رجاء للمصري ولمشرفي المنتدى

[احمد سعد]

الأعزاء

الشطب على صورة الرئيس بصرف النظر مبارك او غيره فتوقيع الأخ مصري أرى أن فيه إهانة لنا جميعا لأنه مازال الرئيس فلا داعي للإساءة لأنفسنا

تقبلوا : <_< :rolleyes تحياتي ....

[yasser6666]

عزيزي أحمد سعد

أنا شخصيا لا أري في ذلك اهانة شخصية لي من قريب أو بعيد

وأذا كان الأخ مصري يري في هذا التوقيع راحة وتعبير عما يريده فهو حر يفعل ما يشاء وكذلك الحال لأي عضو بالمنتدي

من حقي أن اقول لا أو نعم لأي شخص وبالطريقة التي اراها مناسبة

وحمدالله علي سلامة عودتك الينا بالسلامة

[مصرى]

إهانة لنا جميعا

الإهانة الحقيقية أن تفرض نفسك متحدثا بإسم الآخرين بلا تفويض <_<

[ابو حلاوه]

الأعزاء

الشطب على صورة الرئيس بصرف النظر مبارك او غيره فتوقيع الأخ مصري  أرى أن فيه إهانة لنا جميعا لأنه مازال الرئيس فلا داعي للإساءة لأنفسنا

تقبلوا  :  <_<  :rolleyes تحياتي ....

<{POST_SNAPBACK}>

:angry: :angry:

[سقراط المصري]

افتكرت قصه قديمه كنت سمعتها وبيقولوادي واقعه حقيقيه بتقول القصه:

واحده فلاحه راكبه حمار وبتعدي السكه الحديد، قرب القطر ، خاف الحمار، تضربه الست، مش راضي الحمار يتحرك، هب جه القطر فرم الست والحمار.

هل العيب على الست لانها منزلتش من على الحمار ، ولا العيب على الحمار لانه ماسمعش كلام الست.

رأيي الشخصي ان العيب على الحمار اصل الحمير لها حركات غير متوقعه .........احياناً

سقراط

[ماجد]

انتخبته مرتين و اعترفت به مرتين

بس خلاص

بعد كده هوا قاعد غصب عنى

يبقى مالوش عندى أى حق

تم تعديل 24 مايو 2005 بواسطة ماجد

[se_ Elsyed]

انتخبته مرتين و اعترفت به مرتين

بس خلاص

بعد كده هوا قاعد غصب عنى

يبقى مالوش عندى أى حق

<{POST_SNAPBACK}>

معليش يا كابتن ماجد ... عشان التاريخ بس وأبنائنا الصغيرين ما يقولوش إحنا بنضحك عليهم ..

عمر مصر ما كان فيها إنتخابات ... يبقى إزاي إنتخبته ؟

يكونش قصدك إنك إستفتيت عليه مرتين .. أو شربة الشربة مرتين ؟

[ماجد]

صح يا سى السيد

استفتيته مرتين

<_<

[ناصر الملك و الملكية]

من يفعل هذا بصورة حاكمه الذي يمثله و يمثل شعبه , فهو يهين نفسه قبل أن يهين شعبه أو بلده !

[shawshank]

أخونا ماجد ... حتة غلاسة كده على جنب ... قصدك أفتيت له مرتين .. استفتيته يعني طلبت منه الفتوى :D ... و مساء الفل ... على رأي أخونا Bodda :)

[ماجد]

أخونا ماجد ... حتة غلاسة كده على جنب ... قصدك أفتيت له مرتين .. استفتيته يعني طلبت منه الفتوى  :D ... و مساء الفل ... على رأي أخونا Bodda    :)

<{POST_SNAPBACK}>

لا يا حبيبى .....

استفتيته يعنى وكلنى الفته ولا مؤاخذه

:ph34r: :blink: :sad:

تم تعديل 24 مايو 2005 بواسطة ماجد

[مصرى]

كنت أنوى رفع الصورة بعد الاستفتاء نظرا لما يشاع عما يسببه النظر اليها مطولا من أعراض النسيان والشيخوخة المبكرة :D

لكن بناء على طلب الجماهير .. والمستجدات الراهنة على الساحة الداخلية .. فقد تقرر مد العمل بالصورة لمدد أخرى "مادة 77 من الدستور" :excl:

[se_ Elsyed]

من يفعل هذا بصورة حاكمه الذي يمثله و يمثل شعبه , فهو يهين نفسه قبل أن يهين شعبه أو بلده !

<{POST_SNAPBACK}>

بالراحة يا ناصر وبلاش الكلام الكبير ده اللي من عينة مصر مبارك ومبارك مصر وإنت بابا وإنت ماما وإنت أنور وجدي ..

نحن شعب لم يختار حاكمه منذ أن أجتاحنا وباء ثورة الكاكي ، وبالتالي لما نبقى نختاره بإرادة حره ( مُقتبسة من سمير رجب من وحي الإستفتاء ) نبقى نحترمه ، ولما يبقى الحاكم أساساً محترم نفسه وواثيق من الفوز ( من وحي فيلم فول الصين العظيم ) أو شايف نفسه فارس ويقدر ينزل إنتخابات حره نزيهة شريفة عفيفة إن شالله قدام عبدو مجانص بطل أسكندرية في وزن خفيف الثقيل ... يبقى ساعتها نحترمه ونشيله هو وعياله على راسنا من فوق ... غير كده ما أعطلكش وكل واحد يفعل ما بداله .. ولا هو الإحترام فرض علينا وسُنة غير مؤكده عليهم ؟

[احمد سعد]

يعني قبل ثورة الكاكي كان الملك بالاختيار والا أيه

[elma3adi]

يعني قبل ثورة الكاكي كان الملك بالاختيار والا أيه

<{POST_SNAPBACK}>

لا, بس المفروض ان الثورة قامت علشان تصحح وتغير الى الاحسن.