مكنتش اعرف يعنى ايه قلة حيلة ؟؟؟

[Salwa]

من امتى بدأت اشعر بكدة ؟؟؟؟

من فترة ....صح ؟؟؟

واللى اكد لى صدق احساسى ....وتثبيته ..(( مش تثبيت من بتاع الجيش ؟؟ ))..يوم الأربعاء الأسود ..

معرفش ليه افتكرت يوم الاثنين الاسود واللى حصل من سنوات ومشكلة الدولار ...بس لأول مرة فى حياتى افكر ...

بس الاثنين بتاعهم غير الاربعاء بتاعنا ....

دول خسروا اموال ...واحنا خسرنا كل شئ ....خسرنا المال ومقدرناش نحمى حتى العرض ..هتكوا اعراض بناتنا والكل كان واقف يتفرج ..وبعدها يشجب ويطالب بالمحاكمة لكن ؟؟؟ محدش لسة حاكم حد .....وهو مين الحاكم ومين المحكوم ؟؟؟

وآهى هيئة الدفاع عن حقوق الانسان معاها الصور وبتطالب بالتحقيق ...

ايه اللى بيحصل ؟؟ ده مش كل السواد زى بعضه ....

سوادهم مقدور عليه وله علاج ....وسوادنا ملهوش علاج وحايفضل اسود طول ماحنا شايفينهم .....وطول ماحنا ساكتين ...وطول ماحنا ما بيدنا حيلة ...

نادوا الحريم ...الامهات ...صرخوا ...علقوا لافتات ...اعلنوا الحداد ...ارتدوا السواد ...

وافتكرت ...

افتكرت امهات ارتدت السواد من زماننننننننن.....من اول ما اولادهم كبروا وبداءوا يتعلموا معنى كلمة حرية ...معنى كلمة عزة نفس ...يعنى ايه حقوق وواجبات ؟؟؟ يعنى ايه مبادئ ؟؟ يعنى ايه حاكم ومحكوم ؟؟؟ ايه هو الدين ؟؟ ايه هو احترام الآخر ؟؟ ايه هى العدالة والمساواة ؟؟؟.

واتقلبت الآية ....وبدل الشعور بالفخر لحسن التربية ..بقى شعور بالقهر برضه لحسن التربية ...

و.عرفوا كتير .......دخلت حياتنا كلمات غريبة اكثرها كانت ...ما يسد الرمق .....يعنى ايه ما يسد الرمق ؟؟؟ يعنى ايه شظف العيش ؟؟؟ يعنى ايه ويعنى ايه ويعنى ايه ؟؟؟

يعنى ايه قهر ؟؟ يعنى ايه ذل ؟؟؟ يعنى ايه ....خضوع ؟؟ وايه الفرق بينها وبين ..خنوع ؟؟

يعنى لاشئ ؟؟؟ هل هذا معناه ؟؟؟ هل هذا ما تعلمناه وعلمناه ....

واستمع التلميذ النجيب لدرس استاذه ....وخرج سلميا يطالب بحقه ...ينادى بمطالب له ولغيره .

يطلب الكلمة ....يطلب الوفاء بالوعد ....يطلب تطبيق العدالة .....وماذا كان مصيره ؟؟؟

شومة او هراوة على رأسه .....

صرخ....

ضحكوا ...

وقع ..محطش منطق ...(( مش هو ده المنطق اللى اتعلموه ؟؟ )) ...

ضمدوا جراحه فى بيتهم ...هناك فى بيتهم ....بعيد عن الخلق وكأنه اجرم وضبط يتجسس لحساب الأعداء .....(( والأعداء حقيقة فى الداخل...ليس لدينا اعداء فى الخارج .. )) ..

فيه اتفاقيات كتيرة للسلام والاستجمام .....هناك فى المنتجع..اللى هناك واللى هنا وغيره برضه ....

واللى حايتكلم يا...(( كلاب )) ..هاهو مصيره ....

ايه اللى يثبت ان احنا ؟؟؟ ..فين الشومة اللى عليها دم ؟؟؟ ...فين المرحوم ؟؟ هاتوه يعترف ....كان عاوز يعمل انقلاب ....

قال قائل .....ياعم دى عيال(( فافى ))...ده ابن امه ...جاى يصرخ ليه ؟؟؟ عيال ما بتحمدش ربنا ...عيال ما بتقدرش ...هو احنا فاضيين لهم ...!!!

والأهل ؟؟؟

لملموا جراحهم وهم ساكتين ...حايشتكوا لمين ؟؟؟ طيب فين الاثبات ؟؟؟ طيب مين القاضى ؟؟؟ طيب فين القاضى اللى حايجرؤ يحكم بالعدل ؟؟؟ واين العدل ؟؟؟

وفى يوم فاض بى ....

واشتكيت ....

قلت ...(( لدستة اشرار اخيار ....برضه زيى فى موقع مسئولية )) ..انا تعبت ...تعبت قوى

مقدرش مبقاش انا ...وتعبت انى ابقى انا ...تعبت من نفسى ومن سكوتى ...ومقدرش اصرخ ولا اقول ولا اتكلم ...

لقيت واحد بيقول .....كبيرنا فيه وفيه وفيه .... ...

قلت له لالالا خللى بالك الا دى ..........فيه خيط رفيع بين (( ؟؟؟ )).و..فيه نقطة بس بين رفيع ورقيع...

طلع تانى يقول ...احنا اغنام ..............تعبت من الرد ...استخسرت الرد ...

رغم الجرح ..ورغم الاهانة ....فضلت فى حالة صمت ..

كنت زمان ساعات كدة بحس انى بكلم نفسى ...بتكلم جوة نفسى كلام محدش بيسمعه الا احشائى ...(( اقصدها بمعناها )) ..بدليل انى بشعر بعدها بآلام رهيبة ...حتى الطبيب شخص حالتى بانها قلق وحالة نفسية ...كيف ؟؟؟

افترى بقى ....

انتى عاوزة ايه اكتر من كدة ؟؟؟

خليكى فى حالك ؟؟؟

عايشة على مبدأ ......من رأى منكم منكرا ؟؟؟

قلت اروح انا كمان واكتب اسمى ...فى دفتر المعترضين واذكر اسباب شكوتى ...وابعتها توصل عالية لفوق ....

لقيت كتير كتير كتير سبقونى .......واقفين طابور طويل ....وآخرهم بيستدير للعودة ...

والباقى وراه ....يحذو حذوه ....العودة للخلف ...مفيش تقدم للامام ...

بصيت لهم ؟؟؟ واحترت فى شكلهم ؟؟ شباب شاب ....شاب الشباب قبل الأوان ...وسألتهم

حانعمل ايه ؟؟؟ رموا لى جرائد كانت فى ايديهم ...قالوا لى انتى فين ؟؟؟ ده حتى ممنوع تروحى تحتجى ...عاوزة تدخلى فين ....؟؟؟...حرام عليكى نفسك ؟؟ مفيش فايدة ؟؟ مش كفاية حماسك ضيع الشباب ؟؟؟ سمعوا الكلام وكانت ايه النتيجة ؟؟؟ مفيش فايدة ؟؟؟

قفلوا باب الاحتجاج ......

قفلوه ...لغوه.....

ممنوع تعترض ...

لازم تطاطى وتقول نعم ؟؟؟ ....قلت بدهشة ؟؟؟.........نعم ؟؟؟

صرخ كهل ....ايوةةةةةةةةةةة ..هى دى ....بس بدون استغراب ولا استعجاب ...

واستدرت انا ايضا .....

ابحث عن طريق .......بعيدا عن طريقهم...الملئ باليأس ..

كان مازال عندى امل ....كنت احلم ...كنت اعيش الحلم ....

ووجدت نفسى بدون ان ادرى .....انظر مرة اخرى للصور ...صور نساء ...قوارير ...

يصرخن (( رأيت صور تتحدث عن نفسها )) ...يعتدوا عليهن ...يمزقوا ملابسهن ....

وصورة مطبوعة (( لكبيرنا ))... يرفع عليها شخص ..مواطن مقهور ....حذاؤه.

وضحكت ....

غصبا عنى ....ضحكت ...

.هاهو المارد يخرج من القمقم ...بدون اى تزويق او مراعاة لشعور..وبدون اى احساس بالآم الهراوات ...

حزينة انا للطرفين ...

تذكرت مثل ...كانت تقوله جدتى ...

من ده ...جه ده ...

[Salwa]

معرفش ابدا منين ؟؟

والا المفروض مبدأش خالص ......

المفروض افكر واسكت ...او ...مفكرش خالص .

لاحظته انا كمان كما لاحظه غيرى وكنت بلاحظه من زمان ..كان دائما فى حالة تشعرك انه كبير ..

كبير قوى ....عنده حماس يكفى الكون كله ....

يكلمك بكل الكلام الكبير وكأنه هو نفسه مقتنع بيه جدا جدا وعاوزك تقتنع بيه معاه ..وحتى ان كنت مش مقتنع بنصف اللى بيقوله لكن ثقته فى نفسه او بعض من قدرته الفائقة على الاقناع تجعلك تستمع له ؟؟

عاوز يصلح الكون كله ...........

لايوجد الا طريق واحد للخلاص........اتبعونى ..

وحدث شئ لم يكن فى الحسبان ............

ضغطوا عليه ...

ضغطوا اكثر....

فجأة ...

جاع.....جاع للسلطة والطعام والمركز والجاه ووووووو.......الخ.

وضعوا له على البعد .............ماظن انه حلال له ..

وكما يتم صنع مصائد للغوريللا ........وعمل جحر على قد يد الغوريللا فقط ..

ويضعوا داخله حبات من الجوز .......

فعند وضع يدها وكبش الجوز بها ...لن تستطيع اخراجها ....ورغم ذكاءها ...لن تترك الجوز ....فهى ماصدقت انها وجدته ....لن تكتشف المصيدة ...

وسوف نرى نظرات الحزن بعدها ....بعد فوات الآوان ..

ذهب الى المصيدة بقدميه وهو مقتنع انه على حق......

حاول الخروج فلم يستطع ......

وجد نفسه ..(( حرا ))...فقط وهو بينهم ..(( منوم مغناطيسيا ))..

يردد ما لقنوه له ...

لم يشعر بالذنب ....لم يشعر بالأسى ...

يعتقد انه لم يفعل غير الصواب ....

انه فقط ....

كان ياخذ حبات من الجوز .....

ونقف امام امثاله ...بمنتهى الحزن ....نشعر بكل ...(( قلة الحيلة ))...