يضحك على الفيلم ده كله عسل :wub: :wub: :wub: سقراط اقتباس <span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span> رابط هذا التعليق شارك المزيد من خيارات المشاركة
Osha بتاريخ: 7 يونيو 2005 تقديم بلاغ مشاركة بتاريخ: 7 يونيو 2005 ريهام موتيني من الضحك لاني افتكرت منظرك ساعتها والعربية المسكينة بتشر ميه من كل الألوان بعد ما اقتحمت الرصيف بس فعلا كانت خبطة بارعة وغير متكررة وتستحق الرواية وياريت كنت صورتها فيديو الأخ محمد موتني من الضحك على قصة الدبليو سي فعلا بعد ماجيت امريكا اكتشفنا ان الانجليزي بتاعنا متمصر تماما - وان اللغة عندهم هنا مختلفة كتير عن اللي اتعلمناه في مصر - بس الحمد لله الواحد برضع سالك. وأهو لو غلطت في حاجة ولادي بيصلحوا لي !! اقتباس ---------------------------------------- وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! رابط هذا التعليق شارك المزيد من خيارات المشاركة
New بتاريخ: 7 يونيو 2005 تقديم بلاغ مشاركة بتاريخ: 7 يونيو 2005 اول ما جيت امريكا برضة واحد صاحبي حاكالى حكاية ظريفة. عارفين طبعا عقدة الفرق ما بين B و P وازاي ممكن يغيروا معنى الكلمة. واحد عايز يركن العربية بتاعتة ومش متأكد ان المكان ده ممكن يركن فيه والا لا... شاف راجل بوليس فى الشارع فنزل من عربيتة و راح يسأله. Excuse me, can I bark here رجل البوليس What صاحبنا Can I bark here... البوليس طبعا مش مصدق اللى الراجل ده بيقوله له... وبص له باستغراب وقاله bark anywhere you like كلمة bark هنا معناها ينبح مش يركن العربية :rolleyes: اقتباس رابط هذا التعليق شارك المزيد من خيارات المشاركة
Osha بتاريخ: 11 يونيو 2005 تقديم بلاغ مشاركة بتاريخ: 11 يونيو 2005 اول مرة سقت لوحدي جوزي كان دايما قاعد جنبي واناباسوق لمدة شهور لدرجة اني افتكرت انه مش حيسبني لوحدي ابدا لغاية يوم فجأةالصبح صحي وقالي : اتفضلي ودي ولادك المدرسة!! طبعا انا اتسرعت وبصيت له - راح قايلي هي الرخصة معاكي عشان افضل انا قاعد جنبك على طول المهم قريت كل الأدعية اللي اعرفها قبل النزول وكان لازم اظهر ادام عيالي اني شجاعة عشان الخوف مايتنقلش لهم ونزلت المهم اني كان لازم امشي في جسر السويس الساعة 7 صباحا - وطبعا سكان المنطقة عارفين الميعاد دا في الشارع ده بيبقى عامل ازاي استحضرت ذهني وركزي كويس وفضلت افتكر دروس السواقة اللي اتعلمتها والرجال اللي علمني وهو بيقول عدة جمل منها: طنشي اللي وراكي وامشي كأنك لوحد في الشارع يا مدام لو واحد كسر عليكي اكسري عليه زي ما كسر عليكي اذا راجل كسر عليكي عشان انتي واحدة ست وريه مين الست فيكم ولبسيه طرحه واكسري عليه خشي ببوز العربية ولا يهمك واللي خايف على عربيته يرجع المهم ماعملتش اي حاجة من دي لاني كنت خايفة - بس بعد كده عملت اكتر من كده- وصلت المدرسة وجوزي كل 5 دقائق يكلمني ومكنش مصدق نفسه لما قلت لني وصلت وراجعة - زي ما يكون كان عنده امل اني ماوصلش مثلا ويرتاح مني - مش عارفة الله اعلم المهم اول مرة ليها مذاق مختلف عن أي مرة ركبت فيهاالعربية وسقتها اقتباس ---------------------------------------- وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! رابط هذا التعليق شارك المزيد من خيارات المشاركة
se_ Elsyed بتاريخ: 12 يونيو 2005 تقديم بلاغ مشاركة بتاريخ: 12 يونيو 2005 الظاهر إن موضوع السواقة ده اخد من الجميع راقات .. محسوبكم لم يكن يتصور يوم إنه هايسوق عربيه لإني اللي كنت بأشوفه في مصر لا يمت للسواقة بصلة .. المهم حكمت الظروف واتنيلنا هنا وروحت مدرسة " دلة " للسواقة .. طبعاً اللي في الرياض عارفينها وبالصلاتو عالنبي سقطت 6 مرات لإن كل مره كنت بأصمم أمتحن زي ما أنا عايز مع إني كنت بأسوق كويس داخل المدرسة.. لكن هنا في مبدأ لازم نمشي عليه وهو " أربط الحمار .. مطرح ما يعوز الـ الحمار " ما علينا ربطناه وعدينا يا سينا عدينا .. وأول ما شطحت نطحت وروحت شاري مرشيدس وخفت أستلمها واسوقها لواحدي وأخدت واحد من صحابي وساقها لي من مجمع معارض إسمه الشفا على بعد 20 ك تقريباً من وسط الرياض حيث أسكن .. وصاحبي كان ساكن في منطقة إسمها المنفوحة في منتصف الطريق تقريباً وفجأة لقيته حود على بيته وقالي سلام بقى .. قولت له والدموع في عيني : سلام ... سلام إيه يابا طب والقتيل ده هانعمل في إيه ؟.. قالي مع نفسك وإتشجع وسوق إنت لحد بيتك .. فقولت له طب وجه لي العربية على القبلة وإتصل بي بكره ولو ما وصلتش يبقى عليه العوض .. وأخدتها من المنفوحة مروراً بمنطقة إسمها البطحاء وهي أزحم منطقة في السعودية كلها وكنت حاسس إن الدنيا كلها بتبص عليه وأنا ماشي بأتكعبل بالعربية ... وأخيراً وصلت البيت ولم أذق طعم النوم تلك الليلة وكل شويه أفتح البلكونة وأبص على عزيزة .. وكانت ليلة ليلاء وما يعلم بها إلا ربنا ... اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Osha بتاريخ: 12 يونيو 2005 تقديم بلاغ مشاركة بتاريخ: 12 يونيو 2005 وأخدتها من المنفوحة مروراً بمنطقة إسمها البطحاء وهي أزحم منطقة في السعودية كلها وكنت حاسس إن الدنيا كلها بتبص عليه وأنا ماشي بأتكعبل بالعربية ... وأخيراً وصلت البيت ولم أذق طعم النوم تلك الليلة وكل شويه أفتح البلكونة وأبص على عزيزة ..وكانت ليلة ليلاء وما يعلم بها إلا ربنا ... <{POST_SNAPBACK}> ياقلبك يا اخي ماشي بالمرشيدس لأول مرة وانت كحول مش عارف تسوق في حتة زي دي - دا أنا لغاية دلوقت فاكراها - دي زي الموسكي تمام أنا في مصر لما تجرأت ونزلت وسط البلد بالعربية كان بعد حوالي 6 شهور من بداية سواقتي للعربية اقتباس ---------------------------------------- وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! رابط هذا التعليق شارك المزيد من خيارات المشاركة
se_ Elsyed بتاريخ: 13 يونيو 2005 تقديم بلاغ مشاركة بتاريخ: 13 يونيو 2005 وأخدتها من المنفوحة مروراً بمنطقة إسمها البطحاء وهي أزحم منطقة في السعودية كلها وكنت حاسس إن الدنيا كلها بتبص عليه وأنا ماشي بأتكعبل بالعربية ... وأخيراً وصلت البيت ولم أذق طعم النوم تلك الليلة وكل شويه أفتح البلكونة وأبص على عزيزة ..وكانت ليلة ليلاء وما يعلم بها إلا ربنا ... <{POST_SNAPBACK}> ماشي بالمرشيدس لأول مرة وانت كحول <{POST_SNAPBACK}> أوشا .. إنتي قولتيلي إنت قاعده فين في أمريكا ؟ بسسسسسسسسسسسس من غير ما تقولي أنا متأكد إنك قاعدة في واشنطن المحطه ... اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Osha بتاريخ: 13 يونيو 2005 تقديم بلاغ مشاركة بتاريخ: 13 يونيو 2005 وأخدتها من المنفوحة مروراً بمنطقة إسمها البطحاء وهي أزحم منطقة في السعودية كلها وكنت حاسس إن الدنيا كلها بتبص عليه وأنا ماشي بأتكعبل بالعربية ... وأخيراً وصلت البيت ولم أذق طعم النوم تلك الليلة وكل شويه أفتح البلكونة وأبص على عزيزة ..وكانت ليلة ليلاء وما يعلم بها إلا ربنا ... <{POST_SNAPBACK}> ماشي بالمرشيدس لأول مرة وانت كحول <{POST_SNAPBACK}> أوشا .. إنتي قولتيلي إنت قاعده فين في أمريكا ؟ بسسسسسسسسسسسس من غير ما تقولي أنا متأكد إنك قاعدة في واشنطن المحطه ... <{POST_SNAPBACK}> اناعشت في السعودية من 1994 لغاية ابريل 2000 :lol: وبعدين جينا هنا أتلانتا جورجيا سبتمبر الماضي وبعدين اسمها واشنطن البلد مش المحطة :wub: وعلى فكرة انا شايفة ان السعودية الى حد كبير زي هنا ان ماكنش أفضل كمان :rolleyes: ولا يوم من ايام ضبا والخبر على البحر والا تبوك والرياض وياريت يوم واحد في مكة والمدينة يساوي كل الشهور اللي قعدتها هنا ويزيد كمان اقتباس ---------------------------------------- وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! رابط هذا التعليق شارك المزيد من خيارات المشاركة
Alshiekh بتاريخ: 14 يونيو 2005 تقديم بلاغ مشاركة بتاريخ: 14 يونيو 2005 وبعدين جينا هنا أتلانتا جورجيا سبتمبر الماضي دا احنا جيران بقى انا فى بيرمنجهام الاباما ، فركة كعب ياعنى :blush: اقتباس -- {وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11) ذو العقل يشقى في النعيم بعقله *** وأخو الجهالة في الشقاوة ينعم***************مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)***************A nation that keeps one eye on the past is wise!AA nation that keeps two eyes on the past is blind!A***************رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة***************رابط القرآن كاملا ترتيل وتجويد برابط ثابت مع رابط للقراءة***************رابط سلسلة كتب عالم المعرفة رابط هذا التعليق شارك المزيد من خيارات المشاركة
mnman بتاريخ: 14 يونيو 2005 تقديم بلاغ مشاركة بتاريخ: 14 يونيو 2005 طنشي اللي وراكي وامشي كأنك لوحد في الشارع يا مداملو واحد كسر عليكي اكسري عليه زي ما كسر عليكي اذا راجل كسر عليكي عشان انتي واحدة ست وريه مين الست فيكم ولبسيه طرحه واكسري عليه خشي ببوز العربية ولا يهمك واللي خايف على عربيته يرجع فنون القيادة في مصر!! :blush: :D اقتباس إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
Osha بتاريخ: 14 يونيو 2005 تقديم بلاغ مشاركة بتاريخ: 14 يونيو 2005 وبعدين جينا هنا أتلانتا جورجيا سبتمبر الماضي دا احنا جيران بقى انا فى بيرمنجهام الاباما ، فركة كعب ياعنى :blush: <{POST_SNAPBACK}> انا ماعرفش غير ان جورجيا جنوبها فلوريدا - اما الاباما معرفش هي فين بس عامة احنا كلنا جيران طالما تحت سقف واحد الا صحيح الاباما دي فين ? والا اروح اطلع الخريطة بتاعة امريكا اشوفها فين? اقتباس ---------------------------------------- وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! رابط هذا التعليق شارك المزيد من خيارات المشاركة
Osha بتاريخ: 14 يونيو 2005 تقديم بلاغ مشاركة بتاريخ: 14 يونيو 2005 طنشي اللي وراكي وامشي كأنك لوحد في الشارع يا مداملو واحد كسر عليكي اكسري عليه زي ما كسر عليكي اذا راجل كسر عليكي عشان انتي واحدة ست وريه مين الست فيكم ولبسيه طرحه واكسري عليه خشي ببوز العربية ولا يهمك واللي خايف على عربيته يرجع فنون القيادة في مصر!! :blush: :D <{POST_SNAPBACK}> نسيت كمان حاجة مهمة جدا كان بيقولها ايدك على الكلاكس يا مدام عشان الكل يخاف ويرتجع تخيل بقى لما آجي هنا أمريكا والاقي الغالبية من الناس بيلتزموا جدا بالخطوط اللي في الشارع وكمان لو حد حب ييجي ادامك مايدخلش ببوز العربية - لأ - دي يدي اشارة من بعيد ويفضل مستني لغاية لما تسمح له ييجي ادامك دعواتكم ليا بقى عشان لازم اروح الأسبوع الجاي أعمل الرخصة المحلية هنا - وحامتحن نظري وعملي اصلي كل ده ماشية بالرخصة الدولية وقربت تنتهي اقتباس ---------------------------------------- وقفت بين شطين علي قنطــــــــــــــــــرة الكدب فين و الصدق فيـــــــــــن يا تري محتار ح اموت .. الحوت خرج لي وقالي هو الكلام يتقــــــــــــاس بالمســـــــــــطرة عجبي !!! رابط هذا التعليق شارك المزيد من خيارات المشاركة
mnman بتاريخ: 15 يونيو 2005 تقديم بلاغ مشاركة بتاريخ: 15 يونيو 2005 بمناسبة السواقة!! فأول مرة اسوق في بلجيكا بعد 3 شهور تعب للحصول علي الرخصة!! لآن الرخصة المصرية هناك مش ولابد!!! المهم!! طبعا انا لااعرف معني خط متقطع يعني اية ولا خط سليم يعني اية وماشي بالبركة!! طبعا وقفني الشرطي و طلب مني انفخ في جهاز صغير كان معاة !!!! اتاري الراجل فاكرني سكران :D :D !!! وطبعا مقليش قول حاحا !!! :D :D لما رجعت البيت اقعدت اضحك اضحك!!! يعني احنا في مصر بنسوق زي السكرانيين :D :o المهم اول مرة انزل مصر ودة كان بعد حوالي 6 سنين!!! رفضت رفضا تاما ان اقود هناك خوفا علي السائقين مني :D !! وعلي فكرة في المرة دي تشرفت برؤية ابن مصر!!! اة والله!! منمان نقيب السواقين!!! اقتباس إلي كل المصريين: لا يستطيع أحدٌ ركوب ظهرك .. إلا إذا كنتَ منحنياً. رابط هذا التعليق شارك المزيد من خيارات المشاركة
se_ Elsyed بتاريخ: 15 يونيو 2005 تقديم بلاغ مشاركة بتاريخ: 15 يونيو 2005 !! طبعا وقفني الشرطي و طلب مني انفخ في جهاز صغير كان معاة !!!!اتاري الراجل فاكرني سكران :D :D !!! وطبعا مقليش قول حاحا !!! :D :D <{POST_SNAPBACK}> هو ده الفرق بين الدول ذات الحضارة العريقة - زي مصر - والدول اللي لسه مُستجده في الكار ... ففي الدول المُستجدة بينفخوا في الجهاز .. أما الدول العريقة فبينفخوا الشعب ... س س عجلاتي ويملُك كمبروسور قوة 260 حُصان ومستعدين لنفخ أي شيء حتى البلالين ... اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
soooo بتاريخ: 8 أغسطس 2005 تقديم بلاغ مشاركة بتاريخ: 8 أغسطس 2005 بمناسبة اني لسه فايق من عملية يادوبك من كام يوم .. قررت اني افتكر اول مره عملت فيها عملية جراحية ببنج كللي .. حاكم انا باخاف من البنج مووووت وسبب خوفي ده ان كل اللي يعرفني بيحكيلي عن اسراره .. مره حد يجي يقوللي انه متخانق مع خطيبته .. ومره يجي يشتم في حد من قرايبه .. ومره الاقيه جايلي بيشتم في حد من صحابنا .. وكل ده كوم .. واسراري انا .. كوم تااااني حاكم انا اسراري توديني ورا الشمس في ميكروباص الترامكو من ابو بيبان مش موجوده اساسا المهم .. اول عملية عملتها ببنج كليّ .. كانت لما عملت حادثة عربية السنة اللي فاتت وبالرغم من اني ما كنتش مستوعب اني هاعمل عملية من أصله .. لكن احساسي اني داخل اوضة العمليات واني هاتبج كليّا كان عامللي رعب .. خصوصا ان كل اللي اعرفهم من صحابي كانو فضحو الدنيا لما اتبنجو .. ودي تقريبا هي اللي خلتني مركز بطريقة غريبة اني اشيل اي موضوع من دماغي .. ومافكرش غير في حاجه هايفه غريبه بعيده عن اي اسرار وبعيده عن اني افضح حد وفعلا .. ابتديت افكر في موقف كان عدى علي زمااااان قوي .. الموقف ده كنت فيه عيل صغير وكنت ضيعت فلوس العيديه بتاعتي .. وقعدت طول العيد متنكد ولما جه الدكتور بيفوقني من البنج .. بعد العملية اللي خدت مده حوالي اربع ساعات .. كنت باخطرف في الكلام عن اني ضيعت الفلوس بتاعتي .. واني زعلان .. واني كده مش هاقضي العيد سواءا خروج او اشتري حاجه .. واعيييييط .. وكانت حاجه مرار المضحك في الموضوع ده .. اني لما فقت شوية .. لقيت الدكتور بيقول لواحد صاحبي يروح يعمل محضر بالفلوس اللي ضاعت منني في الحادثة .. وقبل ما صاحبي يعمل اي حاجه رحت مشاورله بايدي وانا باخطرف وقلتله .. : شوف الفلوس يمكن وقعت ورا المراجيح مكان ما كنت باتمرجح :D :D !!!!! اقتباس باغيب .. لكن بارجع واحس بوحشه للشارع وللحاره رابط هذا التعليق شارك المزيد من خيارات المشاركة
shahd بتاريخ: 11 أغسطس 2005 تقديم بلاغ مشاركة بتاريخ: 11 أغسطس 2005 فكرتني ياسووو بالذي مضى اما العمليات دي عليها حاجات فضايح اول مرة اعمل عمليه في حياتي والهي لا يعيدها تاني دخلت اوضت العمليات وانا في قمة التوتر وقال ايه متقنزحة وعمالة فيها شكاكة وبقول للممرضة الملاية مش نظيفة غيريها يا اخي انا في ايه ولا في ايييييييه ما علينا قعدت في البتاعة الي بيعملوا فيها العمليه والدكتور بتاع البنج والدكاترة التانين بيرغوا معايا قال عشان يهدوني ويرفعوا من روحي المعدنية واذذذذذ الاقي واحد داخل وواقف في وشي وبيقلي ( لا اله الا انت سبحانك اني كنت من الظالمين) اهلاااااااااا ما بقاش فيا روح خاااااااالص قطعت النفس افتكرته بيقلي حتموتي ياشهد............ عملت العملية بس الي غاظني ساعتها اني ما شفتش حاجة وبقول للممرضة هو خلاص....... تقلي اه خلاص يعني خلاص خلاص........ ايوة..........كنت بقول في سري ياخسارة ماشفتش طلعت برة ماما تقلي حمدلله على السلامة وانا اقلها ايييييييييييييييييييييييه :) :) :D ماما فين الشبشب بتاااااااااااااااااااعي :wub: اقتباس طـــــــفولــــة شــــــهـــد رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.