أعضــــــاء نفتقـــــدهم

[مصرى]

زملاء وأصدقاء الكلمة وأعضاء فى المحاورات غائبون عنا منذ فترة ونفتقد حضورهم وكتاباتهم وأفكارهم التى كانت تثرى الحوار

كان هناك توبيك مفتوح للسؤال عنهم من أخونا هشام عبدالوهاب ولكنه إختفى مثل صاحبه !! لعل المانع خيراً

اختفى التوبيك منذ أن قاطعته العزيزة Cleo أكثر الأعضاء سؤالا عن زملائها الغائبين

أفتقد أيضا كتابات أكثر أعضاء المنتدى نشاطاً وصبراً العزيز "الطفشان " الأصلى الذى إختفى بلا وداع فى ظروف غامضة .. ورغم أن الحاج محمد أبوزيد طمأننا عليه وقال أنه على إتصال به .. إلا أن أخونا أبوزيد طفش أيضاً مع حرمه الأخت سيدة أبوزيد .. وكانا من أنشط الأعضاء .. وأكثرهم إشتباكاً معى على وجه الخصوص حول الآراء المختلفة وخاصة حينما يلقى أخونا محمد بدلوه فى السياسة :D

وكمان الصديق سيفود والأتوبيس .. بلاش الأتوبيس بيسبب مشاكل .. الموضة السنادى تاكسى العاصمة .. وديسابوينتد وثقافته الواسعة ودأبه على الاطلاع وحرصه على أن يستفيد الآخرين بمعارفه

أيضا أعضاء الفكر الجديد .. مش بتاع الحزب الوطنى .. مثل أخونا العقيد حشيش محمد حشيش :rolleyes: وعقله الباطن :unsure: والأعزاء فيروز بعقلها الراجح وجرأتها فى الحق .. والرقيقة لايت هاوس

وآخرين من الزملاء الأفاضل الذين أثروا الحوار فى هذا المنتدى .. وتركوا على صفحاته بعض من أنفسهم وعصارة فكر وجهد .. أتمنى أن يعودوا الينا لنلتقى من الجديد ونتفق ونختلف .. إننى على ثقة أن جهدكم كلماتكم الصادقة لا يمكن أن تذهب أدراج الرياح .. بل أنها تحفر بعمق ولكن بهدوء فى ثنايا العقول والوجدان .. وكما قال عمنا عبدالرحمن الكواكبى " كلمة حق وصيحة فى واد .. إن ذهبت اليوم مع الريح .. غداً تذهب بالأوتاد"

تحياتى لجميع الغائبين والحاضرين

[mb14]

الأستاذ الفاضل /مصرى

والله فيك الخير للسؤال عن هذه الكوكبه من الأعضاء الأفاضل رواد المحاورات

واحنا كذا مره نسأل عنهم عشان يجيوا ويردوا علينا ما بيسألوش

قلت اروح لهم انا بعد ما عرفت انهم بيقعدوا فى الحديقة اللى موجودة فى آخر شارع المنتديات .

اغلب اللى حضرتك ذكرتهم طبيت عليهم هناك لقيتهم كل شوية ملمومين وقاعدين تحت شجرة وهاتك يارغى وكلام ومواضيع كتيير

ابقى روح وبص وسلم وتيجى تانى مش يعجبك الهوا هناك وتقعد زيهم وتنسانا .

وصفة الطريق للحديقة ?

[سقراط المصري]

افتقد الزملاء:

1- ماجد.................... وحشتني جداً ، انت فين ياراجل ، قرأت لك موضوع ظريف في مكان ما عن القوات الخاصه (777) ، افتقدك بشده.

2- وايت هارت.................. ساعات بتغطس والواحد مابيعرفلكش طريق ............ اظهر وبان عليك الامان.

3- عادل ابو زيد........................ إيه مشغول بكحك العيد.

4- مصري ، اين انت................. مشينا القطط خلاص ، تعالى متخفش.

:blush:

سقراط

[achnaton]

وانا والله يا سقراط .. وكمان نضيف فى اول القائمه الفيروزة الحلوه اللى بتسعدنا فى المحاورات .. ومنارة الخير اللى كانت منوره كل الابواب .. هو صحيح مصرى بيخاف من القطط ؟؟؟ عشان كده الشوال ده فيه أكل قطط مستورد ؟؟ ولا كلب كبير بيطلقه عليهم ؟؟

والله انت ابن حلال .. ربنا يكرمك ..

[سقراط المصري]

فين احمد باشا محمود

ياعم رمضان خلص، كنت ماسك طبله وواقف على ناصيه الحاره تصحي الناس وتقول السحووووووووور.

والعيد خلص كمان ، يعني لميت الغله خلاص.

هتطلع من الدره ، ولا اخلي عصام شوقي يولع في الغيط.

سقراط

تم تعديل 6 نوفمبر 2005 بواسطة سقراط المصري

[ماجد]

افتقد الزملاء:

1- ماجد.................... وحشتني جداً ، انت فين ياراجل ، قرأت لك موضوع ظريف في مكان ما عن القوات الخاصه (777) ، افتقدك بشده.

2- وايت هارت.................. ساعات بتغطس والواحد مابيعرفلكش طريق ............ اظهر وبان عليك الامان.

3- عادل ابو زيد........................ إيه مشغول بكحك العيد.

4- مصري ، اين انت................. مشينا القطط خلاص ، تعالى متخفش.

mfb:

سقراط

<{POST_SNAPBACK}>

عمى سقراط

انا موجود و مش موجود ...... موجود بالقراءه فقط

و مش موجود لصعوبة الحصول على موضوع جيد للنشر وسط أحداث تدعو للتأمل و محاولة القراءه و الفهم .

عموما ..... شاكرين للسؤال و اوعدك بأن احاول المشاركه بموضوعات جديده