تختار مين يعمل العمليه الخطيره دي لوالدك اللي على وشك الموت؟

[MZohairy]

لو ابوك بيموت و نايم في غرفة العمليات في حاله شديدة الخطوره

و فيه 2 دكاتره بس

واحد هينقذه من الموت بس مايضمنلكش انه يمشي.على رجليه

و التاني بيضمنلك يرجعه شباب بس مش ضامن ان فريق المعاونين في غرفة العمليات

يساعدوه...و كمان يمكن يشنكلوه و هو بيعمل العمليه

تختار مين يعمل العمليه للسيد الوالد؟

[Alshiekh]

الوالد الله يرحمه والوالدة الله يرحمها،

وبناء على ذلك سوف أفترض أن المريض هو أنا،

سوف أقول لهم

"لن أعيش نصف ماعشت، فاختاروا الدكتور اللي يخلص بسرعة"

[التونسى]

لو انا مكنتش حقاطع الانتخابات كنت لا يمكن ابدا اكررنفس الغلطه وارشح حد من خارج الموسسه العسكريه .. لان زى ما قلت فى موضوع اخر ان المزاج العام للجيش والشعب والموسسات الخدميه والسياديه والرقابيه والتنفيذيه والاعلاميه بيميل ناحية الرئيس ذو الخلفيه العسكريه .. يعنى لو نجح حمدين حتبقى كارثه وحتتكرر نفس ماساة مرسى .. يعنى رئيس اخر بلا انياب .. رئيس مع ايقاف التنفيذ .. رئيس مهدد بالازاحه من السلطه ركلا بالبياده فى اى لحظه .. يعنى حختار الدكتور الاول وكلى حسره انى بختار ما بين السيئ والاسوء

[MZohairy]

اتفق معاك قلبا و قالبا يا شاعر

رغم ان الموضوع طبي و عائلي و مالوش دعوه بالسياسه :)

[MZohairy]

بس بيني و بينك

هم ماخدوهاش منه يا فنان

هو اللي اداهالهم

كذب كتير و ضعف كتير و اونطه كتير و كلام مالوش معنى كتير

يستحق 100% ما حدث له

سلمهالهم تسليم مفتاح

[أبو محمد]

على فكرة يا مايسترو

إنت مثقف خطير

إسمع دى .. على فكرة ما تطلعش غير للغاليين بس

أحلام إنت خطير لطفي عبد الهادي أحمد حسين.mp3

[أبو محمد]

لو انا مكنتش حقاطع الانتخابات كنت لا يمكن ابدا اكررنفس الغلطه وارشح حد من خارج الموسسه العسكريه

المقاطعة سلبية

هذا ما توصلت إليه عندما كنت أنوى انتخابات الإعادة بين مرسى وشفيق

فقررت النزول ووضعت X على كل منهما .. معناها لا أوافق على أى منهما

بهذا أكون قد عبرت عن رأيى أفضل من الاكتفاء بدور المتفرج .. ولا مؤاخذة

لو مش عاجباك الانتخابات نفسها كمبدأ

إنزل أيضا وضع ورقة بيضاء .. معناها أنك ترفض الإدلاء بصوتك

[MZohairy]

انا متيقن و متأكد من زوال خطر الاخوان بشكل نهائي

بس دلوقتي فعلا اي رئيس غير عسكري سيعامل بشكل او بآخر زي مرسي

[أبو محمد]

انا متيقن و متأكد من زوال خطر الاخوان بشكل نهائي

بس دلوقتي فعلا اي رئيس غير عسكري سيعامل بشكل او بآخر زي مرسي

خلينى أحط جملتك بكلمات أخرى يا مايسترو

أنا كنت ممن لا يحبذون أن يترشح السيسى للانتخابات

ورأيى ده لا يحتاج لتسجيل فهو مسجل فى أكثر من موضوع

ولكن .. حتى وإن كان الاتنين المرشحين غير عسكريين

فإن مصر لا تحتمل - حاليا - رئيس ناجح بمجموع خمسين فى المية وشوية من الأصوات

الصعوبات والبلاوى اللى بتواجه مصر داخليا وخارجيا

بتحتاج رئيس يكون فى ضهره أغلبة ساحقة من الشعب المصرى

هاتلى مرشح غير "الغلبان" ده يتمتع بهذه الأغلبية الساحقة