حلال المشاكل

[شاعرالرومانسية]

الاخوة الكرام ...

المشكلة دية فعلا منتشرة جدا ..وأعتقد ان الاخ الباشمهندس البحيرى غطا جميع النقاط... :wub:

انا بس ليا تعليق ، ان فعلا وزى ما قلتوا معايير اختيار الزوجة حاجات كتير جدا اهم من النقطة دى ،خصوصا فى هذة الايام .. :lol:

وبعدين مبقاش بالساهل انك تلاقى عروسة كويسة وفيها المواصفات الاساسية اللى انت عاوزها بالاضافة لللأخلاق والتربية والدين..( يبقى لو لقيت عروسة وفيها كل دة ..بس زميلتك فى الشغل ..حتتأمر وتقول لاء :wub: ... دى حتراقبنى وحتبقى فى وشى فى المكتب وفى البيت ... ياعم اتكل على الله ..حدلاقى ..)

انا واحد صاحبى بقى بقاله سنة بيدور ومش لاقى انسانة مناسبة ... :lol:

وبعدين مش ممكن بعد الجواز تسيب الشغل ويبقى كسب زوجة كويسة ومشكلة الشغل تبقى راحت لحال سابيلها :wub:

عزيزى بودا ..خلية يتكل على الله ويتحرى معايير اختيارة ( عشان مايبقاش له حجة وما يتلككش بعد كدة :D ) ولو تمام ..يستخير ويتكل على الله ..بس ما ينسناش فى الملبس

الا هو مين صحيح...!!!؟؟؟ :blink:

اوعى اكون اعرفة،،، ;)

وربنا يوفق الجميع

[bodda]

العزيز فنسر

شاكر لوجودك فى الموضوع الهام ده

ولردك الجميل

العزيز عادل بك

احنا اللى نتشرف بوجودنا وسط موقع محترم بالشكل ده

وما تحرمناش من تواجدك معنا بره معمعة السياسه

العزيز شاعر الرومانسية

كلامك صح

بس اسال مجرب ولا تسأل طبيب

:blink: :wub: :lol:

وياريت يكون اللى تعرفه

حد لاقى

:lol:

[Fencer]

الاخ العزيز بودا

انا شايف انت بتسال عن رأي الناس في الجوازة دي ممكن تنجح ام لا لظرف معين و خاص و هو وجودهم مع بعض في مكان عمل واحد

كما وضح الباشمهندس البحيري اسس اختيار الزوجة و الزوج لبعضهم و على افتراض ان المبدأ الاساسي و هو صلاحية الزوج و الزوجة لبعضهم من حيث التوازن الاجتماعي و المادي و الديني و الشخصي متوفرة يتبقى الظرف الخاص و المؤثر المحدد بالذات و هو وجودهم مع بعض في مكان عمل واحد و ما مدى تأثيره على كل منهما و بالتالي في التهاية على العلاقة

من الناحية العملية هي ميزة وجودهم في مكان واحد حاجة جميلة هايروحوا الشغل في عربية واحدة و نص تكاليف المواصلات ستختصر و بما انهم في مكتب واحد سيساعدوا بعض في العمل و يستطيعوا تدبير مواعيدهم بسهولة و غيره من الميزات لهذا الوضع

اما الجانب الاخر فعندما تحدث مشكلة ستظهر على الوجوه و تصبح الخصوصيات على المشاع و ان لم يتحدث بها و ان كانت الزوجة غير ملتزمة كأن لا تكون محجبة او متبرجة قد تحدث مشاكل من نوع آخر و غيرة و ما شابه و كذلك بالنسبة للزوج و تنقل مشاكل العمل للمنزل و العكس و اعتقد ان المتاعب التي ستفرزها هذه الزيجة ستحتاج نوعية من البشر تتوفر فيهم صفات تعين على تجاوز هذه المتاعب و التي ستحدث و التي لا علاقة لها بكل معايير اختيار الزوج و الزوجة لبعضهما و لكن لها علاقة بكونهما رجل و امرأة يقضيان 24 ساعة مع بعض رجلهم على رجل بعض عايشين في بيت واحد و بيروحوا شغل واحد و معارفهم و اصدقائهم مشتركين

في رأيي يا بودا رأيي انا .... مش حلوة

تقبل تحياتي

[bodda]

الاخ الحبيب فنسر

بصراحه اول رد مباشر للمشكلة اللى تم طرحها

واللى انت قلته هو بالضبط المخاوف اللى عند الزبون

وده تقريبا اللى انا قلته له

لان موضوع اختيار الزوجة بالضوابط الدينية لا نقاش فيه

وهو الاساس فى الموضوع

لكن لما يكون الاختيار بعد الضوابط دى عقلانى

فلازم الانسان يفكر فى كافة المزايا والعيوب

وطبعا لو الموضوع فيه حب حقيقى فلن يلتفت لاى تساؤلات

الله ينور يا فنسر

وصباح الفل

:blink:

[Fencer]

وعليك يا بودا

تحياتي

[bodda]

مشكلة جديدة هنا وقديمه هناك

هنا فى الموضوع وهناك فى مصر المحروسة

وهى التفرقة بين الولد والبنت فى التربية

والمقصود هنا هو تلبية طلبات الولد من خروج وصداقات وغيره

ولما البنت تطلب حاجه يتقال لها عيب انتى بنت ؟؟؟

:D

نفتح مخنا ونرتب الكلام وبلاش ضرب نار

ونتناقش

:)

صباح الفل

:D

[bentmasria]

:D :D :D

الاخ الجميل بودا

اذا كان صاحبك لسه بعقله يعنى (ماتجوزش)

نقول له لله ربنا يوفقك وزى ماقال فنسر صديقنا العزيز معايير الاختيار هى التى تحدد فى المقام الأول ولا يجب ان ينخدع بالمظاهر والملابس الرسميه وليتحقق من التكافؤ الفكرى والاجتماعى والخلفيات الاسريه بشكل جيد فهذا ارتباط العمر ولربما يحقق عملهما فى مكان واحد نسبة عاليه من الفهم والوعى بمتاعب المهنة ومتطلباتها وربما يحدث النقيض فتدقق الزوجة او الزوج على علاقات اى طرف منهما بالزملاء وتوخيا للحذر يتقدم لطلب يدها وبطلب آخر لنقله لقسم آخر لو مقتنع انها تناسبه من الجوانب الأخرى ايضا

يعاهد نفسه على ان يتجاهل اى خلفيات قد تذكر فيم بعد عن زوجته المستقبلية وان يتعامل مع الحاضر فقط ولا يعيد صفحات الماضى من مناوشات او من فعل ومن قال كعادة اغلبنا فى اعمالهم

وان يطلب منها المثل بقدر الامكان فوعى النساء بمسألة الغفران قليل نسبيا

ان يستخير الله قبل كل هذا ويتوكل عليه وبالرفاء والبنين وطبعا عاوزين من التورته

ده طبعا لو رضى يتجوز بعد اللى قلته

:) :D :D

محمد ومامى

[bentmasria]

:) :D :D

من غير ضرب نار

لا اظن ان بودا يعيش فى مصر الآن

اظن الشباب مظلوم البنوته الحلوة واخدة حقها خروج ومصاحبة وموبيلات وسهر فى النايت كلوب وكل حاجة

وفى يا عينى شباب فى منتهى البراءة

انا لا اهاجم الفتيات

لكنى ارى واسمع وتصيبنى الدهشة واحيانا اتمنى لو حبست احداهن واوسعتها ضربا او ربما امسكت والدتها لاسألها بلهجة لا اعرف وصفها كيف تخرجين فتاتك اللى هى عرضك وشرفك وسمعة العائلة وانا لست عجوز رؤوم لكنى سيدة متحررة الفكر لكنى احفظ ربى ودينى وعائلتى فى نفسى كبف تخرجينها ترتدى لاشىء

وهل هناك قيود او اى تشدد فى تربية الفتاه ان خرجت هكذا وجلست تدخن فى الشارع او الشيشة او اى من هذه الاشياء الغريبة

او تعجرمت ولبست القصير والملتصق ومكشوف البطن

كنا نلوم حاسرات الرأس

الآن هل هناك تزمت فى حاسرات البطن والارجل

هل يستطيع والد او والدة هذه او تلك ان يملى عليها

لا اظن ان هذا ممكنا الا لدى القلة القليلة التى تعلم اطفالها الحرية وحسن الاختيار والثقة وحسن استغلالها لصالح النجاح والتقدم

ولى عودة اصل الضغط على

[bodda]

العزيزه البنت المصرية

طبعا عندك حق فى صور البنات اللى بتقولى عليها

وانا عايش فى مصر والله وشايف ده كله

بس النسبة قد ايه ؟؟؟ :ninja:

والبيوت الملتزمة قد ايه ؟؟؟

احنا مش بنشوف الا الشاذ الملفت للنظر

لكن صدقينى اغلب البنات بتعامل معامله تانيه خالص

ولا تنسى الضغط الاعلامى بصوره المختلفة

والضغط السلعى

وضغط الدم

:wub:

مستنى باقى رايك

مساء الفل

:o