نقطه بيضه فى بحر إسود

[التونسى]

https://www.youtube.com/watch?v=E--Kg9Pz_40

[أبو محمد]

https://www.youtube.com/watch?v=E--Kg9Pz_40

أنا زعلان وحاسس بالإحباط عشان شبابنا بتاع ثانوى

اللى بيفهم فى الماث والكيميسترى والفيزيكس

مابيرضوش يكملوا تعليمهم فى مصر فى عين شمس او القاهرة

وبيطلعوا يكملوا فى جامعات بره فى الدول اللى بتقدر علمهم

كده مصر مش حتفهم حاجة فى الماث والكيميسترى والفيزكس

يا خسارة .. لك الله يا مصر

مشكلتى مع زملائى الأكاديميين أنهم يعتقدون أنهم فقط الذين يفهمون

وأن على محدثهم أن ينصت لما يقولونه حتى يتعلم منهم

لى أصدقاء يقاطعون جلساتى مع أصدقائى الأكاديميين لهذا السبب

لأنهم لا يستطيعون التماس العذر لهم كما أفعل

أنا فعلا ألتمس لهم العذر ونَفَسى طويل أوى معاهم

أربعين سنة يا ناس وهم متعودين على One way communication

هم يقولون .. ومن أمامهم يتلقى

وغير مسموح له أن يقول شيئا سوى التماس الإعادة "لأنه مش فاهم"

يا ترى كيف هو منتج الأستاذة سامية من الشباب ؟

مش لازم اللى بيفهموا فى الماث والكيميسترى والفيزيكس عشان دول هاجروا خلاص

نفسى اسمع حد من اللى بيفهم العربى أوالانجليزى او اللاوندى

اللى بتعلمه لهم الأستاذة

[التونسى]

نفسى اسمع حد من اللى بيفهم العربى أوالانجليزى او اللاوندى

اللى بتعلمه لهم الأستاذة

لو قصدك الشباب الصغار من الطلبه وخلافه .. يبقى ده التواصل الضرورى والحتمى والمطلوب يا مان .. لان هما دول غد مصر ووقود مستقبلها .. وهما يمثلوا كتله كبيره من الشعب .. المهم بس نعترف ان فيه مشكله مصيريه تواجهها مصر تتمثل فى انقطاع الحبل السرى بين الجيل القديم وبين الجيل الجديد .. الشباب دول قنبله موقوته .. على ايامنا وحتى ايامك استاذى الفاضل كنا بنلاقى مهرب او منفذ نخرج منه للبحث عن فرص للحياه فى دول اخرى كالخليح واوربا واميركا فى ظل غياب العداله من كافة جوانبها .. و ضيق سبل العيش فى مصر لمن ليس لديه واسطه او جاه او مال .. زمان وحتى وفت بعيد كان السفر سهل ومتاح .. دلوقتى بقى تقريبا ضبه ومفتاح .. يعنى مرجل الوطن المكتوم حيفضل يغلى ويغلى من غير تنفيس ..لا بديل عن التواصل والاهتمام بالشباب والاستماع لهم وعدم التعالى عليهم من قبل السلطه القائمه والقادمه

[herohero]

فعلا الحوار ف اتجاه واحد شئ صعب ، مش عارف رغم ان شايفه شئ محبب في منتدانا العزيز

[Scorpion]

يا استاذ هيرو فين الأتجاه الواحد ده بس ...ما احنا عمالين نمشي في الاتجاهين اهه محترمين اشارات المرور ...

انت بس بص عالشارع كويس و انت حتلاقي اكتر من اتجاه ..

[أبو محمد]

لو قصدك الشباب الصغار من الطلبه وخلافه .. يبقى ده التواصل الضرورى والحتمى والمطلوب يا مان .. لان هما دول غد مصر ووقود مستقبلها .. وهما يمثلوا كتله كبيره من الشعب .. المهم بس نعترف ان فيه مشكله مصيريه تواجهها مصر تتمثل فى انقطاع الحبل السرى بين الجيل القديم وبين الجيل الجديد .. الشباب دول قنبله موقوته .. على ايامنا وحتى ايامك استاذى الفاضل كنا بنلاقى مهرب او منفذ نخرج منه للبحث عن فرص للحياه فى دول اخرى كالخليح واوربا واميركا فى ظل غياب العداله من كافة جوانبها .. و ضيق سبل العيش فى مصر لمن ليس لديه واسطه او جاه او مال .. زمان وحتى وفت بعيد كان السفر سهل ومتاح .. دلوقتى بقى تقريبا ضبه ومفتاح .. يعنى مرجل الوطن المكتوم حيفضل يغلى ويغلى من غير تنفيس ..لا بديل عن التواصل والاهتمام بالشباب والاستماع لهم وعدم التعالى عليهم من قبل السلطه القائمه والقادمه

ما تتحدث فيه يا شاعر هو موضوع مهم بلا شك وهو من همومى "المستمرة"

موضوع التواصل بين الأجيال .. وكويس جدا انك شايفه "تواصل"

وأعتقد أنك تراه كذلك لأنك تعديت مرحلة سن المراهقة الفكرية

التى تشخص "الهم الثقيل" على أنه "صراع" أجيال

لكن - يا عزيزى الشاعر - هذا موضوع آخر غير ما طرحته فى الفيديو (بدون تعليق)

وبذلك استلمت أنا منك طرف الخيط وقلت وجهة نظرى فى الفيديو

وفى الشخصية التى تلعب الدور الرئيسى فيه

تواصل/صراع الأجيال طرح فى موضوعات أخرى أرجو أن تبحث عنها وتثريها

آخر مرة فتحت - أنا - فيها الموضوع كانت فى باب "الفنون" واستخدمت أغنية أجنبية

كمدخل له .. الموضوع كان عنوانه

ولدى : أنا "أعرف" كيف انت فى عمرك .. ولكنك "لا تعرف" كيف أنا فى عمرى

هذا ما رأيته أنا فى الفيديو الذى وضعته لنا (بدون تعليق)

ولعلك ترى الآن سبب رفض الإدارة وضع لينكات أو قص ولصق مواضيع وفيديوهات

بدون تعليق من العضو يشرح فيها وجهة نظره فيحذف أحد المشرفين تلك المداخلات

التى بدون تعليق .. لأنك بتبص تلاقى المواضيع بقت سَلـَطة

دلوقت انا استلمت الموضوع منك وقلت وجهة نظرى فى الفيديو

تحب نكمل كلام على الشخصية الرئيسية (كنموذج) ولا لك رأى تانى ؟

[الترجمـان]

للأسف إن الحوار محتاج تربية ...

والتربية تكاد تكون معدومه ... ولا حول ولا قوة إلا بالله

[أبو محمد]

للأسف إن الحوار محتاج تربية ...

والتربية تكاد تكون معدومه ... ولا حول ولا قوة إلا بالله

خصوصا فى الحوار وجها لوجه

على الأقل فى الحوار عبر الانترنت ماتلاقيش الاتنين بيتكلموا فى نفس الوقت

لى صديق يعيش فى كندا من السبعينات وقليل النزول إلى مصر

قابلته الصيف الماضى فقال لى أنا اكتشفت ان المصريين عندهم خاصية فريدة

الواحد من دول تيجى تكلمه يكلمك .. ما يسمعكش

وبصفته مهندس اتصالات وضحت له المسالة

وهى إننا فى حواراتنا بتبقى إجهزة الإرسال شغاله زى الفل

أما أجهزة الاستقبال فبتبقى إما عطلانة أو مقفولة

سواء كانت الحوارات وجها لوجه أو عبر الانترنت