الجخ و قصيدته " المكالمة"

[Scorpion]

بعد ان هاجم الأخوان في قصيدته " انا اخوان" ... و تم اتهامه بالمجون و التحشيش بل و قضية ازدراء اديان .. تاتي قصيدته الجديدة " المكالمة" مليئة بما يثير غضب الجانب الاخر الآن .. فبها كثيرآ من التوريات التي تنال من الجيش و الشباب بل و المصريين بشكل عام ...

قبل الأسترسال في الحوار حولها ... اليكم القصيدة اولآ .....

المكالمة
خلاص عرفت
عملوا ثورة وشالوا زفت
بس ما تقوليش خلاص مشوا حمارك !
أى واحد بعده هنخليه حمارنا ..
حتى لو ماكانش إسمه " .. حمارك " !
شعب مين يا جحش إنت ؟
هيّ مصر إمتى حكمها شعب ..
مصر بتسلم ودانها لأى كلب ..
بس يتزوق شوية !
شرعية !
ديموقراطية
ليبرالية
عسكرية
أى كلمة فيها " إيّة "
أى كلمة تكون " طرية "
الشباب المصرى منظر ..
كله فاكر نفسه عنتر ..
إنفخوهم إنتوا بس وعظموهم !
فهموهم إن رأيه ده أمانة ..
و إن أى كلام يخالف رأيه أوبا .. يبقى بدأت الخيانة ..
وإفردوا إديكم شوية بالفلوس .. الناس جعانة .
فنانين ! .. فنانين و مثقفين دول عند خالتك ..
دول شحاتين !
يابنى كله قصاد فلوسك ..
راح يبوسك ..
فيه ولد شاعر كويس ..
شوفته مرة بيشتم الريّس ..
طلعوا الولد ده فى الاعلام كتير !
اشتروه حتى لو كان سعره غالى ..
هاتوا رجله واحدة واحدة و بالطريقة ..
و اكسروا عينه وداغه..
بس إوعوا يحس بينا ..
خلوه كده مصدق دماغه
إديه فلوس .. إدوه كتير !
واحدة واحدة هيبقى واحد م الحمير !
و الحمير واقفين طابور ..
و إحنا مالناش أى دور ..
إحنا بس يادوب بنديهم فلوس !
بس إحنا مش على المسرح يابابا ..
إحنا فين ؟ .. في الكالوس !
هما هيأدوا الوظيفة فرد فرد ..
إحنا هنجيب الديكور و نظبط إضاءة .. يبقى عرض .
هما ثورة و هما شعب .. ياكلوا بعض ..
أما إحنا ..
أحنا نسمة .. إحنا بلسم ..
وحلّنى على بال ما حد يفوق و يفهم ..
____
- ليه يا شيخنا ..
طب هنعمل إيه يا شيخنا ..
طول ماهو الإعلام ( سالخنا )
و إحنا برضو يعنى لسة مسيطرين !
طول ما الناس جعانة و مطحونين !
الجوع جهالة .. و الجهل جوع ..
و الجوامع تحت إيدنا فى البلاد و فى النجوع ..
هى الناس هتفهم " ليبرالية " وماركسية" ..
الناس هتفهم " إسلامية " ..
الغلابة فى القرى ما لهمش خلق للحوار ..
دول ناس غلابة !
يا إما " جنة " يا إما " نار " ..
و إحنا طبعاً طرح جنة ..
هى الناس هتاخد دينها عنهم ولا عنا ؟ ..
إحنا اللى بنقول الحرام و إحنا اللى بنقول الحلال !
إحنا اللى هنسوقهم يمين و إحنا اللى هنسوقهم شمال !
الفنانين ..
إن كان ممثل ولا مطرب ولا شاعر !
اللى يناصرنا هنمدحه بالخيرو نذكر اسمه ع المنابر !
و اللى يعادينا ياكش ما يكون شيخ بعمة هنقول ده فاجر .. ولا كافر !
و الناس بتمشى ورا الخطب ..
و الجهل ناره قايدة قايدة !
إحنا بس يا دوب هنرميله الحطب ..
___________
- تمام يا فندم ..
كل متظبط و متشيك و متهندم يا فندم ..
هو بعد الناس ما شافت حد ليه وش يتكلم يا فندم ..
طبعا الإعلام بتاعنا وطنى حر ..
إحنا بس خايفين نفتح الخيط للعيال لا الخير يكر ..
دى سحابة صيف يا فندم هتاخد وقتها وعلى طول تمر ..
الرموز الإعلامية ..
الصراحة مية مية ..
و هى دى الديموقراطية ..
إحنا ما معناش مذيع يطلع على القنوات و ينقد ونشتم ..
أحنا بنقفل القنوات يا فندم
الشعب منحاز لينا طبعا ..
بالتمام ..
فنانين و ومثقفين و مطربين .. مفيش كلام ..
أيوة طبعا غنوا لينا !
أيوة غنوا لمصر طبعا يبقى طبعا غنوا لينا !
قالو إيه ؟ قالو :
" مصر يا أما يا سفينة ..
مصر عايشة فى بحر هايج و إحنا ربان السفينة ..
تسلم .. .. تسلم الإيد اللى ربت تسلم الكيكة العجينة "
إحنا مش فاضيين يا فندم للأغانى وللكلام ..
الكلاب هيّ اللى فاضية للنباح !
أما إحنا بتوع سلاح !
________
" الشعر مصلوبٌ على وتر الوريد ..
كفراشةٍ دامت بكل محاجر العهر استفاقت ..
نملة تشتم منسأةِ الرسولِ و ترفع الأحلام شعباً لا يريد ..
وجعٌ على الأبواب يكسر نابه ..
قل للسراب متى سيفتح بابه ..
ف أنا مللت من الحكايا كل ليلٍ دون أن يأتى جديد ..
النيل اّهاتٌ ورمزٌ للجياع ..
خذ كل ما يأتى لتهدأةِ الضباع ..
و اركض على الأسفلت و أقتل طفلةً لا يعرف العشاق معنى عشقهم إلا بأوقات الوداع ..
الشعر مصلوبٌ على وتر الوريد ..
و أنا على المرسى الطويل ..
كماءِ بحر من حديد .. "
و أنا مياه من نيلك يا بلدى ..
و أنا مياه من طينك يا بلدى ..
أنا مش معهم كلهم !
ولانيش تبعهم كلهم !
لسانى فاكر مشية الكورنيش و إيدك ..
وحشنى رمضانك و الفطور على صوت ادان رفعت و عيدك ..
وسط البلد وحشتنى من غير الحواجز و الحجارة !
أنا كنت زمان بمشى ماكنتش أعرف إن في الشارع وزارة !
كنت بتحامى بعينيكى و بإيد حبيبتى و بالسيجارة !
كنت بدفى أما بركب ميكروباص ..
عملت كل حاجة تزعلك لكنى ما ضربتش رصاص ..
وسط البلد نسيت صوابعى اللى اتهروا ..
نسيت سجايرى الفرط و هدومى اللى دابوا واتبروا ..
يا عم يا بتاع الخطب يا عم يابتاع السلاح !
هو إحنا يعنى يا إما نبقى سداح بداح !
يا إما تطغوا وتفتروا ..
بزيادة لينا 3 سنين بتبيعوا فينا و تشتروا ..
إحنا البلد ..
إحنا السند و المستند ..
إحنا اللى قبل ما تبنى سدك كنا سند ..
و إحنا اللى علشان القنال كانت ضهورنا بتتجلد ..
إحنا البلد ..
ملعون أبو اللى ما داقش جوعى !
و إن كنت مش هصعب عليه و الله ما هوريه دموعى !
أنا أقوى منكم ..
أنا جدر ضارب فى البلد دى غصب عنكم ..
يا عم يابتاع السلاح . يا عم يا بتاع الخطب !
تركتكوا أصلاً نخل شاخ ولا عادش بينزل رطب !
أنا مش طرف في خناقة الحكم اللى قفلت قلبكم ..
أنا قلبى مؤمن إن ملك الله بيهبه لمن يهب !
بس إوعى تفتكر إنى هرضى بجوع عيالى ..
أو إنى أشوف بلدى قصادى بتتنهب !
و الله معمولك عمل ..
شعب اتنحس على نحس همى !
شعب اتوقف على حرق دمى !
أدب إيدى في غيط شعور ..
عشمان أنول بدر البدور ..
يطلعلى شال أمى !
لو حد زعلان إنى ثورت ..
أدينى غورت ..
بطلت ثورة و بطلت نيلة
و شلت على راسى التقيلة
ملناش يا عم نصيب نفرح بخلفتنا ..
ما يترضى بالمكتوب يا ترضى بالفتنة ..
يا دوب شافونى عريس
نصبوا الطريق متاريس
وحاصروا زفتنا ..
هندارى ليه و نلف و نداري فى الألاعيب ..
الاعتراف مش عيب ..
لو كنا شوفنا الغيب ..
لا كنا قندلنا ولا كنا زفتنا !
صعبان عليا الحلم ..
شايفه بيتكسر ..
و عينيا طايلة المدى
بس الإيدين أقصر ..
أنا اللى عمره ما غاب
و عمره ما إتأخر ..
تطرح عينيكى عذاب
يزرع عينيه سكر ..
أنا اللى قال حاضر
لا شرط ولا إتأمر ..
ولا طمع ولا إتدانى
ولا بطش ولا إتجبر ..
أنا اللي كل ما أجوع
ببعينيكى بتصبّر ..
ما يغركيش العدد
و الله أنا أكتر ..
أنا اللى مش إخوان
و أنا اللى مش عسكر

[Scorpion]

http://youtu.be/4Ofck4UkGz8

[شرف الدين]

قرأتها وسمعتها من شخص متلون .. يمكنك سماع حواره مع سيد علي وهناء السمري مساء يوم 25 يناير ..

من الناحية الشعرية .. هي قصيدة جيدة

من ناحية الشاعر .. فما عاد له أي مكانة من الاحترام لدي بعد أن أدانته المحكمة بسرقة أبيات شعرية من شاعر آخر

[Scorpion]

الفاضل شرف الدين ... قد يكون للجخ مئات الخصال السيئة او علامات استفهام .. لكن ما نحن بصدده ليست شخصيته بل قصيدة محددة تتكلم عن حال بلدنا ... حضرتك قيمتها ايجابيى من الناحية الشعرية و هو ما نحن بصدده .. عادة أعترف انني لست من المتخصصين في الأشعار و أبياتها .. و لكن تلك القصيدة اثارت اهتمامي بالفعل .. قرأتها قبل ان اراه و هو يلقيها .. و لمستني بالفعل و بالأخص في الجزء الرابع منها و الذي يتحدث فيه بلسان المواطن العادي الذي لا له في التور و لا في الطحين ..

ما أثار فضولي و صاحبه بعض الغضب هو صيحات الأعجاب و التأييد من المشاهدين و التي صاحبت الجزء الصادم الاول منها .. و الذي يدور حول شخصية المتأمر الكاره لمصر ..

هذا ما لم أفهمه .. و ربما لم يفهموا هم مغزاه في باديء الأمر حتي وصلت كلماته لتنال من الشباب .. و هنا هدأ التأييد و ابتدأ التفكير ...

تحياتي

[أبو محمد]

هل هى بداية العودة ؟

هل سنشهد معارك شعرية كما كنا نشهد معارك أدبية ؟

كانت أشهرها معارك طه حسين والعقاد

إن كانت هى بداية العودة .. فيا أهلا بالمعارك

هذه وجهة نظر أخرى في نفس ما تناوله الجخ

ولكنها وجهة نظر مختلفة

يعارض بها هشام الجخ وينتقد موقف "الجنس الثالث"

الذى طلع علينا يقول "أنا لا إخوان ولا عسكر"

فهو يرى أن الحياد فى مواقف كهذه خيانة

كما ينتقد فيها باسم يوسف ويقول

"ومن شال للوطن دمعة أعز من اللى ضحَّكنا على موتنا يوم الجمعة"

عندما تشتد المعارك الأدبية يخفت صوت رصاص الإرهاب

يا أهلا بالمعارك

https://www.youtube.com/watch?v=rWfTJxhq8cA

[شرف الدين]

أنا من الناحية الشعرية قلت أنها قصيدة جيدة .. وبالأخص في الجزء الرابع منها ..

صيحات التأييد على الجزء الأول .. طبيعي من جهة الجمهور المستمع فهو جمهور أغلبه ينتمي لفئة ( يسقط يسقط حكم العسكر )

[Salwa]

و الحمير واقفين طابور ..
و إحنا مالناش أى دور ..
إحنا بس يادوب بنديهم فلوس !
بس إحنا مش على المسرح يابابا ..
إحنا فين ؟ .. في الكالوس !
هما هيأدوا الوظيفة فرد فرد ..
إحنا هنجيب الديكور و نظبط إضاءة .. يبقى عرض .
هما ثورة و هما شعب .. ياكلوا بعض ..
أما إحنا ..
أحنا نسمة .. إحنا بلسم ..
وحلّنى على بال ما حد يفوق و يفهم ..

========================.

صباح الرضا.

طبعا ألاراء بتختلف كتييير حول ما يكتبه هشام الجخ.

لأنه فعلا فى احيان كثيرة يكتب الكلمة ويكون قصده أن تفهم بأكثر من معنى .

مثلا....أنا هنا فهمت قصده على أنه يقصد فى الجزء الذى اقتبسته ووضعته عاليه ..
مبارك يتحدث مع ابنه ...( رجاء العودة لقراءة هذا الجزء مرة اخرى )

وكلمة....يابابا..( وضعت بحرفنة )

ليست ( تريقة )....لأننا كمصريين احيانا نضحك ونهزر ونقول ...لايابابا متقولش كدة ....أو..لايابابا فوق وأعرف ايه اللى بيحصل.

معايا؟؟

فى موضوع أخونا الفاضل ابو محمد ( عن فيلم حلاوة روح )....كتبت وقلت له ..تعليقا على هذا الموضوع ايضا.

قلت له .

-----

..أن هشام الجخ سبق وله ووصف السيسى بأنه ...دكر .
ويعلم الله ...هل لازال يفكر بنفس الطريقة ..أم...غير رأيه؟

-----

والخلاصة ..

لن تستطيع أن تحكم عليه بأنه شخص متلون ولكن...

أحكم عليه بناء على الظروف .

الظروف هى من تغير الانسان .
انسان مسالم هادئ ..لايعرف أى شئ غير الجلوس على مكتبه ...لو احضرت بجانبه ( نارا ) أو ( فأرا )

سوف ترى انسان مختلف ...سوف يجرى ..أو يحاول قتل الفأر ...أو...اطفاء النار .

سوف يتحرك .

جرت احداث كثيييييرة جدا فى مصر وبطريقة متسارعة فى خلال السنوات الثلاث الماضية .

اختلفت مشاعرنا وأفكارنا جميعا..
من الضحية الاولى والأخيرة ؟؟...........المواطن المصرى البسيط .

المواطن المصرى اللى فعلا ...( لاله ف الطور ولا ف الطحين )....لاهو عسكر ولا حرامية .

ملهوش ف السياسة بمعنى أدق .
اتولد ..ووجد نفسه ....لايختار .

لم يسأله أى مسئول عن رأيه فى اى شئ .....فى أى يوم من ايام عمره .

وفجأة..........مطلوب منه يكون له رأى .

بداية .......عرفوه يعنى ايه ....رأى..
ثم...طالبوه بيه .

هشام الجخ....يواصل مشوار الابنودى .(( كنت أحب جدااا القراءة للأبنودى ولدى كل كتبه وقصائد كثيرة بصوته ))...

الا انى فى يوم من الأيام.....رأيته ( يداهن الحاكم بطريقة فجة )...

وشعرت ..بالاستياء .

و..شعرت بالاستياء اكثر ....عندما رأيته يشجع الثوار فى 25 يناير ...لأنى شعرت انه منافق .

نفس احساسى عندما رأيت فضيلة المفتى على جمعة الذى كنت اتابعه فعلا بشغف فى برنامجه اليومى الصباحى ...عندما رأيته يداهن الحاكم وابنه يوم وفاة حفيده ويقول ....كان النور فوق جبهته وكان وكان وكان ...وكان يتحدث وهو يبكى .

شعرت ان شيئا .....تحطم داخلى ...شعرت أن الكل ينافق ...

لقد غرق اطفال وحرق اطفال ....قبل وفاة الحفيد ياحضرة المفتى ولم نرى دموعك ولم نسمع لك قولا يشبه هذا القول .

و...قلت هنا .....ابراهيم عيسى ...منافق.
صباحى....بوشين .

الغزالى يبحث عن الشهرة ...
عمرو أديب وعائلته كلها ..اكبر كذابين .( وشغالين نظام ..الغجرية ست جيرانها )

ومفيش فايدة ...بيصدق .

والآن؟؟

تحاولون انتقاد ما يقوله هشام الجخ؟؟
لا ياسادة ...لا تنتقدوه ....لكن فقط تقبلوا دائما .....دائمااااا...(( فى زمننا هذا ))

نصف ما يقوله القوم .

النصف صدق .......,النصف الآخر ...( شئ لزوم الشئ )

دمتم بود.

[التونسى]

لا بجد .. فيه ناس فاقت كتير من اخواتنا المثقفين .. وفيه ناس اصلا فاهمه بس ((مصهينه)) ولسان حالها بيقول قضا اخف من قضا .. وتلاقيهم عايشين ومعيشين اللى حواليهم فى الغيبوبه .. وفيه ناس فاهمه ومش قادره تكدب ولا تضحك على نفسها ولا على الاخرين .. ولا قادره تسكت وتكتم ((عين اليقين) .. وفيه ناس فاهمه لكن سلبيه ضعيفة الوطنيه لسان حالهم بيقول تخرب ما تعمر .. وأعتقد ((او بدقه)) أتمنى ان الناس اللى تكون فعلا لسه مش فاهمه يكون عددهم قل كتير مع توالى الاحداث وإنكشاف ما كان خفى

المكالمه .. قصيده لاذعه جدا ... وجريئه .. والغريبه ان فات شهور على صدورها وإلقائها . والنهارده بس لسه بنناقشها فى المحاورات .. يمكن عشان عمرو اديب القى الضوء عليها فى برنامجه موخرا .. يجوز .. عن نفسى كنت حطرحها فى المحاورات اول ما ظهرت .. لكن ((والله يخرب بيت كلمة لكن)).. أثرت السلامه .. نظرا للجو العام العدائى والارهاب الفكرى الواقع فى المحاورات تجاه اى وجهة نظر مخالفه ..وصل لحد التخوين

فى الحروب لا توجد معارضة .. يوجد خونة

عامة بما أن اخونا المحترم كامل طرح الموضوع واختنا الفاضله سلوى تحدثت كعادتها بموضوعيه تتأرجح بين العقل والعاطفه .. يبقى انا كده فى السيف سايد

القصيده فيها بعض الحيل الشعريه .. وفعلا هى حمالة أوجه ((وده قمة الاعجاز الشعرى)) .. ان الشاعر يكتب قصيده تحتمل ابياتها اكثر من معنى .. وده شئ مطلوب فى القصائد السياسيه حتى يكون للشاعر مخرج او مهرب فى حالة ان عرضه شعره للانتقاد او للمسائله او الاعتقال فى ظل النظم الفاشيه والشعوب المغيبه

من وجهة نظرى المكالمه فى البدايه بين ((المتحكمين)) وليس الحاكمين الحقيقيين لمصر .. وبين جهه اخرى ممكن تكون امن الدوله او المخابرات واللى طبعا مسيطرين على رجال الاعمال الفسده اللى بيصرفوا وبيمولوا .. واللى مسيطرين على الاعلام اللى بيغيب وبيبرر و ((بيهشتج)) .. ((حمارك)) مقصود بيه مبارك .. ايحاءا الى ان مبارك كان مجرد واجهه مطيعه وفى نفس الوقت مُطاعه ((للمتحكمين)) .. واللى جاى برده حيكون واجهه على نفس الشاكله

الشاعر بيقول على لسان المتحكمين .. هى مصر إمتى حكمها شعب .. وفعلا انا بتسائل .. هى مصر امتى حكمها شعب ؟ .. مع االاعتراف ان الشعوب فى اغلب الدول حتى المتقدمه منها لا تحكم ولكن ((والله يخرب بيت ام كلمة لكن)) بيصورولها ويهيئولها انها هى اللى بتحكم

(( هما ثوره .. وهما شعب .. ياكلوا بعض)) .. .. اهو البيت ده تلخيص ل اللى حصل ببساطه .. هو ده اللى أفشل الثوره المصريه .. فرق تسد .. لعبه اتهرست قبل كده ميت مره .. ومع ذلك خالت على العميان والاخوان وترتان وعلان

المكالمه التانيه واضحه جدا ولا تعليق عليها .. واجمل ما فى وصول الاخوان للحكم انها كشفت التيار الاسلامى ككل على حقيقته للشعب .. كشفت النفاق والجهل والتخلف والعماله والتشدد ولكم فى الكثير منهم الامثال

فى المكالمه التالته .. أخطر وأقوى واعمق ما قيل فيها هو البيت الاخير ((الكلاب هيّ اللى فاضية للنباح !

أما إحنا بتوع سلاح !)) يعنى في النظام الجديد او ((بشكله الجديد ولكن على قديمو)) حيكون فيه حرية رأى ((او بمعنى أدق حرية نبح)) .. ولكن ((والله يحرق ابو ام كلمة لكن)) .. حتكون حرية راى او نبح سلبيه .. لن تغنى ولن تسمن من جوع ولن يكون لها تاثير قوى ... بل حيكون قلتها احسن توفيرا للطاقه التى ستهدر فى الصياح والنباح .. ولا حياة طبعا لمن يحمل السلاح !!!! يعنى حتقول اللى انت عايزه .. واحنا حنعمل وحتى ((حنقتل)) اللى احنا عايزينه

فى الجزء الاخير من القصيده الشاعر بيتكلم بصدق عن اغلبية الشعب المصرى ((الجنس الثالث)) .. اللى هما دعموا مرسى .. لكنهم مش اخوان .. واللى بيدعموا حاليا السيسى .. كغريق بيتعلق فى قشايه .. اغلبية الشعب اللى لا فارق معاه اخوان ولا عسكر ..ولا سلفيين او علمانيين .. اللى فارق معاه رئيس يحكم بالعدل .. العدل اللى هو اساس الملك .. رئيس هما اللى يحموه بصدروهم ويفدوه باراواحهم .. رئيس يكون قد كلمته .. لا بيراوغ ولا بيلاوع .. ولا بيتنصل من المسئوليه من قبل حتى ما يمسكها .. ويقولك ((مفييييييش .. مفييييييش)) .. رئيس لكل المصريين مش لاهله وعشيرته بس .. او لدولته اللى داخل الدوله

تم تعديل 22 أبريل 2014 بواسطة محمود البصيلى

[Egizio]

من كام سنة بنسأل (بهية) مين قتل

وإحنا اللى قتلينه بإيدينا

مدينا إيدنا للغريب

وف بعض عضينا وعادينا

مين الظالم فى الحكاية..ومين جبان

مانلومش ع الديب اللى خان

إحنا اللى خرفان بالوراثة

والصبر ورثينه وراثه

والطاعة وارثينها وراثة

والحكم وارثينه وراثة

وحاجات كتيرة مش وراثة

إحنا خدناها وراثة

...........

من قصيدة 3 خرفان (هشام الجخ)

[MZohairy]

هي دي القصيده المسروقه؟

[Salwa]

لا بجد .. فيه ناس فاقت كتير من اخواتنا المثقفين .. وفيه ناس اصلا فاهمه بس ((مصهينه)) ولسان حالها بيقول قضا اخف من قضا .. وتلاقيهم عايشين ومعيشين اللى حواليهم فى الغيبوبه .. وفيه ناس فاهمه ومش قادره تكدب ولا تضحك على نفسها ولا على الاخرين .. ولا قادره تسكت وتكتم ((عين اليقين) .. وفيه ناس فاهمه لكن سلبيه ضعيفة الوطنيه لسان حالهم بيقول تخرب ما تعمر .. وأعتقد ((او بدقه)) أتمنى ان الناس اللى تكون فعلا لسه مش فاهمه يكون عددهم قل كتير مع توالى الاحداث وإنكشاف ما كان خفى

المكالمه .. قصيده لاذعه جدا ... وجريئه .. والغريبه ان فات شهور على صدورها وإلقائها . والنهارده بس لسه بنناقشها فى المحاورات .. يمكن عشان عمرو اديب القى الضوء عليها فى برنامجه موخرا .. يجوز .. عن نفسى كنت حطرحها فى المحاورات اول ما ظهرت .. لكن ((والله يخرب بيت كلمة لكن)).. أثرت السلامه .. نظرا للجو العام العدائى والارهاب الفكرى الواقع فى المحاورات تجاه اى وجهة نظر مخالفه ..وصل لحد التخوين

عامة بما أن اخونا المحترم كامل طرح الموضوع واختنا الفاضله سلوى تحدثت كعادتها بموضوعيه تتأرجح بين العقل والعاطفه .. يبقى انا كده فى السيف سايد

القصيده فيها بعض الحيل الشعريه .. وفعلا هى حمالة أوجه ((وده قمة الاعجاز الشعرى)) .. ان الشاعر يكتب قصيده تحتمل ابياتها اكثر من معنى .. وده شئ مطلوب فى القصائد السياسيه حتى يكون للشاعر مخرج او مهرب فى حالة ان عرضه شعره للانتقاد او للمسائله او الاعتقال فى ظل النظم الفاشيه والشعوب المغيبه

من وجهة نظرى المكالمه فى البدايه بين ((المتحكمين)) وليس الحاكمين الحقيقيين لمصر .. وبين جهه اخرى ممكن تكون امن الدوله او المخابرات واللى طبعا مسيطرين على رجال الاعمال الفسده اللى بيصرفوا وبيمولوا .. واللى مسيطرين على الاعلام اللى بيغيب وبيبرر و ((بيهشتج)) .. ((حمارك)) مقصود بيه مبارك .. ايحاءا الى ان مبارك كان مجرد واجهه مطيعه وفى نفس الوقت مُطاعه ((للمتحكمين)) .. واللى جاى برده حيكون واجهه على نفس الشاكله

الشاعر بيقول على لسان المتحكمين .. هى مصر إمتى حكمها شعب .. وفعلا انا بتسائل .. هى مصر امتى حكمها شعب ؟ .. مع االاعتراف ان الشعوب فى اغلب الدول حتى المتقدمه منها لا تحكم ولكن ((والله يخرب بيت ام كلمة لكن)) بيصورولها ويهيئولها انها هى اللى بتحكم

(( هما ثوره .. وهما شعب .. ياكلوا بعض)) .. .. اهو البيت ده تلخيص ل اللى حصل ببساطه .. هو ده اللى أفشل الثوره المصريه .. فرق تسد .. لعبه اتهرست قبل كده ميت مره .. ومع ذلك خالت على العميان والاخوان وترتان وعلان

المكالمه التانيه واضحه جدا ولا تعليق عليها .. واجمل ما فى وصول الاخوان للحكم انها كشفت التيار الاسلامى ككل على حقيقته للشعب .. كشفت النفاق والجهل والتخلف والعماله والتشدد ولكم فى الكثير منهم الامثال

فى المكالمه التالته .. أخطر وأقوى واعمق ما قيل فيها هو البيت الاخير ((الكلاب هيّ اللى فاضية للنباح !

أما إحنا بتوع سلاح !)) يعنى في النظام الجديد او ((بشكله الجديد ولكن على قديمو)) حيكون فيه حرية رأى ((او بمعنى أدق حرية نبح)) .. ولكن ((والله يحرق ابو ام كلمة لكن)) .. حتكون حرية راى او نبح سلبيه .. لن تغنى ولن تسمن من جوع ولن يكون لها تاثير قوى ... بل حيكون قلتها احسن توفيرا للطاقه التى ستهدر فى الصياح والنباح .. ولا حياة طبعا لمن يحمل السلاح !!!! يعنى حتقول اللى انت عايزه .. واحنا حنعمل وحتى ((حنقتل)) اللى احنا عايزينه

فى الجزء الاخير من القصيده الشاعر بيتكلم بصدق عن اغلبية الشعب المصرى ((الجنس الثالث)) .. اللى هما دعموا مرسى .. لكنهم مش اخوان .. واللى بيدعموا حاليا السيسى .. كغريق بيتعلق فى قشايه .. اغلبية الشعب اللى لا فارق معاه اخوان ولا عسكر ..ولا سلفيين او علمانيين .. اللى فارق معاه رئيس يحكم بالعدل .. العدل اللى هو اساس الملك .. رئيس هما اللى يحموه بصدروهم ويفدوه باراواحهم .. رئيس يكون قد كلمته .. لا بيراوغ ولا بيلاوع .. ولا بيتنصل من المسئوليه من قبل حتى ما يمسكها .. ويقولك ((مفييييييش .. مفييييييش)) .. رئيس لكل المصريين مش لاهله وعشيرته بس .. او لدولته اللى داخل الدوله

تحية طيبة .

استاذ محمود....حضرتك بالتأكيد عبرت عن هذه الفئة بكلمة تختلف تماماااااا فى المعنى الذى تقصده.

حضرتك قصدك........الشعب الثالث .

وليس الجنس الثالث .

محرد تنويه...ورأى .

أما باقى المداخلة ...أنا أرى ان حضرتك لخصت ما نريده جميعا فى الجملة الأخيرة .

وهى قولك ..اننا نريد رئيسا مواصفاته هى.

رئيس لكل المصريين مش لاهله وعشيرته بس .. او لدولته اللى داخل الدوله

كل التحية .

[التونسى]

هل هى بداية العودة ؟

هل سنشهد معارك شعرية كما كنا نشهد معارك أدبية ؟

كانت أشهرها معارك طه حسين والعقاد

إن كانت هى بداية العودة .. فيا أهلا بالمعارك

هذه وجهة نظر أخرى في نفس ما تناوله الجخ

ولكنها وجهة نظر مختلفة

يعارض بها هشام الجخ وينتقد موقف "الجنس الثالث"

الذى طلع علينا يقول "أنا لا إخوان ولا عسكر"

فهو يرى أن الحياد فى مواقف كهذه خيانة

كما ينتقد فيها باسم يوسف ويقول

"ومن شال للوطن دمعة أعز من اللى ضحَّكنا على موتنا يوم الجمعة"

عندما تشتد المعارك الأدبية يخفت صوت رصاص الإرهاب

يا أهلا بالمعارك

https://www.youtube.com/watch?v=rWfTJxhq8cA

الاخت الفاضله سلوى .. الكلمه التى وصفت بها تلك الفئه ليست من اختراعى او من منتجاتى الادبيه الخاصه .. انا اقتبستها من مداخلة الاستاذ ابو محمد إعجابا منى بالتشبيه كشكل ادبى .. حتى ولو كنت ضده كمضمون

[باهى الطائر الحزين]

انا اللى مش اخوان

وانا اللى مش عسكر

حضرته

جنس ثالث

طابور ثالث

شعب ثالث

سم هارى ثالث

بلا ازرق ثالث

اى ثالث والسلام

وانا اللى عسكر

ومش اخوان

وانا اللى بشم

ريحة الخوان

انا يامصر

واحد من السكان

ملعون ابوكى ياثوره

وانشاله ابات جعان

انا يا اصحاب السعاده

ببساطه بحب البياده

ومهما قلتوا كان وكان

خدت ايه من فلسفتكوا

غير الفوضى والتخوين

وانعدام للضمير قبل الأمان

قلتوا خان

قلتوا سرق الملعرات

ودفن الكفاءات

وساب المرض تفشى

فى الحارات

وصدقت

تلات سنين يابهوات

دقنا فيها المر

من بعد اللى فات

كله بيتباع النهارده

كللللله خد وهات

ماحنا اللى عليمونا

ناكل وننسي مين فاكرنا

يرحمه عبد الناصر

كان قاهرنا

وكان بطلنا

وكان قدرنا

حتى السادات

مستريحناش غير لما مات

حط لسانك فى بؤك

ونقطونا بالسكات ...

شعب مابيعجبهوش العجب

ويسيب رمضان ويصوم فرجب

تم تعديل 22 أبريل 2014 بواسطة باهى الطائر الحزين

[Salwa]

الاخت الفاضله سلوى .. الكلمه التى وصفت بها تلك الفئه ليست من اختراعى او من منتجاتى الادبيه الخاصه .. انا اقتبستها من مداخلة الاستاذ ابو محمد إعجابا منى بالتشبيه كشكل ادبى .. حتى ولو كنت ضده كمضمون

تحية طيبة .

مع احترامى الشديد لشخصيكما .....حضرتك وأخى الفاضل ابو محمد .

الكلمة فى غير موضعها ........وكان لابد لى من التوضيح .

اعتراضى لأسباب كثيرة ....منها بالطبع المضمون والمعنى الحرفى للكلمة .

لكن ايضا اعتراضى على وصف من لاينتمى لأى من الحزبين ...أو...من لايدافع عن مرشح دينى أو عسكرى ...بأنه ( شئ ثالث ...أو ...خائن )

جميل جدااااا أن نفرق بين الانتماء للبلد والدفاع عن جيش مصر كقوة تحمى الشعب .

وبين الانتماء لأشخاص بدورهم ينتمون ....لجهة معينة .

واضح؟

بالتأكيد من لايفضل حكم أى فرد عسكرى ....لديه اسبابه.

ومن لايفضل حكم أى فرد مدنى....لديه اسبابه .

ولو ناقشت صاحب ....الرأى المختلف عن الرأيين المتداولين ....سوف يعطيك ايضا اسباب مقنعة .

عموما....

نعود للمربع الأول .....أهم شئ مصلحة مصر.

مصر الآن تحتاج لقائد قوى ...عنده ضمير .

سلام.

[Salwa]

انا اللى مش اخوان

وانا اللى مش عسكر

حضرته

جنس ثالث

طابور ثالث

شعب ثالث

سم هارى ثالث

بلا ازرق ثالث

اى ثالث والسلام

وانا اللى عسكر

ومش اخوان

وانا اللى بشم

ريحة الخوان

انا يامصر

واحد من السكان

ملعون ابوكى ياثوره

وانشاله ابات جعان

انا يا اصحاب السعاده

ببساطه بحب البياده

ومهما قلتوا كان وكان

خدت ايه من فلسفتكوا

غير الفوضى والتخوين

وانعدام للضمير قبل الأمان

قلتوا خان

قلتوا سرق الملعرات

ودفن الكفاءات

وساب المرض تفشى

فى الحارات

تلات سنين يابهوات

دقنا فيها المره

من بعد اللى فات

كله بيتباع النهارده

كللللله خد وهات

ماحنا اللى عليمونا

ناكل وننسي مين فاكرنا

يرحمه عبد الناصر

كان قاهرنا

وكان بطلنا

وكان قدرنا

حتى السادات

مستريحناش غير لما مات

حط لسانك فى بؤك

ونقطونا بالسكات ...

شعب مابيعجبهوش العجب

ويسيب رمضان ويصوم فرجب

تحية طيبة .

لاحول ولا قوة الا بالله العلى العظيم ..........يظهر النهاردة يوم الاعتراض ..وقول الحقيقة بلا أى خوف .

هشام الجخ.........غلط ف التشبيه ..( واهان جزء كبير من الشعب )

هو يعنى علشان الكلام ....يركب مع بعضه ...يقوم يقول أى كلام؟

من هو ( ليس مع هذا ولا ذاك )...ليس جنس ثالث .

ليس جنس ثالث ياهشام الجخ...

ليس جنس ثالث ياأخى ابو محمد .

وليس جنس ثالث يااستاذ محمود.

وليس جنس ثالث يااستاذ باهى .

هذا الشعب يجب احترامه بكل فئاته عند التحدث عنه من ....شاعر .

استسهل الكلام ...استسهل رص الكلام .

استسهل اللغة العامية والوصف بتعبيرات ...جارحة دائما.

كنت احب سماعه...

والآن...بالنسبة لى

انضم هو ايضا الى قائمة .....( من يجب النظر فى موقفهم بتأنى )

دمتم بخير.

[Alshiekh]

ليه مينفعش إني أكون نفسي؟

كفاية عليا أكون مصري

أنا مش فلول

او خلول

ولا إخوان

ولا نسوان

مش حكون سلفي

ولا تلفي

أحبك

أخالفك

أعارضك

ويمكن في يوم

أسقفلك

لما تلعب حلو

على بياض مش ماضي

تقول خاين تقول هاين

حكون نفسي

حكون عقلي

أصل أنا تعبت

واتعلمت

هه

اتعلمت !

ان البعض له وش

والف وش

ووش

النهاردة موسي

وبكره طلع فرعون

وامبارح كان شيخ بعمة

ومن أسبوع كان راهب وقسيس

وفاكر نفسي عجوز وضرس

وضأرم

وعارف ابن القرد

مستخبي فين

لقيت نفسي تلميذ

في حضانة الدنيا

اللي فيها مدارس سياسة

ونفاق

وكذب

وخلبصة ومهيصة

مش عايز حد يستغرب

ويتلخبط

دي كلها خلابيط

ولخابيط

خليني أحسن مع البسطاء

مع العبط والسذج

مع الأنقياء

خليني مع اللي مصدق ان جبريل نزل رابعة

ومرسي صلى إمام بخير الأنام

خليني مع السيسي

وهو راكب عل الحصان

عشان يحرر مصر

خليني مع حمدين

يمكن يجيب ناصر

عشان يخربها

وعلى تلها يقعد

واحنا نسقف

ونهتف

نموت نموت

وتحيا مصر

خربانة على دماغنا

ماهو احنا الأصل

في الخيبة

لما حطينا ايدينا

على خدودنا

وقعدنا نتفرج

ونقول له فينك

ياموحد المصريين

توحدهم؟ على إيه؟

انا باقول ايه؟

باين عليا خرفت

وجبت الشرق عجنته في الغرب

وفي الفرن حطيتهم

آل ايه ... باخبز

بس ياخسارة

الكيكة اتحرقت

اصلي مبعرفش أخبز

وضحكوا عليا

لما قالوا لي

الخبيز ده سهل

واحنا معاك ماتقلقش

ميت يوم والطبخة تبقى زي الفل !!!

رجعت اخرف تاني !

ماتفضها بقى سيرة وسيبك من الغم

أنا ماشي

على كرسي هزاز راح اتمدد

واسد وداني

ونضارة غامقة فوق عيني

واتخيل

مركب فضاء جنبي

أركبها ... أطير بيها

أصل أنا طيار !

على ارض تانية

مافيها حد

ولا حقد

راح احط

واقضي باقي ايامي

لو باقي من العمر ايام

بدون دوشة

من غير صداع

ولا تليفزيون

ولا فيسبوك

ولا تويتر

ولا نت

تصبحوا على

ود

[أبو محمد]

فى الحروب لا توجد معارضة .. يوجد خونة

نعم يا شاعر .. بكل تأكيد

وسيظل توقيعى يحملها إلى أقرب الأجلين

وأضفت فى السطر التالى لها

تحيا مصر

نبهنى - إن كانت الغفلة قد أخذتنى - إلى دور المعارضة البريطانية أو الفرنسية أو الإسرائيلية

أثناء الحروب

إلا إذا كنت لا ترى حالة الحرب التى نمر بها

:)

ولأنك شاعر ، شايفها حالة حب

[باهى الطائر الحزين]

على الشمال سوكه

اللى سرق البدله من امن الدوله

على اليمين دومه

اللى حرق المجمع العلمى

فى النص بقى الجخ

اللى سرق القصيده عنوان الموضوع

تم تعديل 22 أبريل 2014 بواسطة Mohammad
حيرتني بصورك الصغيرة !

[Alshiekh]

IMG_5707960525093.jpeg

على الشمال سوكه

اللى سرق البدله من امن الدوله

على اليمين دومه

اللى حرق المجمع العلمى

فى النص بقى الجخ

اللى سرق القصيده عنوان الموضوع

الأشكال دي بتطلع امتى؟

وش إجرااااااااام

[eslam elmasre]

يعني ا للي لا هو مع ا لعسكر ا و مع ا لا خو ان ا صبح هو ا لجنس الثالث

طب على كده بأ ه بالنسبة للجنسين الاساسيين مين فيهم ا لدكر و مين فيهم الا نثى

احب ا تعرف ا كتر على ا لنوع

ما فيش حد ا بن حلال يخد مني و لو حتى بفيز ا مضر و بة اهج من البلد دي اللي عمري ما فكرت ا سيبها و لو حتى في احلك ا لظروف

خلا ص بئينا جنس تالت

و الله تنفع مد خل لقصيدة