اذهب إلى المحتوى
محاورات المصريين

قرار صعب جداً رجاء ألمساعده بسرعه

midterm_2003
 مشاركة

Recommended Posts

midterm_2003 عضو جديد

midterm_2003

بتاريخ:
بتاريخ:
حاليا اعمل مع شركه امريكيه من مصر من البيت كونتراكتور يعني بنظام التعاقد كل سنه براتب خيالي و الحمد لله و معروض عليه اروح فرع الشركه في بريطانيا براتب اقل و هو في الحقيقه مش اقل عشان الحياه هناك أغلى و كمان فيه ضرائب
الخلاصه ان كل الف دولار تحويش في بريطانيا يقابله 7 آلاف دولار تحويش و انا في مصر !!!!!!
مميزات السفر
تعليم الأولاد عليهم
تحويش 1500 دولار شهريا
حياه أوروبية راقيه
بعيد عن مصر في الوضع الزباله اللي هيه فيه
بعيد عن استدعا الجيش لاني كنت ظابط احتياط !!
بعد 6 سنين يحق لي اطلب الباسبور البريطاني و طبعا ده يتوقف على ضمان استمراري في البلد و في الشغل
شغل داءم مش بعقد
اضافه قويه جدا جدا للسي في و تحسين لوضعب داخل الشركه و خبرات و لغه
مميزات البقاء في مصر
تحويش 7000 دولار كل شهر
مضمونه لمده سنه فقط و بعدين حسب الأحوال الله الوطن !!
داخل بلدك و وسط اهلك رغم الظروف الزباله بس على فكره انا واخد على الغربه و بقالي 8 سنين في الخليج
انا فاشل في حكايه اعمل مشروع دي !!
رابط هذا التعليق
شارك
Handasa عضو جديد

Handasa

بتاريخ:
بتاريخ:
حاليا اعمل مع شركه امريكيه من مصر من البيت كونتراكتور يعني بنظام التعاقد كل سنه براتب خيالي و الحمد لله و معروض عليه اروح فرع الشركه في بريطانيا براتب اقل و هو في الحقيقه مش اقل عشان الحياه هناك أغلى و كمان فيه ضرائب
الخلاصه ان كل الف دولار تحويش في بريطانيا يقابله 7 آلاف دولار تحويش و انا في مصر !!!!!!
مميزات السفر
تعليم الأولاد عليهم
تحويش 1500 دولار شهريا
حياه أوروبية راقيه
بعيد عن مصر في الوضع الزباله اللي هيه فيه
بعيد عن استدعا الجيش لاني كنت ظابط احتياط !!
بعد 6 سنين يحق لي اطلب الباسبور البريطاني و طبعا ده يتوقف على ضمان استمراري في البلد و في الشغل
شغل داءم مش بعقد
اضافه قويه جدا جدا للسي في و تحسين لوضعب داخل الشركه و خبرات و لغه
مميزات البقاء في مصر
تحويش 7000 دولار كل شهر
مضمونه لمده سنه فقط و بعدين حسب الأحوال الله الوطن !!
داخل بلدك و وسط اهلك رغم الظروف الزباله بس على فكره انا واخد على الغربه و بقالي 8 سنين في الخليج
انا فاشل في حكايه اعمل مشروع دي !!

السلام عليكم ورحمة الله وبركاته

اخي العزيز

انا مش متخيل ايه هو المجال اللي حضرتك بتشتغل فيه . بس اللي اقدر اقوله لحضرتك ان 7000 دولار شهريا توفير ده رقم خيالي . واعتقد ان اللي يوصل للرقم ده ف مصر ف الظروف دي مش هاتفرق معاه حكاية السي في وبالاخص انك بتعمل ف نفس الشركة . وفيما يخص الحياه الاوروبيه الراقيه انت ممكن تعيش ف اماكن ف مصر نفس المعيشه .

رابط هذا التعليق
شارك
AbuZeyad عضو جديد

AbuZeyad

بتاريخ:
بتاريخ:

يعني ايه شغل دائم مش بعقد

طيب ازاي هاتثبت انك كنت بتشتغل لو هاتقدم على الجنسية؟

اظن القرار كله يعتمد على نظرتك للمستقبل

يعنى انت اكيد مرتاح في مصر شغل حلو مريح ومربح

برة تعب ودخل اقل لكن مع امكانية الحصول على جنسية ودا طبعا احسن لاسرتك بس على المدى البعيد طبعا

اقولك على فكرة

اقبل العرض اللي برة وحاول بقدر الإمكان تاخر السفر وبكدا تاخد ميزة الشغل في مصر والادخار العالي واظن من غير حاجة التاشيرة لوحدها ممكن تاخد 3 شهور على شهرين من عندك تكون اخدت جزء كبير من سنة العمل في مصر وتسافر وطبعا الخبرة الاوروبية حاجة تانية

وكمان خلى بالك ان الشركة دي ممكن تطفش زي ما طفش مستثمرين كتير من مصر لاسباب يطول شرحها

الفلوس مش كل حاجة

سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

رابط هذا التعليق
شارك
midterm_2003 عضو جديد

midterm_2003

بتاريخ:
  • كاتب الموضوع
بتاريخ: (معدل)

أقصد بشغل دائم هو اني متعين في الشركه بصوره مباشره مش متعين عن طريق شركه توظيف وسيطه و كل سنه يشوفوا لسه محتاجني ولا لأ

الميزه مش الحياه الاوروبيه بس ولا الجنسبه بعد 5 او 6 سنين الميزه الكبرى هي استقراري في الشركه و في الشغل و كمان تعليم الاولاد اللي انا عشان اعلمهلم في مصر هصرف اللي هحوشه لو قعدت سنه في مصر بالطريقه دي و حتى مش هيبقى نفس المستوى و لا هيتكلموا لغه زي اما لما يسافروا

لو فضلت في مصر و بعدين مشوني بعد سنه أو اتنين ؟ أو حتى حصل اي ظرف و مشوني دلوقتي ؟ ايه العمل ؟

و موضوع الجنسيه ده مش مشكله اوراقه محلوله لان الشركه هتديني أي أوراق اثبات مطلوبه المهم اني أكمل ست سنين

حكايه اني أتلكع و الكلام ده مينفعش دي شركه أجنبيه و مينفعش معاها حركات المصريين دي ؟ هههههههه

و القرار لازم أخده خلال اياااااام قليله

تم تعديل بواسطة midterm_2003
رابط هذا التعليق
شارك
حسام الغرباوي عضو جديد

حسام الغرباوي

بتاريخ:
بتاريخ: (معدل)

مع احترامي الكامل لحضرتك ولجميع من ردو

مفروض مفيش مقارنة بين العرضين

اكيد تبقي في مصر

حضرتك بتقول بوفر 7000 دولار في مصر ...يعني شغل سنة في مصر = شغل سبع سنين في انجلترا ؟ وبعدين موضوع العيشة الاوربية والتعليم

دي اكيد حضرتك غلطان فيها ...اللي معاه فلوس في مصر مبتفرقش معاه ظروف نهائي ....روح اشتري شقة في التجمع الخامس وودي ولادك مدارس لغات وهتعيش احلى عيشة

وعلي فكرة الشركة اللي تديلك راتب زي كدا واللي طالباك هناك مش هتستغني عنك

وجهات نظر

وربنا يوفقك

تم تعديل بواسطة حسام الغرباوي
رابط هذا التعليق
شارك
midterm_2003 عضو جديد

midterm_2003

بتاريخ:
  • كاتب الموضوع
بتاريخ:
حسام الغرباوي

و بعد ما أشتري شقه في التجمع و أودي ولادي مدارس لغات سنه ولا اتنين و الفلوس اللي معايا تخلص ... و بعدين عقدي يخلص معاهم و ميجددوش ... ايه العمل ؟ مش هقدر أكمل أعيش في نفس المستوى

مش بس كده من الصعب جدا و مش عايز أقول مستحيل ألاقي اي وظيقه بربع الراتب !!

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...