محلب حيطلـَّع روح "حلاوة روح"

[أبو محمد]

ميزة أن يكون رئيس وزراء مصر رجلا تنفيذيا

بعدما عانينا من الأكاديميين والأيديولوجيين

نبض الشارع المصرى بيسمَّع عنده على طول

ياخد قرار وينفذ

منذ أن "سمعت" و "قرأت" عن هذا الفيلم شغلتنى نقطة واحدة

أكثر من أى نقد فنى أو اتهام بسرقة الفيلم من فيلم إيطالى

النقطة هى

كيف يُعرض فيلم "للكبار فقط" بطله "طفل" يغتصب امرأة ؟

هو التهريج والاستهانة وضرب عرض الحائط بكل منطق

وصلوا للدرجة دى ؟

عاجل| "محلب" يقرر وقف عرض فيلم "حلاوة روح"

المتحدث باسم الوزراء لـ"الوطن": القرار جاء بعد تقرير أرسله مجلس الأمومة والطفولة

كتب : إيمان السيد منذ 31 دقيقة

• المهندس إبراهيم محلب

قال الدكتور شريف شوقي، المتحدث الإعلامي لمجلس الوزراء، إن المهندس إبراهيم محلب، رئيس مجلس الوزراء، أصدر قرارًا منذ قليل بإيقاف عرض فيلم "حلاوة روح"، وإعادته لهيئة المصنفات الفنية لاتخاذ قرار نهائي بشأنه.

وأضاف شوقي، في تصريحات لـ"الوطن"، أن القرار جاء بناءً على تقرير أرسله مجلس الأمومة والطفولة طلب فيه منع عرض الفيلم حفاظًا على أخلاق الأطفال لما يحمله الفيلم من إساءات للأخلاق.

[أبو محمد]

بضاعة مضروبة

حتى فكرة أفيش الفيلم مسروقة

[Alshiekh]

عيل وبيحلم

حتى الأحلام بتحرموا الشعب المصري منها

حاجة تقرف

يسقط يسقط حكم العسكر

امتى ترجع يامرسي

[tarek hassan]

حاجة تقرف

يسقط يسقط حكم العسكر

امتى ترجع يامرسي

يا خسارة حرية الإبداع من بعدك يا مرسي

أطفال مصر بين المطرقة والسندان

ما بين جماعة مرسي وجماعة هيفاء وهبي وغادة عبد الرازق والسبكي

[باهى الطائر الحزين]

القصة اتمصرت والمؤلف منوهش لده

لكن رغم ما اثاره الفيلم من ضجه وجدل

شايف ان السينما تعكس نبض الشارع الحى

هناك آفات ومشكلات فى الوطن نخشى

وان نفتح اعيننا عليها او نواجه حقيقتها

يحدث هذا وفى كل الأوساط وآخره مع

مدرب الكراتيه والذى يستغله الإخوان

بدونيتهم المعهوده ...

[أبو محمد]

القصة اتمصرت والمؤلف منوهش لده

لكن رغم ما اثاره الفيلم من ضجه وجدل

شايف ان السينما تعكس نبض الشارع الحى

هناك آفات ومشكلات فى الوطن نخشى

وان نفتح اعيننا عليها او نواجه حقيقتها

يحدث هذا وفى كل الأوساط وآخره مع

مدرب الكراتيه والذى يستغله الإخوان

بدونيتهم المعهوده ...

عبايات يا أستاذ باهى

لسه ما خلصناش من بتوع عباية الدين .. وقعنا فى بتوع عباية حرية الإبداع

بس ده لا إبداع ولا دياولو

واحد سارق حاجة وياريته سابها على حالها ده ابتذلها كمان

ومفيش عنده ضمير ولا فى عينه حصوة ملح

ويكتب لك تأليف فلان وسيناريو علان

شوفت سفالة أكتر من كده ؟

صحيح الدستور اللى انا وانت وغيرنا وافق عليه بـ 99% بيطلق حرية الابداع

بس لا يطلق حرية الإفساد .. ولا بيقول إفسد إفسد

إلى أن يصبح الفساد طبيعيا

وبعدين اللى ينفع يتعرض فى المجتمع الإيطالي غير اللى ينفع يتعرض عندنا

مشكلتنا ان احنا معظمنا - حتى الكبار منا - ثقافتنا ضحلة

ولا نحصل عليها إلا من الأفلام والمسلسلات

أنا مع حرية الإبداع وإن الحكم يكون للجمهور يقبل على السمين ويعرض عن الغث

بس الكلام ده لازم له أولا الارتقاء بهذا الجمهور

معرفيا ووجدانيا وذوقيا .. وأن أغرق هذا الجمهور بالفن الراقى

ثم أتركه ليحكم بالإعدام على الفن الهابط

[باهى الطائر الحزين]

كلام حضرتك استاذى

مقدر وعلى عينى وراسي

لكن نا لم اتعرض للإبداع

كما لا ارى فى السينما اى ابداع

غير قصه نعتبر منها او تاريخ

توثقه او خلفيه جماليه لعدسة

مصور تعكس الذاويه التى يرى

المخرج بها قصة المؤلف ...

ما عدا ذلك كل الأفلام العربيه

إستهلاكيه او فنتازيا ...

كنت اتحدث عن واقع نعيشه

ونلمسه ومعه نغمض عينينا

عن سلبياته ونلوم على من

حاول إظهار خبيئته ...

تعرف استاذى تعليق السبكى

على من هاجموا الفيلم ؟

قال ناس مايعرفوش ربنا

اضحك ولا ابكى ؟؟

وبكره النشتاء والسرسجيه

يطلعوا بمظاهره تأييد حرية

الإفلام الإباحيه ....

[باهى الطائر الحزين]

لو على الفن الراقى

الفنان محمد صبحى

له حاجه بتتعرض حاليا

بسم الله الرحمن الرحيم

الإجابه لا !!

يا اسناذ محمد

90٪ من الشعب مش عايز

راقى الأقتتال على الشباك

فى دور العرض لهذا الفيلم

تاريخى يافندم

بعدين الحكايه مش من النهارده

بدايتها من الستينات مع كل

الأفلام اللى اتصورت فى لبنان

وكانت بتجيلنا فيديو

وحضرتك معاصر لده يافندم

اتمنى من صميم قلبى ان ما

اشرت إليه حضرتك يتحقق

على الأقل نبطل نضبط محرك

بحث التلفاز على القنوات الأجنبيه

اقله يعنى ...

[أيمن عبد العزيز]

أي حرية إبداع التي تتحدثون عنها يا سادة ؟

الأفلام البورنو حرية إبداع ، أفلام الإلحاد حرية إبداع ، أفلام مثل فيلم نوح حرية إبداع

هل نترك دور السينما تعرض أفلام البورنو ثم نسأل الجمهور عن رأيه فيها ؟

كنت دائماً أختلف مع الدكتور باسم يوسف في مقولته " اللي مش عاجبه البرنامج يغير المحطة " .. ليس هكذا تورد الإبل

لا تعني الحرية أن نصبح بلا ضابط و لا رابط ، يجب أن تكون لحرية الإبداع قواعد تنطلق منها و أسس تعتمد على ثقافة و تقاليد المجتمع المعروضة عليه

إن فيلم حلاوة روح حسبما قرأت عنه هو عمل تجاري بحت كمعظم أفلام السبكي و لا يمت للإبداع و لا للسينما حتى بأي صلة

و لا يخشى المنادون بالحرية على حرية الإبداع فعندما تتهدد ثقافة و سلامة المجتمع و إستقراره الإجتماعي فلتذهب حرية الإبداع إلى الجحيم و الضرورات تبيح المحظورات

[أبو محمد]

حلقة لابد من كسرها

مدَّعو الفضيلة و "حرس الحدود"

يقولون السبكى والأسوانى وأوكا وأورتيجا هم سبب الانحطاط الخلقى

ومدَّعو الإبداع من أمثال السبكى والأسوانى يقولون نحن ننقل الواقع

وكلاهما لابس عباية مش بتاعته .. عدة نصب ينصب بها على الأبرياء

السبكى سارق فيلم إيطالى وليته سرقه كما هو بل ابتذله

والأسوانى سارق رواية من أحد الحائزين على نوبل وياريته سابها زى ما هى

كلاهما يسقط رواية عن دراما فى مجتمع غير مجتمعنا ويلبسها ثوب مجتمعنا

باسم يوسف سارق برنامج أمريكى ومقال صهيونى

أمين هويدى يسرق مقالات غيره وينسبها لنفسه

ومن هؤلاء اللصوص من يدعى الإبداع أو يدعى الفضيلة أو كليهما

نحن نتعرض لعملية نصب كبيرة تستهدف أجيالا "مستسهلة"

تتثقف من أفلام ومسلسلات ومقالات وبرامج "الحرامية"

الترجمة والاقتباس والتمصير أعمال أدبية مشروعة

ولكن

بدون أمانة تبقى سرقة بعين "قارحة" ونية سيئة

فيلم الغريب ليحيى شاهين وماجدة مكتوب فى مقدمته "عن رواية مرتفعات ويذرينج"

فيلم أمير الانتقام لأنور وجدى مكتوب فى مقدمته "عن الكونت دى مونت كريستو"

إنما يتكتب على حلاوة روح .. تأليف فلان وسيناريو علان فهى سرقة بعين قارحة

يتكتب عن مسلسل نور الشريف "الرجل الآخر" من تأليف فلان وسيناريو علان

فهى سرقة بعين قارحة لمسرحية "المسافر بلا متاع"

عندما أخذ حسن الإمام روايات نجيب محفوظ وشبَّعها برقص العوالم

قامت الدنيا عليه ولم تقعد

وإلى الآن يعتقد بعض السطحيين أن مصر فى العشرينيات كانت مجتمع عوالم

مع أن المراة كانت تخرج فى المظاهرات منقبة فى ذلك العهد

نعم أنا مع حرية الإبداع .. وأتمنى أن نبتعد عن أسلوب "المنع"

ولكن متى ؟

هنا أعود إلى البداية وأقول

حلقة لابد من كسرها .. الارتقاء بالمعرفة والوجدان والذوق هو الحل فى رأيى

ولكن بعد إغلاق منبع الفساد

المنبع هو المشكلة يا سادة

عندما نترك عملية البناء للمقاول ابو لبدة ستنهار العمارات حتما

آجلا أو عاجلا

وأعود إلى مثال الحنفية البايظة اللى مغرقة الشقة

كل جهد لتنشيف الشقة وتنضيفها جهد ضائع

مالم تقفل المحبس وتصلح الحنفية وتنضف الشقة كل ذلك على التوازى

وليس على التوالى

السباك يقفل ويصلح وبتوع النظافة ينشفوا المياه القذره وينضفوا الشقة

لابد من "كود" أو ميثاق شرف للأعمال الفنية والإبداعية

بحيث لا نترك وجدان وذوق الأجيال لكل من هب ودب

يعبث بها كما يشاء

[Alshiekh]

فاكر فيلم الفنكوش "واحدة بواحدة" لعادل امام وميرفت أمين؟

اللي هو نسخة طبق الاصل حتى في ديكوراته لفيلم "Lover Come Back"

[أبو محمد]

فاكر فيلم الفنكوش "واحدة بواحدة" لعادل امام وميرفت أمين؟

اللي هو نسخة طبق الاصل حتى في ديكوراته لفيلم "Lover Come Back"

معظم أفلام عادل إمام مسروقة

أنا ماعنديش مانع من الاقتباس والتمصير

بس يتقال .. مش تبقى سرقة عينى عينك ويقولوا إبداع

[أبو محمد]

والله الإبداع صعبان علىَّ جدا .. كم من الجرائم ترتكب باسمه

هذه الصورة من تأثير "إبداعات" السبكى

[Salwa]

تحية طيبة .

الحكاية ياجماعة مش حكاية فيلم هايف وبس.

دى حكاية اسفاف وتسيب غير طبيعى حصل فجأة للمجتمع المصرى .

طيب زمان كان كل ده موجود بس ( مدارى )...أو ...يظهره جزء منه وعلى استحياء .

النهاردة مين اللى ظاهر ف الصورة ؟؟؟؟

شخصية تدعو للاثارة تسمى هيفاء وهبى ..( ومعها اختها ايضا تقلدها وتحاول ان تتفوق عليها )..ف تكملة مهزلة الضحك على عقول رجال مصر.

ليست مصرية ...!!!

صافيناز ...اتقفل علشانها شارع وقامت مظاهرة ..,اتضح ان ده حصل بسبب عقد كانت عاملاه ف كباريه تانى .....مهازل يعنى ..( تكونش مارجريت تاتشر والا هيلارى كلينتون والا سوزان مبارك اللى ييجى لها كل عربيات البوليس دى ؟)..

ليست مصرية ....!!!

والا التانية الست هانم ..نانسى عجرم ..بيتعمل لها حديث مخصوص مع مفيد فوزى

( ايام مجده يعنى ) وهى ايضا.

ليست مصرية ....!!!

طيب..

مش كفاية الغلب اللى عندنا؟؟؟......ناقصين يعنى تستوردوا لنا شوية تشويه من برة ؟

مابين ...سما المصرى وغادة عبد الر ازق ...وسباق اللى يحب النبى ( يتخفف علشان الحر ).

خلاص..
خلاص ..
خلاص بجد .
مهزلة أو مهازل مش طبيعية بتحصل على أرض مصر .

مهازل بكل المقاييس .

ما بين عكاشة ومرتضى منصور اللى بالع قاموس الشتائم كله والر دح والفضايح ...وبين (( العلماء الجدد ))...اللى هم علماء الدين اللى عرفناهم على حقيقتهم بعد سنين طويلة وصورهم امام صينية ( الكبسة ) وغيره وغيره .

خلاص..
خلاص..
الواحد بقى عنده حالة قرف واستياء ........( اعتذر مش لاقيا تعبير تانى )

الناس اتجننت .

سرقة ونصب وتحرش.........واغتصاب ( سمعنا ورأينا ما تقشعر له الابدان )

ياترى كل ده حاينتهى امتى؟

وهل حاينتهى والا حاتفضل آثار الجرائم دى كلها سنين؟

للأسف...للأسف الشديد .

الناس اللى بتفكر بعقلها وتعرف ربنا فعلا ....خلاص عرفوا أن النصب والضحك على عقول البسطاء والسيطرة على مفاصل البلد بيتم عن طريق.....البطش والقهر .

والدين الفالصو.

لنا الله.

يارب كوووووول قنوات التلفزيون المصرى تتقفل .

ويارب كل المذيعين والمذيعات يتخرسوا ..
ويارب اللى زى السبكى وغيره تيجى له صدمة عصبية لما يشوف اللى بيعمله ....ف اهله .

يمكن يتعظ..

ولو ان اللى زى دول خلاص ....ماتت فيهم الانسانية والنخوة .
ويقولك ابداع .
ابداع اييييه ياشوية رعاع .

ابداع؟

دول اساسا ناس من بيئة كانت تعيش فى قاع المجتمع وشافوا مهازل وفاكرين كل الناس زيهم ويقولك

ده الواقع .
والله ما واقع الا ضميرهم اللى خرج ولم يعد.

ربنا ينتقم منهم كلهم ........

ويارب نسمع عنهم قول ( لم ينجو منهم أحد )

ياخسارة يامصر.

شوهوكى ولاد ....الدولار.

الحمدلله رب العالمين آآآهى الصين وروسيا اتفقوا ان كل تعاملاتعم التجارية حاتكون بأى عملة ......غير الدولار .

يالله.
خليها تخرب على دماغ اللى عايزين يخربوها .

وآآهو ربنا سبحانه وتعالى بيسلط ابدان على ابدان.
سلام.

[herohero]

xxxxxxxxxxxxx

القصه بسيطة جداااااااااا محاربة الاسفاف والفشل ده تكون بانتاج ابداع فني بجد ليه ما نرجعش الروح لجهاز الاناج السيينيمائي فين الفن المصري بجد
الخليج والعالم العربي عرف اللغة المصرية من الافلام والمسلسلات المصرية اللي مبدعه فعلا
الحل سهل جداااااااااااا اناج افلام مصرية هدفها بجد اظهار صورة المراة المصرية والرجل المصري اللي السبكي بيه
مطلع المراة المصرية ......... لامؤاخذه والرجل المصري ...... لامؤاخذتين والمجتمع كله عايش ف العشوائيات والمخدرات والدعارة والتحرش والنتيجه شوفناها القصه من زماااااااااااااان وادينا بنشوف النتيجه

لو عاوزين تحاربوا الاسفاف ده لازم فن بجد وابداع

لازم احارب بنفس السلاح مش اشجب وامنع واقفل واهاجم

تم تعديل 19 أبريل 2014 بواسطة Scorpion

[أبو محمد]

ويقولك ابداع .

ابداع اييييه ياشوية رعاع .

ابداع؟

دول اساسا ناس من بيئة كانت تعيش فى قاع المجتمع وشافوا مهازل وفاكرين كل الناس زيهم ويقولك

ده الواقع .

والله ما واقع الا ضميرهم اللى خرج ولم يعد.

ربنا ينتقم منهم كلهم ........

ويارب نسمع عنهم قول ( لم ينجو منهم أحد )

ياخسارة يامصر.

شوهوكى ولاد ....الدولار.

أيوه يا مدام سلوى إبداع

:)

بس زى ما بتقولى "إبداع الرعاع"

إتفضلى

وخللى الناس تحكم بنفسها على "الرعاع بتوع الإبداع"

https://www.youtube.com/watch?v=-YYaDBRGRBY

[Salwa]

صباح الخيرات أخى الفاضل ابو محمد.

شاهدت هذا المقطع الذى أحضرته حضرتك ...الآن

ولن أزيد على ما سبق أن قلته سابقا الا بالآتى ..

لو فعلا السيد محلب كما أظنه عند حسن ظن الجميع ..يجب عليه أن يمنع كوووووووول افلام السبكى وأمثاله ويطهر ( مجتمع أهل الفن) من كل الطفيليات الموجودة ..وتعود الرقابة على المصنفات الفنية بصورة جدية ( يمثلها رجال لايتناولون المعلوم من تحت الترابيزة ...أو...يخللوا الدرج مفتوح ).

مجتمع الفن اصبحت سمعته سيئة بدرجة مش طبيعية .

لو السيد محلب ...كما نظنه .

يجب أن يصدر قرار وشروط لكل من ( يفتح قناة )....وكل من تسول له نفسه( أو نفسها) أن يعمل ك مذيع

( أو مذيعة )......ولايكون حاصل على شهادة تثبت دراسته العليا.

الراقصات اصبحن ....يوجهن الاعلام ( بصاجات مختلفة ).

ويااستاذنا الفاضل ....انسى التهريج وما رأيناه من فضائح وقضايا و...خطب رنانة .

على مواضيع ( لأنه ليس موضوع واحد )...الهام شاهين ويسرا وغادة عبد الرازق وغيرها ....وغيرها..وتصفيقات ودفاع عن وزير ثقافة سابق..( معروف وسمعته زى ...البرلنت )..

مهازل ...مهازل...مهازل .

يحضرنى الآن موضوع فتحه بالأمس أخونا كامل ...يتحدث فيه عن قصيدة هشام الجخ..( المكالمة )..

وكنت سأكتب مداخلة هناك ولكنى قلت ...لندعها للغد.

فقط..

سوف أقول لحضرتك أن هشام الجخ ( بذات نفسه وبلسانه ) ...سبق له وقال .
الحمدلله..والسيسى دكر .

( ده تعبيره هو يااستاذ ابو محمد ).

اذن..

اذن...

دعنا نردد ما سبق له وأن قاله ...( الله أعلم بقى رجع ف كلامه والا لأ ....بناء عن قصيدته الجديدة ...لأن بها ايضا كلمات تحتمل اكثر من معنى )..

لكننا فعلا ( كمصريين )......نحتاج لرجل قوى ...رجل قوى الشخصية...

يصدر القرار ........وما يرجعش فيه.

لاأكثر ولا أقل...
رجل يقوم بعملية تطهير ويقضى على كل الحشرات ...ويستأصل الأورام الخبيثة التى نبتت ( نتيجة تراكم قاذورات ...تراكمت فى غفلة من الزمن بفعل فساد تشعب وترعرع ).

لو حبانا الله سبحانه وتعالى ....برئيس مسئول يحب مصر ...فقط...

سوف تكون كل ( الجوقة )...مخلصة ..,تعزف الحان تعيد مصر الى مركز الصدارة ..
ونعود نسمع عن انبهار ....شعوب البحر المتوسط كلها ب بينالى الاسكندرية .( مثلا ).

اننا هنا نتحدث عن ( الفن بكل انواعه )..

نتحدث عن فن نظيف ....ترى الفيلم ..,تخرج بعظة ..أو تتمتع وتضحك .

فن نظيف .

كلمة اخيرة لو سمحت حضرتك لى بهذا ..
صعبان عليا قوى قوى ....هذا الطفل الذى يسمى ( كريم ..)

للأسف....لقد تم القضاء على هذا الطفل ...لم يتم القضاء على مستقبله الفنى كما يقول هو لأن الابنودى سوف يقاضى اهله لاستغلالهم الاسم ...ولم يتم القضاء عليه لأن الفيلم تم منع عرضه.

لالالالالالالا

لقد تم القضاء عليه ....كطفل سوى .

من أول مشهد صوره فى هذا الفيلم .
و....تعلم الكذب....بدليل أنه بيقول انهم كانوا بيصلوا جماعة..
ههههههه

أى والله.
جماعة؟؟؟

أى صلاة هذه ؟؟

يظهر يااستاذنا ...الاسلام اصبح بالتفصيل وبالقطعة ...كل واحد على مقاسه بيختار اللى يريح قلبه .
ياعينى على الصبر.
نرجع لموضوعنا.....هذا الطفل ...خلاص .

اعتبره كبر قبل الأوان ....

خلاص..
مشروع الطفل اللى بيكبر فى جو صحى .......بالنسبة له ( اصبح مشروع فاشل )..
لن يكبر ( تدريجيا )..
لن يعرف الحب البرئ الطاهر ...الذى يعرفه الطفل أو الغلام ....بالفطرة .

ده....كبروه فجأة ...,فتحوا عينيه على حاجات أكبر كتيييير من سنه.

و..
أما هذه ...الهايفة .( ماذا تنتظر من امرأة ضحت ب ابنتها ؟)....شئ طبيعى تعمل افلام اثارة .
والتجارة شطارة حتى لو كانت...بالفستان الأحمر .

رحمتك يارب .

يارب اهدى واصلح الحال .

كل التحايا ..
سلام.

[حسين امبابي]

ماذا بعد جلد الذات والبكاء على القيم والاخلاق !

هل من حلول للتنفيذ ؟